TAPALOUYU 35
35
Soteithe vei Zhaitao
1Moses nou Israel mai hrülaiye kuve jüloua puletao hi paoe, “Haitao hai Mapao nou neletaoye soulo tea kharochi peikhai toue: 2Teithe arou koute neletao hai vah soulai, ana teithe anai zhousü sheeyu teithe ali soua Mapao zhih hinou soteithe soua reihlai. Mai taralia teithe hai zhou vah souyu maiye sü southalai. 3Soteithe zhou hai neletao nou buyu ki hia mei soulai moe.”
Ratho Kipao donou Posheelaretao
(Tap 25.1-9)
4Moses nou Israel mai hrülai hi paoe, “Mapao nou haibüa kharochi peikhai toue: 5Mapao ye posheelare natao sü pove peio. Mai taralia lah nou peinüyu na khesü: sana, shahu, baosahu; 6deizüzüyu sah; daiyu, zainünayu ae horayu pha; nghitu hee nou soukhai touyu sah; 7zhusa nou thoukhai toua horayu zhaotu hee; nghitu hee; akasia süü; 8mei taore theadzü; poa neare theadzü; ae kainüvei pou poa mei deire; 9onaiz chuh, ae mutei chuhtao poa Napao Peichana vei ephod ae khaokhayu sabanü soure donou na haitao sü pove posheela peio.
Rathokipao Soure Natao
(Tap 39.32-43)
10“Neletao hrohinou shara souveiyu mai hrülai nou tave Mapao nou souwo tea kharochi peikhai touyu teitei sü soulai: 11Rathokipao, sünapei hi haore sahtao, pothou vaore hu ae sünavei kayu süütao, deka ae dekabeitao; 12Vo Sübvü ae sünaye kaopore süü, zhuvea apeibu alia sünaye hore haosah; 13taibel ae sünaye kaopore süütao alia sühi loure natao; Ramai ye posheelare raokhao; 14meivabvü khaire buh; meibvü ae sühi loure natao alia meidzü; 15kainüvei pou poa meideire posheelabu ae sünaye kaopore süütao; neare theadzü; mei deire pou kainüvei; Rathokipao vei kikhubomü hi haosah; 16meideia posheelabu ae sünahi baosahu nou kho soukhai touyu natao; kaopoa tare süütao, alia sühi loure paikhaotao; phibah khüre raikhao ae süna khaiyu buh; 17Chikuyu kide hi taloure kikhubomü haosah, dekatao ae dekabeitao, kikha taloure kikhu haosah; 18Rathokipao hi ae chikuyu kide hi na vaokhaire shuhtao alia raitao; 19alia Sheeyu Buh hi napao maitao nou banou poa vah soure sabanütao, Napao Aaron ae puh nahpoutu maitao vei sabanütao; na haitao puletaoye panou soulai.”
Maikhe Maitao nou Posheelana Pove peiyu
20Süthaisü Israel mai hrülai nou Moses hinou taratare. 21Ramai vei vah soure donou peiyu deinou shie tea le deikhai touyu mai hrülai nou lah puletao nou peinüyu na khesü Mapao hi pove sheela peie. Posheelana sütao sü poa Mapao nou bure Rathokipao ae napao maitao vei sheeyu sabanü soulai. 22Südonou naotu poutu, puletao mai hrülai nou lahkuku nou peinüyu na khesü: peih, noubo, bahtoukha, baosa, touh alia sana nou soukhai touyu zhusana tyatyali Mapao hi pove sheela peie. 23Alia deizüzüyu sah; pha daiyu, maomüyu, ae hoyu; nghitu mainou soukhai touyu sah; zhaotu mainou southou homara khai touyu souhee ae souhee buyu maitao nou pove sheela peie. 24Maikhe maitao nou shahu moa baosahu peilou süyu maitao nou Mapao hi pove sheela peie; ae akasia süü buyu maitao nou poa panou Mapao vei vah soure donou pove peie. 25Chuhai soulou süyu naotumai hrülai nou lah puletao bah nou souloua pha daiyu, maomüyu ae homarayu alia züzüyu sahtao sü pove peie. 26Puletao nou nghitu mainou pha-a souloua nou pove peie. 27Peikho maitao nou onyz chuh ae chuh mutei khesü ephod hi alia khaokhare hi thoure donou pove peie, 28alia vusa ae mei taore donou meidzü, neare theadzü alia kainüvei pou poa meideire khesü pove peie. 29Israel mai hrülai nou lah puletao nou peilousü na khesü Mapao nou Moses hi kharochi peikhai touyu thaifüa Mapao vei vah panou soure donou pove sheela peie.
Mapao nou bure Rathokipao Soure Maitao
(Tap 31.1-11)
30Moses nou Israel mai hi paoe, “Mapao nou Judah khü hinou hrüveyu Hur tyao, Uri nahpoutu Bezalel ye doloure. 31Puh hisü Ramai nou soulousüyu dokai, alia sha tyatyali soulou süyu tsü khesü thoupeiwure, 32ae sana, shahu ae baosahu poa zhai tyatyali southoulou süyu, 33chuh dao lousüyu ae süü poa sha tyatyali soulou süyu tsüdo khesü puh hi thoupeiwure. 34Mapao nou puh hi alia Dan khü hinou hrüveyu Ahisamak nahpoutu Oholiab puhai hisü shara soulou süyu dokai teitei sü ae mai hia doupei lousüyu tsüdo khesü peiwure. 35Puhnou puhai hisü shara tyatyali soulou süyu tsüdo, alia sabanü daoyu mainou pha daiyu, maomüyu, homarayu alia züzüyu sah hi cha tyatyali raothou lousüyu büa puhai hisü dokai teitei peiwure.
Currently Selected:
TAPALOUYU 35: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
TAPALOUYU 35
35
Soteithe vei Zhaitao
1Moses nou Israel mai hrülaiye kuve jüloua puletao hi paoe, “Haitao hai Mapao nou neletaoye soulo tea kharochi peikhai toue: 2Teithe arou koute neletao hai vah soulai, ana teithe anai zhousü sheeyu teithe ali soua Mapao zhih hinou soteithe soua reihlai. Mai taralia teithe hai zhou vah souyu maiye sü southalai. 3Soteithe zhou hai neletao nou buyu ki hia mei soulai moe.”
Ratho Kipao donou Posheelaretao
(Tap 25.1-9)
4Moses nou Israel mai hrülai hi paoe, “Mapao nou haibüa kharochi peikhai toue: 5Mapao ye posheelare natao sü pove peio. Mai taralia lah nou peinüyu na khesü: sana, shahu, baosahu; 6deizüzüyu sah; daiyu, zainünayu ae horayu pha; nghitu hee nou soukhai touyu sah; 7zhusa nou thoukhai toua horayu zhaotu hee; nghitu hee; akasia süü; 8mei taore theadzü; poa neare theadzü; ae kainüvei pou poa mei deire; 9onaiz chuh, ae mutei chuhtao poa Napao Peichana vei ephod ae khaokhayu sabanü soure donou na haitao sü pove posheela peio.
Rathokipao Soure Natao
(Tap 39.32-43)
10“Neletao hrohinou shara souveiyu mai hrülai nou tave Mapao nou souwo tea kharochi peikhai touyu teitei sü soulai: 11Rathokipao, sünapei hi haore sahtao, pothou vaore hu ae sünavei kayu süütao, deka ae dekabeitao; 12Vo Sübvü ae sünaye kaopore süü, zhuvea apeibu alia sünaye hore haosah; 13taibel ae sünaye kaopore süütao alia sühi loure natao; Ramai ye posheelare raokhao; 14meivabvü khaire buh; meibvü ae sühi loure natao alia meidzü; 15kainüvei pou poa meideire posheelabu ae sünaye kaopore süütao; neare theadzü; mei deire pou kainüvei; Rathokipao vei kikhubomü hi haosah; 16meideia posheelabu ae sünahi baosahu nou kho soukhai touyu natao; kaopoa tare süütao, alia sühi loure paikhaotao; phibah khüre raikhao ae süna khaiyu buh; 17Chikuyu kide hi taloure kikhubomü haosah, dekatao ae dekabeitao, kikha taloure kikhu haosah; 18Rathokipao hi ae chikuyu kide hi na vaokhaire shuhtao alia raitao; 19alia Sheeyu Buh hi napao maitao nou banou poa vah soure sabanütao, Napao Aaron ae puh nahpoutu maitao vei sabanütao; na haitao puletaoye panou soulai.”
Maikhe Maitao nou Posheelana Pove peiyu
20Süthaisü Israel mai hrülai nou Moses hinou taratare. 21Ramai vei vah soure donou peiyu deinou shie tea le deikhai touyu mai hrülai nou lah puletao nou peinüyu na khesü Mapao hi pove sheela peie. Posheelana sütao sü poa Mapao nou bure Rathokipao ae napao maitao vei sheeyu sabanü soulai. 22Südonou naotu poutu, puletao mai hrülai nou lahkuku nou peinüyu na khesü: peih, noubo, bahtoukha, baosa, touh alia sana nou soukhai touyu zhusana tyatyali Mapao hi pove sheela peie. 23Alia deizüzüyu sah; pha daiyu, maomüyu, ae hoyu; nghitu mainou soukhai touyu sah; zhaotu mainou southou homara khai touyu souhee ae souhee buyu maitao nou pove sheela peie. 24Maikhe maitao nou shahu moa baosahu peilou süyu maitao nou Mapao hi pove sheela peie; ae akasia süü buyu maitao nou poa panou Mapao vei vah soure donou pove peie. 25Chuhai soulou süyu naotumai hrülai nou lah puletao bah nou souloua pha daiyu, maomüyu ae homarayu alia züzüyu sahtao sü pove peie. 26Puletao nou nghitu mainou pha-a souloua nou pove peie. 27Peikho maitao nou onyz chuh ae chuh mutei khesü ephod hi alia khaokhare hi thoure donou pove peie, 28alia vusa ae mei taore donou meidzü, neare theadzü alia kainüvei pou poa meideire khesü pove peie. 29Israel mai hrülai nou lah puletao nou peilousü na khesü Mapao nou Moses hi kharochi peikhai touyu thaifüa Mapao vei vah panou soure donou pove sheela peie.
Mapao nou bure Rathokipao Soure Maitao
(Tap 31.1-11)
30Moses nou Israel mai hi paoe, “Mapao nou Judah khü hinou hrüveyu Hur tyao, Uri nahpoutu Bezalel ye doloure. 31Puh hisü Ramai nou soulousüyu dokai, alia sha tyatyali soulou süyu tsü khesü thoupeiwure, 32ae sana, shahu ae baosahu poa zhai tyatyali southoulou süyu, 33chuh dao lousüyu ae süü poa sha tyatyali soulou süyu tsüdo khesü puh hi thoupeiwure. 34Mapao nou puh hi alia Dan khü hinou hrüveyu Ahisamak nahpoutu Oholiab puhai hisü shara soulou süyu dokai teitei sü ae mai hia doupei lousüyu tsüdo khesü peiwure. 35Puhnou puhai hisü shara tyatyali soulou süyu tsüdo, alia sabanü daoyu mainou pha daiyu, maomüyu, homarayu alia züzüyu sah hi cha tyatyali raothou lousüyu büa puhai hisü dokai teitei peiwure.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.