2 THESSALONIMAI 2
2
Mai Ashina
1Thaihou jürai khemai, chuo Eletao Mapao Jisu Khrista veyu ea puhye ve daore donou Eletaoye pove dzüloure süna vanou Ehnou nele hinou khowe, 2süolouzü neletao tsühai lapasoua Mapao teithe nasü veloure tea paoyu süna vanou tsübo phouhayu moa khupayu souwuso. Neletao nou süna vanou maikhe mainou zho ngaoshe ea rachi paolashe moa Eh hinou seiko seiveshe tea paoyu choukhaia puletaoye louchewuso. 3Hatali hinou maiye panou neleye lawuso; daiolouzü meizaihi thouvuzü laiyu Mai Ashina nou taveloua raia akhai vei reih nasü soubvüro moyu koutesü teithe sünasü velaimoe. 4Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.
5Enou neletaoye koa bubukinou haina hai Enou neletao hi paongao peire touyu sü neletao li-chomowu? 6Alia hainaye panou chu paloure dainou puhye nua busa touyu sü neletao nou süwe; daiolouzü puhsü lah puhye donou khadakhai touyu teile sühinou vebailai. 7Kheikhei souyu ashi vah nasü souta-a bure, ana sünaye nuchao-a buyu puhye ludu süna hinou potapeimo koutesü palaiyu sütaosü palai mohie. 8Alia süthaisü Mai Ashi nasü velai, ana Mapao Jisu nou veyu kisü puhnou puhye sü puh mü hinou payu puhvei ssünou southealai ea puhvei peivavayu zhu sünanou puletaoye sü souhalai. 9Mai Ashi nasü Saitan vei khouko nou koa velai ea madayu shee ea khupavah tyali soulai, 10alia halaiyu maitao pei hisü puhnou madayu ashi vah tyali soulai. Puletao sü sübüa habailai daiolouzü puletao nou acheche naye sü leshi bae ea sübüa khailulou bae. 11Südonou puletaoye panou madayu nasü louche loure donou Ramai nou puletao pei hisü soumah loure khouko aduli seikoupeie. 12Sübüa acheche naye sü louchemoa mah hinou vashoa hrüa buyu maitao hrülaiye mah-e tea chikukou peiwulai.
Neletaoye Khailu Peiloure donou Doloure
13Ramai nou leshiyu thaihou jürai khemai, Ehnou neletaoye donou teisanou Ramai hi kalo paovu zülai. Daiolouzü shurai hinou neletaoye soushee peiyu Rako hinou ea neletao nou louche louyu achechena hinou khailu louyu sü ngaoloure donou Ramai nou neletaoye sü doloure. 14Neletaoye panou Eletao Mapao Jisu Khrista vei adusho nahi koa zha ngaozholoure donou Ehnou nelehi paodou peiyu Ko Aveina süna vanou Ramai nou neleye hrü ashu hainahi kuve thoupeire. 15Südonou thaihou jürai khemai, soutaosou la-a bulo ea Ehnou münou ea seiko hinou nelehi paodou peikhai touyu acheche sütaosü soutaosou po-a bulo.
16Alia Eletao Mapao Jisu Khrista puhnou ea Eletaoye leshia puhvei zhuvea hinou Eletao hi kaolou hoyu khu-avei ea khoushoyu areih peikhai touyu Ramai Eletao Puo puhnou 17neletao lesü souvasho peiyu sü souloutheo ea neletaoye panou teisanou avei nasü souloure ea paoloure donou soutsü peitheo.
Currently Selected:
2 THESSALONIMAI 2: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
2 THESSALONIMAI 2
2
Mai Ashina
1Thaihou jürai khemai, chuo Eletao Mapao Jisu Khrista veyu ea puhye ve daore donou Eletaoye pove dzüloure süna vanou Ehnou nele hinou khowe, 2süolouzü neletao tsühai lapasoua Mapao teithe nasü veloure tea paoyu süna vanou tsübo phouhayu moa khupayu souwuso. Neletao nou süna vanou maikhe mainou zho ngaoshe ea rachi paolashe moa Eh hinou seiko seiveshe tea paoyu choukhaia puletaoye louchewuso. 3Hatali hinou maiye panou neleye lawuso; daiolouzü meizaihi thouvuzü laiyu Mai Ashina nou taveloua raia akhai vei reih nasü soubvüro moyu koutesü teithe sünasü velaimoe. 4Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.
5Enou neletaoye koa bubukinou haina hai Enou neletao hi paongao peire touyu sü neletao li-chomowu? 6Alia hainaye panou chu paloure dainou puhye nua busa touyu sü neletao nou süwe; daiolouzü puhsü lah puhye donou khadakhai touyu teile sühinou vebailai. 7Kheikhei souyu ashi vah nasü souta-a bure, ana sünaye nuchao-a buyu puhye ludu süna hinou potapeimo koutesü palaiyu sütaosü palai mohie. 8Alia süthaisü Mai Ashi nasü velai, ana Mapao Jisu nou veyu kisü puhnou puhye sü puh mü hinou payu puhvei ssünou southealai ea puhvei peivavayu zhu sünanou puletaoye sü souhalai. 9Mai Ashi nasü Saitan vei khouko nou koa velai ea madayu shee ea khupavah tyali soulai, 10alia halaiyu maitao pei hisü puhnou madayu ashi vah tyali soulai. Puletao sü sübüa habailai daiolouzü puletao nou acheche naye sü leshi bae ea sübüa khailulou bae. 11Südonou puletaoye panou madayu nasü louche loure donou Ramai nou puletao pei hisü soumah loure khouko aduli seikoupeie. 12Sübüa acheche naye sü louchemoa mah hinou vashoa hrüa buyu maitao hrülaiye mah-e tea chikukou peiwulai.
Neletaoye Khailu Peiloure donou Doloure
13Ramai nou leshiyu thaihou jürai khemai, Ehnou neletaoye donou teisanou Ramai hi kalo paovu zülai. Daiolouzü shurai hinou neletaoye soushee peiyu Rako hinou ea neletao nou louche louyu achechena hinou khailu louyu sü ngaoloure donou Ramai nou neletaoye sü doloure. 14Neletaoye panou Eletao Mapao Jisu Khrista vei adusho nahi koa zha ngaozholoure donou Ehnou nelehi paodou peiyu Ko Aveina süna vanou Ramai nou neleye hrü ashu hainahi kuve thoupeire. 15Südonou thaihou jürai khemai, soutaosou la-a bulo ea Ehnou münou ea seiko hinou nelehi paodou peikhai touyu acheche sütaosü soutaosou po-a bulo.
16Alia Eletao Mapao Jisu Khrista puhnou ea Eletaoye leshia puhvei zhuvea hinou Eletao hi kaolou hoyu khu-avei ea khoushoyu areih peikhai touyu Ramai Eletao Puo puhnou 17neletao lesü souvasho peiyu sü souloutheo ea neletaoye panou teisanou avei nasü souloure ea paoloure donou soutsü peitheo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.