ROMIA 8
8
Pthla thungki Rinkhu
1Ava leiji, tunva Jisu Khrista hintha ka am rek hin mraal piime. 2Mleija Jisu Khrista hinki rinkhu pthla ki Nowlammi neia pnu leh kdiyou Nowlam thungki mpantek chda. 3Mleija daksaa sowlna Nowlam ava Isowr ri tlo dokda: Mma Chapa khat ava pnu kurhui daksaa lulungi ungu pnu tummi sida, daksaa thu pnu ava mraal piida, 4daksaa dil kṭoiji kchet kma pdainu pthla dilkṭoiji nen nthung inni Nowlam dongeen ava mkurkhum nra. 5Mleija daksaa dil kṭoiji ka am miirek va daksaa dil kṭoiji poibin da, pdainu pthla dil kṭoiji ka am miirek va pthla poibinni bin lamda. 6Daksaa poibin ava kdiyou kurthuwk, pdainu pthla poibin ava rinkhu leh kdaai kurthuwk. 7Mleija daksaa poibin ava Isowr kusnuwm kma kurthuwk; avangi Isowr ki Nowlam dil ṭoime, ktlo pchaang ruk kurthuwk me; 8ungta daksaa ktongtha ka am rekva Isowr ning tupthlung me.
9Pdainu naan athung inni Isowr pthla ma ambi, naanna daksaa ktongki pmaanti, pthla ktongki in pti. Khrista pthla kthloi kma ku mii khat ava Mma hinni ame. 10Pdainu naan athung ngi Khrista ma ambi, pnu leiji naan adaksaan ava diyou chdaat jownti, rinkindit leiji naanki pthla ava kring cha. 11Kdiyou dok thungki Jisu ktipring pinle Mma pthla ava naan thung ngi ma ambi, Jisu Khrista kdiyou dok thungki ktipring pinle, Mma ava ngi naan thu ka am Mma pthla rukva kdiyou chrangki naan rinkhu akiprin pik chraan.
12Ava leiji ku u knaorek, nenni daksaa dil kṭoiji kring tkurthut ma nraan, daksaa ki leenlei tutuwl in ava pme. 13Mleija naanni daksaa dil kṭoiji kring akurthut inbi, diyou chnaandi, pdainu daksaa nongtlot ava naanni a eayo pthiinbi, ring naandi. 14Mleija Isowr pthla doṭhi mii mkheng ava Isowr chapa rek lam. 15Mleija kṭi ngi atluk chaak nraanki suwk owrki pthla ava naanni ado arlaan in ava pme, pdainu naanni mchapa kurthuwkki, pthla ava ado arlaan chaak in. Nenni “Aba, Apah!” diin minnu to own chaak in. 16Nenna Isowr naole in pmin tditki Mma pthla ngi nen napthla hin sakhi mihur pik inda. 17Ungta mnaole nkurthut inbi, alrou tphaak chaak raan, mleija Mma tu kilṭh ingi ngi nen ruk mpunlorbi, ungu Mma tu kilṭhi suwk nthuw ṭhiinbi, Isowr alrou kpha chrangki, ungta Khrista tu kilṭhi ngi alrou kpha sap tkurthut raan.
Dilkira Laarnee
18Mleija tuntunki suwkthuw ava nen nhin mdo tdet rangki laarnee ava tu tpinṭim rang nga hui chme. 19Mleija mdo seem rekki Isowr Chapa kandang ra ava ning kakraalli arda chlamda. 20Mleija mdoseem rekva doksi kma mma mma dongeiji am lamme, pdainu plung ngi mdobin psuk chaak in Mma kurdu ngi am lamda; 21Mleija mdo seem rek kat rukka mdobowl lam thungki pintek don, Isowr naole kurthuwkki kintekki kunlor kpha chlamra. 22Mleija snii kpha thu mdo seem rek mkheng ngi, nao kuplu thungki kdung kṭou heppi chel mdo chan ṭhiin ava nenni ndee in. 23Ungta mdo seem rek daat kma, pdainu pthla avaki thei rukringi kthloi nen ndaksaan katti, nen ndaksaan mido tiktlan pik nraan, tuprutti chelchang in minnu, mchapa rek lulungi mido tujuw chaak nraan tardat chaak in. 24Mleija nenni plung ngi tbin psuk chaak leiji mido taktlan in. Tuntunni kdei daatti plung ngi tbin in ava kbin psuk tkurthut in pme. Mleija mdodee ava ku ngi kbin psuk rangda? 25Pdainu nenni tdeema ava plung ngi tbin psuk leiji, kdung kdiil chatu kilṭhi ngi tardat chaak in.
26Anto lulungi nenni nsowl chaak naan thu pthla ava ngi mido tbom in; mleija nenni tak heppi tiṭhil chaak raan tdit dei maan min, pdainu Pthla Mma katti mchelchan tu kilṭhi ngi, pauna rek kurthluk langlang tu mithe pik chaanda. 27Ungta miirek plungbin kthlaam Mma ngi pthla ngi pthla poibin ruk mdodee, mleija Isowr dongei dilkṭoiji kintiing rek tumra pthla ngi the pik lamda. 28Isowr ri Mma poibin dil kṭoiji, mdo own Mma wonsat lorek tu kilṭhingi mṭhat nra do khim khai nong mdo tlot tdit nenni ndeen. 29Mleija Mma ngi chodu reeppi mdodee dok mmaan ava, mu u mnaorek arlakki rukri reeppi kṭou mkurthut nra, Mma chapa kdu jikki pankai pik chlamda. 30Ungta Mma dopankai pik dokrek ava rukka Mma ngi tu own ruk own chlamda; ungu mdo own dokrek ava tpindit ruk pindit pik lamda; ungta mdo pindit pik dok rek ava tpunlor ruk punlor chlamda.
Jisu Khrista thungki Isowr Wonsat
31Ava mkurthut tu hava mlei thung ngi tak the chenaan? Isowr ava nen ntum mkurthut tu, ku ngi nraal mikpii raan? 32Mchapa kparkhaal kma pdainu nen nkheng in tummi kpii dok Mma va, Mchapa tu kilṭhi ngi do mkheng nga nen ruk mipiin nime mo? 33Isowr do kchol dokka ku ngi mraal kpii rangda? Kpindit pikka Isowr; 34Mraal kpii rang nga ku da? Diyou dok da, kdiyou dok thungki kring kinle, Isowr khut chang ktongtha ka am, nen ntummi pauvi mikthe pik cha ava Jisu Khrista pmemo? 35Khrista wonsat thungki ku ngi mikṭhen raanda? Suwkthuw rangmo, ku owr kcha rangmo, kja kakham mo, poitham rangmo, kheel siiki kja kakham mo, mdit mata kaang ksaang rangda? 36Hanto mdo kjit lulu, “Nah tummi neenna niiluwnni me eayou inda; mdo eayo rangki jao lulu neenna mbin inda.” 37Eme, havale mkheng thungki nnenna kheel siingi Mma wonsatti kapchaang riim tkurthuw in. 38Mleija neiji kbin katta, mleija kdiyou daat don, rinkhu daat don, Waan tamsii daat don, kapchaang rek daat don, tuntunki daat don, karvang rangki daat don, rutan daat don, 39kparthaang daat don, ktlum daat don, mdit mata mdo seem mkheng thungki talu talu kurthuwk daat don nenki Mukpu Jisu Khrista hinki Isowr wonsat thungki nnenna miṭhen pchaang liit in nime.
Currently Selected:
ROMIA 8: LAMKBSI
Highlight
Copy
Compare
Share
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
ROMIA 8
8
Pthla thungki Rinkhu
1Ava leiji, tunva Jisu Khrista hintha ka am rek hin mraal piime. 2Mleija Jisu Khrista hinki rinkhu pthla ki Nowlammi neia pnu leh kdiyou Nowlam thungki mpantek chda. 3Mleija daksaa sowlna Nowlam ava Isowr ri tlo dokda: Mma Chapa khat ava pnu kurhui daksaa lulungi ungu pnu tummi sida, daksaa thu pnu ava mraal piida, 4daksaa dil kṭoiji kchet kma pdainu pthla dilkṭoiji nen nthung inni Nowlam dongeen ava mkurkhum nra. 5Mleija daksaa dil kṭoiji ka am miirek va daksaa dil kṭoiji poibin da, pdainu pthla dil kṭoiji ka am miirek va pthla poibinni bin lamda. 6Daksaa poibin ava kdiyou kurthuwk, pdainu pthla poibin ava rinkhu leh kdaai kurthuwk. 7Mleija daksaa poibin ava Isowr kusnuwm kma kurthuwk; avangi Isowr ki Nowlam dil ṭoime, ktlo pchaang ruk kurthuwk me; 8ungta daksaa ktongtha ka am rekva Isowr ning tupthlung me.
9Pdainu naan athung inni Isowr pthla ma ambi, naanna daksaa ktongki pmaanti, pthla ktongki in pti. Khrista pthla kthloi kma ku mii khat ava Mma hinni ame. 10Pdainu naan athung ngi Khrista ma ambi, pnu leiji naan adaksaan ava diyou chdaat jownti, rinkindit leiji naanki pthla ava kring cha. 11Kdiyou dok thungki Jisu ktipring pinle Mma pthla ava naan thung ngi ma ambi, Jisu Khrista kdiyou dok thungki ktipring pinle, Mma ava ngi naan thu ka am Mma pthla rukva kdiyou chrangki naan rinkhu akiprin pik chraan.
12Ava leiji ku u knaorek, nenni daksaa dil kṭoiji kring tkurthut ma nraan, daksaa ki leenlei tutuwl in ava pme. 13Mleija naanni daksaa dil kṭoiji kring akurthut inbi, diyou chnaandi, pdainu daksaa nongtlot ava naanni a eayo pthiinbi, ring naandi. 14Mleija Isowr pthla doṭhi mii mkheng ava Isowr chapa rek lam. 15Mleija kṭi ngi atluk chaak nraanki suwk owrki pthla ava naanni ado arlaan in ava pme, pdainu naanni mchapa kurthuwkki, pthla ava ado arlaan chaak in. Nenni “Aba, Apah!” diin minnu to own chaak in. 16Nenna Isowr naole in pmin tditki Mma pthla ngi nen napthla hin sakhi mihur pik inda. 17Ungta mnaole nkurthut inbi, alrou tphaak chaak raan, mleija Mma tu kilṭh ingi ngi nen ruk mpunlorbi, ungu Mma tu kilṭhi suwk nthuw ṭhiinbi, Isowr alrou kpha chrangki, ungta Khrista tu kilṭhi ngi alrou kpha sap tkurthut raan.
Dilkira Laarnee
18Mleija tuntunki suwkthuw ava nen nhin mdo tdet rangki laarnee ava tu tpinṭim rang nga hui chme. 19Mleija mdo seem rekki Isowr Chapa kandang ra ava ning kakraalli arda chlamda. 20Mleija mdoseem rekva doksi kma mma mma dongeiji am lamme, pdainu plung ngi mdobin psuk chaak in Mma kurdu ngi am lamda; 21Mleija mdo seem rek kat rukka mdobowl lam thungki pintek don, Isowr naole kurthuwkki kintekki kunlor kpha chlamra. 22Mleija snii kpha thu mdo seem rek mkheng ngi, nao kuplu thungki kdung kṭou heppi chel mdo chan ṭhiin ava nenni ndee in. 23Ungta mdo seem rek daat kma, pdainu pthla avaki thei rukringi kthloi nen ndaksaan katti, nen ndaksaan mido tiktlan pik nraan, tuprutti chelchang in minnu, mchapa rek lulungi mido tujuw chaak nraan tardat chaak in. 24Mleija nenni plung ngi tbin psuk chaak leiji mido taktlan in. Tuntunni kdei daatti plung ngi tbin in ava kbin psuk tkurthut in pme. Mleija mdodee ava ku ngi kbin psuk rangda? 25Pdainu nenni tdeema ava plung ngi tbin psuk leiji, kdung kdiil chatu kilṭhi ngi tardat chaak in.
26Anto lulungi nenni nsowl chaak naan thu pthla ava ngi mido tbom in; mleija nenni tak heppi tiṭhil chaak raan tdit dei maan min, pdainu Pthla Mma katti mchelchan tu kilṭhi ngi, pauna rek kurthluk langlang tu mithe pik chaanda. 27Ungta miirek plungbin kthlaam Mma ngi pthla ngi pthla poibin ruk mdodee, mleija Isowr dongei dilkṭoiji kintiing rek tumra pthla ngi the pik lamda. 28Isowr ri Mma poibin dil kṭoiji, mdo own Mma wonsat lorek tu kilṭhingi mṭhat nra do khim khai nong mdo tlot tdit nenni ndeen. 29Mleija Mma ngi chodu reeppi mdodee dok mmaan ava, mu u mnaorek arlakki rukri reeppi kṭou mkurthut nra, Mma chapa kdu jikki pankai pik chlamda. 30Ungta Mma dopankai pik dokrek ava rukka Mma ngi tu own ruk own chlamda; ungu mdo own dokrek ava tpindit ruk pindit pik lamda; ungta mdo pindit pik dok rek ava tpunlor ruk punlor chlamda.
Jisu Khrista thungki Isowr Wonsat
31Ava mkurthut tu hava mlei thung ngi tak the chenaan? Isowr ava nen ntum mkurthut tu, ku ngi nraal mikpii raan? 32Mchapa kparkhaal kma pdainu nen nkheng in tummi kpii dok Mma va, Mchapa tu kilṭhi ngi do mkheng nga nen ruk mipiin nime mo? 33Isowr do kchol dokka ku ngi mraal kpii rangda? Kpindit pikka Isowr; 34Mraal kpii rang nga ku da? Diyou dok da, kdiyou dok thungki kring kinle, Isowr khut chang ktongtha ka am, nen ntummi pauvi mikthe pik cha ava Jisu Khrista pmemo? 35Khrista wonsat thungki ku ngi mikṭhen raanda? Suwkthuw rangmo, ku owr kcha rangmo, kja kakham mo, poitham rangmo, kheel siiki kja kakham mo, mdit mata kaang ksaang rangda? 36Hanto mdo kjit lulu, “Nah tummi neenna niiluwnni me eayou inda; mdo eayo rangki jao lulu neenna mbin inda.” 37Eme, havale mkheng thungki nnenna kheel siingi Mma wonsatti kapchaang riim tkurthuw in. 38Mleija neiji kbin katta, mleija kdiyou daat don, rinkhu daat don, Waan tamsii daat don, kapchaang rek daat don, tuntunki daat don, karvang rangki daat don, rutan daat don, 39kparthaang daat don, ktlum daat don, mdit mata mdo seem mkheng thungki talu talu kurthuwk daat don nenki Mukpu Jisu Khrista hinki Isowr wonsat thungki nnenna miṭhen pchaang liit in nime.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.