KOPAODOUWO 2
2
1E lah ahi paoe, “Khe chuo, kabüa valai tiyu sü soulai; lah savalai.” Ana zhukhaio, hai-a hamako baie. 2Enou nühyu vanou paoe, “Hai hai voyu baie,” ae vayu vanou paoe, “Hai hai-a dai vayu bue?” 3A tsüvei nou süthai peia bulikhu, zhaoh nou kabüa apfüphao ye sousa peilaisa tea phoue. Enou tsücho-e, maili vei hrü hi teinghi khehnou phajü touli hrüa buki haina souyua veih kare.
4Enou vah dusho khesü soue; Enou ki tao-a soue alia lah adonou darkha be-a sho-e. 5Enou lah adonou kipei ae sobuhtao-a soue alia sütao hi rashibe tya teitei hai-a sho-e. 6Sühinou popa paopayu süübetao dzüzü peire donou Enou dzübvü hüe. 7Enou qilamai naotu poutu hai-a hrüloue, alia aki hinou nalouyu qila mai hai-a bue; A jünou rai-a Jerusalem hi buyu mai tarali vei jünou kou-a nou E sü kikhaorü ae zhaotu khome alao bue. 8Enou süthai-a, vemaivei ae vedei khemai vei shahu, sana alia kinitao hai-a pojülou-e; E hai lousou mai naotu-a poutu-a bue, alia ke-zhe jüpa soure donou khopfü alao bue.
9Ajünou rai-a Jerusalem hinou hrüyu mai hrülai jünou E-a dukae; alia avei tsüvei sü ahi bu baie. 10Nghithou nou jüpayu taralia Enou phakhai moe, ale hai vayu tarali hinou-a phakhai moe, daiolouzü alenou avei terouyu teitei hinou vayu ngaoloue, alia haitao hai avei teroua souyu teitei vei buu-e. 11Süthaisü Enou a bahnou souyu veishi ae sütao hi Enou teroua souyutao vanou tsüchoe, alia zhukhaio, sütao teitei hai hamako baie alia teikhaiye thaihuyu büa baie, teinghi khenou halia patou loure ha-e. 12Süthai Enou reikhaive, tsüvei ae vavayu ae voyu vanou tsüchoe; daiolouzü vemai linou veyu thainou hrüveyu puhnou dai souloulai? Puhnou souwuyu tao likhei sou bailaie. 13Süthaisü tei vanou teizhi jünou veipuyu büa Enou tsüvei hai voyu jünou veipu-a ngaoe. 14Tsüvei mai sü puhvei nghithou hai tsü hinou pfüe, ana voyu maiwo teizhi hinou ta baiwe. Anou sütea bua, mai hrülai hai raibüa haka tayu hai Enou ngaoe. 15Süthai Enou lah ahi paoe, “Voyu mai hi vepayu nasü ahi-a pa-a bailai; südonou E daivanou alao sou tsüveiwe?” Alia Enou lah ahi paoe, “Hai hai-a hamako baie.” 16Daiolouzü tsüveio vanou-a ae avowo vanou-a licho peiyu ha-e, velaiyu teithetao hisü hai teitei nou ngaikhai bailai. Daibüa tsüvei mai hai avomai nou thaiyu raibüa thailai? 17Südonou Ehmai hrü hai Enou ngaora-e, daiolouzü Eye donou teinghi khenou souyu pfüphou hai levea shoyu vah baie; souyu vah teitei hai hamako baie alia teikhaiye thaihuhyu ali baie.
18Athai laonou velaiyu maitao hi Enou teinghi khenou teroua souyu atelai teitei hai puletao hi thaopei khaiwua bailai tiyu ngaoloua Enou ngaora-a baide. 19Alia thaonou süwe, puh hai tsüvei mai ali laiho avomai ali bailaisa? Ana Enou terou-a teinghi khenou tsüloua soukhai touyu teitei hisü puhnou paopu sou-a bailai. Hai hamako baie. 20Südonou Enou thailao dakhouloua Enou teinghi khenou terouyu ae haso teitei donou choloua bouthaire. 21Daiolouzü chachaki mai kamai-a nou tsüvei, tsüsü ae dokai lou-a nou terou souyu hai thaodaiwua sühi terou moyu mai aliye pa savayu sou-a bailai. Hai-a hamako baie alia rako shiyu ali baie. 22Mai alinou teinghi khenou teroua souyu ae veayu hinou daie ngaoyu bue? 23Puhvei hrümai hai souhnouyu khaikho baie, alia puhvei vahtao sü rarou-a chomoroyu baie; khei hi koutea puhvei tsü hai showu moe. Hai hai-a hamako baie.
24Mai ali donou-o puhvei teroua souyu vahtao vanou touso-a savayu jünou veipuyu halia hae. Hai hai-a Ramai bah hinou-e tiyu Enou ngaowe. 25Daiolouzü Puh hinou moa thaonou touso-a sava lousüe? 26Süolouzü puh jühpa souyu mai ali hisü Ramai nou tsüvei, tsüsü alia lesayu hai peiwe; ana mah maina hiolouzü, pojüyu ae poko khaiyu vah hai Ramai jühpa souyu mai ali hi peire donou baie. Hai-a hamako baie alia teikhaiye thaihuhyu vah baie.
Currently Selected:
KOPAODOUWO 2: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
KOPAODOUWO 2
2
1E lah ahi paoe, “Khe chuo, kabüa valai tiyu sü soulai; lah savalai.” Ana zhukhaio, hai-a hamako baie. 2Enou nühyu vanou paoe, “Hai hai voyu baie,” ae vayu vanou paoe, “Hai hai-a dai vayu bue?” 3A tsüvei nou süthai peia bulikhu, zhaoh nou kabüa apfüphao ye sousa peilaisa tea phoue. Enou tsücho-e, maili vei hrü hi teinghi khehnou phajü touli hrüa buki haina souyua veih kare.
4Enou vah dusho khesü soue; Enou ki tao-a soue alia lah adonou darkha be-a sho-e. 5Enou lah adonou kipei ae sobuhtao-a soue alia sütao hi rashibe tya teitei hai-a sho-e. 6Sühinou popa paopayu süübetao dzüzü peire donou Enou dzübvü hüe. 7Enou qilamai naotu poutu hai-a hrüloue, alia aki hinou nalouyu qila mai hai-a bue; A jünou rai-a Jerusalem hi buyu mai tarali vei jünou kou-a nou E sü kikhaorü ae zhaotu khome alao bue. 8Enou süthai-a, vemaivei ae vedei khemai vei shahu, sana alia kinitao hai-a pojülou-e; E hai lousou mai naotu-a poutu-a bue, alia ke-zhe jüpa soure donou khopfü alao bue.
9Ajünou rai-a Jerusalem hinou hrüyu mai hrülai jünou E-a dukae; alia avei tsüvei sü ahi bu baie. 10Nghithou nou jüpayu taralia Enou phakhai moe, ale hai vayu tarali hinou-a phakhai moe, daiolouzü alenou avei terouyu teitei hinou vayu ngaoloue, alia haitao hai avei teroua souyu teitei vei buu-e. 11Süthaisü Enou a bahnou souyu veishi ae sütao hi Enou teroua souyutao vanou tsüchoe, alia zhukhaio, sütao teitei hai hamako baie alia teikhaiye thaihuyu büa baie, teinghi khenou halia patou loure ha-e. 12Süthai Enou reikhaive, tsüvei ae vavayu ae voyu vanou tsüchoe; daiolouzü vemai linou veyu thainou hrüveyu puhnou dai souloulai? Puhnou souwuyu tao likhei sou bailaie. 13Süthaisü tei vanou teizhi jünou veipuyu büa Enou tsüvei hai voyu jünou veipu-a ngaoe. 14Tsüvei mai sü puhvei nghithou hai tsü hinou pfüe, ana voyu maiwo teizhi hinou ta baiwe. Anou sütea bua, mai hrülai hai raibüa haka tayu hai Enou ngaoe. 15Süthai Enou lah ahi paoe, “Voyu mai hi vepayu nasü ahi-a pa-a bailai; südonou E daivanou alao sou tsüveiwe?” Alia Enou lah ahi paoe, “Hai hai-a hamako baie.” 16Daiolouzü tsüveio vanou-a ae avowo vanou-a licho peiyu ha-e, velaiyu teithetao hisü hai teitei nou ngaikhai bailai. Daibüa tsüvei mai hai avomai nou thaiyu raibüa thailai? 17Südonou Ehmai hrü hai Enou ngaora-e, daiolouzü Eye donou teinghi khenou souyu pfüphou hai levea shoyu vah baie; souyu vah teitei hai hamako baie alia teikhaiye thaihuhyu ali baie.
18Athai laonou velaiyu maitao hi Enou teinghi khenou teroua souyu atelai teitei hai puletao hi thaopei khaiwua bailai tiyu ngaoloua Enou ngaora-a baide. 19Alia thaonou süwe, puh hai tsüvei mai ali laiho avomai ali bailaisa? Ana Enou terou-a teinghi khenou tsüloua soukhai touyu teitei hisü puhnou paopu sou-a bailai. Hai hamako baie. 20Südonou Enou thailao dakhouloua Enou teinghi khenou terouyu ae haso teitei donou choloua bouthaire. 21Daiolouzü chachaki mai kamai-a nou tsüvei, tsüsü ae dokai lou-a nou terou souyu hai thaodaiwua sühi terou moyu mai aliye pa savayu sou-a bailai. Hai-a hamako baie alia rako shiyu ali baie. 22Mai alinou teinghi khenou teroua souyu ae veayu hinou daie ngaoyu bue? 23Puhvei hrümai hai souhnouyu khaikho baie, alia puhvei vahtao sü rarou-a chomoroyu baie; khei hi koutea puhvei tsü hai showu moe. Hai hai-a hamako baie.
24Mai ali donou-o puhvei teroua souyu vahtao vanou touso-a savayu jünou veipuyu halia hae. Hai hai-a Ramai bah hinou-e tiyu Enou ngaowe. 25Daiolouzü Puh hinou moa thaonou touso-a sava lousüe? 26Süolouzü puh jühpa souyu mai ali hisü Ramai nou tsüvei, tsüsü alia lesayu hai peiwe; ana mah maina hiolouzü, pojüyu ae poko khaiyu vah hai Ramai jühpa souyu mai ali hi peire donou baie. Hai-a hamako baie alia teikhaiye thaihuhyu vah baie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.