Isaías 12
12
Bab-Dummad-nug-odummogedgi namakleged
1A-ibagangine, weyob be sogdoed:
“Bab-Jehová, be anse ulus-inigwele,
an bega namakoed.
Be-urwediid bergunonikid,
be an-gwage baisur-itogega imaknonikid.
2Bab-Dummad, an-abonogedid.
An egi benguosulid, an dobee itogosulid.
Bab-Jehová, be an-ogannogedid,
Bab-Jehová, anga namakedga gued,
be an-abonogedga gued.”
3Deginbali, bemar abonolegedgi weligwar itomaloed,
bela-bela be Bab-Dummad-e-abonolegedgi yeer itomaloed.
4A-ibagangine, weyob sogledoed:
“Bab-Jehováʼga be namakmar,
e-nug be odummomar,
bela-dulemar-napneggi-bukmaladga e-ibmar-imakedgi be sunmakmar,
e-nug-dummarba-guedgi be sunmakmar.
5Bab-Jehováʼga ega-namaklemaladgi be namakmar,
ar ade, ibmar-gegerdaklemalad imaksad.
We-ibmar-gegerdaklemalad bela we-napneggi dulemar-wisguega be imakmar.
6Sión-yalagi-bukmalad, weligwaledba be namakmar, weligwaledba be gormakmar.
Israel-dulemar-e-Bab-Dummad-Isligwaled, bemar-abargine Dule-Gandikidid.”
Currently Selected:
Isaías 12: cuk
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
