2 Timoteo 3:1-5

Ichichipan xua neyaputaewa tsane xua poxonae po matacabintha opi dubenaena barapo matacabin jiwi taayapube tsainchi. Jiwi barapo matacabintha bichocono pia coutha naantobe tsane. Barapo jiwi bichocono ʉ pitaparatixichi tsane. Yawano mataʉtano aebina ichamonaetha. Mataʉtano bichocono atsaca tsaneno. Mataʉtano biataenano ichamonaetha, mataʉtano Nacom biataeinchi. Mataʉtano barapomonae jopa jume jejei tsaibi tsane paxeiwi. Mataʉtano barapomonae jopa wecobe jacobiya noteibiyo tsane poxonae ichamonae catsibeiba. Mataʉtano abe yabara nanta xeineibina pocotsiwa Nacom piawa tatsi. Mataʉtano piamonae jopa tsita xeinae tsane peantobe coyenewa. Mataʉtano ita aenae-aenei tsurubenanaebiyae tsane ichamonaetha. Mataʉtano yopita dubenanaebiyaena xua ichamonae pocotsiwa abe peexanaewa. Mataʉtano jopa itacʉpae tsainchi xua najʉntʉ coyene itorobina xua xanepanaya peexanaewa tsane. Mataʉta barapomonae bichocono anaepanaena xua ichamonae beinchi. Mataʉtano barapomonae bichocono aichaxaibi tsane pocotsiwan xanepana. Barapomonae pomonae jiwi pecaenaetsi jiwi tsane. Jopa matha copiya yabara nanta xeineibi tsane pocotsiwan xua exana. Barapomonae pia coya nacayabara nanta xeinaena xua peainya cui jiwi tsane. Saya barapomonae itapetsiya naitomatsina xua pocotsiwa cui xeica penaexanaewa. Barapomonae naitematsina pocotsiwa Nacom pia pexainyei coyene tatsi. Bequein barapomonae xanepanaya exana dubenanaebiyaena icha be ichi xua poxonae pomonae xaniwaicha pejume cowʉntsiwi, daichitha barapomonae jopa xaniwaicha jume cowʉntsiyo xua icha jʉntʉ coyene pexeinaewa tsane. Jopa bewa bara pocotsimonae imoxoyo napuna ponaem xua barapomonae necuiyainwam.