EZEKIEL 35
35
Ramai nou Edom Maiye Tudeiyu
1 Mapao nou ahi haibüa paoe, 2“Thai-a bailaiyu mainare, Edom maivei tyahrü sü Enou aetou more tea paopeio. 3Maikhe maitao hisü Ramai Mapao Enou haibüa pao-a nou bure tea paopeio:
Edom maivei deichitaore, Enou neletaoye ngaobayu nasü souta laire!
Enou neye soushiwua souha khaiwulai.
4Enou neletao vei nuhdu khesü soushilai,
ae neletao vei teidei sü soupa rarou khaiwulai;
süthaisü neletao nou E hai Mapao-e touyu sü süloulai.
5“Nenou Israel maiye raichoki nou zhou koute hai hraikoute-a baie, ae puletao nou veahoyu phaki ae puletaoye akhai sou-a tudee peiyu phaki nenou puletaoye sü southa peie. 6Südonou chuo Ramai Mapao E hai cheche vuzünou hriyu Ramai thaifüa athai nasü neletao vei soulai ae neletao mailia tureipa louhoe. Neletao hai maiye southa mahre, ae southa dathayu nasü neletaoye thaifüa talai. 7Enou Edom maivei deichi khesü soushi souhalai ae sühinou veihao soua tayu mai hrülaiye sü southawulai. 8Enou deichitao hisü thaiphao nou poa raopeilai ae soureih hinou thaiyu maitao vei thaiphao sünou deichi hi ae deikho hisü poa raokhai peilai. 9Enou neye sü teisa donou soushi khaiwulai, ae mailia panou nevei nuhdutao hisü hrüpulai moe. Süthaisü neletao nou E hai Mapao-e touyu süloulai.
10“Neletao nou tyahrü ahai vei teidei, Judah ae Israel maivei teidei hai neletao vei souloulai ae thaoloulai tea paore. Enou puhai vei Ramai Mapao-e. 11Südonou chuo Ramai Mapao E hai hriyu Ramai thaifüa neletao nou lekha payu, maiye ngaoraiyu donou ae avei maitaoye ngaorayu donou Enou paoh khapeilai. Neletao nou puletao hi soupeiyu thaifüa Enou neletaoye tudee peiyu hai puletao nou süloulai. 12Süthaisü neletao nou Israel maivei deichitao hai paoshi-a puletao vei deichi khesü soushire ae chuo neletao vei soulou laire tea paoyu Mapao Enou süloure touyu hai neletao nou süloulai. 13Neletao nou chipao lako ashi khenou khaophu soua Eye paoshiyu sü Enou chouloure.”
14Ramai Mapao nou paoe, “Enou neye soushi souhakhai toupeilai, ae ne sü kaodu tare touyu ko hai deiphao mai hrülai nou süloua asasholai, 15nenou avei maitao, Israel maiye soushi peiyu phaki asa shoyu büa puletao-a asalai. Seir vei deichitao, Edom maivei teidei veishi hai soushi souhawulai. Süthaisü mai hrülai nou E hai Mapao-e touyu süloulai.”
Currently Selected:
EZEKIEL 35: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EZEKIEL 35
35
Ramai nou Edom Maiye Tudeiyu
1 Mapao nou ahi haibüa paoe, 2“Thai-a bailaiyu mainare, Edom maivei tyahrü sü Enou aetou more tea paopeio. 3Maikhe maitao hisü Ramai Mapao Enou haibüa pao-a nou bure tea paopeio:
Edom maivei deichitaore, Enou neletaoye ngaobayu nasü souta laire!
Enou neye soushiwua souha khaiwulai.
4Enou neletao vei nuhdu khesü soushilai,
ae neletao vei teidei sü soupa rarou khaiwulai;
süthaisü neletao nou E hai Mapao-e touyu sü süloulai.
5“Nenou Israel maiye raichoki nou zhou koute hai hraikoute-a baie, ae puletao nou veahoyu phaki ae puletaoye akhai sou-a tudee peiyu phaki nenou puletaoye sü southa peie. 6Südonou chuo Ramai Mapao E hai cheche vuzünou hriyu Ramai thaifüa athai nasü neletao vei soulai ae neletao mailia tureipa louhoe. Neletao hai maiye southa mahre, ae southa dathayu nasü neletaoye thaifüa talai. 7Enou Edom maivei deichi khesü soushi souhalai ae sühinou veihao soua tayu mai hrülaiye sü southawulai. 8Enou deichitao hisü thaiphao nou poa raopeilai ae soureih hinou thaiyu maitao vei thaiphao sünou deichi hi ae deikho hisü poa raokhai peilai. 9Enou neye sü teisa donou soushi khaiwulai, ae mailia panou nevei nuhdutao hisü hrüpulai moe. Süthaisü neletao nou E hai Mapao-e touyu süloulai.
10“Neletao nou tyahrü ahai vei teidei, Judah ae Israel maivei teidei hai neletao vei souloulai ae thaoloulai tea paore. Enou puhai vei Ramai Mapao-e. 11Südonou chuo Ramai Mapao E hai hriyu Ramai thaifüa neletao nou lekha payu, maiye ngaoraiyu donou ae avei maitaoye ngaorayu donou Enou paoh khapeilai. Neletao nou puletao hi soupeiyu thaifüa Enou neletaoye tudee peiyu hai puletao nou süloulai. 12Süthaisü neletao nou Israel maivei deichitao hai paoshi-a puletao vei deichi khesü soushire ae chuo neletao vei soulou laire tea paoyu Mapao Enou süloure touyu hai neletao nou süloulai. 13Neletao nou chipao lako ashi khenou khaophu soua Eye paoshiyu sü Enou chouloure.”
14Ramai Mapao nou paoe, “Enou neye soushi souhakhai toupeilai, ae ne sü kaodu tare touyu ko hai deiphao mai hrülai nou süloua asasholai, 15nenou avei maitao, Israel maiye soushi peiyu phaki asa shoyu büa puletao-a asalai. Seir vei deichitao, Edom maivei teidei veishi hai soushi souhawulai. Süthaisü mai hrülai nou E hai Mapao-e touyu süloulai.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.