2 TIMOTHI 4
4
1Ramai nghojünou alia ahrimai ea thaimaiye chikulaiyu Khrista Jisu nghojünou, alia puhnou velaiyu ea puhvei vedei hilonou choa Enou nehi chi hainasü lüthou peiwe: 2Chipao nasü paodoukhaio, teile veikia, teile shikia paodou loure donou telo; nenou shameayu teitei noupu doupeiyu nou koa paothou louche peikhaio, zü-a tukhapeio, alia le souho peikhaio. 3Daiolouzü maikhe mainou acheche lüzhai nasü keilai moyu teilesü velai, ana lah puletao züpa thaisü fütalai ea lah puletaoye donou puletao nou keizhou zhouyu chi paopeire dou-apei maitaoye povedzü khailai, 4alia puletaosü cheche chi keiyu hinou tarei taloua madayu daomai kotao hilo puletao lehai peita bailai. 5Ana newo teisanou lah neye tukha-a bulo, veayu sü shamealo, Ko Avei paodou peimai ali vahsü soulo, alia Ramai kilai alibüa ne vah teiteisü soulo.
6Daiolouzü, Eye posheelare sü chuo souda chekhou khaitoua bure; Eye donou deiphao hrü hainaye thaowu-a tare teilesü vere. 7Enou reih veitoua züloure, Enou tuvare nasü tuva chewure, alia Enou lü nasü potou loure. 8Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.
Lah vanou Paoyu Chi
9Ne Ahi thala-a velou süsou tekhaio. 10Daiolouzü Demas nou chuchu deiphao hainaye leshiyu donou Eye thaowu-a Thessalonika hi tare. Kreske nou Galatia hi ea Tita nou Dalmatia hi tare. 11Luk likhei Eye koa bue. Markye saloua neye koa vekhaio, daiolouzü puhnou Avah souyuhi soukhasho peilousüe. 12Enou Tukhikaye Ephesa hi seitare. 13Ne velouzü Enou Troa hinou Karpas bah hi thaodai khaiyu Avei zaoduna ea larü bvütao matsü soua souheenou soukhai touyu taosü pove peikhaio.
14Alekjandar hukuyu nanou Ahi alaosou souha-ka peiwure: Mapao nou puh hisü puhnou souyu thaifüa pao rüpeilai. 15Lah ne-a puh vanou zhutouloua bulo, daiolouzü puhnou Eletao vei chipaosü chihshoa nuwe.
16Enou Azü paoraina vuh hisü maitalinoua Amü bokhamoa maikhemai hrülainou Eye thaowure. Süna vanou Ramai nou puletao pei hi khü phouyu soupeiwuso! 17Ana Avanou chipao nasü soutaosou paodou chekhouloua tahrüh kukhe maitao hrülaiye panou chouve loure donou Mapao nou Ahinou lapei-a Eye khouko peie; alia sübüa Eye khaosouveo mü hinou vupapeie. 18Mapaowo nou Eye ashi teitei hinou vupa peilai ea sübüa Eye khailu pove puhvei raki vedeihi khaipeilai. Puhye panou teisanou adushosü souloutheo, teisanou! Amen.
Akhai Khurüyu Chidoh
19Enou Priskilla ea Aquila hi alia Onesiphoras kikhamai hi khurüyu chidoh seivewe. 20Erastas hai Korinth hi bue alia Enou Trophimaye Mileta hinou thaore daiolouzü puhsü lishiwe. 21Saiki loumo jühinou ne Ahi veloure donou tepeikhaio.
Eubulas, Pudens, Linas, Klaudia ea thaihou jüraimai kukhe hrülainou nehi puletao vei khurüyu chidoh seiwe.
22Mapaowo nou ne rakoye koa buyu souloutheo.
Ramai zhuvea nou neletao hrülaiye koa buyu soulouwo.
Currently Selected:
2 TIMOTHI 4: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
2 TIMOTHI 4
4
1Ramai nghojünou alia ahrimai ea thaimaiye chikulaiyu Khrista Jisu nghojünou, alia puhnou velaiyu ea puhvei vedei hilonou choa Enou nehi chi hainasü lüthou peiwe: 2Chipao nasü paodoukhaio, teile veikia, teile shikia paodou loure donou telo; nenou shameayu teitei noupu doupeiyu nou koa paothou louche peikhaio, zü-a tukhapeio, alia le souho peikhaio. 3Daiolouzü maikhe mainou acheche lüzhai nasü keilai moyu teilesü velai, ana lah puletao züpa thaisü fütalai ea lah puletaoye donou puletao nou keizhou zhouyu chi paopeire dou-apei maitaoye povedzü khailai, 4alia puletaosü cheche chi keiyu hinou tarei taloua madayu daomai kotao hilo puletao lehai peita bailai. 5Ana newo teisanou lah neye tukha-a bulo, veayu sü shamealo, Ko Avei paodou peimai ali vahsü soulo, alia Ramai kilai alibüa ne vah teiteisü soulo.
6Daiolouzü, Eye posheelare sü chuo souda chekhou khaitoua bure; Eye donou deiphao hrü hainaye thaowu-a tare teilesü vere. 7Enou reih veitoua züloure, Enou tuvare nasü tuva chewure, alia Enou lü nasü potou loure. 8Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.
Lah vanou Paoyu Chi
9Ne Ahi thala-a velou süsou tekhaio. 10Daiolouzü Demas nou chuchu deiphao hainaye leshiyu donou Eye thaowu-a Thessalonika hi tare. Kreske nou Galatia hi ea Tita nou Dalmatia hi tare. 11Luk likhei Eye koa bue. Markye saloua neye koa vekhaio, daiolouzü puhnou Avah souyuhi soukhasho peilousüe. 12Enou Tukhikaye Ephesa hi seitare. 13Ne velouzü Enou Troa hinou Karpas bah hi thaodai khaiyu Avei zaoduna ea larü bvütao matsü soua souheenou soukhai touyu taosü pove peikhaio.
14Alekjandar hukuyu nanou Ahi alaosou souha-ka peiwure: Mapao nou puh hisü puhnou souyu thaifüa pao rüpeilai. 15Lah ne-a puh vanou zhutouloua bulo, daiolouzü puhnou Eletao vei chipaosü chihshoa nuwe.
16Enou Azü paoraina vuh hisü maitalinoua Amü bokhamoa maikhemai hrülainou Eye thaowure. Süna vanou Ramai nou puletao pei hi khü phouyu soupeiwuso! 17Ana Avanou chipao nasü soutaosou paodou chekhouloua tahrüh kukhe maitao hrülaiye panou chouve loure donou Mapao nou Ahinou lapei-a Eye khouko peie; alia sübüa Eye khaosouveo mü hinou vupapeie. 18Mapaowo nou Eye ashi teitei hinou vupa peilai ea sübüa Eye khailu pove puhvei raki vedeihi khaipeilai. Puhye panou teisanou adushosü souloutheo, teisanou! Amen.
Akhai Khurüyu Chidoh
19Enou Priskilla ea Aquila hi alia Onesiphoras kikhamai hi khurüyu chidoh seivewe. 20Erastas hai Korinth hi bue alia Enou Trophimaye Mileta hinou thaore daiolouzü puhsü lishiwe. 21Saiki loumo jühinou ne Ahi veloure donou tepeikhaio.
Eubulas, Pudens, Linas, Klaudia ea thaihou jüraimai kukhe hrülainou nehi puletao vei khurüyu chidoh seiwe.
22Mapaowo nou ne rakoye koa buyu souloutheo.
Ramai zhuvea nou neletao hrülaiye koa buyu soulouwo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.