TAPALOUYU 2
2
Moses ye Nalouyu
1Haibüa buyu teile hinou Levi kikhamai ali nou Levi maipfü ali nahloure. 2Naotupai nasü nahmai hrüloua nahpoutu ali naloure, honapai nou nahtou naye zhuyu phaki, nahtou nahai hüvei shoyu donou puhnou khouh asü koute pokukoue. 3Ana honapai nou nahtouye sü pokupu lou hore, südonou puhnou sülai ali doloure alia sülai hisü panou dzü tsülou more donou naitei nou meakhai loua nahtouye sü sühi thouloua rei pe hi khaipeiwure. 4Ae nahtou navei tupai nanou lapoa nahtou nahi daivepa laisa tea chozhua bue.
5Süteile hi Pharaoh nahpai nou talou rei hi dzü khülai tea louyu phaki, puhvei kilai maitao nou reipe hinou takouyu hinou pou hrohinou sülai ali zhingaoe, ae sünasü honapai nou puhvei kilai paiye lükou panou poloure. 6Veo nahpai sünou sülai houpa zhuyu phaki nahpoutu ali bua ngaoloue, ae nahtou nasü kra-a bue. Honapai nou nahtou naye sü zhuvea loure alia haibüa paoe, “Haihai Hebrew mai nahtou phare.”
7Süthaisü puh tupai sünou veo nahpai hisü paoe, “Enou nahtou naye panou kipei loure donou Hebrew maipfü ali neye phoupei laiho?”
8Veo nahpai nou honapai hisü “Taho phoupeio” tea chila peie. Südonou honapai nou taho puh pfüye sünou kuloure. 9Veo nahpai nou honapai hisü paoe, “Nahtou nasü Eye donou kipeio, Enou neye kipeiyu vahshi sü peilai.” Südonou naotupai nou nahtou nasü poloure alia puhye sü kidupa peie. 10Nahtou nanou dupayu phaki, honapai nou puhye saloua veo nahpai hisü save peie, ae puhsü honapai nahpoutu soutare. Honapai nou puh zhih sü Moses tea sapeie, “Daiolouzü Enou puhye dzü hinou sapaloue” tea paoe.
Moses nou Midia Teidei hi Tutayu
11Moses dupa louyu thai, teitheli puhnou puhvei Hebrew maitao hi tave kabüa puletaoye panou veashoa vah sousa touyu zhu-e; ae Ejipt mai ali nou puhvei mai aliye dathayu sü puhnou ngaoloure. 12Puhnou holo-hailo zhuyu phaki, mai ali-a ngaomokhaie puhnou Ejipt puonaye sü dathaloua puhvei phao sü vonai hi pokuwure. 13Puhnou thaineshoa sühao tayu phaki, Hebrew mai ahai sü züva-a buyu ngaoloure, südonou puhnou mah-a buyu nahisü paoe, “Ne daisounou haibüa lah nevei maiye dawe?”
14Puhnou Moses hi haibüa chila peire, “Neye thaonou Eh pei hi panou khore donou ae chikure donou vahbu thoupeie? Ne Ejipt puonaye southayu büa E-a southalai touwu?” Süthaisü Moses hai ngaopi loure, alia haibüa lah tsüchoe, “Enou souyu vah nasü mai nou chuo süloure.” 15Pharaoh nou haihai süloukhaie, Moses ye southare donou puhye sü phouloure, ana Moses nou Pharaoh hinou tupoa Midia teidei hisü hrüre donou tutare.
Teithe li puhnou dzükhao pe hinou buyu phaki, 16Midia hi napao navei nah naotumai anai taohai puletao puo vei zhaotu ae nghituye panou dzü kere donou dzükhao hisü vere. 17Ana süpe hinou zhaotu kho-a buyu maitaoli nou ve puletaoye sü hulaiwure. Süthaisü Moses nou kushuloua puletaoye soukha peie, ae puletao vei zhaotu ae nghitu khesü panou dzü keloue. 18Puletao nou ki hi dakhai veyu phaki, puletao puo Reuel nou puletao hisü “Zhou daisounou ki hi dakhai ve zhishowe?” tea noure.
19Puletao nou chila peie, “Zhou Etaoye Ejipt mai ali nou zhaokho mai bah hinou vupa peie, alia Etaoye dzü loupeia panou Etao zhaotu ae nghitu khesü dzü keloue.”
20Puhnou puhvei nah naotu maitao hisü paoe, “Puh sü daikinou bue? Daisounou neletao puhye sü kulou moe? Taho puhye kuloua panou haihi ve ha toulo.”
21Moses nou puhye koa hrüre donou ae-ao souloure, alia puhnou Moses ye puh nahpai Ziporah sü puh ki khaipeie. 22Honapai nou nahpoutu ali naloue, alia puh zhih sü Moses nou Gershom tea sapeie, daiolouzü puhnou paoe, “Enou teidei hai hisü shetumai ali soua hrüa bubaie.”
23Teile taoli takouyu phaki, Ejipt hi veo sü thaitare. Ana Israel mainou Ejipt maivei khakhe hinou veashoa lüpoa bure ae kra nou soukha khore. Puletao nou mai kilai soua veashoa krayu paisü Ramai nou chou loure. 24Puletao nou veashoa lea buyu paisü Ramai nou chouloua Puhnou Abraham, Isaak ae Jakob hi vo soukhai touyu nasü licho peie. 25Israel mainou veashoa maivei qila soua buyu sü Puhnou ngaoloua zhuvea peie.
Currently Selected:
TAPALOUYU 2: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
TAPALOUYU 2
2
Moses ye Nalouyu
1Haibüa buyu teile hinou Levi kikhamai ali nou Levi maipfü ali nahloure. 2Naotupai nasü nahmai hrüloua nahpoutu ali naloure, honapai nou nahtou naye zhuyu phaki, nahtou nahai hüvei shoyu donou puhnou khouh asü koute pokukoue. 3Ana honapai nou nahtouye sü pokupu lou hore, südonou puhnou sülai ali doloure alia sülai hisü panou dzü tsülou more donou naitei nou meakhai loua nahtouye sü sühi thouloua rei pe hi khaipeiwure. 4Ae nahtou navei tupai nanou lapoa nahtou nahi daivepa laisa tea chozhua bue.
5Süteile hi Pharaoh nahpai nou talou rei hi dzü khülai tea louyu phaki, puhvei kilai maitao nou reipe hinou takouyu hinou pou hrohinou sülai ali zhingaoe, ae sünasü honapai nou puhvei kilai paiye lükou panou poloure. 6Veo nahpai sünou sülai houpa zhuyu phaki nahpoutu ali bua ngaoloue, ae nahtou nasü kra-a bue. Honapai nou nahtou naye sü zhuvea loure alia haibüa paoe, “Haihai Hebrew mai nahtou phare.”
7Süthaisü puh tupai sünou veo nahpai hisü paoe, “Enou nahtou naye panou kipei loure donou Hebrew maipfü ali neye phoupei laiho?”
8Veo nahpai nou honapai hisü “Taho phoupeio” tea chila peie. Südonou honapai nou taho puh pfüye sünou kuloure. 9Veo nahpai nou honapai hisü paoe, “Nahtou nasü Eye donou kipeio, Enou neye kipeiyu vahshi sü peilai.” Südonou naotupai nou nahtou nasü poloure alia puhye sü kidupa peie. 10Nahtou nanou dupayu phaki, honapai nou puhye saloua veo nahpai hisü save peie, ae puhsü honapai nahpoutu soutare. Honapai nou puh zhih sü Moses tea sapeie, “Daiolouzü Enou puhye dzü hinou sapaloue” tea paoe.
Moses nou Midia Teidei hi Tutayu
11Moses dupa louyu thai, teitheli puhnou puhvei Hebrew maitao hi tave kabüa puletaoye panou veashoa vah sousa touyu zhu-e; ae Ejipt mai ali nou puhvei mai aliye dathayu sü puhnou ngaoloure. 12Puhnou holo-hailo zhuyu phaki, mai ali-a ngaomokhaie puhnou Ejipt puonaye sü dathaloua puhvei phao sü vonai hi pokuwure. 13Puhnou thaineshoa sühao tayu phaki, Hebrew mai ahai sü züva-a buyu ngaoloure, südonou puhnou mah-a buyu nahisü paoe, “Ne daisounou haibüa lah nevei maiye dawe?”
14Puhnou Moses hi haibüa chila peire, “Neye thaonou Eh pei hi panou khore donou ae chikure donou vahbu thoupeie? Ne Ejipt puonaye southayu büa E-a southalai touwu?” Süthaisü Moses hai ngaopi loure, alia haibüa lah tsüchoe, “Enou souyu vah nasü mai nou chuo süloure.” 15Pharaoh nou haihai süloukhaie, Moses ye southare donou puhye sü phouloure, ana Moses nou Pharaoh hinou tupoa Midia teidei hisü hrüre donou tutare.
Teithe li puhnou dzükhao pe hinou buyu phaki, 16Midia hi napao navei nah naotumai anai taohai puletao puo vei zhaotu ae nghituye panou dzü kere donou dzükhao hisü vere. 17Ana süpe hinou zhaotu kho-a buyu maitaoli nou ve puletaoye sü hulaiwure. Süthaisü Moses nou kushuloua puletaoye soukha peie, ae puletao vei zhaotu ae nghitu khesü panou dzü keloue. 18Puletao nou ki hi dakhai veyu phaki, puletao puo Reuel nou puletao hisü “Zhou daisounou ki hi dakhai ve zhishowe?” tea noure.
19Puletao nou chila peie, “Zhou Etaoye Ejipt mai ali nou zhaokho mai bah hinou vupa peie, alia Etaoye dzü loupeia panou Etao zhaotu ae nghitu khesü dzü keloue.”
20Puhnou puhvei nah naotu maitao hisü paoe, “Puh sü daikinou bue? Daisounou neletao puhye sü kulou moe? Taho puhye kuloua panou haihi ve ha toulo.”
21Moses nou puhye koa hrüre donou ae-ao souloure, alia puhnou Moses ye puh nahpai Ziporah sü puh ki khaipeie. 22Honapai nou nahpoutu ali naloue, alia puh zhih sü Moses nou Gershom tea sapeie, daiolouzü puhnou paoe, “Enou teidei hai hisü shetumai ali soua hrüa bubaie.”
23Teile taoli takouyu phaki, Ejipt hi veo sü thaitare. Ana Israel mainou Ejipt maivei khakhe hinou veashoa lüpoa bure ae kra nou soukha khore. Puletao nou mai kilai soua veashoa krayu paisü Ramai nou chou loure. 24Puletao nou veashoa lea buyu paisü Ramai nou chouloua Puhnou Abraham, Isaak ae Jakob hi vo soukhai touyu nasü licho peie. 25Israel mainou veashoa maivei qila soua buyu sü Puhnou ngaoloua zhuvea peie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.