EZEKIEL 24
24
Hakhoyu Lee
1Etaoye nüpoa tayu po akü vei khouh kirou vei khouhkha kirou zhou hai Mapao nou ahi haibüa paoe, 2“Thaia bailaiyu mainare, zhou teithe hai nasü rükhailo, daiolouzü zhou teithe hinou Babilon vei veo nou Jerusalem hai poloure donou sühao loulai. 3Khaityayu avei maitao hi Ramai Mapao Enou nada hai nasü pao-a bure tea paopeio:
Dzü lathouloua lee nasü mei pei hi popa shaokhailo.
4Veikayu soutao sü thou kholo,
khaoraotao ae souphitao,
alia sourao touveitao sü thoulo.
5Zhaotu veikayu sou sünou thou khokhaio,
sou khoyu lee khesü süü#24.5 Haina nou kaoyu phae süü; Hebrew sourao. alao thou deilo,
sübüa dzü sü panou kotao taolo; sourao ae sou khesü kho khaio.”
6Ramai Mapao nou haibüa paoe, “Maiye southayu, nuhdu nasü daizhou koute vealaisa! Nuhdu süna hai dzü khüshee moyu lee ali büre. Souva alili nou popa loua ali-a shokhai peilai moe. 7Nuhdu hisü maiye southakhai touyu sü bure, ana zhe sü deiphi hi soukou moe, pokulou hoyu chuh phao vasü soukou nakhai toue. 8Enou zhe sü panou sühi bua baie, sübüa panou halinoua poku pei moa lekha rarou hinou thasho-a panou khüngu phouloure donou sühi khaipei khaitoue.”
9Haibüa Ramai Mapao nou paoe: “Maiye southayu nuhdu nasü daizhou koute veaho laisa! Enou mei deire süü sü pove khokhai peilai. 10Süü povepu khaio! Mei nghoukei khaio! Sou khesü khokhaio! Khaovudzü sü khothe khaio! Sourao khesü khothou hraivivilo. 11Chuo baosahu lee nasü sakhai-a mei pei popa khailo, ae mei deithou homaralo. Süthaisü khoteikhai touyu lee nasü naanou hinou shee-a bailai, 12Khotei khaitouyu lee nasü hakhai moyuma naanou hinou shee-a bailai.#24.12 Phoure 12 vei nghoujü hinou larücha ahai sü Hebrew hi bue, süsü dai paoyu sümoe. 13Oh Jerusalem, nenou hrü ashi hrüa soupfükhai touyu sünou lah neye sü souzhai loure. Enou neye soushee peire donou te-a buyuma ne sü sheelu more. Avei lekha sünou neletao hi vemoyu thaio neletao hai sheelou hore. 14Ramai Mapao Enou haisü paowe. Enou vah soutare teile sü vere. Enou neletao vei mah khesü khaipeipu laimore moyuma neletaoye leshi zhuvea peipulai more. Neletao nou soupfü khaitouyu thaifüa Enou neletaoye sü tudeelai.” Haisü Ramai Mapao nou paowe.
Rachipaolawo vei Kipfü Thaiyu
15 Mapao nou ahi haibüa paoe, 16“Thai-a bailaiyu mainare, nenou leshi kayu mainaye sü Enou ne hinou bakha ali hinou polaiwulai, ana ne ngheidzüa koulai moe. 17Dopfüa krayu paisü panou chouso. Dopfüyu vei shee soua ne pei saiso, moa phi khaikho taso. Ne pah sü hoso moa dopfüyu mainou touso touyu büa touso hai touso.”
18Shona hai Enou maiye chakua nou buhie, ae koukhe sü achimai hai thaire, alia thainesho hai ahi paopeiyu thaifüa Enou soupeie. 19Maikhe mainou ahi haibüa noue, “Ne daisounou haibüa soupfüwe?”
20-21Südonou Enou puletao hi haibüa paoe, “Mapao nou Israel maitaoye chipao haitao hai paopeio tea paoe, neletao nou khaophu soua buyu alia jüpasho-a ve zhunüyu rathoki nasü Enou souha khaiwulai. Ae neletao vei thaihou maitao hai panou soureih souyu hinou thai-a bailai. 22Süthaisü Enou souyu büa neletao nou soulai. Neletao hai pah sah hopfülai moe moa levea dopfüyu mainou touyu touso hai toulai moe. 23Neletao hai pei saipfülai moe, moa phi sa-a talai moe moyuma dopfüa kra-a kalai moe. Neletao hai lah neletao vei mahmo donou veahoyu sü ngao-a alinou ali hi dopfüa nou bulai. 24Süthaisü Enou neletao hi shee nasü soulai; Neletao nou Enou soupfüyu teitei hai soupfülai. Mapao nou paoe, süolouzü haibüyu khesü vepare toulouzü neletao nou E hai Ramai Mapao-e touyu sü süloulai.”
25 Mapao nou ahi paoe, “Thai-a bailaiyu mainare, chuo puletao nou khaophu soua buyu ae sava-a buyu alia jüpasho-a ve zhunüa buyu rathoki nasü Enou puletao hinou potalai. Alia puletao nahnaotu poutu khesü Enou puletao hinou potalai. 26Enou haibüa soulaiyu teithe zhou sü kamai-a nou turei paloua neletao hisü tave ko hai khesü paolai. 27Süzhou teithe hinou ne hai raolou süyu khouko sü ngaodakhai loulai, ae nenou puhye sü chaku loulai. Haibüa nou nenou maikhe mai hisü shee soungao peilai, ae puletao nou E hai Mapao-e touyu sü süloulai.”
Currently Selected:
EZEKIEL 24: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EZEKIEL 24
24
Hakhoyu Lee
1Etaoye nüpoa tayu po akü vei khouh kirou vei khouhkha kirou zhou hai Mapao nou ahi haibüa paoe, 2“Thaia bailaiyu mainare, zhou teithe hai nasü rükhailo, daiolouzü zhou teithe hinou Babilon vei veo nou Jerusalem hai poloure donou sühao loulai. 3Khaityayu avei maitao hi Ramai Mapao Enou nada hai nasü pao-a bure tea paopeio:
Dzü lathouloua lee nasü mei pei hi popa shaokhailo.
4Veikayu soutao sü thou kholo,
khaoraotao ae souphitao,
alia sourao touveitao sü thoulo.
5Zhaotu veikayu sou sünou thou khokhaio,
sou khoyu lee khesü süü#24.5 Haina nou kaoyu phae süü; Hebrew sourao. alao thou deilo,
sübüa dzü sü panou kotao taolo; sourao ae sou khesü kho khaio.”
6Ramai Mapao nou haibüa paoe, “Maiye southayu, nuhdu nasü daizhou koute vealaisa! Nuhdu süna hai dzü khüshee moyu lee ali büre. Souva alili nou popa loua ali-a shokhai peilai moe. 7Nuhdu hisü maiye southakhai touyu sü bure, ana zhe sü deiphi hi soukou moe, pokulou hoyu chuh phao vasü soukou nakhai toue. 8Enou zhe sü panou sühi bua baie, sübüa panou halinoua poku pei moa lekha rarou hinou thasho-a panou khüngu phouloure donou sühi khaipei khaitoue.”
9Haibüa Ramai Mapao nou paoe: “Maiye southayu nuhdu nasü daizhou koute veaho laisa! Enou mei deire süü sü pove khokhai peilai. 10Süü povepu khaio! Mei nghoukei khaio! Sou khesü khokhaio! Khaovudzü sü khothe khaio! Sourao khesü khothou hraivivilo. 11Chuo baosahu lee nasü sakhai-a mei pei popa khailo, ae mei deithou homaralo. Süthaisü khoteikhai touyu lee nasü naanou hinou shee-a bailai, 12Khotei khaitouyu lee nasü hakhai moyuma naanou hinou shee-a bailai.#24.12 Phoure 12 vei nghoujü hinou larücha ahai sü Hebrew hi bue, süsü dai paoyu sümoe. 13Oh Jerusalem, nenou hrü ashi hrüa soupfükhai touyu sünou lah neye sü souzhai loure. Enou neye soushee peire donou te-a buyuma ne sü sheelu more. Avei lekha sünou neletao hi vemoyu thaio neletao hai sheelou hore. 14Ramai Mapao Enou haisü paowe. Enou vah soutare teile sü vere. Enou neletao vei mah khesü khaipeipu laimore moyuma neletaoye leshi zhuvea peipulai more. Neletao nou soupfü khaitouyu thaifüa Enou neletaoye sü tudeelai.” Haisü Ramai Mapao nou paowe.
Rachipaolawo vei Kipfü Thaiyu
15 Mapao nou ahi haibüa paoe, 16“Thai-a bailaiyu mainare, nenou leshi kayu mainaye sü Enou ne hinou bakha ali hinou polaiwulai, ana ne ngheidzüa koulai moe. 17Dopfüa krayu paisü panou chouso. Dopfüyu vei shee soua ne pei saiso, moa phi khaikho taso. Ne pah sü hoso moa dopfüyu mainou touso touyu büa touso hai touso.”
18Shona hai Enou maiye chakua nou buhie, ae koukhe sü achimai hai thaire, alia thainesho hai ahi paopeiyu thaifüa Enou soupeie. 19Maikhe mainou ahi haibüa noue, “Ne daisounou haibüa soupfüwe?”
20-21Südonou Enou puletao hi haibüa paoe, “Mapao nou Israel maitaoye chipao haitao hai paopeio tea paoe, neletao nou khaophu soua buyu alia jüpasho-a ve zhunüyu rathoki nasü Enou souha khaiwulai. Ae neletao vei thaihou maitao hai panou soureih souyu hinou thai-a bailai. 22Süthaisü Enou souyu büa neletao nou soulai. Neletao hai pah sah hopfülai moe moa levea dopfüyu mainou touyu touso hai toulai moe. 23Neletao hai pei saipfülai moe, moa phi sa-a talai moe moyuma dopfüa kra-a kalai moe. Neletao hai lah neletao vei mahmo donou veahoyu sü ngao-a alinou ali hi dopfüa nou bulai. 24Süthaisü Enou neletao hi shee nasü soulai; Neletao nou Enou soupfüyu teitei hai soupfülai. Mapao nou paoe, süolouzü haibüyu khesü vepare toulouzü neletao nou E hai Ramai Mapao-e touyu sü süloulai.”
25 Mapao nou ahi paoe, “Thai-a bailaiyu mainare, chuo puletao nou khaophu soua buyu ae sava-a buyu alia jüpasho-a ve zhunüa buyu rathoki nasü Enou puletao hinou potalai. Alia puletao nahnaotu poutu khesü Enou puletao hinou potalai. 26Enou haibüa soulaiyu teithe zhou sü kamai-a nou turei paloua neletao hisü tave ko hai khesü paolai. 27Süzhou teithe hinou ne hai raolou süyu khouko sü ngaodakhai loulai, ae nenou puhye sü chaku loulai. Haibüa nou nenou maikhe mai hisü shee soungao peilai, ae puletao nou E hai Mapao-e touyu sü süloulai.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.