1 SAMUEL 3
3
Mapao nou Samuel ye Kuyu
1Chuo nahtou Samuel hai Eli vei khehinou Mapao kuvah soua bure. Süteile phaki Mapao vei paila hai choule moe, ae puh hinou zho ngaoyu hai ngao zhazha moe. 2Teitheli khei, nghithou rata-a hangaotou moa buyu Eli hai lah puhvei ki hinou züa bue, 3ae Samuel hai Rathoki hi Vo Sübvü khaitouyu hinou züe. Teithe pamo jübü, rathoki hi meivabvü taokhai toua sounghi moa buyu teile hinou, 4Mapao nou “Samuel, Samuel” tea la-e. Ae Samuel nou “E haihi bue” tea chila peie. 5Puhnou Eli hi takouloua paoe, “E hai hi bue, ne Eye lavu?”
Ana Eli nou chila peie, “E neye kumoe; dakhaikou zütawo.” Samuel nou lah zübuh hi dakhaikou zütare.
6-7 Mapao nou Samuel ye kupure, ana raichoki Mapao nou puhye sü chakhai toumoyu thaifüa puhye Mapao nou chawe touyu sü puhnou sülou more. Südonou puhnou kushuloua Eli hi kou “E hai hi bue, ne Eye lawu?” tea noue.
Ana Eli nou “Anahna, E neye la moe, dakhaikou zütawo” tea chila peie.
8 Mapao nou Samuel ye bakha asü chenasoua lapu khaire. Puhnou kushuloua Eli hi takou “Nenou Eye kuwu? E hai bue,” tea paoe.
Süthaisü Mapao nou nahtou naye kure touyu hai Eli nou süloure. 9Südonou puhnou Samuel hi paoe, “Dakhaikou zütawo; hakinou neye kupu louzü ‘Mapaowo, ne kilai Enou kei-a bue, paokhaio’ tea paolo.” Süthaisü Samuel nou dakhaikou zütare.
10 Mapao nou puh hi talou laloua “Samuel, Samuel!” tea lapure.
Ae Samuel nou “Ne kilai Enou kei-a nou bue, paopei khaio” tea chila peie.
11Süthaisü Mapao nou puh hi haibüa paoe, “Zhukhaio, Enou Israel mai hrülai hi ngaopi shoyu vah ali soulaire, ae sünasü chou louyu mai hrülai hai ngaopi sholai. 12Süzhou teithe hai Enou Eli kihikha mai hi paopi peiyu teitei sü arai nou poa akhai koute souvete peilai. 13Enou puhvei kihikha maiye teisa nou tudee laire tea puh hi paopei chewure,#3.13 Larübvü ali hi Enou...puh hi paopei chewure; Hebrew Enou puh hi paopeilai. daiolouzü puhvei nahpoututao nou Eye ngaophou moa paoshi-a bure. Eli nou hai khesü süa buyuma puhnou puhvei nahmaitaoye sü tukha loumoe. 14Südonou Enou Eli kihikha mai hi chaachou soua paopeiwure, süolouzü hatyatyali soua posheela-a buyuma puhvei kihikha maitao vei mah khesü khaipei louhore.”
15Samuel nou shona koute hai züphao hinou züa bure; süthaisü puhnou kushuloua Mapao vei ki sü kikhu houpeiwure. Ana puhnou zho ngaoyu nasü Eli hi paongao pire. 16Ana Eli nou Samuel ye “Anahpoutu Samuel!” tea kuloure, ae puhnou “E hai hi bue” tea chila peie.
17Eli nou puh hi noue, “Mapao nou ne hi daitoua paowe? Halia pokukhai toumoa ahi paongao khaio. Puhnou ne hi paoyu chi teitei sü ahi paongaokhai toumo louzü Ramai nou neye tudee-a bailai.” 18Südonou Samuel nou halia poku moa Eli hi paokhai toupeie. Ae Eli nou paoe, “Puh hai Mapao-e; puhye donou veikayu nasü panou soulou theo.”
19Samuel nou dusho payu phaki, Mapao nou puhye koa salai peie, ae puhnou paoyu teitei sü panou cheche-a vepakhai toupeie. 20Südonou Israel mai hrülai, teidei akhai hinou poa alilo akhai hi koute hai Samuel ye Mapao vei rachipaola apeio tea nou sükhai touwe. 21Mapao nou Shiloh hinou ve Samuel ye zhu ngaopei koute-e ae puhye chaku peiwe, ae Samuel nou chi paoyu phaki, Israel mai hrülai nou kei-nou peiwe.
Currently Selected:
1 SAMUEL 3: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
1 SAMUEL 3
3
Mapao nou Samuel ye Kuyu
1Chuo nahtou Samuel hai Eli vei khehinou Mapao kuvah soua bure. Süteile phaki Mapao vei paila hai choule moe, ae puh hinou zho ngaoyu hai ngao zhazha moe. 2Teitheli khei, nghithou rata-a hangaotou moa buyu Eli hai lah puhvei ki hinou züa bue, 3ae Samuel hai Rathoki hi Vo Sübvü khaitouyu hinou züe. Teithe pamo jübü, rathoki hi meivabvü taokhai toua sounghi moa buyu teile hinou, 4Mapao nou “Samuel, Samuel” tea la-e. Ae Samuel nou “E haihi bue” tea chila peie. 5Puhnou Eli hi takouloua paoe, “E hai hi bue, ne Eye lavu?”
Ana Eli nou chila peie, “E neye kumoe; dakhaikou zütawo.” Samuel nou lah zübuh hi dakhaikou zütare.
6-7 Mapao nou Samuel ye kupure, ana raichoki Mapao nou puhye sü chakhai toumoyu thaifüa puhye Mapao nou chawe touyu sü puhnou sülou more. Südonou puhnou kushuloua Eli hi kou “E hai hi bue, ne Eye lawu?” tea noue.
Ana Eli nou “Anahna, E neye la moe, dakhaikou zütawo” tea chila peie.
8 Mapao nou Samuel ye bakha asü chenasoua lapu khaire. Puhnou kushuloua Eli hi takou “Nenou Eye kuwu? E hai bue,” tea paoe.
Süthaisü Mapao nou nahtou naye kure touyu hai Eli nou süloure. 9Südonou puhnou Samuel hi paoe, “Dakhaikou zütawo; hakinou neye kupu louzü ‘Mapaowo, ne kilai Enou kei-a bue, paokhaio’ tea paolo.” Süthaisü Samuel nou dakhaikou zütare.
10 Mapao nou puh hi talou laloua “Samuel, Samuel!” tea lapure.
Ae Samuel nou “Ne kilai Enou kei-a nou bue, paopei khaio” tea chila peie.
11Süthaisü Mapao nou puh hi haibüa paoe, “Zhukhaio, Enou Israel mai hrülai hi ngaopi shoyu vah ali soulaire, ae sünasü chou louyu mai hrülai hai ngaopi sholai. 12Süzhou teithe hai Enou Eli kihikha mai hi paopi peiyu teitei sü arai nou poa akhai koute souvete peilai. 13Enou puhvei kihikha maiye teisa nou tudee laire tea puh hi paopei chewure,#3.13 Larübvü ali hi Enou...puh hi paopei chewure; Hebrew Enou puh hi paopeilai. daiolouzü puhvei nahpoututao nou Eye ngaophou moa paoshi-a bure. Eli nou hai khesü süa buyuma puhnou puhvei nahmaitaoye sü tukha loumoe. 14Südonou Enou Eli kihikha mai hi chaachou soua paopeiwure, süolouzü hatyatyali soua posheela-a buyuma puhvei kihikha maitao vei mah khesü khaipei louhore.”
15Samuel nou shona koute hai züphao hinou züa bure; süthaisü puhnou kushuloua Mapao vei ki sü kikhu houpeiwure. Ana puhnou zho ngaoyu nasü Eli hi paongao pire. 16Ana Eli nou Samuel ye “Anahpoutu Samuel!” tea kuloure, ae puhnou “E hai hi bue” tea chila peie.
17Eli nou puh hi noue, “Mapao nou ne hi daitoua paowe? Halia pokukhai toumoa ahi paongao khaio. Puhnou ne hi paoyu chi teitei sü ahi paongaokhai toumo louzü Ramai nou neye tudee-a bailai.” 18Südonou Samuel nou halia poku moa Eli hi paokhai toupeie. Ae Eli nou paoe, “Puh hai Mapao-e; puhye donou veikayu nasü panou soulou theo.”
19Samuel nou dusho payu phaki, Mapao nou puhye koa salai peie, ae puhnou paoyu teitei sü panou cheche-a vepakhai toupeie. 20Südonou Israel mai hrülai, teidei akhai hinou poa alilo akhai hi koute hai Samuel ye Mapao vei rachipaola apeio tea nou sükhai touwe. 21Mapao nou Shiloh hinou ve Samuel ye zhu ngaopei koute-e ae puhye chaku peiwe, ae Samuel nou chi paoyu phaki, Israel mai hrülai nou kei-nou peiwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.