TAPALOUYU 13
13
Nah Narai Maitaoye Mapao Bah hi Thaothou Peiyu
1 Mapao nou Moses hi paoe, 2“Tou-nayu arai khana sü Eye posheela peio, daiolouzü Israel mai vei nahpoutu naraio ae kikhaorü tourai teitei sü aveie.”
Khei Thoumoyu Raokhao Nüh
3Moses nou maikhe mai hisü paoe, “Ejipt teidei hinou maivei qila soua buyu neletaoye Mapao nou kabüa sapa peiyu teithe sü licholo; khei thouyu raokhao sü neletao nou toulai moe. 4Neletao nou zhou teithe, Abib khoukha araina hinou Ejipt thaowua tashu talai. 5Mapao nou neletaoye chonaodzü ae laivoudzü nou küa buyu teidei, puhnou neletao puopaoh mai hi peilai tea paokhai touyu Kanaan mai, Hit mai, Amor mai, Hiv mai ae Jebus mai vei teidei hi sa-a velou peiyu phaki, neletao nou nüh haina sü potei hi khou araina hinou nülai. 6Teithe anai sü neletao nou khei thoumoyu raokhao likhei toua bailai, ae teithe anai zhousü Mapao ye tsükhoua nüh nülai. 7Teithe anai hai khei thoumoyu raokhao nou toua bailai; neletao hi khei thoukhai touyu raokhao aliro panou bulai moe, ae neletao teidei teitei hisü khei thouyu raokhao ali koute panou bulai moe. 8Nüh haina nütayu teithe hisü, neletao nou neletao nahmai hisü Mapao nou neletaoye kabüa Ejipt teidei hinou sapa peie touyu ko khesü paongaolai. 9Haibüa reihyu hai neletaoye panou licho loure donou neletao bah hi ae neletao pu hi shee saokhai touyu büa Mapao vei chikha khesü panou süloure donoue. Daiolouzü Mapao nou khupasoua neletaoye Ejipt teidei hinou sapapei khaitoue. 10Südonou khei thoumoyu Raokhao Nüh hainasü neletao nou po patsü teile macha hinou nülo.
Tou-nayu Araina
11“Mapao nou neletao hi ae neletao puopaoh maitao hi paokhai touyu thaifüa puhnou neletaoye Kanaan maivei teidei hi sa-a ve peiyu phaki, 12neletao nou tounayu nahpoutu araikha nasü Mapao donou dokupa khailai. Neletao vei kikhaorü toukou arai kha nasü Mapao vei soulai. 13Rheisüh toukou araikha nasü neletao nou zhaotu ali nou poa khailupa loua bailai, ana neletao nou khailupa laimoe toulouzü rheisüh toutu nasü ngu hinou rulawo. Neletao nahpoutu narai nawo louzü hüdakhai palo. 14Haithaiko neletao nahmai nou neletao hi ‘Haihai dai vanoue?’ tea noulouzü, ‘Mapao nou Etaoye Ejipt teidei hinou maivei qila soua hrüyu phaki, puhnou Etaoye khupa soua sapa peie’ tea chila peilai. 15Ejipt hi veo nou le khousho loua Etaoye panou tabayu phaki, Mapao nou Ejipt teidei hi nahpoutu narai mai hrülai ae kikhaorü tourai teitei sü southawure. Südonou kikhaorü toukou arai hrülai sü Etao nou Mapao ye posheelawe, ana nahmai narai nawo louzü Etao nou hüdakhaipa louwe. 16Haibüa reihyu hai neletao bah hi moa pu hi sheesaokhai touyu büa pfülai, daiolouzü Mapao nou Etaoye khupa soua Ejipt teidei hinou sapa peiyu nasü licho loure donoue.”
Teihao ae Mei Deka
17Ejipt hi veo nou maikhe maiye panou tayu phaki, ludu kukhe jünou lakayu Philistine maivei teidei tachoyu ludu na hisü Ramai nou sa-a tamoe, daiolouzü Ramai nou haibüa tsücho loure, “Puletao nou soureih sou louzü, puletao le data-a Ejipt hi dakhai talou lou veie.” 18Südonou Ramai nou Israel maiye radeiki sühao poa Zai Ho hilo vanou sa-a tae. Israel mainou Ejipt hinou tapayu phaki soureih soure donou reih basei tupfüa tapae.
19Moses nou Josef vei thaiphao sü pfütae, daiolouzü Josef nou Israel maiye panou haibüa chaachou souwure, “Ramai nou neletaoye khailupa peilouzü, buh hai hinou avei rao sü potalai.”
20Israel mainou Sukkoth thaowua tapoa kou radeiki nghiyu Etham hinou fühao haoloua chaoe. 21Mapao nou puletao jünou rai-a heaki teihao nou, ae khei ki mei deka ali nou sa-a puletaoye vapei loure donou tae, haibüa puletaoye panou heakhei ludu taloure donou sa-a tapeie. 22Heaki puletaoye teihao deka ae kheiki mei deka ali nou thaokhai moa puletao nghoujü nou sa-a tapeie.
Currently Selected:
TAPALOUYU 13: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
TAPALOUYU 13
13
Nah Narai Maitaoye Mapao Bah hi Thaothou Peiyu
1 Mapao nou Moses hi paoe, 2“Tou-nayu arai khana sü Eye posheela peio, daiolouzü Israel mai vei nahpoutu naraio ae kikhaorü tourai teitei sü aveie.”
Khei Thoumoyu Raokhao Nüh
3Moses nou maikhe mai hisü paoe, “Ejipt teidei hinou maivei qila soua buyu neletaoye Mapao nou kabüa sapa peiyu teithe sü licholo; khei thouyu raokhao sü neletao nou toulai moe. 4Neletao nou zhou teithe, Abib khoukha araina hinou Ejipt thaowua tashu talai. 5Mapao nou neletaoye chonaodzü ae laivoudzü nou küa buyu teidei, puhnou neletao puopaoh mai hi peilai tea paokhai touyu Kanaan mai, Hit mai, Amor mai, Hiv mai ae Jebus mai vei teidei hi sa-a velou peiyu phaki, neletao nou nüh haina sü potei hi khou araina hinou nülai. 6Teithe anai sü neletao nou khei thoumoyu raokhao likhei toua bailai, ae teithe anai zhousü Mapao ye tsükhoua nüh nülai. 7Teithe anai hai khei thoumoyu raokhao nou toua bailai; neletao hi khei thoukhai touyu raokhao aliro panou bulai moe, ae neletao teidei teitei hisü khei thouyu raokhao ali koute panou bulai moe. 8Nüh haina nütayu teithe hisü, neletao nou neletao nahmai hisü Mapao nou neletaoye kabüa Ejipt teidei hinou sapa peie touyu ko khesü paongaolai. 9Haibüa reihyu hai neletaoye panou licho loure donou neletao bah hi ae neletao pu hi shee saokhai touyu büa Mapao vei chikha khesü panou süloure donoue. Daiolouzü Mapao nou khupasoua neletaoye Ejipt teidei hinou sapapei khaitoue. 10Südonou khei thoumoyu Raokhao Nüh hainasü neletao nou po patsü teile macha hinou nülo.
Tou-nayu Araina
11“Mapao nou neletao hi ae neletao puopaoh maitao hi paokhai touyu thaifüa puhnou neletaoye Kanaan maivei teidei hi sa-a ve peiyu phaki, 12neletao nou tounayu nahpoutu araikha nasü Mapao donou dokupa khailai. Neletao vei kikhaorü toukou arai kha nasü Mapao vei soulai. 13Rheisüh toukou araikha nasü neletao nou zhaotu ali nou poa khailupa loua bailai, ana neletao nou khailupa laimoe toulouzü rheisüh toutu nasü ngu hinou rulawo. Neletao nahpoutu narai nawo louzü hüdakhai palo. 14Haithaiko neletao nahmai nou neletao hi ‘Haihai dai vanoue?’ tea noulouzü, ‘Mapao nou Etaoye Ejipt teidei hinou maivei qila soua hrüyu phaki, puhnou Etaoye khupa soua sapa peie’ tea chila peilai. 15Ejipt hi veo nou le khousho loua Etaoye panou tabayu phaki, Mapao nou Ejipt teidei hi nahpoutu narai mai hrülai ae kikhaorü tourai teitei sü southawure. Südonou kikhaorü toukou arai hrülai sü Etao nou Mapao ye posheelawe, ana nahmai narai nawo louzü Etao nou hüdakhaipa louwe. 16Haibüa reihyu hai neletao bah hi moa pu hi sheesaokhai touyu büa pfülai, daiolouzü Mapao nou Etaoye khupa soua Ejipt teidei hinou sapa peiyu nasü licho loure donoue.”
Teihao ae Mei Deka
17Ejipt hi veo nou maikhe maiye panou tayu phaki, ludu kukhe jünou lakayu Philistine maivei teidei tachoyu ludu na hisü Ramai nou sa-a tamoe, daiolouzü Ramai nou haibüa tsücho loure, “Puletao nou soureih sou louzü, puletao le data-a Ejipt hi dakhai talou lou veie.” 18Südonou Ramai nou Israel maiye radeiki sühao poa Zai Ho hilo vanou sa-a tae. Israel mainou Ejipt hinou tapayu phaki soureih soure donou reih basei tupfüa tapae.
19Moses nou Josef vei thaiphao sü pfütae, daiolouzü Josef nou Israel maiye panou haibüa chaachou souwure, “Ramai nou neletaoye khailupa peilouzü, buh hai hinou avei rao sü potalai.”
20Israel mainou Sukkoth thaowua tapoa kou radeiki nghiyu Etham hinou fühao haoloua chaoe. 21Mapao nou puletao jünou rai-a heaki teihao nou, ae khei ki mei deka ali nou sa-a puletaoye vapei loure donou tae, haibüa puletaoye panou heakhei ludu taloure donou sa-a tapeie. 22Heaki puletaoye teihao deka ae kheiki mei deka ali nou thaokhai moa puletao nghoujü nou sa-a tapeie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.