TAPALOUYU 25
25
Rathoki donou Posheelare Natao
(Tap 35.4-9)
1 Mapao nou Moses hi paoe, 2“Israel maitao hi Eye posheelawo tea paopeio. Mai tarali noua Eye peinüyu posheela na khesü polo. 3Nenou puletao hinou pore posheela natao sü haitaoe: Sana, shahu, ae baosahu; 4daiyu, zainünayu alia zaiteiyu pha, ae deizüzüyu sah, nghitu mai, 5zhaotu hee nou soukhai touyu natao, souhee nou souyu natao, akasia süü, 6mei taore theadzü, vasou hi naare theadzü, kainüvei poutao; 7Napao maivei naazao vahi ae khaokha vahi zhai southoure donou paivavayu onyz chuh ae chuh mutei tya nou souyu ephod#25.7 ephod: haina hai naazao tya ali paowe, haina hai zao jütya büwe. Haina sü mutei shoa nou ae zhai-nga veishoa nou soukhai toue, alia sühisü napao mainou poa Ramai vei leli zhure donou Urim ae Thummim touyu na ahai loua soukhai toue. polo. 8Maikhe maiye panou sheeyu rathoki ali Eye panou buloure donou soupeio. 9Rathoki nasü haibüa soulai, ae kikha hi haibüa zhai southoulo touyu khesü Enou paopeiyu thaifüa neletao nou soulo.
Vo Sübvü
(Tap 37.1-9)
10“Akasia süü nou sentimitar 110 shoyu, sentimitar 66 jha duyu, ae sentimitar 66 kuyu sübvü ali soulo. 11Veikhayu sana nou sübvü navei phaovai-a ae levai-a soukhalo alia pehao teitei sü sana nou southoulo. 12Süüpo thaithou sübvü sünaye kaopore donou sana nou haorü touyu adai souloua phi adai vasü khikhailo. 13Akasia süü nou sübvü nasü kaopoa tare donou süüpo soulo, alia süna vasü sana nou neahaolo, 14alia süüpo süna ahai sü sübvü holo hailo thaithouloua kaopoa tare donou soulo. 15Süüpo süna ahai sü sübvü hi sana nou haorüa souloua dakhakhai touyu hisü thaithou khai-a bailai, süsü paizhou pakhai toulai moe. 16Chuh ahai hinou chikhatao rükhailoua Enou neletao hi peilaiyu nasü sübvü sühi thoukhailo.
17“Süthaisü zhuvea-apei buh ali sana veitya nou soulo; süsü sah shoyu nou sentimitar 110, sentimitar 66 jha duyu, alia sentimitar 66 kua nou soulo. 18Sana nou shouh pfüyu khaona ahai chuhda nou poa dalo; 19ae sünasü zhuvea-apei buh hisü holo ali ae hailo ali tea khailai. 20Shouh pfüyu khaona ahai sünou zhuvea-apei buh hilova reilai ae puhai shouh sünou zhuvea-apei buh nasü kou holai. 21Zhuvea-apei buh nasü sübvü peiva khailai, alia sübvü sühisü Enou peilaiyu chikhatao sü thoulai. 22Buh sühinou Enou neletaoye ve daolai, alia vo sübvü pei hinou khaitouyu zhuvea-apei buh hinou shouh pfüyu khaona ahai vei kohinou Israel maiye kharochi khesü peilai.
Ramai ye Raokhao nou Posheelayu vei Khaiyu Buh
(Tap 37.10-16)
23“Akasia süünou raokhao khaire buh (table) ali sah shoyu sentimitar 88, sentimitar 44 jha duyu ae sentimitar 66 kua nou soulo. 24Sünasü sana aveih tyanou phao hi khulo, alia pehao teitei hisü sana nou soukhalo. 25Ae sünavei pehao hi thoukhare donou milimitar 75 dua soulo, ae sana nou sünasü zühaolo. 26Süna kaopoa tare donou sana nou haorü touyu adai souloua phi buyu kainghou adai hi khikhailo. 27Khaibuh sünaye kaopoa tare süü thaithoure donou haorüa soukhai touyu nasü pehao hi thou dahaokhai touyu süü nahisü nghia veakhalo. 28Kaopoa tare süüpo nasü akasia süü nou soulo alia sünasü sana nou meahaolo. 29Alia posheelare donou pai, khao, lee ae hana thoukhaiyu bvü khesü veishoyu sana nou soulo. 30Khaibuh sünasü Vo Sübvü pehao hi khailai, ae sünaphao hisü Eye donou sheeyu raokhao posheela khaitouyu sü bukou telai.
Meivabvü Khaibuh
(Tap 37.17-24)
31“Meivabvü khaibuh ali sana veityanou soulo. Sünavei khaibu ae bahtao khesü hubao nou poa dathoulo; ae poupa büyu pai, süübo lapayu ae poupa papayu zhai büa soutou thoulo, alia sütao teitei panou ali soua bulo. 32Meivabvü khaibuh hisü nou baokao arou panou palo, holova baokao asü ae hailova baokao asü. 33Baokao alili hinou hüveishoa poupa payu zhai büa poupa asü-asü bulai, ae sütao sü kurushipa papayu büa süübotao ae süünghou noupu koa panou palo. 34Meivabvü khaibuh bahtao nahisü kurushipa büyu poupa papa-a ae süübo noupu loua poupa cha tya adai daothoulo. 35Baokao ahai hai pa-a payu asütao phi hisü nou poupa mübo payu alili bulai. 36Poupa mübo payutao, baokaotao, ae meivabvü khaibuh teitei sü sana veitya nou alikhei soua soupa khailo. 37Meivabvü khaibuh hisü meivabvü anai southou khailo, sübüa panou pahlo meiva koulo. 38Meivabvü souheiyuna ae thoukhaiyu bvü/khao sü sana veitya nou soulo. 39Meivabvü khaibuh ae sühi natao soure donou sana sühcho 35 nou poa soulai. 40Sütao hai Enou ne hi deichi vanou ngaopeiyu thaifüa soutaosou soutou toulo.
Currently Selected:
TAPALOUYU 25: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
TAPALOUYU 25
25
Rathoki donou Posheelare Natao
(Tap 35.4-9)
1 Mapao nou Moses hi paoe, 2“Israel maitao hi Eye posheelawo tea paopeio. Mai tarali noua Eye peinüyu posheela na khesü polo. 3Nenou puletao hinou pore posheela natao sü haitaoe: Sana, shahu, ae baosahu; 4daiyu, zainünayu alia zaiteiyu pha, ae deizüzüyu sah, nghitu mai, 5zhaotu hee nou soukhai touyu natao, souhee nou souyu natao, akasia süü, 6mei taore theadzü, vasou hi naare theadzü, kainüvei poutao; 7Napao maivei naazao vahi ae khaokha vahi zhai southoure donou paivavayu onyz chuh ae chuh mutei tya nou souyu ephod#25.7 ephod: haina hai naazao tya ali paowe, haina hai zao jütya büwe. Haina sü mutei shoa nou ae zhai-nga veishoa nou soukhai toue, alia sühisü napao mainou poa Ramai vei leli zhure donou Urim ae Thummim touyu na ahai loua soukhai toue. polo. 8Maikhe maiye panou sheeyu rathoki ali Eye panou buloure donou soupeio. 9Rathoki nasü haibüa soulai, ae kikha hi haibüa zhai southoulo touyu khesü Enou paopeiyu thaifüa neletao nou soulo.
Vo Sübvü
(Tap 37.1-9)
10“Akasia süü nou sentimitar 110 shoyu, sentimitar 66 jha duyu, ae sentimitar 66 kuyu sübvü ali soulo. 11Veikhayu sana nou sübvü navei phaovai-a ae levai-a soukhalo alia pehao teitei sü sana nou southoulo. 12Süüpo thaithou sübvü sünaye kaopore donou sana nou haorü touyu adai souloua phi adai vasü khikhailo. 13Akasia süü nou sübvü nasü kaopoa tare donou süüpo soulo, alia süna vasü sana nou neahaolo, 14alia süüpo süna ahai sü sübvü holo hailo thaithouloua kaopoa tare donou soulo. 15Süüpo süna ahai sü sübvü hi sana nou haorüa souloua dakhakhai touyu hisü thaithou khai-a bailai, süsü paizhou pakhai toulai moe. 16Chuh ahai hinou chikhatao rükhailoua Enou neletao hi peilaiyu nasü sübvü sühi thoukhailo.
17“Süthaisü zhuvea-apei buh ali sana veitya nou soulo; süsü sah shoyu nou sentimitar 110, sentimitar 66 jha duyu, alia sentimitar 66 kua nou soulo. 18Sana nou shouh pfüyu khaona ahai chuhda nou poa dalo; 19ae sünasü zhuvea-apei buh hisü holo ali ae hailo ali tea khailai. 20Shouh pfüyu khaona ahai sünou zhuvea-apei buh hilova reilai ae puhai shouh sünou zhuvea-apei buh nasü kou holai. 21Zhuvea-apei buh nasü sübvü peiva khailai, alia sübvü sühisü Enou peilaiyu chikhatao sü thoulai. 22Buh sühinou Enou neletaoye ve daolai, alia vo sübvü pei hinou khaitouyu zhuvea-apei buh hinou shouh pfüyu khaona ahai vei kohinou Israel maiye kharochi khesü peilai.
Ramai ye Raokhao nou Posheelayu vei Khaiyu Buh
(Tap 37.10-16)
23“Akasia süünou raokhao khaire buh (table) ali sah shoyu sentimitar 88, sentimitar 44 jha duyu ae sentimitar 66 kua nou soulo. 24Sünasü sana aveih tyanou phao hi khulo, alia pehao teitei hisü sana nou soukhalo. 25Ae sünavei pehao hi thoukhare donou milimitar 75 dua soulo, ae sana nou sünasü zühaolo. 26Süna kaopoa tare donou sana nou haorü touyu adai souloua phi buyu kainghou adai hi khikhailo. 27Khaibuh sünaye kaopoa tare süü thaithoure donou haorüa soukhai touyu nasü pehao hi thou dahaokhai touyu süü nahisü nghia veakhalo. 28Kaopoa tare süüpo nasü akasia süü nou soulo alia sünasü sana nou meahaolo. 29Alia posheelare donou pai, khao, lee ae hana thoukhaiyu bvü khesü veishoyu sana nou soulo. 30Khaibuh sünasü Vo Sübvü pehao hi khailai, ae sünaphao hisü Eye donou sheeyu raokhao posheela khaitouyu sü bukou telai.
Meivabvü Khaibuh
(Tap 37.17-24)
31“Meivabvü khaibuh ali sana veityanou soulo. Sünavei khaibu ae bahtao khesü hubao nou poa dathoulo; ae poupa büyu pai, süübo lapayu ae poupa papayu zhai büa soutou thoulo, alia sütao teitei panou ali soua bulo. 32Meivabvü khaibuh hisü nou baokao arou panou palo, holova baokao asü ae hailova baokao asü. 33Baokao alili hinou hüveishoa poupa payu zhai büa poupa asü-asü bulai, ae sütao sü kurushipa papayu büa süübotao ae süünghou noupu koa panou palo. 34Meivabvü khaibuh bahtao nahisü kurushipa büyu poupa papa-a ae süübo noupu loua poupa cha tya adai daothoulo. 35Baokao ahai hai pa-a payu asütao phi hisü nou poupa mübo payu alili bulai. 36Poupa mübo payutao, baokaotao, ae meivabvü khaibuh teitei sü sana veitya nou alikhei soua soupa khailo. 37Meivabvü khaibuh hisü meivabvü anai southou khailo, sübüa panou pahlo meiva koulo. 38Meivabvü souheiyuna ae thoukhaiyu bvü/khao sü sana veitya nou soulo. 39Meivabvü khaibuh ae sühi natao soure donou sana sühcho 35 nou poa soulai. 40Sütao hai Enou ne hi deichi vanou ngaopeiyu thaifüa soutaosou soutou toulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.