2 SAMUEL 17
17
Hushai nou Absalom ye Süthaimah Peiyu
1Süthaisü Ahithophel nou Absalom hi paoe, “Eye panou mai thekiahai dopaloua zhou khei nou David ye phoutalai. 2Puhnou veasho-a buyu hinou alia lepe-a buyu teile hinou puhye Enou huloulai. Enou puhye khu soupa peilai, ae puhye sa-a laiyu maitao sü tuta-a bailai. Enou veo likheiye southa-a bailai. 3Naotumai ali nou lah puhvei khapu hi khaiveyu büa Enou puhvei maitaoye sü sa-a ne hi dakhaive peilai. Ne-a mai ali kheiye southayu jüpa-a baie, südonou mai naye sü southawu-a mai kukhetaoye sü hashilia soukhai toumoa save peilou süe.” 4Dokai haina hai vei cheche-a malae tea Absalom alia Israel maiye süthai-apei mai hrülai nou cho-a bue.
5Ana Absalom nou paoe, “Arkit puona Hushai-a kulou-a nou puhnou daitea paolaisa, puhvei pai-a keilaikhe.” 6Hushai ye kupoa veyu phaki, Absalom nou puh hi paoe, “Ahithophel nou haibüa nou soulai tea paowe, puhnou paoyu thaifüa soulaiho kabülai? Nenou choyu na-a Etao hi paokhaio.”
7Hushai nou Absalom hi paoe, “Chuchu hai Ahithophel nou paoyu nasü veimoe. 8Lah ne nou süwe, süolouzü ne puo alia puhvei maitao hai soureih hi veishoyu, khouko buyu mai khaitie, vuke nou puh toutouye nüpoa tayu phaki khuyubüa khuwe, süthemoa ne puo sü kaishoyu alia dotyalih süyu mai alie. Puhnou hasou kilia khei teile hi reihmai hrohi zükhai toulai moe. 9Chu koute-a puh sü lya qulu ali hinou mokhai-a haliki hinou tutsü-a bulai. Hakia nou ne puo nou reih hulou-a nevei mai kamaiye zülouyu thaiwo, Absalom vei reihmaitao hai pah shireshe tea sü-chou louyu mai hrülai nou kua bailai. 10Süthaisü reihmai khu veisho-a khao lüthou büa lüthou pfüyu mai koute-a pi-a bailai. Daisounou touyuo ne puo alia ne puoye koa tayu maitao sü reih veishoyu mai khaitie touyu Israel mai hrülai nou süwe.
11“Südonou Enou ne hi paonü zhuolouzü, zaidu pe hi buyu seinai vünai zhou buyu Dan hinou Beersheba koute buyu Israel maitaoye save jüloua lah ne vuzünou puletaoye süthai poa reihbu hi tayu nou veilai. 12Puhnou buh taraki buyuma puhye Etao nou ngaolou hoyu buh ali-a hae, deiphi hi vidzü kouyu büa puh pei hisü Etao nou velai. Puh ae puhye sa-a laiyu maitao sü mai ali koute-a panou hrilai moe. 13Hakinou puh sü nuhdu tarali hinou tutsü-a bushe toulouzü, Etao mai hrülai nou rai pove nuhdu sünasü daokhaowu-a chuh ali koute-a le buh hi panou bulai moe.”
14Absalom alia Israel mai hrülainou “Ahithophel nou paoyu najünou Arkit puona Hushai nou paoyu na-a veipure” tea paore. Daivanou touyuo Ahithophel nou vei-a paodou peiyu hai nasü panou hamako sou-a panou Absalom pei hi hakayu sü vere donou Ramai nou soudawure.
David ye Paopi Peia Puhnou Tureipa Louyu
15Hushai nou napao Zadok ae Abiathar hi paoe, “Ahithophel nou Absalom ae Israel tsümaitao hi sükulo, sübüa soulo tea paoe, ana Enou haibüa souloua baio tea puletao hisü paopeie.” 16Südonou chunou thalasou David hi “Zhoukhei nou reipe hi chaomoa nou thalasou Jordan rei tachopoa talo, maiye panou puletaoye nülou more donou alia southawu more donou tuvai talo,” tea Hushai nou paopeie.
17Abiathar nahpoutu Jonathan alia Zadok nahpoutu Ahimaaz puhai nou nuhdu hi loumoa Jerusalem pe hi buyu En Rogel touyu buh hinou kho-a bue, mai kilai naotumai alinou teisa nou buh sühi taho kheichi veishi hai Veo David hi paopeie, daiolouzü hona hainou nuhdu hisü talou louzü kaozhou ashi hai daolou veie. 18Ana teitheli nahmaitou alinou puhaiye ngaolou-a Absalom hi ve paopeie. Südonou puhai sü thasho-a tupoa Bahurim hi buyu mai ali ki hi ve tutsü-a bue. Mai süna kijü hi dzükhao ali bue, puhai nou dzükhao süna hi taolou buloure. 19Ki paopu chapfü nou dzükhao süna pei sü hopeire ae süpei hi thoubu lathou raowure. Südonou dzükhao hi buyu mailinou-a shilou hode.
20Absalom vei maitao nou ki süna hi tave “Ahimaaz alia Jonathan sü daiki bue,” tea naotupai hi noue.
“Puhaiwo rei kacho palou-a tare,” tea naotupai nou chila peie. Puletao nou hona haiye phouta-e, ana ngaoloumore, sütea puletao sü Jerusalem hi khaitare.
21Mai takhaiyu thai, puh haisü dzükhao hinou ngaopalou-a David hi chi paopeire donou tare. Puh hainou David hi ve “Thalasou rei tachopalou-a tabaio; Ahithophel nou ne pei hi haibüa soulai touyu do pfüphou sü paopeiwure,” tea paopeie. 22Südonou David alia puhye sa-a tayu mai hrülai sü Jordan rei tacholoure, teithemo jünou mai hrülai nou Jordan rei sü tachopa khailoure.
23Ahithophel nou puhvei chi hai maisou nou popeimoyu ngaolou-a puhvei rheisüh na pfülou-a lah puhvei nuh hi vetare. Puhnou ve lah puhvei kihikha hai vah souretao souwu-a puh sü lah rainou daothawu baire. Sütea puhye sü puhvei puopao maivei khüh hinou daovu peie.
24David nou tapoa Mahanaim touyu buh hi vere, ae Absalom nou puhvei maitaoye sa-a Jordan rei tacho paloure. 25Absalom nou Joab thaosou Amasa doloua reihmai peichana soupeie. Amasa hai Israel mai Jether nahpoutue, puh pfü zhih sü Abigail toue, puh sü Nahash nah naotupaie alia Joab vei pfüe, Zeruiah jürai paie. 26Absalom alia puhye koa laiyu Israel maitao nou Gilead teidei hinou chaobuh haolou-a bure.
27David nou Mahanaim hi veyu phaki, Ammon mai Rabbah hinou veyu Nahash nahpoutu Shobi, Lodebar hinou veyu Ammiel nahpoutu Makhir, ae Rogelim hinou veyu Gilead puona Barzillai puletao nou puhye ve daoe. 28Puletao nou züsah, raikhao, nainou souyu lee-khao, southou, barlithou, raokhao, ketu, toushithou, hathou, 29laivoudzü, theadzüke, zhaotu alia chonaodzüke tea David ae puhye koa laiyu maitaoye panou tousore donou pfüve peie. Daisounou touzhuo mai haitao hai rekou nou veasho-a ta-a laie, puletao hai rei-züa veasho-a bulaire touyu hai puletao nou süloure.
Currently Selected:
2 SAMUEL 17: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
2 SAMUEL 17
17
Hushai nou Absalom ye Süthaimah Peiyu
1Süthaisü Ahithophel nou Absalom hi paoe, “Eye panou mai thekiahai dopaloua zhou khei nou David ye phoutalai. 2Puhnou veasho-a buyu hinou alia lepe-a buyu teile hinou puhye Enou huloulai. Enou puhye khu soupa peilai, ae puhye sa-a laiyu maitao sü tuta-a bailai. Enou veo likheiye southa-a bailai. 3Naotumai ali nou lah puhvei khapu hi khaiveyu büa Enou puhvei maitaoye sü sa-a ne hi dakhaive peilai. Ne-a mai ali kheiye southayu jüpa-a baie, südonou mai naye sü southawu-a mai kukhetaoye sü hashilia soukhai toumoa save peilou süe.” 4Dokai haina hai vei cheche-a malae tea Absalom alia Israel maiye süthai-apei mai hrülai nou cho-a bue.
5Ana Absalom nou paoe, “Arkit puona Hushai-a kulou-a nou puhnou daitea paolaisa, puhvei pai-a keilaikhe.” 6Hushai ye kupoa veyu phaki, Absalom nou puh hi paoe, “Ahithophel nou haibüa nou soulai tea paowe, puhnou paoyu thaifüa soulaiho kabülai? Nenou choyu na-a Etao hi paokhaio.”
7Hushai nou Absalom hi paoe, “Chuchu hai Ahithophel nou paoyu nasü veimoe. 8Lah ne nou süwe, süolouzü ne puo alia puhvei maitao hai soureih hi veishoyu, khouko buyu mai khaitie, vuke nou puh toutouye nüpoa tayu phaki khuyubüa khuwe, süthemoa ne puo sü kaishoyu alia dotyalih süyu mai alie. Puhnou hasou kilia khei teile hi reihmai hrohi zükhai toulai moe. 9Chu koute-a puh sü lya qulu ali hinou mokhai-a haliki hinou tutsü-a bulai. Hakia nou ne puo nou reih hulou-a nevei mai kamaiye zülouyu thaiwo, Absalom vei reihmaitao hai pah shireshe tea sü-chou louyu mai hrülai nou kua bailai. 10Süthaisü reihmai khu veisho-a khao lüthou büa lüthou pfüyu mai koute-a pi-a bailai. Daisounou touyuo ne puo alia ne puoye koa tayu maitao sü reih veishoyu mai khaitie touyu Israel mai hrülai nou süwe.
11“Südonou Enou ne hi paonü zhuolouzü, zaidu pe hi buyu seinai vünai zhou buyu Dan hinou Beersheba koute buyu Israel maitaoye save jüloua lah ne vuzünou puletaoye süthai poa reihbu hi tayu nou veilai. 12Puhnou buh taraki buyuma puhye Etao nou ngaolou hoyu buh ali-a hae, deiphi hi vidzü kouyu büa puh pei hisü Etao nou velai. Puh ae puhye sa-a laiyu maitao sü mai ali koute-a panou hrilai moe. 13Hakinou puh sü nuhdu tarali hinou tutsü-a bushe toulouzü, Etao mai hrülai nou rai pove nuhdu sünasü daokhaowu-a chuh ali koute-a le buh hi panou bulai moe.”
14Absalom alia Israel mai hrülainou “Ahithophel nou paoyu najünou Arkit puona Hushai nou paoyu na-a veipure” tea paore. Daivanou touyuo Ahithophel nou vei-a paodou peiyu hai nasü panou hamako sou-a panou Absalom pei hi hakayu sü vere donou Ramai nou soudawure.
David ye Paopi Peia Puhnou Tureipa Louyu
15Hushai nou napao Zadok ae Abiathar hi paoe, “Ahithophel nou Absalom ae Israel tsümaitao hi sükulo, sübüa soulo tea paoe, ana Enou haibüa souloua baio tea puletao hisü paopeie.” 16Südonou chunou thalasou David hi “Zhoukhei nou reipe hi chaomoa nou thalasou Jordan rei tachopoa talo, maiye panou puletaoye nülou more donou alia southawu more donou tuvai talo,” tea Hushai nou paopeie.
17Abiathar nahpoutu Jonathan alia Zadok nahpoutu Ahimaaz puhai nou nuhdu hi loumoa Jerusalem pe hi buyu En Rogel touyu buh hinou kho-a bue, mai kilai naotumai alinou teisa nou buh sühi taho kheichi veishi hai Veo David hi paopeie, daiolouzü hona hainou nuhdu hisü talou louzü kaozhou ashi hai daolou veie. 18Ana teitheli nahmaitou alinou puhaiye ngaolou-a Absalom hi ve paopeie. Südonou puhai sü thasho-a tupoa Bahurim hi buyu mai ali ki hi ve tutsü-a bue. Mai süna kijü hi dzükhao ali bue, puhai nou dzükhao süna hi taolou buloure. 19Ki paopu chapfü nou dzükhao süna pei sü hopeire ae süpei hi thoubu lathou raowure. Südonou dzükhao hi buyu mailinou-a shilou hode.
20Absalom vei maitao nou ki süna hi tave “Ahimaaz alia Jonathan sü daiki bue,” tea naotupai hi noue.
“Puhaiwo rei kacho palou-a tare,” tea naotupai nou chila peie. Puletao nou hona haiye phouta-e, ana ngaoloumore, sütea puletao sü Jerusalem hi khaitare.
21Mai takhaiyu thai, puh haisü dzükhao hinou ngaopalou-a David hi chi paopeire donou tare. Puh hainou David hi ve “Thalasou rei tachopalou-a tabaio; Ahithophel nou ne pei hi haibüa soulai touyu do pfüphou sü paopeiwure,” tea paopeie. 22Südonou David alia puhye sa-a tayu mai hrülai sü Jordan rei tacholoure, teithemo jünou mai hrülai nou Jordan rei sü tachopa khailoure.
23Ahithophel nou puhvei chi hai maisou nou popeimoyu ngaolou-a puhvei rheisüh na pfülou-a lah puhvei nuh hi vetare. Puhnou ve lah puhvei kihikha hai vah souretao souwu-a puh sü lah rainou daothawu baire. Sütea puhye sü puhvei puopao maivei khüh hinou daovu peie.
24David nou tapoa Mahanaim touyu buh hi vere, ae Absalom nou puhvei maitaoye sa-a Jordan rei tacho paloure. 25Absalom nou Joab thaosou Amasa doloua reihmai peichana soupeie. Amasa hai Israel mai Jether nahpoutue, puh pfü zhih sü Abigail toue, puh sü Nahash nah naotupaie alia Joab vei pfüe, Zeruiah jürai paie. 26Absalom alia puhye koa laiyu Israel maitao nou Gilead teidei hinou chaobuh haolou-a bure.
27David nou Mahanaim hi veyu phaki, Ammon mai Rabbah hinou veyu Nahash nahpoutu Shobi, Lodebar hinou veyu Ammiel nahpoutu Makhir, ae Rogelim hinou veyu Gilead puona Barzillai puletao nou puhye ve daoe. 28Puletao nou züsah, raikhao, nainou souyu lee-khao, southou, barlithou, raokhao, ketu, toushithou, hathou, 29laivoudzü, theadzüke, zhaotu alia chonaodzüke tea David ae puhye koa laiyu maitaoye panou tousore donou pfüve peie. Daisounou touzhuo mai haitao hai rekou nou veasho-a ta-a laie, puletao hai rei-züa veasho-a bulaire touyu hai puletao nou süloure.
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.