2 SAMUEL 15
15
Reih Züre donou Rai-a Absalom nou Soudayu
1Süthaisü Absalom nou rheiluki, rhei ae puhye khosa-a tare mai raingou doposhu khailoure. 2Puhnou shona tashulou-a nuhdu hi taloure rokhubomü pe hinou tave la-a buloure. Mai talinou chilou kupeire donou veo hi paolai tea veyu phaki, Absalom nou sümaiye sü kulou-a ne daikinou, ae nuhdu kana hinou veyu maie tea noulouwe. Mai nanou puh hi E khü tena hinou ve-e tea puh hi paongao peiyu thai, 3Absalom nou haibüa paoe, “Nevei chi-lou hai kupeiyu thaio, nenou veilou vuzülai, nenou züwe, ana zhaodao chilou kupeire donou veo nou chiku peire mai dokhai peimoe.” 4Puh nou haibüa paopue, “Hakinou Eye nou kupeio touyu thaio, mah-zü thaifüa cheche hinou Enou soupeilai monou.”
5Mai talinoua puhye tsükhou-a khurüre donou puh nghoujünou nakouyu phaki, puhnou takou mai sünaye sü kholou-a münou mu-a teipeie. 6Haibüyu zhaidou hai Israel mai khü tyatyalih hinou chi-lou kupeire donou veo hi paongaolai tea taveyu mai hrülai hisü, puhnou soungaopei-a maikhe mai tsüle sü lah puh hi süthaikou khailoure.
7Haibüa soukouyu po adai#15.7 Larübvü kamai hi adai; Hebrew hi raidai. thaisü, Absalom nou veo David hi paoe, “Enou soulai tea Ramai hi paohkhai touyu nasü taho soure donou Eye panou zhuvea-a Hebron hi tare donou aetou peio.” 8E Sairia levai buyu Geshur hi hrüyu phaki, “Ramai nenou Eye panou Jerusalem hi dakhai velouyu thaio, Hebron hinou tave neye tholai,” tea Enou chaachou soukhai toue.
9“Kaona-a tawo,” tea veo nou lühpeie. Südonou Absalom sü Hebron hi tare.
10Ana puhnou haibüa paore donou Israel mai khü teitei hisü kheichi paomai seitawure, süolouzü, “Neletao nou shabe houyu kho chou louzü, ‘Absalom nou Hebron hinou veo souloure’ tea nou shapalo tea paopeie.” 11Jerusalem hinou mai kaih-hai sü Absalom nou sapoa tare, puletao louzü haibüa pare vei shohdo ashi hai sükhai toumoa ta-a baie. 12Puhnou Ramai ye posheela-a buyu phaki, puhnou maiye seiho Gilon nuhdu hi buyu David veo vei paodou-apeio Ahithophel ye-a puh hi kuve loure. Haizhai büa Absalom vei khei shohdo nasü khouchi lailai paloure alia me dulailai paloure.
David nou Jerusalem Thao-a Tutayu
13Kopomai ali nou tave David hi paoe, “Israel mai hrülai vei tsüle sü Absalom hi bubaire.”
14Süthaisü David nou puhye koa Jerusalem hi buyu puhvei peikho maitao hi paoe, “She, tutalou molouzü Etao hai Absalom hinou turei palou holaire. Thalasou tutalou molouzü puhnou Etaoye nüloua bailai, sübüa nuhdu hi mai hrülaiye southawu shulai.”
15“Veo, nenou hai kulai tea paoyu süna thaifüa tare donou Etao mai hrülai nou souda-a bue,” tea puhvei peicha maitao nou khüpeie.
16Veo vei kihikhamai hrülai sü veo ye koa tashure; ana puhvei vebuh kina kholoure donou puhvei khapapfü mai kirou sü ki hi thaokhaitea tare.
17Veo alia puhye koa salaiyu maitao nou nuhdu nasü thaokhaiwua tayu phaki, puletao nou tapoa kou nuhdu vei kaidu khahi buyu ki hinou takou chao-a bue. 18Veo vei maitao nou takhe railou-a raitare donou vyakheyu phaki, Veo khehinou adumaitao nou veoye kho-a nou zha-a bue. Gath hinou veo thaifü poa tayu reihmai kaih aroutao-a tapoa veo nghoujü nou vyakhere. 19Veo nou puletao peikhowo Ittai hi paoe, “Daisounou neletao athaifü tawe? Dakhai ta-a baio, khaive veo ashunaye koa hrüo. Neletao sü shejümai baie, lah nuh thaowu-a ve bai-a hrüyu maitao baie. 20Neletao hai phajü touli hai hi ve hrüa baihie, südonou neletaoye daisounou pa Eye koa tasühao khailaige? E daiki velaisa touyu buh koute-a sümoe, nevei maitaoye sa-a dakhai tawo, Ramai ye panou neletaoye zhuvea leshi peitheo.”
21Ana Ittai nou “Veo, E Ramai zhih ku-a ne hi paowe, süolouzü, thailai touyuma nenou tayu hisü E teisa nou ne thaifüa ta-a bailai,” tea paoloure.
22“Sütouyu thaisü veishore, takhe khaio!” tea David veo nou paopeie. Südonou Ittai alia puhvei maitao ae kikhamaitao hai veo nghoujü nou zhapo-a khere. 23Veo alia puhvei maitao nou nuhdu thaowu-a tapayu phaki, nuhmai hrülai nou rasou krare. David Veoye thaifüpoa puhvei maitao hai Kidron rei tachopoa rekou talou tare.
24Levi mainou Zadok napao koa Ramai vei Vo Sübvü nasü kaopoa nou ta-e. Vo Sübvü sünasü maikhe mainou nuhdu tala loumo koute posho khaiwure, alia Napao Abiathar nou puletao tala loumosa sü ratho-a posheela peie.
25Süthaisü veo nou Zadok hi paoe, “Ramai vei Vo Sübvü nasü podakhai ve nuhdu hi khaipeio. Hakinou Eye Ramai nou leshi peilouzü, Puhnou Eye sa-a dakhaive panou süna alia puhnou buyu buh nasü ngaopulou shulai. 26Ana puhnou Eye jüpamo louzü, E sü daisoukhai; puhnou sounüyu nasü panou soulou theo.”
27Veo nou Zadok napao hi paoe, “Ne sü vepare ngaoyu mai movu? Nuhdu hisü kaona-a ne nahpoutu Ahimaaz alia Abiathar nahpoutu Jonathan ye sa-a dakhai tawo. 28Ne hinou ki laova ko khesü süloumo koute rei kachopa nghiphao deika hinou E kho-a nou bulai.” 29Südonou Zadok alia Abiathar nou Vo Sübvü nasü poloua Jerusalem hi dakhai tare alia sühinou ve bure.
30Ana David veo sü sah nou pei hopfüa, phikha koute-a pfümoa kra-a lukhu Oliv Deichi vasü taokhere. Puhye sa-a tayu mai hrülai-a sah nou pei hopfüa kra-a nou deichi vasü rakhe tare. 31Sübüa buyu phaki, mai alinou “Ahithophel-a Absalom ye koa lou dozho tare,” tea David hi paopeie. Südonou David nou haibüa nou paoe, “Oh Mapaowo, Ahithophel nou tsücho-a soupfüyu pfüphou sü panou hamoko soupeio.”
32David nou tapoa deichi peitaoh hi, maikhe mainou Ramai ye thoyu buh ali hi pate louyu phaki, puhnou louche shoyu Arkit puona Hushai nou puhvei sabanü sü paiphawua ae puh pei hi nai bosholoua tave puhye daolai tea bure. 33David nou puh hi paoe, “Nenou Eye koa tayu thaisü, ne sü Eye halia soukha louhoe. 34Ana nenou nuhdu hi dakhai velou-a Absalom hi ‘E ne puo ye donou kuvah soupeiyu büa ne hi-a soupeilai tea paolo,’ süthaisü nenou Ahithophel nou paoyu chitao sü poba peilou süsa poba peilou louzü, sübüa nenou Eye soukha peilou süe. 35Napao Zadok ae Abiathar puhai-a sühi bue. Nenou veo ki hinou daidai sülou chou louyu teitei sü puhai hi ve paopeio. 36Zadok nahpoutu Ahimaaz ae Abiathar nahpoutu Jonathan puhai-a sühi bue. Nenou chipao taralia ahi paore bulouzü, puh haiye panou ahi ve paopeio.”
37Südonou David vei samai Hushai sü nuhdu hi dakhai veyu teile bühisü Absalom nou nuhdu hisü veloure.
Currently Selected:
2 SAMUEL 15: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
2 SAMUEL 15
15
Reih Züre donou Rai-a Absalom nou Soudayu
1Süthaisü Absalom nou rheiluki, rhei ae puhye khosa-a tare mai raingou doposhu khailoure. 2Puhnou shona tashulou-a nuhdu hi taloure rokhubomü pe hinou tave la-a buloure. Mai talinou chilou kupeire donou veo hi paolai tea veyu phaki, Absalom nou sümaiye sü kulou-a ne daikinou, ae nuhdu kana hinou veyu maie tea noulouwe. Mai nanou puh hi E khü tena hinou ve-e tea puh hi paongao peiyu thai, 3Absalom nou haibüa paoe, “Nevei chi-lou hai kupeiyu thaio, nenou veilou vuzülai, nenou züwe, ana zhaodao chilou kupeire donou veo nou chiku peire mai dokhai peimoe.” 4Puh nou haibüa paopue, “Hakinou Eye nou kupeio touyu thaio, mah-zü thaifüa cheche hinou Enou soupeilai monou.”
5Mai talinoua puhye tsükhou-a khurüre donou puh nghoujünou nakouyu phaki, puhnou takou mai sünaye sü kholou-a münou mu-a teipeie. 6Haibüyu zhaidou hai Israel mai khü tyatyalih hinou chi-lou kupeire donou veo hi paongaolai tea taveyu mai hrülai hisü, puhnou soungaopei-a maikhe mai tsüle sü lah puh hi süthaikou khailoure.
7Haibüa soukouyu po adai#15.7 Larübvü kamai hi adai; Hebrew hi raidai. thaisü, Absalom nou veo David hi paoe, “Enou soulai tea Ramai hi paohkhai touyu nasü taho soure donou Eye panou zhuvea-a Hebron hi tare donou aetou peio.” 8E Sairia levai buyu Geshur hi hrüyu phaki, “Ramai nenou Eye panou Jerusalem hi dakhai velouyu thaio, Hebron hinou tave neye tholai,” tea Enou chaachou soukhai toue.
9“Kaona-a tawo,” tea veo nou lühpeie. Südonou Absalom sü Hebron hi tare.
10Ana puhnou haibüa paore donou Israel mai khü teitei hisü kheichi paomai seitawure, süolouzü, “Neletao nou shabe houyu kho chou louzü, ‘Absalom nou Hebron hinou veo souloure’ tea nou shapalo tea paopeie.” 11Jerusalem hinou mai kaih-hai sü Absalom nou sapoa tare, puletao louzü haibüa pare vei shohdo ashi hai sükhai toumoa ta-a baie. 12Puhnou Ramai ye posheela-a buyu phaki, puhnou maiye seiho Gilon nuhdu hi buyu David veo vei paodou-apeio Ahithophel ye-a puh hi kuve loure. Haizhai büa Absalom vei khei shohdo nasü khouchi lailai paloure alia me dulailai paloure.
David nou Jerusalem Thao-a Tutayu
13Kopomai ali nou tave David hi paoe, “Israel mai hrülai vei tsüle sü Absalom hi bubaire.”
14Süthaisü David nou puhye koa Jerusalem hi buyu puhvei peikho maitao hi paoe, “She, tutalou molouzü Etao hai Absalom hinou turei palou holaire. Thalasou tutalou molouzü puhnou Etaoye nüloua bailai, sübüa nuhdu hi mai hrülaiye southawu shulai.”
15“Veo, nenou hai kulai tea paoyu süna thaifüa tare donou Etao mai hrülai nou souda-a bue,” tea puhvei peicha maitao nou khüpeie.
16Veo vei kihikhamai hrülai sü veo ye koa tashure; ana puhvei vebuh kina kholoure donou puhvei khapapfü mai kirou sü ki hi thaokhaitea tare.
17Veo alia puhye koa salaiyu maitao nou nuhdu nasü thaokhaiwua tayu phaki, puletao nou tapoa kou nuhdu vei kaidu khahi buyu ki hinou takou chao-a bue. 18Veo vei maitao nou takhe railou-a raitare donou vyakheyu phaki, Veo khehinou adumaitao nou veoye kho-a nou zha-a bue. Gath hinou veo thaifü poa tayu reihmai kaih aroutao-a tapoa veo nghoujü nou vyakhere. 19Veo nou puletao peikhowo Ittai hi paoe, “Daisounou neletao athaifü tawe? Dakhai ta-a baio, khaive veo ashunaye koa hrüo. Neletao sü shejümai baie, lah nuh thaowu-a ve bai-a hrüyu maitao baie. 20Neletao hai phajü touli hai hi ve hrüa baihie, südonou neletaoye daisounou pa Eye koa tasühao khailaige? E daiki velaisa touyu buh koute-a sümoe, nevei maitaoye sa-a dakhai tawo, Ramai ye panou neletaoye zhuvea leshi peitheo.”
21Ana Ittai nou “Veo, E Ramai zhih ku-a ne hi paowe, süolouzü, thailai touyuma nenou tayu hisü E teisa nou ne thaifüa ta-a bailai,” tea paoloure.
22“Sütouyu thaisü veishore, takhe khaio!” tea David veo nou paopeie. Südonou Ittai alia puhvei maitao ae kikhamaitao hai veo nghoujü nou zhapo-a khere. 23Veo alia puhvei maitao nou nuhdu thaowu-a tapayu phaki, nuhmai hrülai nou rasou krare. David Veoye thaifüpoa puhvei maitao hai Kidron rei tachopoa rekou talou tare.
24Levi mainou Zadok napao koa Ramai vei Vo Sübvü nasü kaopoa nou ta-e. Vo Sübvü sünasü maikhe mainou nuhdu tala loumo koute posho khaiwure, alia Napao Abiathar nou puletao tala loumosa sü ratho-a posheela peie.
25Süthaisü veo nou Zadok hi paoe, “Ramai vei Vo Sübvü nasü podakhai ve nuhdu hi khaipeio. Hakinou Eye Ramai nou leshi peilouzü, Puhnou Eye sa-a dakhaive panou süna alia puhnou buyu buh nasü ngaopulou shulai. 26Ana puhnou Eye jüpamo louzü, E sü daisoukhai; puhnou sounüyu nasü panou soulou theo.”
27Veo nou Zadok napao hi paoe, “Ne sü vepare ngaoyu mai movu? Nuhdu hisü kaona-a ne nahpoutu Ahimaaz alia Abiathar nahpoutu Jonathan ye sa-a dakhai tawo. 28Ne hinou ki laova ko khesü süloumo koute rei kachopa nghiphao deika hinou E kho-a nou bulai.” 29Südonou Zadok alia Abiathar nou Vo Sübvü nasü poloua Jerusalem hi dakhai tare alia sühinou ve bure.
30Ana David veo sü sah nou pei hopfüa, phikha koute-a pfümoa kra-a lukhu Oliv Deichi vasü taokhere. Puhye sa-a tayu mai hrülai-a sah nou pei hopfüa kra-a nou deichi vasü rakhe tare. 31Sübüa buyu phaki, mai alinou “Ahithophel-a Absalom ye koa lou dozho tare,” tea David hi paopeie. Südonou David nou haibüa nou paoe, “Oh Mapaowo, Ahithophel nou tsücho-a soupfüyu pfüphou sü panou hamoko soupeio.”
32David nou tapoa deichi peitaoh hi, maikhe mainou Ramai ye thoyu buh ali hi pate louyu phaki, puhnou louche shoyu Arkit puona Hushai nou puhvei sabanü sü paiphawua ae puh pei hi nai bosholoua tave puhye daolai tea bure. 33David nou puh hi paoe, “Nenou Eye koa tayu thaisü, ne sü Eye halia soukha louhoe. 34Ana nenou nuhdu hi dakhai velou-a Absalom hi ‘E ne puo ye donou kuvah soupeiyu büa ne hi-a soupeilai tea paolo,’ süthaisü nenou Ahithophel nou paoyu chitao sü poba peilou süsa poba peilou louzü, sübüa nenou Eye soukha peilou süe. 35Napao Zadok ae Abiathar puhai-a sühi bue. Nenou veo ki hinou daidai sülou chou louyu teitei sü puhai hi ve paopeio. 36Zadok nahpoutu Ahimaaz ae Abiathar nahpoutu Jonathan puhai-a sühi bue. Nenou chipao taralia ahi paore bulouzü, puh haiye panou ahi ve paopeio.”
37Südonou David vei samai Hushai sü nuhdu hi dakhai veyu teile bühisü Absalom nou nuhdu hisü veloure.
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.