2 SAMUEL 2
2
Judah Teidei hi David ye panou Vekou louyu
1Haithai David nou Ramai hi noue, “E chuwo Judah maivei nuh tarali hi taho hrüa veiho shie?”
Ramai nou “Taho hrüa veie” tea paopeie.
David nou noupukhaie, “E nuh kana hinou taho hrülai?”
“Hebron nuhdu hi taho hrüo” tea Ramai nou paoe. 2Südonou David nou puhvei khapfü ahai süolouzü Jezreel pfüpai Ahinoam alia Karmel hi rai-a Nabal khapfü souyupai Abigail ye salou-a Hebron hi tare. 3Puhnou puh vei maitao alia puletao kikhamaitao tea koa Hebron nuhdu pehi tave hrüa bure. 4Süthaisü Judah hi maitao nou Hebron hi tavelou-a David ye panou veo soure donou theadzü napeire.
David nou Gilead hi buyu Jabesh nuhmai nou Saul thaiphao sü vupeie touyu süloukhaie, 5puhnou kopomaiye seiho haibüa nou paoe, “Neletao Saul veo ye tsükhou-a puh vei thaiphao sü soutaosou-a vupeiyu vanou neletaoye Ramai panou hapeiyu soulou theo. 6Ramai nou neletaoye leshi peitheo, neletao nou vah aveih soupeiyu donou E-a neletaoye donou soutaosou zhupeilai. 7Khu dulo, khou chilo! Neletao veo Saul sü thaire, ana Judah maitao nou puletao vei veo soure donou apei hi theadzü napeiwure.”
Ishbosheth ye panou Israel Mai hi Veo Souyu
8Saul veo vei reihmai peichawo Ner nahpoutu Abner nou Saul vei nahpoutu Ishbosheth sa-a Jordan rei alilo dova tupa Mahanaim touyu buhi bure. 9Abner nou Ishbosheth ye panou Gilead teidei hi veo soure, Asher, Jezreel, Ephraim alia Benjamin maitao, süolouzü Israel maivei vedei teitei pei hi veo soure. 10Puh nou Israel mai veo souyu phaki, puh hai po raidai pare alia puhnou po ahai Israel mai veo soue, ana Judah khüwo louzü David veo khe hinou bue. 11Puh nou Hebron hinou po anai-da hai veo soue.
Israel alia Judah Mainou Reih Züyu
12Abner alia Ishbosheth khenou adumaitao nou Mahanaim hinou tapoa Gibeon nuhdu hi ve-e. 13Pfü Zeruiah nahpoutu Jaob alia David khehinou buyu adumaitao nou tave zai ali pe hinou daoe. Me ali nou zaipe alilao alia me kukhe alinou zaipe thapo alilao hinou ve zhi ngaola-a dao-a bure. 14Abner nou Joab hi paoe, “Nahlemai kamai-a dopaloua maisou thao sou-a panou reih züva-a bailaishe.”
“Sü-a veie,” tea Joab nou chila peie.
15Me ahai hinou mai kiahai kiahai hai dopalou-a Ishbosheth ae Benjamin khü alia David maitao thaosou-a panou talou reih züvae. 16Lahkuku pa chekhei takou ali nou ali pei paivalou-a khoche nou khüvae, sübüa mai kaidai sü deiphi kaokou thaikhai-a baire. Südonou deibuh sühisü “Khoche vei Dou” tea kue. 17Süthaisü lekha shishoyu reih sü züshure alia Abner ae Israel maitao sü David maitaoye soulou hore. 18Zeruiah pfüpai nahpoutu asü: Joab, Abishai alia Asahel chinamaitao hai reih hi loukhai toue. Asahel hai shu jünoua taveipu hie, 19puhnou Abner thai hukoure. 20Abner nou thailao reive lou-a paoe, “Ne Asahel mowu?”
“Ouvai,” tea puhnou khüpeie.
21“Athai ngousou baio!” tea Abner nou paoe. “Reihmai kukhe liye thaihu loua puh hi buyutao sü poloua baio.” Ana Asahel nou thaokhaimoa thaingoukhai ngoukhai-a baide. 22Abner nou thailao reivelou-a paopue, “Athai ngouso, daidonou Eye panou neye southa vuzüwulai tea souwe? E kabüa ne jürai Joab ye daolai?” 23Ana Asahel nou ngouyu thaokhai bare, südonou Abner nou puhvei heung nou thailova thaipa#2.23 Haibüyu pha-e puhvei heung nou thailova thaipa; Hebrew hi sheesha timoe. Asahel pou hinou khüshapa phaohi chapeiwu-a puhsü kaolou thai-a baire, ae puh thailao nou laiyu maitao nou takou puhvei thaiphao ngaolou-a cho hasou-a baire.
24Ana Joab ae Abishai nou Abner thaihu poa tare, thai jüpoa teinghi loutayu phaki Ammah deichi, süsü Giah hinou teinghi palao, Gibeon vaohro hi loure ludu hi vere. 25Sühisü Benjamin khü hi maitao nou Abner ye sühaove loua deichi peitaoh hinou dulai tea souda-a bue. 26Abner nou Jaob hi sha-a nou paoe, “Reih zükoute-a bubai laiwu? Akhai hi kou havei ali-a ngaomoa shikhai shikhai-a bailai touyu ne sümovu? Etao hai kityarai maikhai baie, teile daisho koute nemaitaoye panou Etao thai hulaige?”
27Joab nou chila peie, “E Ramai zhih hinou chaachou souwe, süolouzü nenou chi paomoyu thaiwo dosho teithe payu koute avei maitaoye panou ne thai ngoulai.” 28Süthaisü Joab nou shabe hou-a puhvei maitaoye panou Israel maiye thai ngoupu khaiso touyu shee soungao peie, alia sübüa reih züpu khaimoa baire.
29Süthaisü Abner alia puhvei maitao hai kheimathe nou Jordan rei sü tacho palou-a thainesho teithepayu phaki tapoa Mahanaim hi veloure.
30Joab nou chuo maiye thaihuyu hai chaore, puhnou puhvei maikhe maiye kuve jülouyu kisü mai kiakü hai Asahel-a loua nou ngaomode. 31David vei maitao nou Abner vei mai 360 southawure. 32Joab ae puhvei maitao nou Asahel vei thaiphao sü puhvei kihikha maivei khüh, süolouzü Bethlehem hinou vupeie, süthai puletao nou kheimathe nou tapoa teithe payu phaki Hebron hi khaive teloue.
Currently Selected:
2 SAMUEL 2: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
2 SAMUEL 2
2
Judah Teidei hi David ye panou Vekou louyu
1Haithai David nou Ramai hi noue, “E chuwo Judah maivei nuh tarali hi taho hrüa veiho shie?”
Ramai nou “Taho hrüa veie” tea paopeie.
David nou noupukhaie, “E nuh kana hinou taho hrülai?”
“Hebron nuhdu hi taho hrüo” tea Ramai nou paoe. 2Südonou David nou puhvei khapfü ahai süolouzü Jezreel pfüpai Ahinoam alia Karmel hi rai-a Nabal khapfü souyupai Abigail ye salou-a Hebron hi tare. 3Puhnou puh vei maitao alia puletao kikhamaitao tea koa Hebron nuhdu pehi tave hrüa bure. 4Süthaisü Judah hi maitao nou Hebron hi tavelou-a David ye panou veo soure donou theadzü napeire.
David nou Gilead hi buyu Jabesh nuhmai nou Saul thaiphao sü vupeie touyu süloukhaie, 5puhnou kopomaiye seiho haibüa nou paoe, “Neletao Saul veo ye tsükhou-a puh vei thaiphao sü soutaosou-a vupeiyu vanou neletaoye Ramai panou hapeiyu soulou theo. 6Ramai nou neletaoye leshi peitheo, neletao nou vah aveih soupeiyu donou E-a neletaoye donou soutaosou zhupeilai. 7Khu dulo, khou chilo! Neletao veo Saul sü thaire, ana Judah maitao nou puletao vei veo soure donou apei hi theadzü napeiwure.”
Ishbosheth ye panou Israel Mai hi Veo Souyu
8Saul veo vei reihmai peichawo Ner nahpoutu Abner nou Saul vei nahpoutu Ishbosheth sa-a Jordan rei alilo dova tupa Mahanaim touyu buhi bure. 9Abner nou Ishbosheth ye panou Gilead teidei hi veo soure, Asher, Jezreel, Ephraim alia Benjamin maitao, süolouzü Israel maivei vedei teitei pei hi veo soure. 10Puh nou Israel mai veo souyu phaki, puh hai po raidai pare alia puhnou po ahai Israel mai veo soue, ana Judah khüwo louzü David veo khe hinou bue. 11Puh nou Hebron hinou po anai-da hai veo soue.
Israel alia Judah Mainou Reih Züyu
12Abner alia Ishbosheth khenou adumaitao nou Mahanaim hinou tapoa Gibeon nuhdu hi ve-e. 13Pfü Zeruiah nahpoutu Jaob alia David khehinou buyu adumaitao nou tave zai ali pe hinou daoe. Me ali nou zaipe alilao alia me kukhe alinou zaipe thapo alilao hinou ve zhi ngaola-a dao-a bure. 14Abner nou Joab hi paoe, “Nahlemai kamai-a dopaloua maisou thao sou-a panou reih züva-a bailaishe.”
“Sü-a veie,” tea Joab nou chila peie.
15Me ahai hinou mai kiahai kiahai hai dopalou-a Ishbosheth ae Benjamin khü alia David maitao thaosou-a panou talou reih züvae. 16Lahkuku pa chekhei takou ali nou ali pei paivalou-a khoche nou khüvae, sübüa mai kaidai sü deiphi kaokou thaikhai-a baire. Südonou deibuh sühisü “Khoche vei Dou” tea kue. 17Süthaisü lekha shishoyu reih sü züshure alia Abner ae Israel maitao sü David maitaoye soulou hore. 18Zeruiah pfüpai nahpoutu asü: Joab, Abishai alia Asahel chinamaitao hai reih hi loukhai toue. Asahel hai shu jünoua taveipu hie, 19puhnou Abner thai hukoure. 20Abner nou thailao reive lou-a paoe, “Ne Asahel mowu?”
“Ouvai,” tea puhnou khüpeie.
21“Athai ngousou baio!” tea Abner nou paoe. “Reihmai kukhe liye thaihu loua puh hi buyutao sü poloua baio.” Ana Asahel nou thaokhaimoa thaingoukhai ngoukhai-a baide. 22Abner nou thailao reivelou-a paopue, “Athai ngouso, daidonou Eye panou neye southa vuzüwulai tea souwe? E kabüa ne jürai Joab ye daolai?” 23Ana Asahel nou ngouyu thaokhai bare, südonou Abner nou puhvei heung nou thailova thaipa#2.23 Haibüyu pha-e puhvei heung nou thailova thaipa; Hebrew hi sheesha timoe. Asahel pou hinou khüshapa phaohi chapeiwu-a puhsü kaolou thai-a baire, ae puh thailao nou laiyu maitao nou takou puhvei thaiphao ngaolou-a cho hasou-a baire.
24Ana Joab ae Abishai nou Abner thaihu poa tare, thai jüpoa teinghi loutayu phaki Ammah deichi, süsü Giah hinou teinghi palao, Gibeon vaohro hi loure ludu hi vere. 25Sühisü Benjamin khü hi maitao nou Abner ye sühaove loua deichi peitaoh hinou dulai tea souda-a bue. 26Abner nou Jaob hi sha-a nou paoe, “Reih zükoute-a bubai laiwu? Akhai hi kou havei ali-a ngaomoa shikhai shikhai-a bailai touyu ne sümovu? Etao hai kityarai maikhai baie, teile daisho koute nemaitaoye panou Etao thai hulaige?”
27Joab nou chila peie, “E Ramai zhih hinou chaachou souwe, süolouzü nenou chi paomoyu thaiwo dosho teithe payu koute avei maitaoye panou ne thai ngoulai.” 28Süthaisü Joab nou shabe hou-a puhvei maitaoye panou Israel maiye thai ngoupu khaiso touyu shee soungao peie, alia sübüa reih züpu khaimoa baire.
29Süthaisü Abner alia puhvei maitao hai kheimathe nou Jordan rei sü tacho palou-a thainesho teithepayu phaki tapoa Mahanaim hi veloure.
30Joab nou chuo maiye thaihuyu hai chaore, puhnou puhvei maikhe maiye kuve jülouyu kisü mai kiakü hai Asahel-a loua nou ngaomode. 31David vei maitao nou Abner vei mai 360 southawure. 32Joab ae puhvei maitao nou Asahel vei thaiphao sü puhvei kihikha maivei khüh, süolouzü Bethlehem hinou vupeie, süthai puletao nou kheimathe nou tapoa teithe payu phaki Hebron hi khaive teloue.
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.