Matayo 4
4
Yesu agezigwa
Maliko 1:12-13; Luka 4:1-13
1Muye ywa Mnungu niyo amwigalaga Yesu kwe dijangwa vileke akagezigwe nu Mwavu. 2Eze ekale mazuwa milongo mine kilo na msi haheina kudya chochose, akeivaga sala. 3Niyo Mgezi amwiizila niyo amgamba, “Uneva kindedi weye ywi Mwana Mnungu, yagambe maiwe aya yande nk'hande.”
4Mna Yesu niyo amgamba, “Iwandikwa kugamba, ‘Mnt'hu haaikwe ni kudya nk'hande du, mna naaikwe ni kiya akulonga Mnungu.’ ”
5Naho Mwavu niyo amwigala Yesu uko Yelusalemu, mzi ukukile, niyo amkweza kwo lunenengwa lwe Nyumba ya Mnungu, 6Niyo amgamba, “Uneva ywi Mwana Mnungu, keduule hasi, kwaviya iwandikwa kugamba,
‘Mnungu naawagambe watumigwa wa kwe mbingu
wakupoele mwe mikono yawe,
vileke use kukakobadisa ikiga chako mwe diiwe.’ ”
7Yesu niyo amgamba, “Iwandikwa kugamba, ‘Use kumgeza Zumbe Mnungu ywako.’ ”
8Mwavu niyo amwigala Yesu kwo mnima mtali, no kumlagisa useuta wose umwe isi hamwenga no uwedi wakwe utendedse. 9Mwavu niyo amgamba, “Nohwink'he ivi vose,” “uneva unanifikila madi na kunivika.”
10Yesu niyo amgamba, “Halawe aha, weye Mwavu! Iwandikwa kugamba, ‘Umfikile madi Zumbe Mnungu ekedu, naho umdamanyile ndima yehe du!’ ”
11Niyo Mwavu amleka Yesu, watumigwa wa kwe mbingu wamwizilaga Yesu, niyo wamwambiza.
Yesu akonga ndima yakwe uko Galilaya
Maliko 1:14-15; Luka 4:14-15
12Yesu eze eve Yohana kavugailwa kwe divugailo, aitaga Galilaya. 13Hekalaga Nazaleti, ivo agendaga kwikala Kapelinaumu, mzi umnk'handa ye diziwa dya Galilaya, mwe mihaka ye wilaya ya Zabuloni na Nafutali. 14Idi dyadamanyika vileke yadya alongaga mlotezi ywa Mnungu Isaya yakint'he kugamba,
15“Si za Zabuloni na si za Nafutali,
sila ya mwe bahali kujink'hanya ng'ambu yo mto Yolodani,
Galilaya, isi ya want'hu hi Wayahudi!
16Want'hu wakwikala mwo lwiza,
wauwona unga'zi mkulu.
Na wose wakwikala mwe isi yo lwiza lwe file,
ung'azi uwang'azila.”
17Kukongela aho, Yesu andaga akabilikiza akagamba, “Lekeni wavu wenyu, kwaviya Useuta wa Mnungu uhagihi!”
Yesu etanga walowa samaki wane
18Yesu andaga akagenda mwe mp'wani ye diziwa dya Galilaya, aonaga wandugu waidi wandaga wakalowa samaki, Simoni etangagwa Petulo, na nduguye Anduleya wandaga wakaika lumwe zinyavu zawe kwaviya wandaga ni walowa samaki. 19Yesu niyo awagamba, “Nitimileni, name neni watendeni walowa want'hu.” 20Aaho, wazilekaga zinyavu zawe, niyo wamtimila.
21Agendeelaga halongole, niyo aona wandugu watuhu waidi, Yakobo na Yohana, wana Zebedayo hamwenga na Zebedayo tati yawe, wandaga mwe ngalawa wakaika lumwe zinyavu zawe. Yesu niyo awetanga. 22Aaho niyo waileka ingalawa na tati yawe niyo wamtimila Yesu.
Yesu ahiniza no kuhonya wakulumwa.
23Yesu agendaga mwe isi yose ya Galilaya akahiniza mwe zinyumba zo kumvika Mnungu, akabilikiza Mbuli Yedi yo Useuta naho ahonyaga wakulumwa wengi no kuwahonya wose wandaga na maine. 24Zimbuli zakwe niyo zenela mwe isi yose ya Silia, vitendile want'hu wamwigaile want'hu wose wandile wakahuma nawadya nawakakunt'hizwa ni maine yose na hewe kukedaha, wata mp'hepo, wata vifafa, na wadya waholole. Yesu awahonyaga wose. 25Fyo kulu dya want'hu kulawa Galilaya na Mizi mlongo dyamtimilaga Yesu. Isi ina mizi mlongo, kulawa Yelusalemu, Uyahudi, ne digundi dituhu dya Yolodani.
Currently Selected:
Matayo 4: NgBV
Highlight
Share
Copy
Want to have your highlights saved across all your devices? Sign up or sign in
© The Word For The World and Pioneer Bible Translators, 2014
Matayo 4
4
Yesu agezigwa
Maliko 1:12-13; Luka 4:1-13
1Muye ywa Mnungu niyo amwigalaga Yesu kwe dijangwa vileke akagezigwe nu Mwavu. 2Eze ekale mazuwa milongo mine kilo na msi haheina kudya chochose, akeivaga sala. 3Niyo Mgezi amwiizila niyo amgamba, “Uneva kindedi weye ywi Mwana Mnungu, yagambe maiwe aya yande nk'hande.”
4Mna Yesu niyo amgamba, “Iwandikwa kugamba, ‘Mnt'hu haaikwe ni kudya nk'hande du, mna naaikwe ni kiya akulonga Mnungu.’ ”
5Naho Mwavu niyo amwigala Yesu uko Yelusalemu, mzi ukukile, niyo amkweza kwo lunenengwa lwe Nyumba ya Mnungu, 6Niyo amgamba, “Uneva ywi Mwana Mnungu, keduule hasi, kwaviya iwandikwa kugamba,
‘Mnungu naawagambe watumigwa wa kwe mbingu
wakupoele mwe mikono yawe,
vileke use kukakobadisa ikiga chako mwe diiwe.’ ”
7Yesu niyo amgamba, “Iwandikwa kugamba, ‘Use kumgeza Zumbe Mnungu ywako.’ ”
8Mwavu niyo amwigala Yesu kwo mnima mtali, no kumlagisa useuta wose umwe isi hamwenga no uwedi wakwe utendedse. 9Mwavu niyo amgamba, “Nohwink'he ivi vose,” “uneva unanifikila madi na kunivika.”
10Yesu niyo amgamba, “Halawe aha, weye Mwavu! Iwandikwa kugamba, ‘Umfikile madi Zumbe Mnungu ekedu, naho umdamanyile ndima yehe du!’ ”
11Niyo Mwavu amleka Yesu, watumigwa wa kwe mbingu wamwizilaga Yesu, niyo wamwambiza.
Yesu akonga ndima yakwe uko Galilaya
Maliko 1:14-15; Luka 4:14-15
12Yesu eze eve Yohana kavugailwa kwe divugailo, aitaga Galilaya. 13Hekalaga Nazaleti, ivo agendaga kwikala Kapelinaumu, mzi umnk'handa ye diziwa dya Galilaya, mwe mihaka ye wilaya ya Zabuloni na Nafutali. 14Idi dyadamanyika vileke yadya alongaga mlotezi ywa Mnungu Isaya yakint'he kugamba,
15“Si za Zabuloni na si za Nafutali,
sila ya mwe bahali kujink'hanya ng'ambu yo mto Yolodani,
Galilaya, isi ya want'hu hi Wayahudi!
16Want'hu wakwikala mwo lwiza,
wauwona unga'zi mkulu.
Na wose wakwikala mwe isi yo lwiza lwe file,
ung'azi uwang'azila.”
17Kukongela aho, Yesu andaga akabilikiza akagamba, “Lekeni wavu wenyu, kwaviya Useuta wa Mnungu uhagihi!”
Yesu etanga walowa samaki wane
18Yesu andaga akagenda mwe mp'wani ye diziwa dya Galilaya, aonaga wandugu waidi wandaga wakalowa samaki, Simoni etangagwa Petulo, na nduguye Anduleya wandaga wakaika lumwe zinyavu zawe kwaviya wandaga ni walowa samaki. 19Yesu niyo awagamba, “Nitimileni, name neni watendeni walowa want'hu.” 20Aaho, wazilekaga zinyavu zawe, niyo wamtimila.
21Agendeelaga halongole, niyo aona wandugu watuhu waidi, Yakobo na Yohana, wana Zebedayo hamwenga na Zebedayo tati yawe, wandaga mwe ngalawa wakaika lumwe zinyavu zawe. Yesu niyo awetanga. 22Aaho niyo waileka ingalawa na tati yawe niyo wamtimila Yesu.
Yesu ahiniza no kuhonya wakulumwa.
23Yesu agendaga mwe isi yose ya Galilaya akahiniza mwe zinyumba zo kumvika Mnungu, akabilikiza Mbuli Yedi yo Useuta naho ahonyaga wakulumwa wengi no kuwahonya wose wandaga na maine. 24Zimbuli zakwe niyo zenela mwe isi yose ya Silia, vitendile want'hu wamwigaile want'hu wose wandile wakahuma nawadya nawakakunt'hizwa ni maine yose na hewe kukedaha, wata mp'hepo, wata vifafa, na wadya waholole. Yesu awahonyaga wose. 25Fyo kulu dya want'hu kulawa Galilaya na Mizi mlongo dyamtimilaga Yesu. Isi ina mizi mlongo, kulawa Yelusalemu, Uyahudi, ne digundi dituhu dya Yolodani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Word For The World and Pioneer Bible Translators, 2014