ROMIA 1
1
1Jisu Khrista sra owr khat, kenyee ra mdo own, Isowr kṭha paumin tumra msikki mdo pankai, 2chodu ngi Mma khulpu rek hin pau mdo reel dok Kchiir Laaika rek ava, 3daksaa dil kṭoiji Devid charuwl thungki, Mma Chapa mlei thu kṭha paumin 4ungta kdiyou thungki kring karheel kchiir deekki Pthla rutan dil kṭoiji Mma ava Isowr Chapa tdit hurda, nenki Mukpu Jisu Khrista, 5Mma thu nen chati rek mkheng arlakki Mma miing tummi krin cha rek thu kupṭoi tkurthut nraan plungnee leh kenyee tarlaan chaak in, 6ava thung ngi naan rukka Jisu Khrista dora ado to own chaak dok in;
6kintiingra mdo own chaak dok, Romia thungki Isowr wonsat lo mii mkheng hintha: 7nenki Npah Isowr leh Mukpu Jisu Khrista hinki plungnee leh kdaai ava naan hin jiamso.
Kpanpaakki mdo ṭhil
8Rukri reeppi, naan akheng ngi mlei kurthuwkda, neiji neiki Isowr Jisu Khrista miing ngi kpanpaak chaakka, mleija dultipaam mkheng thu naan do rin chaak ava karyaamda. 9Mleija kdown liit kma neiji kṭhil chaak mpha thu, naan abin paphaak innu, Mma Chapa ki kṭha paumin thu plung klutti sok kdolo psuk chaak Isowr ri neiki sakhi kurthuwk. 10Isowr hin kdoṭhil chaak leiji tunva mṭutna reltha mrot pikda naan hin kthleng kchaam ping. 11Mleija neiji naan aju kurdut ṭhi nuwm reennu, mleija naan ru akaptan pik ra, pthla ktongki chla ado tithem pik nraan, 12mleija khat leh khat do rin chaak ava ngi naan leh nei mikniing thu plung kurchuwlli tkursop chaak nraan lei kurthuwk. 13Ku u knaorek, mleija ktlok chati murson rek arlakki heppi naan arlak rukva kminni kdokhau chaak nra, mpha ktai thung ngi kthleng nuwm kcha ping (pdainu mapkhaan tlitda) naanni ava ado kdee raan neiji kngei chaakka. 14Grik miirek leh nonaat ktaak miirek mikniing ungta ksing leh ka ak mikniing hinni neiji lei ktuwl chaakka: 15ava leiji naan leh Romia thu ka am miirek hin neiji kṭha paumin kdo paryaam nuwm chaak.
Kṭha Paumin ki Rutan
16Kṭha paumin mlei thu neia kning kjakme: krin kcha miipum ktai hin mkirliin chaak nrangki Isowr rutan ava rukringi Jihudia miirek ungu Grik miirek hin ruk. 17Mleija krin changi mlei kurthuwkda Isowr ki rinkindit mdo tpandan; ava hanto kjitda, “Mdo rin chaakki rinkindit mii ava kringra.”
Dulti Mii ṭhatma
18Mleija Isowr plung thitta kṭha kma mkheng kupsulli parwaanki arju kandang, ungta miirek ṭhat ma ava ngi kindit pkhaanda. 19Mleija Isowr mlei thung ngi mmaan dodee ava oltek da, mleija Isowr ri mhin inni tdetda. 20Dultipaam mapṭhan daatki Mdak tdee pchaanma, mleija Mmaki kṭuw knai kma rutan leh Isowr ktongki ava Mma doseem dok thung ngi kindit chelli dei lamda. Ava leiji mmaanna kuptlot pik amnime; 21mleija mmaanni Isowr kdeidok kurthuwk daat lam joso Isowr kdingi mmaanni Mhin kjat pik lamme, pdainu mpoibin inna dosime, ungta muplung inna mong kukto ngi kjiing kcha a. 22Msin nuwm reen lei inni ka aak chlamma, 23ungu kmaang kro kmaki Isowr laarnee ava kmaang chrangki miilai mdit mata puwarek mdit mata saarek mdit mata khaoṭit khaojaar meel klou jikki khut dosak pthla ngi parthleng lamda.
24Ava leiji, mmaan msingreel in thung ngi, mdaksaan mdo kjat ma nraan, muplung bin in dongei thu mkurchou chaak nraan Isowr ri mdo maak pthii lam, 25mleija mmaanni Isowr mlei kindit ava mdo huwn chaak inni parthleng lamda, ungta kapṭhang Mii ava kchang rang nga mdo seem ava luwbuk lamda, sok ruk lo lamda, kapṭhang Mma ava kṭuw knai kma tpanpaak ra! Amen.
26Mleija hava leiji mmaanna Isowr ri ningkja kurhui rak na ktongtha mdo maak pthii lam. Mmaanki snu rek rukva miinopa tlotna ava miinopa liit kma ktongtha parthleng lamda, 27anto lulungi pselrek rukva snu rektu miinopa ngi tlot nlamme, ungu khat leh khat ning kakraalli karngai lamda, psel rekki psel rektu ningkjana nong tlo lamda, ungta mdoparma naanki mdo arlaan raan ava mmaan mdak kat inki mii kurthuwk.
28Unggta Isowr kdei cha thu mmaanni kurhuiji mdodee maan leiji, kmaang chrangki poithuw leh karmak nong ktlo thu Isowr ri mdo maak pthii lam. 29Mmaanna kṭha kma, hangmal, mii khusiir parthitna ktlo, kheithe ngi kdim, miii ke eayou, kthe purduk, kuhuwng kcha, miikrai, mmaanni khothe lamda, 30titi ktada, Isowr dopder, ning er ri kpau, kpohok, napal ktlo, kṭhakma kupthuwk, mnuh mpah pauthe kleek, 31ka aak, krin kma, plung ksel, wonsat ktaak, kṭha kma rek nong hava mkheng ngi kdim chlam kurthuwk. 32Hava lu nong ktlo miirekka kdiyou kat ra kdingi Isowr ri mdo palreen ava mmaanni deida, avale daat mmaanni tlo lamda, pdainu ava ktlo rektu kulrot nlamda.
Currently Selected:
ROMIA 1: LAMKBSI
Highlight
Copy
Compare
Share
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
ROMIA 1
1
1Jisu Khrista sra owr khat, kenyee ra mdo own, Isowr kṭha paumin tumra msikki mdo pankai, 2chodu ngi Mma khulpu rek hin pau mdo reel dok Kchiir Laaika rek ava, 3daksaa dil kṭoiji Devid charuwl thungki, Mma Chapa mlei thu kṭha paumin 4ungta kdiyou thungki kring karheel kchiir deekki Pthla rutan dil kṭoiji Mma ava Isowr Chapa tdit hurda, nenki Mukpu Jisu Khrista, 5Mma thu nen chati rek mkheng arlakki Mma miing tummi krin cha rek thu kupṭoi tkurthut nraan plungnee leh kenyee tarlaan chaak in, 6ava thung ngi naan rukka Jisu Khrista dora ado to own chaak dok in;
6kintiingra mdo own chaak dok, Romia thungki Isowr wonsat lo mii mkheng hintha: 7nenki Npah Isowr leh Mukpu Jisu Khrista hinki plungnee leh kdaai ava naan hin jiamso.
Kpanpaakki mdo ṭhil
8Rukri reeppi, naan akheng ngi mlei kurthuwkda, neiji neiki Isowr Jisu Khrista miing ngi kpanpaak chaakka, mleija dultipaam mkheng thu naan do rin chaak ava karyaamda. 9Mleija kdown liit kma neiji kṭhil chaak mpha thu, naan abin paphaak innu, Mma Chapa ki kṭha paumin thu plung klutti sok kdolo psuk chaak Isowr ri neiki sakhi kurthuwk. 10Isowr hin kdoṭhil chaak leiji tunva mṭutna reltha mrot pikda naan hin kthleng kchaam ping. 11Mleija neiji naan aju kurdut ṭhi nuwm reennu, mleija naan ru akaptan pik ra, pthla ktongki chla ado tithem pik nraan, 12mleija khat leh khat do rin chaak ava ngi naan leh nei mikniing thu plung kurchuwlli tkursop chaak nraan lei kurthuwk. 13Ku u knaorek, mleija ktlok chati murson rek arlakki heppi naan arlak rukva kminni kdokhau chaak nra, mpha ktai thung ngi kthleng nuwm kcha ping (pdainu mapkhaan tlitda) naanni ava ado kdee raan neiji kngei chaakka. 14Grik miirek leh nonaat ktaak miirek mikniing ungta ksing leh ka ak mikniing hinni neiji lei ktuwl chaakka: 15ava leiji naan leh Romia thu ka am miirek hin neiji kṭha paumin kdo paryaam nuwm chaak.
Kṭha Paumin ki Rutan
16Kṭha paumin mlei thu neia kning kjakme: krin kcha miipum ktai hin mkirliin chaak nrangki Isowr rutan ava rukringi Jihudia miirek ungu Grik miirek hin ruk. 17Mleija krin changi mlei kurthuwkda Isowr ki rinkindit mdo tpandan; ava hanto kjitda, “Mdo rin chaakki rinkindit mii ava kringra.”
Dulti Mii ṭhatma
18Mleija Isowr plung thitta kṭha kma mkheng kupsulli parwaanki arju kandang, ungta miirek ṭhat ma ava ngi kindit pkhaanda. 19Mleija Isowr mlei thung ngi mmaan dodee ava oltek da, mleija Isowr ri mhin inni tdetda. 20Dultipaam mapṭhan daatki Mdak tdee pchaanma, mleija Mmaki kṭuw knai kma rutan leh Isowr ktongki ava Mma doseem dok thung ngi kindit chelli dei lamda. Ava leiji mmaanna kuptlot pik amnime; 21mleija mmaanni Isowr kdeidok kurthuwk daat lam joso Isowr kdingi mmaanni Mhin kjat pik lamme, pdainu mpoibin inna dosime, ungta muplung inna mong kukto ngi kjiing kcha a. 22Msin nuwm reen lei inni ka aak chlamma, 23ungu kmaang kro kmaki Isowr laarnee ava kmaang chrangki miilai mdit mata puwarek mdit mata saarek mdit mata khaoṭit khaojaar meel klou jikki khut dosak pthla ngi parthleng lamda.
24Ava leiji, mmaan msingreel in thung ngi, mdaksaan mdo kjat ma nraan, muplung bin in dongei thu mkurchou chaak nraan Isowr ri mdo maak pthii lam, 25mleija mmaanni Isowr mlei kindit ava mdo huwn chaak inni parthleng lamda, ungta kapṭhang Mii ava kchang rang nga mdo seem ava luwbuk lamda, sok ruk lo lamda, kapṭhang Mma ava kṭuw knai kma tpanpaak ra! Amen.
26Mleija hava leiji mmaanna Isowr ri ningkja kurhui rak na ktongtha mdo maak pthii lam. Mmaanki snu rek rukva miinopa tlotna ava miinopa liit kma ktongtha parthleng lamda, 27anto lulungi pselrek rukva snu rektu miinopa ngi tlot nlamme, ungu khat leh khat ning kakraalli karngai lamda, psel rekki psel rektu ningkjana nong tlo lamda, ungta mdoparma naanki mdo arlaan raan ava mmaan mdak kat inki mii kurthuwk.
28Unggta Isowr kdei cha thu mmaanni kurhuiji mdodee maan leiji, kmaang chrangki poithuw leh karmak nong ktlo thu Isowr ri mdo maak pthii lam. 29Mmaanna kṭha kma, hangmal, mii khusiir parthitna ktlo, kheithe ngi kdim, miii ke eayou, kthe purduk, kuhuwng kcha, miikrai, mmaanni khothe lamda, 30titi ktada, Isowr dopder, ning er ri kpau, kpohok, napal ktlo, kṭhakma kupthuwk, mnuh mpah pauthe kleek, 31ka aak, krin kma, plung ksel, wonsat ktaak, kṭha kma rek nong hava mkheng ngi kdim chlam kurthuwk. 32Hava lu nong ktlo miirekka kdiyou kat ra kdingi Isowr ri mdo palreen ava mmaanni deida, avale daat mmaanni tlo lamda, pdainu ava ktlo rektu kulrot nlamda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.