KOPAODOUWO 8
8
1Thaonou tsüveiyu mai liye raiwe? Alia thaonou haitao ko paola peilou süe? Maili vei tsüavei nanou puh pah hai souva peiwe, alia pah zhia buyu zhu hai-a hata baiwe.
Veo vei Chi Zülo
2Veo nou paoyu chi zülo,#8.2 Larübvü ali hi Veo nou paoyu chi zülo; Hebrew hi sheesha moe. daiolouzü nenou Ramai nghoujü nou sheeyu chaachou souwure. 3Puhnou jüpa moyu ali soulouzü, puh nghoujü hinou tavailo, ponasouo, daiolouzü puhwo puhnou jüpayu nasü soua bailai. 4Daiolouzü veo vei chipao nou duka-e alia thaonou puh hi “Ne daie souwe?” tea paolou süge? 5Kharochi züyu maili sü soushi peiyu ngaolai moe, alia tsüvei maili vei lenou teile ae ludu nasü süloulai. 6Daiolouzü hali hala hai lahkuku vei teile ae ludu bue, maivei veahoyu hainou puh pei süshoa buyuma. 7Daiolouzü puhnou daie palai tiyu sümoe, kabüa palai tiyu puh hi thaonou paopei lousüe? 8Mai linoua teikhaiye khuloure khouko hae, moa athai teithe pei hi khouko hae. Sou-reih souyu hi maiye phapeiyu hae, sübüa ashi souyu maiye sü ashi nanou phapei laimoe.
Mai Ashimai ae Achechemai
9Hai teitei hai Enou teinghi khenou atsüle pei-a zhukhai toure, maili nou tudee soua mai kukhe taoye souveayu hai. 10Süthai Enou mai-ashi maiye daovuyu ngaoe; puhtao sü mashee buh hinou tapa taloua buwe, alia nuhdu hisü puhtao nou sübüyu vanou paoshoa buwe. Hai-a hamako baie.#8.10 Phoure 10 nahai Hebrew hi sheesha timoe.
11Vah ashi souyu nahai thashoa kaozü soupeimo vanou maikhe mai le hisü ashi soure donou souda chewua bure. 12Mah mai alinou vu kaili ashi soua puh hrü hai hrüshoa bue, ana Enou süwe Ramai ye piyu mai donou zouvei-a bailai, daiolouzü puhtao sü puh nghoujü hinou pi-a buwe. 13Ana süsü mai ashi maiye donou veilai moe, puh hai khungu ali büa puh hrü hai sholouhoe, daivanou tilouzü puhsü Ramai nghoujü hinou piyu hae. 14Deiphao haihi ta-a buyu zhai hai hako baie, daiolouzü acheche mai taoli hai ashimai nou vealaiyu nanou ngaolou baiwe, alia ashi soumai nou acheche mainou ngaolaiyu buu ngaoloua baiwe. Enou paoe, hai-a hako baie.
15Südonou Enou savalo tea paowe, daiolouzü maiye donou teinghi khehnou tousoyu ae lah savaloure hai likhei baimoa veiyu na lia hae, daiolouzü teinghi khe hi hrüa buki, Ramai nou puhye peikhai tiyu vahtao hai teroua soulai.
16Enou tsüavei süloure donou, ae deiphao hi mai livei nghithou nou hea-khei ziyu ngaolou hoa soupfüyu vahtao ngaoloure donou tsüchoe; 17süthaia Enou Ramai vei vah teitei nou ngaoe, süolouzü teinghi khe hi souyu vahtao hai mainou sülouhoe. Tyali soua mainou terou souyuma, sühsü puhnou phoupalou laimoe, tsüvei maili nou süwe tea khayuma, puhnou sühsü phoupa louhoe.
Currently Selected:
KOPAODOUWO 8: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
KOPAODOUWO 8
8
1Thaonou tsüveiyu mai liye raiwe? Alia thaonou haitao ko paola peilou süe? Maili vei tsüavei nanou puh pah hai souva peiwe, alia pah zhia buyu zhu hai-a hata baiwe.
Veo vei Chi Zülo
2Veo nou paoyu chi zülo,#8.2 Larübvü ali hi Veo nou paoyu chi zülo; Hebrew hi sheesha moe. daiolouzü nenou Ramai nghoujü nou sheeyu chaachou souwure. 3Puhnou jüpa moyu ali soulouzü, puh nghoujü hinou tavailo, ponasouo, daiolouzü puhwo puhnou jüpayu nasü soua bailai. 4Daiolouzü veo vei chipao nou duka-e alia thaonou puh hi “Ne daie souwe?” tea paolou süge? 5Kharochi züyu maili sü soushi peiyu ngaolai moe, alia tsüvei maili vei lenou teile ae ludu nasü süloulai. 6Daiolouzü hali hala hai lahkuku vei teile ae ludu bue, maivei veahoyu hainou puh pei süshoa buyuma. 7Daiolouzü puhnou daie palai tiyu sümoe, kabüa palai tiyu puh hi thaonou paopei lousüe? 8Mai linoua teikhaiye khuloure khouko hae, moa athai teithe pei hi khouko hae. Sou-reih souyu hi maiye phapeiyu hae, sübüa ashi souyu maiye sü ashi nanou phapei laimoe.
Mai Ashimai ae Achechemai
9Hai teitei hai Enou teinghi khenou atsüle pei-a zhukhai toure, maili nou tudee soua mai kukhe taoye souveayu hai. 10Süthai Enou mai-ashi maiye daovuyu ngaoe; puhtao sü mashee buh hinou tapa taloua buwe, alia nuhdu hisü puhtao nou sübüyu vanou paoshoa buwe. Hai-a hamako baie.#8.10 Phoure 10 nahai Hebrew hi sheesha timoe.
11Vah ashi souyu nahai thashoa kaozü soupeimo vanou maikhe mai le hisü ashi soure donou souda chewua bure. 12Mah mai alinou vu kaili ashi soua puh hrü hai hrüshoa bue, ana Enou süwe Ramai ye piyu mai donou zouvei-a bailai, daiolouzü puhtao sü puh nghoujü hinou pi-a buwe. 13Ana süsü mai ashi maiye donou veilai moe, puh hai khungu ali büa puh hrü hai sholouhoe, daivanou tilouzü puhsü Ramai nghoujü hinou piyu hae. 14Deiphao haihi ta-a buyu zhai hai hako baie, daiolouzü acheche mai taoli hai ashimai nou vealaiyu nanou ngaolou baiwe, alia ashi soumai nou acheche mainou ngaolaiyu buu ngaoloua baiwe. Enou paoe, hai-a hako baie.
15Südonou Enou savalo tea paowe, daiolouzü maiye donou teinghi khehnou tousoyu ae lah savaloure hai likhei baimoa veiyu na lia hae, daiolouzü teinghi khe hi hrüa buki, Ramai nou puhye peikhai tiyu vahtao hai teroua soulai.
16Enou tsüavei süloure donou, ae deiphao hi mai livei nghithou nou hea-khei ziyu ngaolou hoa soupfüyu vahtao ngaoloure donou tsüchoe; 17süthaia Enou Ramai vei vah teitei nou ngaoe, süolouzü teinghi khe hi souyu vahtao hai mainou sülouhoe. Tyali soua mainou terou souyuma, sühsü puhnou phoupalou laimoe, tsüvei maili nou süwe tea khayuma, puhnou sühsü phoupa louhoe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.