EZEKIEL 11
11
Jerusalem ye Tudeiyu
1Ramai vei rako alinou Eye sü saloua Rathoki vei teinghei palova buyu rokhubomü hisü khaipeie. Rokhubomü pe hinou mai kaingou bua nou zhingao-e ae mai sütao hrohisü Azzur nahpoutu Jaazaniah ae Benaiah nahpoutu Pelatiah puhai-a bue, puhai hai tyahrü vei süthai-apei mai-e.
2Ramai nou ahi haibüa paoe, “Thailaiyu mainare, mai haitao nou nuhdu hai hi shodo ashi sü souloua hashi khesü paodou peiwe. 3Puletao nou haibüa paoe, ‘Etao nou thasho-a ki khesü soushu dakhaipu loulai. Nuhdu hai nasü ha khoyu lee büre ae Etao hai lee hinou khoyu sou büre ana Etaoye sü mei hinou vupeia nou buhie.’ 4Südonou chuo thailaiyu mainare, puletao hai hakata laire tea paopeio.”
5 Mapao vei rako sünou ahi sü velou loure ae Mapao nou chipao haitao hai maikhe mai hi paopeio tea paoe, “Israel maitaore, neletao nou chi pao-a buyutao ae tsüchoda-a buyu khesü Enou süwe. 6Neletao nou nuhdu hai hinou mai alao southare, südonou luduva hisü thaiphao nou phoutao-a bure.
7“Südonou Ramai Mapao Enou neletao hisü haibüa paowe. Nuhdu hai nasü hakhoyu lee chekhao-e, ana dainou sou sü soulai? Neletao nou southa khaitouyu thaiphaotao nou sou sü soulai! Neletaoye sü panou nuhdu hai hi bupulai moe. Enou neletaoye sü nuhdu hinou vakou popa shilaiwulai! 8Neletao khoche sü ngaopi homoe? Enou khoche poyu maiye save panou neletaoye sü dulai 9Enou neletaoye nuhdu vei vakou popaloua nou shetumai bah hi thoupeiwulai. Enou neletaoye sü southawulai, 10ae neletaoye panou lah neletao vei teidei hinou soureih mai bah hinou pa thai-a bailai. Süthaisü mai hrülai nou E hai Mapao süe touyu süloulai. 11Nuhdu hai nanou neletaoye sü vupeilai moe. Neletao nou Israel maivei teidei tarali hinou buyuma Enou neletaoye tudee peilai. 12Neletao nou E hai Mapao süe touyu hai süwe, ae neletao nou neletao vei kinapa soua buyu tyahrü kukhe maivei chikha khesü soupfüyu hai avei chekha pfütho-a baie ae avei kharochi züba-a baie.”
13Enou rachi pao-a buyu hinou Pelatiah hai kaokou thaire. Enou deiphi hi apah pfünakou loua haibüa sha-e, “Moe, Oh Ramai Mapao! Nenou Israel teidei hi shokhai toua buyu mai hrülai hai southa bailaiwu?”
Vakou Nüpoa Tayu Maitao hi Ramai nou Apaopeiyu
14 Mapao nou ahi haibüa paoe, 15“Thai-a bailaiyu mainare, Jerusalem hinou hrüa buyu maitao nou neye alia ne thaihou jürai maitao, vakou nüpoa tayu maitaoye haibüa paoa nou bue, ‘Vakou nüpoa tayu maitao hai Mapao hinou dousho-a tare, südonou teidei hai sü puhnou Etaoye peiwure.’
16“Chuo vakou nüpoa tayu maitao hi Enou haibüa paowe tea paopeio. Enou puletaoye sü dousho-a buyu tyahrütao hi seiho panou hrüa baie. Puletao nou taho hrüa buyu teideitao hisü teile daotuli hai Enou puletaoye koa bupeilai.
17“Südonou Mapao Ramai nou haibüa paowe tea puletao hi paopeio. puletaoye Enou souphorarou khaitouyu tyadeitao hinou puletaoye sü save jüloulai ae puletao hi Israel maivei teidei sü peilai. 18Puletao nou teidei hi dakhai velouyu phaki, shishoyu ae ngaorayu bashara khesü puletao nou polaiwulai. 19Enou puletao hi lüthou ashu ae tsüle ashu hai peilai. Chuh büa khousho-a buyu neletao vei lüthou sü Enou popalai peilai ae paochi zülou süyu lüthou sü Enou neletao hi peilai. 20Süthaisü puletao nou avei chikha khesü reihtou touloulai ae Enou kharochi peikhai touyu khesü puletao nou soutousoua züa nou hrülai. Puletao hai avei mai soulai ae Enou puletao vei Ramai soulai. 21Ana Enou sheemoyu ae ngaorayu bashara tho-a buyu maitaoye sü tudee peilai. Puletao nou soupfüyu thaifüa Enou puletaoye tudee peilai.” Ramai Mapao nou hai sü paowe.
Ramai vei Khouko Ava Jerusalem Thaowua Tayu
22Shouh pfüyu khaonatao hai zhaopoa nou tare ae lukiphitao-a puletaoye koa tare. Israel maivei Ramai khouko ava nasü puletao vei pei hinou bue. 23Süthaisü Ramai vei khouko ava nasü nuhdu thaokhaiwua teinghi palova deichi hisü tare. 24Zho kounou Ramai vei rako sünou Eye sü poloua Babilon hi nüpoa ve khaitouyu maitao hisü khaipeie. Süthaisü avei zho hai hatare, 25ae Enou Mapao nou ahi ngaoyu teitei hai nüpoa tayu maitao hi paopeie.
Currently Selected:
EZEKIEL 11: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EZEKIEL 11
11
Jerusalem ye Tudeiyu
1Ramai vei rako alinou Eye sü saloua Rathoki vei teinghei palova buyu rokhubomü hisü khaipeie. Rokhubomü pe hinou mai kaingou bua nou zhingao-e ae mai sütao hrohisü Azzur nahpoutu Jaazaniah ae Benaiah nahpoutu Pelatiah puhai-a bue, puhai hai tyahrü vei süthai-apei mai-e.
2Ramai nou ahi haibüa paoe, “Thailaiyu mainare, mai haitao nou nuhdu hai hi shodo ashi sü souloua hashi khesü paodou peiwe. 3Puletao nou haibüa paoe, ‘Etao nou thasho-a ki khesü soushu dakhaipu loulai. Nuhdu hai nasü ha khoyu lee büre ae Etao hai lee hinou khoyu sou büre ana Etaoye sü mei hinou vupeia nou buhie.’ 4Südonou chuo thailaiyu mainare, puletao hai hakata laire tea paopeio.”
5 Mapao vei rako sünou ahi sü velou loure ae Mapao nou chipao haitao hai maikhe mai hi paopeio tea paoe, “Israel maitaore, neletao nou chi pao-a buyutao ae tsüchoda-a buyu khesü Enou süwe. 6Neletao nou nuhdu hai hinou mai alao southare, südonou luduva hisü thaiphao nou phoutao-a bure.
7“Südonou Ramai Mapao Enou neletao hisü haibüa paowe. Nuhdu hai nasü hakhoyu lee chekhao-e, ana dainou sou sü soulai? Neletao nou southa khaitouyu thaiphaotao nou sou sü soulai! Neletaoye sü panou nuhdu hai hi bupulai moe. Enou neletaoye sü nuhdu hinou vakou popa shilaiwulai! 8Neletao khoche sü ngaopi homoe? Enou khoche poyu maiye save panou neletaoye sü dulai 9Enou neletaoye nuhdu vei vakou popaloua nou shetumai bah hi thoupeiwulai. Enou neletaoye sü southawulai, 10ae neletaoye panou lah neletao vei teidei hinou soureih mai bah hinou pa thai-a bailai. Süthaisü mai hrülai nou E hai Mapao süe touyu süloulai. 11Nuhdu hai nanou neletaoye sü vupeilai moe. Neletao nou Israel maivei teidei tarali hinou buyuma Enou neletaoye tudee peilai. 12Neletao nou E hai Mapao süe touyu hai süwe, ae neletao nou neletao vei kinapa soua buyu tyahrü kukhe maivei chikha khesü soupfüyu hai avei chekha pfütho-a baie ae avei kharochi züba-a baie.”
13Enou rachi pao-a buyu hinou Pelatiah hai kaokou thaire. Enou deiphi hi apah pfünakou loua haibüa sha-e, “Moe, Oh Ramai Mapao! Nenou Israel teidei hi shokhai toua buyu mai hrülai hai southa bailaiwu?”
Vakou Nüpoa Tayu Maitao hi Ramai nou Apaopeiyu
14 Mapao nou ahi haibüa paoe, 15“Thai-a bailaiyu mainare, Jerusalem hinou hrüa buyu maitao nou neye alia ne thaihou jürai maitao, vakou nüpoa tayu maitaoye haibüa paoa nou bue, ‘Vakou nüpoa tayu maitao hai Mapao hinou dousho-a tare, südonou teidei hai sü puhnou Etaoye peiwure.’
16“Chuo vakou nüpoa tayu maitao hi Enou haibüa paowe tea paopeio. Enou puletaoye sü dousho-a buyu tyahrütao hi seiho panou hrüa baie. Puletao nou taho hrüa buyu teideitao hisü teile daotuli hai Enou puletaoye koa bupeilai.
17“Südonou Mapao Ramai nou haibüa paowe tea puletao hi paopeio. puletaoye Enou souphorarou khaitouyu tyadeitao hinou puletaoye sü save jüloulai ae puletao hi Israel maivei teidei sü peilai. 18Puletao nou teidei hi dakhai velouyu phaki, shishoyu ae ngaorayu bashara khesü puletao nou polaiwulai. 19Enou puletao hi lüthou ashu ae tsüle ashu hai peilai. Chuh büa khousho-a buyu neletao vei lüthou sü Enou popalai peilai ae paochi zülou süyu lüthou sü Enou neletao hi peilai. 20Süthaisü puletao nou avei chikha khesü reihtou touloulai ae Enou kharochi peikhai touyu khesü puletao nou soutousoua züa nou hrülai. Puletao hai avei mai soulai ae Enou puletao vei Ramai soulai. 21Ana Enou sheemoyu ae ngaorayu bashara tho-a buyu maitaoye sü tudee peilai. Puletao nou soupfüyu thaifüa Enou puletaoye tudee peilai.” Ramai Mapao nou hai sü paowe.
Ramai vei Khouko Ava Jerusalem Thaowua Tayu
22Shouh pfüyu khaonatao hai zhaopoa nou tare ae lukiphitao-a puletaoye koa tare. Israel maivei Ramai khouko ava nasü puletao vei pei hinou bue. 23Süthaisü Ramai vei khouko ava nasü nuhdu thaokhaiwua teinghi palova deichi hisü tare. 24Zho kounou Ramai vei rako sünou Eye sü poloua Babilon hi nüpoa ve khaitouyu maitao hisü khaipeie. Süthaisü avei zho hai hatare, 25ae Enou Mapao nou ahi ngaoyu teitei hai nüpoa tayu maitao hi paopeie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.