KOPAODOUWO 10
10
1Thaiyu khaomai alinou kaivei pousoupu vei pou panou kai-ashi pawe; sübüa voyu vah titu linou tsüvei-a zhih tayu ae tsükhouyu souha baiwe.
2Tsüvei mai livei lethou hai zhoulova kaovewe, ana avomai livei lethou-o nalova kaovewe. 3Avomai nanou ludu hi tabu-a puhsü tsüvei hae, alia puh hai voyu mai alie tiyu hai mai hrülai hi ngaowe.
4Teidei khoyu mai linou ne pei hi rarou-lekhayuma, nevei vahbu nasü thaowuso, daiolouzü nenou naasei teanou bulouzü#10.4 naasei teanou bulouzü; moa nenou puhvei khakhe hi peithou louzü. mah aduduli-a khaipei lousüe.
5Teinghi khehnou ashi li buyu Enou ngaoe, süsü vemai hinou ve-e: 6Avo maiye buh kuyu taoli hinou khaipeiwe, alia toungiyu maiye sü buh nayu hi panou bubaie. 7Kilai mainou rheiphao hi bua Enou ngao-e, alia veo nahmaitao nou kilai mai büa phinou tawe.
8Mai taralia deibvü raoyu nasü sühi delou bailai; alia bouvo souphe poa louyu nasü nghou nou daolai. 9Chuhtao laayu maina sü süna vanou ziloulai; ae süülao seiyu maina-a süna hinou kaozhoushi daoloure bue. 10Marei mü shiyu hai nenou hei roulou molouzü, nevei pfüchi alao loupua nou ne poa vah soulai; ana rai-a tsüchoda louyu nanou veipu hie. 11Nghou liye soume loumo jünou daowu bailouzü, kochaoyu maina vei koyu lia hae. 12Tsüvei mai livei chipao nou puhye jüpayu pove peiwe, ana avomai livei mütai nou puhye toulou baiwe. 13Puhvei lako beihsü voyu nae, alia luyu ashi nanou puhvei chipao akhai souwe. 14Voyu mai linou thaokhai timoa raobaiwe. Mai linoua daie palai tiyu sümoe, alia puh thailo daie palai tiyu thaonou paolou süe?
15Avomai livei terou nanou puhye souveawe, daiolouzü puhnou nuhdu hi tare ludu koute-a sümoe.
16Iyaho, Oh thaomai teidei hi kilai mainou veo soua busa, alia veo nahmaitao nou hea-khei sümoa nou khonüh nüa busa! 17Lesayu teidei sü, Oh neletaore, vah soulou süyu mai linou neletao vei veo souyu hai, alia teile kaolu hinou veo nahmaitao nou khonüh nüyue, süsü khouko ngaore donou baie, touso zhire vanou moe!
18Shakayu vanou kichü vülouwe, alia hikeiyu donou kidzü zhaowe.
19Khonüh hai nüre vanou souwe; zhaoh hai hrü sousare donoue, alia sana raka nou hali hala vei chila peiloue.
20Nevei tsüle hi koute-a vemaiye chaaso, moa ne zübuki hinou toungi maiye chaaso; daiolouzü teikhai hi buyu raohou nou ne pai hai pfüa ta-a bailai, moa shou pfüyu khaona linou süsü paowu bailai.
Currently Selected:
KOPAODOUWO 10: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
KOPAODOUWO 10
10
1Thaiyu khaomai alinou kaivei pousoupu vei pou panou kai-ashi pawe; sübüa voyu vah titu linou tsüvei-a zhih tayu ae tsükhouyu souha baiwe.
2Tsüvei mai livei lethou hai zhoulova kaovewe, ana avomai livei lethou-o nalova kaovewe. 3Avomai nanou ludu hi tabu-a puhsü tsüvei hae, alia puh hai voyu mai alie tiyu hai mai hrülai hi ngaowe.
4Teidei khoyu mai linou ne pei hi rarou-lekhayuma, nevei vahbu nasü thaowuso, daiolouzü nenou naasei teanou bulouzü#10.4 naasei teanou bulouzü; moa nenou puhvei khakhe hi peithou louzü. mah aduduli-a khaipei lousüe.
5Teinghi khehnou ashi li buyu Enou ngaoe, süsü vemai hinou ve-e: 6Avo maiye buh kuyu taoli hinou khaipeiwe, alia toungiyu maiye sü buh nayu hi panou bubaie. 7Kilai mainou rheiphao hi bua Enou ngao-e, alia veo nahmaitao nou kilai mai büa phinou tawe.
8Mai taralia deibvü raoyu nasü sühi delou bailai; alia bouvo souphe poa louyu nasü nghou nou daolai. 9Chuhtao laayu maina sü süna vanou ziloulai; ae süülao seiyu maina-a süna hinou kaozhoushi daoloure bue. 10Marei mü shiyu hai nenou hei roulou molouzü, nevei pfüchi alao loupua nou ne poa vah soulai; ana rai-a tsüchoda louyu nanou veipu hie. 11Nghou liye soume loumo jünou daowu bailouzü, kochaoyu maina vei koyu lia hae. 12Tsüvei mai livei chipao nou puhye jüpayu pove peiwe, ana avomai livei mütai nou puhye toulou baiwe. 13Puhvei lako beihsü voyu nae, alia luyu ashi nanou puhvei chipao akhai souwe. 14Voyu mai linou thaokhai timoa raobaiwe. Mai linoua daie palai tiyu sümoe, alia puh thailo daie palai tiyu thaonou paolou süe?
15Avomai livei terou nanou puhye souveawe, daiolouzü puhnou nuhdu hi tare ludu koute-a sümoe.
16Iyaho, Oh thaomai teidei hi kilai mainou veo soua busa, alia veo nahmaitao nou hea-khei sümoa nou khonüh nüa busa! 17Lesayu teidei sü, Oh neletaore, vah soulou süyu mai linou neletao vei veo souyu hai, alia teile kaolu hinou veo nahmaitao nou khonüh nüyue, süsü khouko ngaore donou baie, touso zhire vanou moe!
18Shakayu vanou kichü vülouwe, alia hikeiyu donou kidzü zhaowe.
19Khonüh hai nüre vanou souwe; zhaoh hai hrü sousare donoue, alia sana raka nou hali hala vei chila peiloue.
20Nevei tsüle hi koute-a vemaiye chaaso, moa ne zübuki hinou toungi maiye chaaso; daiolouzü teikhai hi buyu raohou nou ne pai hai pfüa ta-a bailai, moa shou pfüyu khaona linou süsü paowu bailai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.