2 SAMUEL 22
22
Veilou-Ngalouyu David vei Lou
(Lou 18)
1Ramai nou David ye Saul bah hinou alia puhvei ngaobamai kukhe bah hinou vupa peiyu vanou Ramai hi David nou haibüa lou soue: 2Puhnou paoe:
Mapao sü avei chuhdu-e, avei reihkhaobu, ae avei vu-apeio nasüe;
3Avei Ramai hai avei chuhdue,
E puh hinou bailouwe,
avei rüe ae Eye khailu peiyu kaie.
Puh sü avei khoukhoulai buh nasüe, avei baibuh alia avei khailu-apeio nasüe,
mai ashimai bah hinou Eye nenou khailupa peie.
4Paosho züyu Mapao, Enou neye kuwe,
ae ngaobamai hinou Eye khailupa peiwure.
5Athai vei veahoyu sünou Eye sühaoloue;
souhakayu ashi nanou Eye keilya loure.
6Athai vei rainou Eye zha haoloure;
ae khüh vei shorü nanou Eye duloure.
7E veasho-a buhinou Mapao ye Enou kue;
Enou Mapao ye soukha peio tea kue.
Puhvei rathoki hinou avei pai puhnou keipeie;
Avei paira sü puhvei noubei hi velou peie.
8Süthaisü deinou lüre alia ngure;
Rakiva vei beikheitao-a lü-a ngure,
daisounou touyuo Ramai nou raroure.
9Puhvei nghou qulu hinou meikhao khaopae,
soukanghi peiyu vei mei ae meithou hai puhvei mü hinou pae.
10Puhnou ratei taokho paloua takoue,
puhvei phi khe hisü teihao nou chaotei toue.
11Puhnou shouh pfüyu khaona phao hi palou-a zhaoe,
Teikhai vei shouh phaonou zhaotawe.
12Teizhi ye panou puhye züpfüe;
Dzüzha alao louyu teihao nou puhye sühaopfüa bue;
13Puh nghoujü hinou mei tao-a nou teipeivava pawe.
14 Mapao nou raki hinou pa teisü pae,
sübüa Akukulai Ramai vei paisü choue.
15Puhnou puhvei loushu kapa-a ngaoba maiye hupho rarouloue;
Teireiyu ava seive pei-a puletaoye panou tutae.
16 Mapao nou puhvei ngaoba maiye rarou-a züyu phaki,
zaidu vei akhai dei sü ngaopeie ae deiphao vei beikhei sü halia homoa bure.
17Puhnou reikou nou bah thaikou Eye pailoue;
thoushoyu dzü khe hinou Eye süthaipa peie.
18Puhnou Eye khouko bushoyu avei ngaoba maitao hinou vupa peie;
Ajünou khouchi shoyu ngaobamai hinou Eye khailu papeie.
19E veahoyu dao-a buyu phaki, puletao nou apei hi reih huloue,
ana Mapao nou Eye vupa peie.
20Puhnou Eye kaozhou ashi hinou vupapeie;
puhnou Eye khailupa peie daiolouzü puhnou ahi rukhayu bupeie.
21Enou acheche hinou vah souyu thaifüa Mapao nou Eye buu peie;
Avei le sheeyu donou puhnou ahi hapeie.
22Enou Mapao vei chikhatao sü züwe,
Enou avei Ramai hinou tarei tala moe.
23 Mapao vei chikha taosü Enou züloue,
Enou puhvei kharochi zümoyu sü soukhai timoe.
24Avei mah hae touyu hai puhnou süwe,
Enou hashi soumoe touyu Mapao nou süwe.
25Enou cheche-a vah souyu vei thou sü Mapao nou peie,
Mapao nou avei mah hae touyu süwe.
26Louchelou veiyu mai hi sü louchelou veiyu ngaopeie,
mah hayu mai hisü nevei acheche nasü ngaopeiwe.
27Sheeyu mai hisü nevei amashee nasü ngaopeie,
ana ashimai hisü nevei zhaipou shiyu nasü ngaopeiwe.
28Tainou souyu maiye nenou khailu peie,
ana khaophu souyu maiye nenou sounakou peie.
29 Mapao, ne sü avei ava nasüe;
nenou avei azhi nasü souha peie.
30Nevei soukha vanou reihmai me du ali jünou Enou veilousüe.
Avei Ramai ye koa nou rei bokha bouvo zhaocho palousüe.
31Ramai Mapao louzü puhvei ludu sü veichekhoe,
puhvei chipao sü kaomoyu ali-a hae.
Puhvei vupapei phouyu mai hrülai hisü puh hai rü ali bütoue.
32 Mapao baimoa puh thai Ramai thao bue?
Ramai likhei Etaoye vupa peire nasü baie.
33Ramai hai nasü avei veishoyu baibue;
ae avei ludu hi ngaopiyu sü puhnou souha peie.
34Puhnou avei phi sü shu phi büa soupeie;
ae Eye panou kushoyu buh hinou laloue.
35Puhnou avei bah sü reih züloure do khesü doupeie,
sübüa avei bah panou baosahu vei voulou koute paikhiloue.
36Nenou Eye nevei khailu louyu vei rü sü peie;
ne soukha nanou Eye souduso peie.
37Nenou avei ludu sü souka peie,
sükia Eye panou phi pyalou-a kaodu tamoe.
38Eye panou ngaobayu maitaoye thaingouloue ae puletao jünou veiloue,
ae puletaoye souhamo koute E thaikhai tamoe.
39Enou puletaoye souha chekho peie;
ae puletao lashupu louhore;
puletao hai anghoujü nou veilouhoa kaodu tare.
40Nenou Eye reih soulou süyu khouko sü peie,
ae nenou Eye ngaobamai jünou veilouyu sü peie.
41Nenou Eye ngaobayu maitaoye panou anghoujü nou tuta peie,
ae Eye thaihraiyu maiye souka-nghi peie.
42Puletao hai soukha peire mai phoue,
ana mailia tave puletaoye vupa peimoe;
Puletao nou Ramai ye kue,
ana puletao vei akho sü puhnou kei-nou peimoe.
43Enou puletaoye phinou tai-a deisa saposhu naihü kupeie,
luduhi konai bütou tea puletaoye aphinou taina peie.
44Apei hi reih sou-a Eye duyu maitao bah hinou Eye nenou khailupa peie,
ae Enou sümo-ngaomoyu maitaoye panou avei ku-vah soupeie.
45Shejü-shevai mainou tave Eye khurüwe,
puletao nou avei chipao sü chouloua achi züwe.
46Puletao vei khuduyu ae khouko sü hare,
südonou puletao vei reih duyu buh hinou pi-ngu-a tapare.
47 Mapao hai teisa hriyu Ramaie!
Eye vupa-apeioye sü paosholo!
Eye khailu peiyu Ramai vei aduso nasü paoshapa peio.
48Avei khü-ngu phou peiyu puh sü Ramaie,
puhnou tyahrü kukhemai ye poshu akhe thoupeie.
49Eye ngaobamai bah hinou Eye sapa lahdo soupeie;
Nenou Eye thaihraimai jünou pokupa peie,
zhaipou shimai hinou Eye nenou vupapeie.
50Südonou Enou neye paosholai, O Mapao,
tyahrü kukhe maitao nghoujü nou Enou lou sou-a nevei zhih paosholai.
51Puhnou puhvei veo hi dusho-a veilou-ngalouyu peie,
puhvei theadzü na-apeio pei hi puh vei leshi sü ngaopeie,
puh leshi hai David alia puh vei sholea pei hi teisa nou bupeitheo.
Currently Selected:
2 SAMUEL 22: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
2 SAMUEL 22
22
Veilou-Ngalouyu David vei Lou
(Lou 18)
1Ramai nou David ye Saul bah hinou alia puhvei ngaobamai kukhe bah hinou vupa peiyu vanou Ramai hi David nou haibüa lou soue: 2Puhnou paoe:
Mapao sü avei chuhdu-e, avei reihkhaobu, ae avei vu-apeio nasüe;
3Avei Ramai hai avei chuhdue,
E puh hinou bailouwe,
avei rüe ae Eye khailu peiyu kaie.
Puh sü avei khoukhoulai buh nasüe, avei baibuh alia avei khailu-apeio nasüe,
mai ashimai bah hinou Eye nenou khailupa peie.
4Paosho züyu Mapao, Enou neye kuwe,
ae ngaobamai hinou Eye khailupa peiwure.
5Athai vei veahoyu sünou Eye sühaoloue;
souhakayu ashi nanou Eye keilya loure.
6Athai vei rainou Eye zha haoloure;
ae khüh vei shorü nanou Eye duloure.
7E veasho-a buhinou Mapao ye Enou kue;
Enou Mapao ye soukha peio tea kue.
Puhvei rathoki hinou avei pai puhnou keipeie;
Avei paira sü puhvei noubei hi velou peie.
8Süthaisü deinou lüre alia ngure;
Rakiva vei beikheitao-a lü-a ngure,
daisounou touyuo Ramai nou raroure.
9Puhvei nghou qulu hinou meikhao khaopae,
soukanghi peiyu vei mei ae meithou hai puhvei mü hinou pae.
10Puhnou ratei taokho paloua takoue,
puhvei phi khe hisü teihao nou chaotei toue.
11Puhnou shouh pfüyu khaona phao hi palou-a zhaoe,
Teikhai vei shouh phaonou zhaotawe.
12Teizhi ye panou puhye züpfüe;
Dzüzha alao louyu teihao nou puhye sühaopfüa bue;
13Puh nghoujü hinou mei tao-a nou teipeivava pawe.
14 Mapao nou raki hinou pa teisü pae,
sübüa Akukulai Ramai vei paisü choue.
15Puhnou puhvei loushu kapa-a ngaoba maiye hupho rarouloue;
Teireiyu ava seive pei-a puletaoye panou tutae.
16 Mapao nou puhvei ngaoba maiye rarou-a züyu phaki,
zaidu vei akhai dei sü ngaopeie ae deiphao vei beikhei sü halia homoa bure.
17Puhnou reikou nou bah thaikou Eye pailoue;
thoushoyu dzü khe hinou Eye süthaipa peie.
18Puhnou Eye khouko bushoyu avei ngaoba maitao hinou vupa peie;
Ajünou khouchi shoyu ngaobamai hinou Eye khailu papeie.
19E veahoyu dao-a buyu phaki, puletao nou apei hi reih huloue,
ana Mapao nou Eye vupa peie.
20Puhnou Eye kaozhou ashi hinou vupapeie;
puhnou Eye khailupa peie daiolouzü puhnou ahi rukhayu bupeie.
21Enou acheche hinou vah souyu thaifüa Mapao nou Eye buu peie;
Avei le sheeyu donou puhnou ahi hapeie.
22Enou Mapao vei chikhatao sü züwe,
Enou avei Ramai hinou tarei tala moe.
23 Mapao vei chikha taosü Enou züloue,
Enou puhvei kharochi zümoyu sü soukhai timoe.
24Avei mah hae touyu hai puhnou süwe,
Enou hashi soumoe touyu Mapao nou süwe.
25Enou cheche-a vah souyu vei thou sü Mapao nou peie,
Mapao nou avei mah hae touyu süwe.
26Louchelou veiyu mai hi sü louchelou veiyu ngaopeie,
mah hayu mai hisü nevei acheche nasü ngaopeiwe.
27Sheeyu mai hisü nevei amashee nasü ngaopeie,
ana ashimai hisü nevei zhaipou shiyu nasü ngaopeiwe.
28Tainou souyu maiye nenou khailu peie,
ana khaophu souyu maiye nenou sounakou peie.
29 Mapao, ne sü avei ava nasüe;
nenou avei azhi nasü souha peie.
30Nevei soukha vanou reihmai me du ali jünou Enou veilousüe.
Avei Ramai ye koa nou rei bokha bouvo zhaocho palousüe.
31Ramai Mapao louzü puhvei ludu sü veichekhoe,
puhvei chipao sü kaomoyu ali-a hae.
Puhvei vupapei phouyu mai hrülai hisü puh hai rü ali bütoue.
32 Mapao baimoa puh thai Ramai thao bue?
Ramai likhei Etaoye vupa peire nasü baie.
33Ramai hai nasü avei veishoyu baibue;
ae avei ludu hi ngaopiyu sü puhnou souha peie.
34Puhnou avei phi sü shu phi büa soupeie;
ae Eye panou kushoyu buh hinou laloue.
35Puhnou avei bah sü reih züloure do khesü doupeie,
sübüa avei bah panou baosahu vei voulou koute paikhiloue.
36Nenou Eye nevei khailu louyu vei rü sü peie;
ne soukha nanou Eye souduso peie.
37Nenou avei ludu sü souka peie,
sükia Eye panou phi pyalou-a kaodu tamoe.
38Eye panou ngaobayu maitaoye thaingouloue ae puletao jünou veiloue,
ae puletaoye souhamo koute E thaikhai tamoe.
39Enou puletaoye souha chekho peie;
ae puletao lashupu louhore;
puletao hai anghoujü nou veilouhoa kaodu tare.
40Nenou Eye reih soulou süyu khouko sü peie,
ae nenou Eye ngaobamai jünou veilouyu sü peie.
41Nenou Eye ngaobayu maitaoye panou anghoujü nou tuta peie,
ae Eye thaihraiyu maiye souka-nghi peie.
42Puletao hai soukha peire mai phoue,
ana mailia tave puletaoye vupa peimoe;
Puletao nou Ramai ye kue,
ana puletao vei akho sü puhnou kei-nou peimoe.
43Enou puletaoye phinou tai-a deisa saposhu naihü kupeie,
luduhi konai bütou tea puletaoye aphinou taina peie.
44Apei hi reih sou-a Eye duyu maitao bah hinou Eye nenou khailupa peie,
ae Enou sümo-ngaomoyu maitaoye panou avei ku-vah soupeie.
45Shejü-shevai mainou tave Eye khurüwe,
puletao nou avei chipao sü chouloua achi züwe.
46Puletao vei khuduyu ae khouko sü hare,
südonou puletao vei reih duyu buh hinou pi-ngu-a tapare.
47 Mapao hai teisa hriyu Ramaie!
Eye vupa-apeioye sü paosholo!
Eye khailu peiyu Ramai vei aduso nasü paoshapa peio.
48Avei khü-ngu phou peiyu puh sü Ramaie,
puhnou tyahrü kukhemai ye poshu akhe thoupeie.
49Eye ngaobamai bah hinou Eye sapa lahdo soupeie;
Nenou Eye thaihraimai jünou pokupa peie,
zhaipou shimai hinou Eye nenou vupapeie.
50Südonou Enou neye paosholai, O Mapao,
tyahrü kukhe maitao nghoujü nou Enou lou sou-a nevei zhih paosholai.
51Puhnou puhvei veo hi dusho-a veilou-ngalouyu peie,
puhvei theadzü na-apeio pei hi puh vei leshi sü ngaopeie,
puh leshi hai David alia puh vei sholea pei hi teisa nou bupeitheo.
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.