EZEKIEL 28
28
Tair hi Veoye Aetou more tea Rachipaoyu
1 Mapao nou ahi haibüa nou paoe, 2“Thai-a bailaiyu mainare, Ramai Mapao Enou paoyu avei chipao hai Tair vei veo nahpoutu hi paopeio. Ne hai lah nevei tsüle hinou khaophu soua ne hai rah alie tea kha-a nou bure ae rahtao nou buyu buh, zaidzü nou sühao buyu hinou bulai tea khaophu soua nou bue. Ne hai rah ali-e tea tsücho-a bumala-e, ana ne sü rah moe, thai-a bailaiyu mai ali baie, rah moe. 3Ne hai Danel#28.3 danel: moa Daniel (phoure 14.14 hi zhukhaio). jünou tsü veipu hie. Kheiyu halia ne hinou pokulou hoe tea ne lah tsüchowe. 4Nevei tsüdo aveih ae dokai veiyu sünou shahu ae sana taoli pojüloua ne sü toungiwe. 5Ne sü dokai veisho-a nou huha sü souloue ae chopayu sü souloue. Ne hai nevei nangi buyu donou daizhou koute khaophu sü soudesa!
6“Südonou chuo Ramai Mapao Enou paowe: Nenou rah büa tsü veiwe tea tsüchoyu donou, 7Enou zhaipou shishoyu ngaoba maitaoye sapoa ve neye panou dulai. Puletaoye panou nevei tsüdo aveih ae dokai veishoyu hinou veisho-a soukhai touyu veishi sü soushiwulai. 8Puletao nou neye sü southalai ae neye dzü buyu khüh hi pothou vupeilai. 9Puletao nou neye southalai tea veyu phaki, ne hai rah alie tea khalou süvu? Nenou neye southare maitaoye daolouyu phaki, ne hai thai-a bailaiyu mai ali soua bailai, ne sü rah moe. 10Ne hai sei ali bütoua ramai ye sümoyu vakou mai bah hinou thai-a bailai. Ramai Mapao Enou kharochi hai nasü peiwe.”
Tair hi Veo Kaodutayu
11 Mapao nou ahi haibüa nou paopue. 12“Thai-a bailaiyu punare, Tair hi veo nou vedaoretao donou levea dopfü peio. Ramai Mapao Enou haibüa paoa nou bure tea paopeio. Ne hai vuli hio lichekho tea nou buyu mai ali vei shee soua nou bue. Süteile hi ne hai daizhou koute tsüdo veisa ae zhurao veisa! 13Ne hai Ramai vei kipei, Eden hinou hrüe, ae mutei shoyu chuhva khesü toupfüe: rubi, diamond, topaz, beryl, karnelian ae jasper, sapphires, emeralds, ae garnets. Ne hai sana nou zhusana soua nou pfüe. Sütao hai neye soupeiyu teithe hinou neye donou soupeie.#28.13 Haina nou kaoyu phae neye donou soupeie; Hebrew hi sheesha toumoe. 14Enou ngaopi shoyu rakivamai aliye panou neye khore donou khaipeie.#Enou...khore donou khaipeie; Hebrew hi sheesha timoe. Nenou sheeyu avei deichi hinou hrüe ae mutei chuh paivavayu hinou tae. 15Nevei zhaidou hai neye soupeiyu teithe hinou poa nenou vah ashi soutamo koute hai veisho-a nou lichekho toue. 16Ne hai hupona hüyu ae zhoyu hinou zhoha sholoure, ae hai vanou ne sü zhaipou shitare ae mah soutare. Südonou Enou neye sü avei sheeyu hinou hutawure ae neye khoyu rakivamai nanou neye sü mutei chuh paiva vayu hinou hulaiwure. 17Ne hai zhurao veiyu donou khaophu sü souwe ae ne zhih tayu donou ne sü voyu mai ali büa hrüre. Hai vanou Enou neye sü deiphi hi soukou khaipeire ae veo mai sü deiphi hi soukou khaipeire ae veo mai kukhetao panou ngaopire donou soupeire. 18Nenou mahmo taoli soukhai touyu donou ae huha souyu kaozü moyu alao souyu donou nevei rathoki sü souzhaiwure; Südonou Enou nevei nuhdu khesü mei deipeire. Chuo neye zhuyu mai hrülai neye sü vounai data-a ngao-a baire. 19Ne sü hatare, teisa donou hatare ae neye sülouyu tyahrü hrülai nou ngaopi sholai ae puletao-a neye rai-a bailai momo tea ngaopisho-a nou bure.”
Sidon Maiye Aetoumoe tea Rachipaoyu
20 Mapao nou ahi haibüa paoe, 21“Thai-a bailaiyu mainare, Sidon nuhdu nasü aetou more tea paopeio. 22Puletao hisü Ramai Mapao Enou haibüa nou pao-a nou bure tea paopeio: Oh Sidon Enou neye ngaobayu nasü souta laire; Enou ne hi soupeiyu vahtao donou maikhe mainou Eye paosholai. Neye koa hrüyu maitaoye Enou tudee peiyu phaki, E hai daizhou koute sheeyu Mapao-e touyu hai puletao nou süloulai. 23Enou neletao hisü sounou ashi hai seive peilai, ae neletao vei ludu tao hisü zhe panou külai. Neletaoye sü panou kainghou veishi hinou reih souvelai, ae nevei maitaoye sü southalai. Süthaisü neletao nou E hai Mapao-e touyu sü süloulai.”
Israel Maiye Ha Peilaiyu
24 Mapao nou paoe, “Israel maiye sühaopoa buyu tyahrü ali noua Israel maiye pounghou ae shube büa soushipu khailai more. Ae puletao nou E hai Ramai Mapao-e touyu sü süloulai.”
25Ramai Mapao nou paoe, “Enou Israel maiye tyahrütao hi soupho rarou khaitouyu hinou podakhai ve jüpeilai, ae tyahrü hrülai nou E hai sheewe touyu sü süloulai. Enou avei kilai Jakob hi peikhai touyu teidei, lah puletao vei teidei hinou Israel mai hai hrülai. 26Puletao hai sühinou kaozhou vei-a nou hrüloulai. Puletao nou ki sü soushu loulai ae darkhabe khesü shothou loulai. Israel maiye ngaora-a soushiyu tyahrütaoye sü Enou tudee peilai, ae Israel mai hai zhoukao vei-a hüloulai. Süthaisü puletao nou E hai puletao vei Ramai Mapao-e touyu sü süloulai.”
Currently Selected:
EZEKIEL 28: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EZEKIEL 28
28
Tair hi Veoye Aetou more tea Rachipaoyu
1 Mapao nou ahi haibüa nou paoe, 2“Thai-a bailaiyu mainare, Ramai Mapao Enou paoyu avei chipao hai Tair vei veo nahpoutu hi paopeio. Ne hai lah nevei tsüle hinou khaophu soua ne hai rah alie tea kha-a nou bure ae rahtao nou buyu buh, zaidzü nou sühao buyu hinou bulai tea khaophu soua nou bue. Ne hai rah ali-e tea tsücho-a bumala-e, ana ne sü rah moe, thai-a bailaiyu mai ali baie, rah moe. 3Ne hai Danel#28.3 danel: moa Daniel (phoure 14.14 hi zhukhaio). jünou tsü veipu hie. Kheiyu halia ne hinou pokulou hoe tea ne lah tsüchowe. 4Nevei tsüdo aveih ae dokai veiyu sünou shahu ae sana taoli pojüloua ne sü toungiwe. 5Ne sü dokai veisho-a nou huha sü souloue ae chopayu sü souloue. Ne hai nevei nangi buyu donou daizhou koute khaophu sü soudesa!
6“Südonou chuo Ramai Mapao Enou paowe: Nenou rah büa tsü veiwe tea tsüchoyu donou, 7Enou zhaipou shishoyu ngaoba maitaoye sapoa ve neye panou dulai. Puletaoye panou nevei tsüdo aveih ae dokai veishoyu hinou veisho-a soukhai touyu veishi sü soushiwulai. 8Puletao nou neye sü southalai ae neye dzü buyu khüh hi pothou vupeilai. 9Puletao nou neye southalai tea veyu phaki, ne hai rah alie tea khalou süvu? Nenou neye southare maitaoye daolouyu phaki, ne hai thai-a bailaiyu mai ali soua bailai, ne sü rah moe. 10Ne hai sei ali bütoua ramai ye sümoyu vakou mai bah hinou thai-a bailai. Ramai Mapao Enou kharochi hai nasü peiwe.”
Tair hi Veo Kaodutayu
11 Mapao nou ahi haibüa nou paopue. 12“Thai-a bailaiyu punare, Tair hi veo nou vedaoretao donou levea dopfü peio. Ramai Mapao Enou haibüa paoa nou bure tea paopeio. Ne hai vuli hio lichekho tea nou buyu mai ali vei shee soua nou bue. Süteile hi ne hai daizhou koute tsüdo veisa ae zhurao veisa! 13Ne hai Ramai vei kipei, Eden hinou hrüe, ae mutei shoyu chuhva khesü toupfüe: rubi, diamond, topaz, beryl, karnelian ae jasper, sapphires, emeralds, ae garnets. Ne hai sana nou zhusana soua nou pfüe. Sütao hai neye soupeiyu teithe hinou neye donou soupeie.#28.13 Haina nou kaoyu phae neye donou soupeie; Hebrew hi sheesha toumoe. 14Enou ngaopi shoyu rakivamai aliye panou neye khore donou khaipeie.#Enou...khore donou khaipeie; Hebrew hi sheesha timoe. Nenou sheeyu avei deichi hinou hrüe ae mutei chuh paivavayu hinou tae. 15Nevei zhaidou hai neye soupeiyu teithe hinou poa nenou vah ashi soutamo koute hai veisho-a nou lichekho toue. 16Ne hai hupona hüyu ae zhoyu hinou zhoha sholoure, ae hai vanou ne sü zhaipou shitare ae mah soutare. Südonou Enou neye sü avei sheeyu hinou hutawure ae neye khoyu rakivamai nanou neye sü mutei chuh paiva vayu hinou hulaiwure. 17Ne hai zhurao veiyu donou khaophu sü souwe ae ne zhih tayu donou ne sü voyu mai ali büa hrüre. Hai vanou Enou neye sü deiphi hi soukou khaipeire ae veo mai sü deiphi hi soukou khaipeire ae veo mai kukhetao panou ngaopire donou soupeire. 18Nenou mahmo taoli soukhai touyu donou ae huha souyu kaozü moyu alao souyu donou nevei rathoki sü souzhaiwure; Südonou Enou nevei nuhdu khesü mei deipeire. Chuo neye zhuyu mai hrülai neye sü vounai data-a ngao-a baire. 19Ne sü hatare, teisa donou hatare ae neye sülouyu tyahrü hrülai nou ngaopi sholai ae puletao-a neye rai-a bailai momo tea ngaopisho-a nou bure.”
Sidon Maiye Aetoumoe tea Rachipaoyu
20 Mapao nou ahi haibüa paoe, 21“Thai-a bailaiyu mainare, Sidon nuhdu nasü aetou more tea paopeio. 22Puletao hisü Ramai Mapao Enou haibüa nou pao-a nou bure tea paopeio: Oh Sidon Enou neye ngaobayu nasü souta laire; Enou ne hi soupeiyu vahtao donou maikhe mainou Eye paosholai. Neye koa hrüyu maitaoye Enou tudee peiyu phaki, E hai daizhou koute sheeyu Mapao-e touyu hai puletao nou süloulai. 23Enou neletao hisü sounou ashi hai seive peilai, ae neletao vei ludu tao hisü zhe panou külai. Neletaoye sü panou kainghou veishi hinou reih souvelai, ae nevei maitaoye sü southalai. Süthaisü neletao nou E hai Mapao-e touyu sü süloulai.”
Israel Maiye Ha Peilaiyu
24 Mapao nou paoe, “Israel maiye sühaopoa buyu tyahrü ali noua Israel maiye pounghou ae shube büa soushipu khailai more. Ae puletao nou E hai Ramai Mapao-e touyu sü süloulai.”
25Ramai Mapao nou paoe, “Enou Israel maiye tyahrütao hi soupho rarou khaitouyu hinou podakhai ve jüpeilai, ae tyahrü hrülai nou E hai sheewe touyu sü süloulai. Enou avei kilai Jakob hi peikhai touyu teidei, lah puletao vei teidei hinou Israel mai hai hrülai. 26Puletao hai sühinou kaozhou vei-a nou hrüloulai. Puletao nou ki sü soushu loulai ae darkhabe khesü shothou loulai. Israel maiye ngaora-a soushiyu tyahrütaoye sü Enou tudee peilai, ae Israel mai hai zhoukao vei-a hüloulai. Süthaisü puletao nou E hai puletao vei Ramai Mapao-e touyu sü süloulai.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.