EZEKIEL 30
30
Mapao nou Ejipt Maiye Tudeiyu
1 Mapao nou ahi haibüa nou paopue, 2“Thai-a bailaiyu mainare, Ramai Mapao nou haibüa paoa nou bure tea paopeio. Nenou chipao haitao hai shusoua shapaolai:
Ngaopi shoyu teithe sü velaire!
3Teithe sü nghire, Mapao vei teithe nasü nghire,
Süzhou teithe hai tyahrütao donou teihao chaoyu ae veahoyu teithe sü soulai.
4Ejipt maivei teidei hisü soureih soulai,
ae Sudan hisü veasholai.
Ejipt hisü mai alao soumoa southalai;
puhvei nangi teitei sü potawulai,
ae soushi sasawua thaokhailai.
5“Soureih sühisü Sudan, Lydia, Libya, Arabia ae Kub mai hinou ngapoa nou veyu soureih maitao hai thailai ae avei maitao koute-a thailai.”
6 Mapao nou paoe, “Ejipt maiye vupeia buyu maitao hai kaoduta-a bailai, ae khaophu soua buyu puhvei reihmaitao hai souhawulai. Reilova nou buyu Migdol hinou khelova buyu Aswan nuhdu hi koute hai khoche nou daothawulai. Haisü Ramai Mapao Enou paowe. 7Deiphao hi soushika peiyu teidei ali soulai ae nuhdu khesü soushikhai tou-a thaokhailai. 8Enou Ejipt ye mei shaopeiwua puhye vupeiyu mai ae soukha peiyu mai hrülai hai southakhai toupeiyu thai, puletao nou E hai Mapao-e touyu süloulai.
9“Teithe süna veyu phaki ae Ejipt maiye souhayu thai, Enou dzüluki hinou kopomaiye seiho vaphi tea nou buyu Sudan maiye sü soupi peilai. Teithe sünasü velaire!”
10Ramai Mapao nou paoe, “Enou Babilon hi veo Nebukhadnezzar panou Ejipt teidei hi nangi khesü souhakhai toupeilai. 11Puh ae puhvei zhaipou shisho-a buyu reihmaitao panou tave teidei sü soushikhai toulai. Puletao nou khoche poloua Ejipt ye dulai ae teidei sühisü thaiphao khaiti bailai. 12Enou Nail reidzü sü southelai ae Ejipt maiye sü mai ashimai bah hi thoupeilai. Vakou mainou tave puletao vei tyadei veishi sü soushilai. Haisü Mapao Enou paowe.”
13Ramai Mapao nou paoe, “Enou basharatao hai soushiwulai ae Memphis hi chechemoyu rah khesü souhalai. Mai linoua Ejipt maiye khasa-a hülaiyu hai bulai moe, ae Enou mai hrülaiye sü soupi peilai. 14Enou Ejipt maivei teidei khelova nou buyu taosü soushikhai toulai ae reilova nou buyu Zoan nuhdu nasü meideiwulai. Enou puletao vei Thebes nuhbei nasü tudee peilai. 15Enou Ejipt maivei nuhdu hisü avei lekha rarou koupeilai. Enou Thebes nuhdu hi buyu kini khesü souhalai. 16Enou Ejipt sü mei shaothou peilai, ae Pelusium hai veahosho-a nou bulai. Thebes vei kivo khesü pepota-a bailai ae nuhdu hisü dzüdu hai velai.#30.16 Larübvü ali hi dzüdu hai velai; Hebrew hi sheesha moe. 17Heliopolis ae Bubastis nuhdu hi nahle maitao hai soureih souyu hinou thai bailai, ae mai kukhetao hai vakou nüpoa ta-a bailai. 18Enou Ejipt maivei khouko souphe peiyu phaki ae puletao vei khaophu nasü panou akhai soupeiyu phaki, Tahpanhes nuhdu hai maitei-a bailai. Ejipt hai teihao nou chaoholoua bailai ae puhvei nuhdu teitei hinou hrüyu maitao hai hukhamai soua vakou nüpoa ta bailai. 19Enou hai zhaibüa Ejipt ye tudee peiyu phaki, puletao nou E hai Mapao-e touyu sü süloulai.”
Ejipt hi Veo vei Khouko Hatayu
20Etaoye vakou nüpoa tayu po kiali khouh ali vei khoukha anai zhou Mapao nou ahi haibüa paoe, 21“Thai-a bailaiyu mainare, Enou Ejipt hi veo vei bah hai dashare. Hai nasü panou veiloua khoche popu loure donou mai linoua sah sü züpei moe. 22Südonou chuo Ramai Mapao Enou paowe, Enou Ejipt hi veoye sü hraita laire. Enou puhvei bah ahai nou dashawulai — bah veiyu lova-a ae dasha khaitouyu bah na-a dashawulai ae puh bah hinou khoche sü deiphi dekoua bailai. 23Enou Ejipt maiye sü deiphao veishi hi soupho rarou khaiwulai. 24Süthaisü Enou Babilon hi veo vei bah sü soukhoupu peilai ae avei khoche sü puh bah hi thoupeilai. Ana Enou Ejipt hi veo vei bah sü dashalai ae puh sü lepoa nou puhvei ngaobamai nghoujü nou kaokou thai-a bailai. 25Cheche vujünou Enou puhvei khouko sü souhalai ae Babilon hi veo sü soukhoupu peilai. Enou puh hi avei khoche nasü peiwua puhnou poa Ejipt mai hi poreiveyu phaki, mai hrülai nou E hai Mapao-e touyu sü süloulai. 26Enou Ejipt maiye sü deiphao veishi hi soupho rarou peilai. Süthaisü puletao nou E hai Mapao-e touyu süloulai.”
Currently Selected:
EZEKIEL 30: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EZEKIEL 30
30
Mapao nou Ejipt Maiye Tudeiyu
1 Mapao nou ahi haibüa nou paopue, 2“Thai-a bailaiyu mainare, Ramai Mapao nou haibüa paoa nou bure tea paopeio. Nenou chipao haitao hai shusoua shapaolai:
Ngaopi shoyu teithe sü velaire!
3Teithe sü nghire, Mapao vei teithe nasü nghire,
Süzhou teithe hai tyahrütao donou teihao chaoyu ae veahoyu teithe sü soulai.
4Ejipt maivei teidei hisü soureih soulai,
ae Sudan hisü veasholai.
Ejipt hisü mai alao soumoa southalai;
puhvei nangi teitei sü potawulai,
ae soushi sasawua thaokhailai.
5“Soureih sühisü Sudan, Lydia, Libya, Arabia ae Kub mai hinou ngapoa nou veyu soureih maitao hai thailai ae avei maitao koute-a thailai.”
6 Mapao nou paoe, “Ejipt maiye vupeia buyu maitao hai kaoduta-a bailai, ae khaophu soua buyu puhvei reihmaitao hai souhawulai. Reilova nou buyu Migdol hinou khelova buyu Aswan nuhdu hi koute hai khoche nou daothawulai. Haisü Ramai Mapao Enou paowe. 7Deiphao hi soushika peiyu teidei ali soulai ae nuhdu khesü soushikhai tou-a thaokhailai. 8Enou Ejipt ye mei shaopeiwua puhye vupeiyu mai ae soukha peiyu mai hrülai hai southakhai toupeiyu thai, puletao nou E hai Mapao-e touyu süloulai.
9“Teithe süna veyu phaki ae Ejipt maiye souhayu thai, Enou dzüluki hinou kopomaiye seiho vaphi tea nou buyu Sudan maiye sü soupi peilai. Teithe sünasü velaire!”
10Ramai Mapao nou paoe, “Enou Babilon hi veo Nebukhadnezzar panou Ejipt teidei hi nangi khesü souhakhai toupeilai. 11Puh ae puhvei zhaipou shisho-a buyu reihmaitao panou tave teidei sü soushikhai toulai. Puletao nou khoche poloua Ejipt ye dulai ae teidei sühisü thaiphao khaiti bailai. 12Enou Nail reidzü sü southelai ae Ejipt maiye sü mai ashimai bah hi thoupeilai. Vakou mainou tave puletao vei tyadei veishi sü soushilai. Haisü Mapao Enou paowe.”
13Ramai Mapao nou paoe, “Enou basharatao hai soushiwulai ae Memphis hi chechemoyu rah khesü souhalai. Mai linoua Ejipt maiye khasa-a hülaiyu hai bulai moe, ae Enou mai hrülaiye sü soupi peilai. 14Enou Ejipt maivei teidei khelova nou buyu taosü soushikhai toulai ae reilova nou buyu Zoan nuhdu nasü meideiwulai. Enou puletao vei Thebes nuhbei nasü tudee peilai. 15Enou Ejipt maivei nuhdu hisü avei lekha rarou koupeilai. Enou Thebes nuhdu hi buyu kini khesü souhalai. 16Enou Ejipt sü mei shaothou peilai, ae Pelusium hai veahosho-a nou bulai. Thebes vei kivo khesü pepota-a bailai ae nuhdu hisü dzüdu hai velai.#30.16 Larübvü ali hi dzüdu hai velai; Hebrew hi sheesha moe. 17Heliopolis ae Bubastis nuhdu hi nahle maitao hai soureih souyu hinou thai bailai, ae mai kukhetao hai vakou nüpoa ta-a bailai. 18Enou Ejipt maivei khouko souphe peiyu phaki ae puletao vei khaophu nasü panou akhai soupeiyu phaki, Tahpanhes nuhdu hai maitei-a bailai. Ejipt hai teihao nou chaoholoua bailai ae puhvei nuhdu teitei hinou hrüyu maitao hai hukhamai soua vakou nüpoa ta bailai. 19Enou hai zhaibüa Ejipt ye tudee peiyu phaki, puletao nou E hai Mapao-e touyu sü süloulai.”
Ejipt hi Veo vei Khouko Hatayu
20Etaoye vakou nüpoa tayu po kiali khouh ali vei khoukha anai zhou Mapao nou ahi haibüa paoe, 21“Thai-a bailaiyu mainare, Enou Ejipt hi veo vei bah hai dashare. Hai nasü panou veiloua khoche popu loure donou mai linoua sah sü züpei moe. 22Südonou chuo Ramai Mapao Enou paowe, Enou Ejipt hi veoye sü hraita laire. Enou puhvei bah ahai nou dashawulai — bah veiyu lova-a ae dasha khaitouyu bah na-a dashawulai ae puh bah hinou khoche sü deiphi dekoua bailai. 23Enou Ejipt maiye sü deiphao veishi hi soupho rarou khaiwulai. 24Süthaisü Enou Babilon hi veo vei bah sü soukhoupu peilai ae avei khoche sü puh bah hi thoupeilai. Ana Enou Ejipt hi veo vei bah sü dashalai ae puh sü lepoa nou puhvei ngaobamai nghoujü nou kaokou thai-a bailai. 25Cheche vujünou Enou puhvei khouko sü souhalai ae Babilon hi veo sü soukhoupu peilai. Enou puh hi avei khoche nasü peiwua puhnou poa Ejipt mai hi poreiveyu phaki, mai hrülai nou E hai Mapao-e touyu sü süloulai. 26Enou Ejipt maiye sü deiphao veishi hi soupho rarou peilai. Süthaisü puletao nou E hai Mapao-e touyu süloulai.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.