SHURAI 40
40
Josef nou Hukha loumai Me Paola Peiyu
1Teile khaoli buyu thailo Ejipt hi veo vei zhaohpai khailayu hi peikhowo ae raokhao khaoyu hi peikhowo puhai nou veo nghoujü nou vah soumah peiwure. 2Veo nou puh kilai ahai hisü rarou loua 3puhaiye sü reihmai peikhowo ki hukha Josef ye pothou khaiyu buh sünahi pothou khaire. 4Puletao nou hukhaki hi teile taoli koa bukouyu kisü, hukhaki hi peikhowo nou Josef ye panou zhure donou puh bah hi thaothou peiwure.
5Teitheli khei veo vei pai khailayu puona ae raokhao khaoyuna puhai maihai kheinou me mure, alia mesü qo takukue. 6Josef nou shonah puhai hi takouyu kisü puhai sü levea bure. 7Puhnou Pharaoh vei kilai nahai hisü noue, “Nehai zhou daisounou leveawe?”
8Puhai nou chila peie, “Ahai nou me tsükhei mue alia buh haihi sü mailia me nasü daidonoue touyu paola peiloure mai hae.”
“Me paola peiloure sü Ramai bah hi bumowu? Nehai vei me sü ahi paokhaio” tea Josef nou paore.
9Veo vei pai khailayu nanou puhvei me haikua paore, “Ame kounou darkhabe ali bua ngaoe, 10alia sünasü bo asü pfüwe. Darkhabe nanou nghou lahpaloua papa-a thou shiloure. 11Esü Pharaoh veo vei pai poa bue alia Enou darkha shithou sü poloua veo vei pai hi dzü süthou loua puh bah hi peie.”
12Josef nou paoe, “Süna vei qo sü haikue: bo asü nasü teithe asüe. 13Teithe asü thai veo nou neye hukhaki hinou ne mah khaipeia phapeilai alia nevei vahbuh nahisü dakhailou raichoki büa nenou puh pai polah peilai. 14Ana nenou haitao veteloure touyu phaki Eye lichopeio, ae avei ko hai veo hia paopeia panou E-a hukhaki haihi nou phaloure donou soukha peio. 15Cheche vuzünou Eye Ebriamai dei hinou nüloua baie, alia hai hia Eye hukhaki hi thouzüyu mah lia Enou soumoe.”
16Raokhao khaoyu kilai puona nou veo vei pai khaila peiyu navei me hai vei-a paola peikhaie, puhnou Josef hisü paoe, “E-a meli haibüa mue: Esü raokhao sülai asü apei hinou pfülaia bue. 17Sülai peikhana hisü Pharaoh donou raokhao tyatyali thou khaitoue, ana teihi raohou khenou sütaosü apei hinou daotoua bue.”
18Josef nou haibüa paola peie, “Süna vei qo sü haikue: Sülai asü nasü teithe asüe. 19Teithe asü thai veo nou neye pophaloua nepei sü daodelai. Süthaisü ne pfüphao hai poa süübe alihi vaokhai peia panou tei raohou khenou nesou sü panou daotoulai.”
20Teithe asü zhousü veo vei nayu teithe kou daore, südonou puhnou puhvei vahsoumai hrülaiye vaipeie, alia puhnou puh pai khailayuna ae raokhao khaoyu peikhowo puhaiye vakou sapaloua puhvei kilai kukhe mai hi sakou khaire. 21Puhnou puh pai khailayu nasü raichoki puhvei vahbuh hi pothou khaipu peire, 22ana Josef nou puhai hi me paola peiyu büa raokhao khaoyu nasü rainou daothare. 23Ana veo vei darkha pai polayu nanou Josef ye licho peilou moa ngaiwure.
Currently Selected:
SHURAI 40: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 40
40
Josef nou Hukha loumai Me Paola Peiyu
1Teile khaoli buyu thailo Ejipt hi veo vei zhaohpai khailayu hi peikhowo ae raokhao khaoyu hi peikhowo puhai nou veo nghoujü nou vah soumah peiwure. 2Veo nou puh kilai ahai hisü rarou loua 3puhaiye sü reihmai peikhowo ki hukha Josef ye pothou khaiyu buh sünahi pothou khaire. 4Puletao nou hukhaki hi teile taoli koa bukouyu kisü, hukhaki hi peikhowo nou Josef ye panou zhure donou puh bah hi thaothou peiwure.
5Teitheli khei veo vei pai khailayu puona ae raokhao khaoyuna puhai maihai kheinou me mure, alia mesü qo takukue. 6Josef nou shonah puhai hi takouyu kisü puhai sü levea bure. 7Puhnou Pharaoh vei kilai nahai hisü noue, “Nehai zhou daisounou leveawe?”
8Puhai nou chila peie, “Ahai nou me tsükhei mue alia buh haihi sü mailia me nasü daidonoue touyu paola peiloure mai hae.”
“Me paola peiloure sü Ramai bah hi bumowu? Nehai vei me sü ahi paokhaio” tea Josef nou paore.
9Veo vei pai khailayu nanou puhvei me haikua paore, “Ame kounou darkhabe ali bua ngaoe, 10alia sünasü bo asü pfüwe. Darkhabe nanou nghou lahpaloua papa-a thou shiloure. 11Esü Pharaoh veo vei pai poa bue alia Enou darkha shithou sü poloua veo vei pai hi dzü süthou loua puh bah hi peie.”
12Josef nou paoe, “Süna vei qo sü haikue: bo asü nasü teithe asüe. 13Teithe asü thai veo nou neye hukhaki hinou ne mah khaipeia phapeilai alia nevei vahbuh nahisü dakhailou raichoki büa nenou puh pai polah peilai. 14Ana nenou haitao veteloure touyu phaki Eye lichopeio, ae avei ko hai veo hia paopeia panou E-a hukhaki haihi nou phaloure donou soukha peio. 15Cheche vuzünou Eye Ebriamai dei hinou nüloua baie, alia hai hia Eye hukhaki hi thouzüyu mah lia Enou soumoe.”
16Raokhao khaoyu kilai puona nou veo vei pai khaila peiyu navei me hai vei-a paola peikhaie, puhnou Josef hisü paoe, “E-a meli haibüa mue: Esü raokhao sülai asü apei hinou pfülaia bue. 17Sülai peikhana hisü Pharaoh donou raokhao tyatyali thou khaitoue, ana teihi raohou khenou sütaosü apei hinou daotoua bue.”
18Josef nou haibüa paola peie, “Süna vei qo sü haikue: Sülai asü nasü teithe asüe. 19Teithe asü thai veo nou neye pophaloua nepei sü daodelai. Süthaisü ne pfüphao hai poa süübe alihi vaokhai peia panou tei raohou khenou nesou sü panou daotoulai.”
20Teithe asü zhousü veo vei nayu teithe kou daore, südonou puhnou puhvei vahsoumai hrülaiye vaipeie, alia puhnou puh pai khailayuna ae raokhao khaoyu peikhowo puhaiye vakou sapaloua puhvei kilai kukhe mai hi sakou khaire. 21Puhnou puh pai khailayu nasü raichoki puhvei vahbuh hi pothou khaipu peire, 22ana Josef nou puhai hi me paola peiyu büa raokhao khaoyu nasü rainou daothare. 23Ana veo vei darkha pai polayu nanou Josef ye licho peilou moa ngaiwure.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.