MARK 11
11
Jisunii takoi gam tongsii Jerosalemki kaliit
(Met 21.1-11; Luk 19.28-40; Jon 12.12-19)
1Sateichii ahnyiinii Jerosalem- ki liit manang sek-kii, Olip zang gamto kalei Bethpage ninado Betani kikii, Jisunii mpou boumei hangnago lang matu takle. 2Sa- teichii mpounii mpoupiina dakii tamle, “Gonei doito kalei nam kitei tatliitlo, goneinii teiki tei tatliit sekchii, mei kaniido tongsang tong kasu takoinah hangninii reng kuika- bam ngoutangle, teitei reng hek mpat tosii aiki baagonglo. 3Teito mei kata kangkanii goneigo, ‘ai kadajangpii aitiiziikhe?’ sii tam lepochiinii, ‘abang- piinii aigo mareile ninado manoisek aiki baapatpyii loitang lesii tamlo.’ ”
4Teito mpoupiinanii tat tutakle, sateichii puibak kadi, ki kamwiku kikii takoi nah reng kuikabam tei ngoutakle; sateichii mpoupiinanii rengtei hektoi aitakle. 5Sateichii teikito satsii kalei mei teinii mpou- piina dakii tamle, “Gonei dajangpii takoinah gotei reng hektoi leipo?”
6Teito mpoupiinago Jisunii tam kapyii takumpii mpoupiinanii ah- nyiigo tam takle, sateichii ahnyiinii mpoupiina gotei mpat pyii takle. 7Sateichii mpoupiinanii takoinah tei Jisuda baagongle sateichii ahnyii pei tei takoinah gamkii kam wotakle, sateichii Jisunii takoinah gam tei tong wotakle. 8Sateichii mei kang- kanii ahnyii pei tei pwidikii kamle, sateichii kaki mei teinii lu kito ting hiinhii keksii pwidikii kampyiile. 9Sateichii mpou doito rei kaleimei ninado mpou-tai switat kalei mei hangteinii saatu takle, “Hosanna! Bangpii zei kito kagongpii tei doibile! 10Nyii pfii Devit mah gong kalei Sagong sazyii tei doibile, Hosanna, kasagoi goisang kito.”
11Teito mpounii Jerosalemki liitle, sateichii Saraa kamaningki lungtei tatliitle; sateichii mpounii n-nuk nryiisii mahlyii hang go jule, nlenii tinglang tei rigong sek-kii, mpouboumei keariisiinakhiigo ka- swisii Betani ki tat-tu takle.
Jisunii kadiitbang go sheeng kapyii
(Met 21.18-19)
12Kanapiinei leimik ahnyiinii Betani kito kagong tinglang kaktei mpou moi majyii takle. 13Sateichii kadhii kito ju mpat anhii kalei kadiit- bang hangninii mpounii ngoutakle, teito Jisunii kadiit-ti mati leido malahlesii tatpat jule, mpounii kadiitbang kutei tatliit jukii samah kado ngoumakle, nlenii kadiitnhii roinii ngoule, dapochiinii kadiit-ti kamati tinglang makle. 14Teito Jisu- nii kadiitbang gotei tamle, “Tingnei sekpii mei kaniido godato ti chiika- nhiilo.” Sateichii mpouboumeinii teitei shiitakle.
Jisunii Saraa kamaningki tiikamatei
(Met 21.12-17; Luk 19.45-48; Jon 2.13-22)
15Teito ahnyiinii Jerosalemki liitle, sateichii mpounii Saraa kama- ning kilungtei liitsii tei kito ali-ala tiisii kaleimei gotei baatoitu takle sateichii sanah-swi heksii kalei mei mah tebel tei tuikalui toi aitakle sateichii mahou joi kaleimei bam teido tuikalui toi aitakle. 16Sateichii Jisunii Saraa kamaning kilungto mah kado poitat matu sutakle. 17Sateichii mpounii ralipyiisii ahnyiigo tamle, “Gu ki ai lui hang jangpii kariitaki lat tanglesii ryiibam makpo?”
18Sateichii tingdimei ninado ajaitingshang kati ojamei hangteinii ai ai shii wotakle, teipiinii ahnyiinii Jisugo gitang karam bak fiitu takle, ahnyiinii mpougo hingle, dapochiinii mpounii ralikapyii kito mei kalei kaga sung gatakle.
19Sateichii tingkhii lam liit sek- kii, Jisu ninado mpou boumei hang teinii teiki namdi kiteito tatpat takle.
Ragui kaga kadiitbang kito madhii kalu
(Met 21.20-22)
20Kanapiinei tingchoi nukii, ah- nyiinii pwidi tat kapat tinglang kak, kadiitbang tei bang amaa katang tai kaga tei ahnyiinii ngoutakle, 21teito Pitarnii pat kalei tei maning gongsii Jisuda tamle, “Madhiikapyiipii, julo, nangnii sheeng kalei kadiitbang tei tai takle.”
22Teito Jisunii ahnyiigo kheka- latle, “Saraa dakii kamalum tei leilo. 23Inii gonyii dakii kasangpii tam leile, ‘Mei kata kangkanii zang aigo, nang tusii dwijai lungkii toikai ailo,’ sii tam leponii sateichii ah lungto maning kariirhii tei galeponii, ahnii katam tei madou supii patling tangle katu malum leponii, teitei ah dakii tiipyii tangle. 24Teijangpii Inii gonyii dakii tam leile, nangnii riitasii mah kata kara kakhang tinglang kak, teitei nangnii doutakle katupii nang- nii malumlo. 25Sateichii gonyiinii riita tang karam jangpii tu kasat tinglang kak, mei kata hangninii gamkii gonyii lung samou kasu tei leile dinchiinii, gonyiinii magapyiilo, sating gamto kalei gonyii pfiiniido gonyii mah kakui kama hangtei ma- gapyii tang karam jangpii.” 26(Nlenii nangnii magapyii suleponii, sating gamto kalei go pfii teiniido gokem kama tei magapyii lakle.)
Jisu mah teimaham jangpii kachyiinhii katu
(Met 21.23-27; Luk 20.1-8)
27Ahnyiinii Jerosalemki nlaigong loile, Jisunii Saraa kamaning ki lungto tat kalei tinglang kak tingdimei, ajaitingshang kati ojamei sateichii katingmei hangteinii mpouda gongle. 28Teito ahnyiinii Jisu dato n-nhiile, “Nang kada tei leilesii tha hang ai tiileipo?”
29Teito Jisunii ahnyiida tamle, “Inii gonyiigo sam kaangkii n-nhiitangle, teito gonyiinii n-gu khelapyii leponii, Inii kada tei leisii tha hang ai tiileipo katu Inii gonyiigo tampyii tangle. 30Jon dwi mpum kapyiipii mah tei ai kada kito gongpo? Mei dato manii Saraa datopo?” N-gu tampyiilo.
31Teito ahnyii roinapiinii kara- shiitu takle, “Sating gamto lesii nyiinii tam leponii, sateinii ‘gonyiinii dajangpii mpougo malum makpo?’ tangle. 32Nlenii nyiinii ‘mei dato lesii tam depo’?” ahnyiinii meigo hingtakle, dapochiinii Jon aigo Lungkaka- lingmei hangninii kasangle katupii poi lahokle. 33Teipiinii ahnyiinii Jisugo khekalatle, “Nyiinii timakle,” teito Jisunii ahnyii dakii tamle, “Kadapei tei leisii Inii tha hang ai tiileipo katu Iniido gonyii dakii tampyii lakle.”
Currently Selected:
MARK 11: NAG2
Highlight
Share
Copy
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
MARK 11
11
Jisunii takoi gam tongsii Jerosalemki kaliit
(Met 21.1-11; Luk 19.28-40; Jon 12.12-19)
1Sateichii ahnyiinii Jerosalem- ki liit manang sek-kii, Olip zang gamto kalei Bethpage ninado Betani kikii, Jisunii mpou boumei hangnago lang matu takle. 2Sa- teichii mpounii mpoupiina dakii tamle, “Gonei doito kalei nam kitei tatliitlo, goneinii teiki tei tatliit sekchii, mei kaniido tongsang tong kasu takoinah hangninii reng kuika- bam ngoutangle, teitei reng hek mpat tosii aiki baagonglo. 3Teito mei kata kangkanii goneigo, ‘ai kadajangpii aitiiziikhe?’ sii tam lepochiinii, ‘abang- piinii aigo mareile ninado manoisek aiki baapatpyii loitang lesii tamlo.’ ”
4Teito mpoupiinanii tat tutakle, sateichii puibak kadi, ki kamwiku kikii takoi nah reng kuikabam tei ngoutakle; sateichii mpoupiinanii rengtei hektoi aitakle. 5Sateichii teikito satsii kalei mei teinii mpou- piina dakii tamle, “Gonei dajangpii takoinah gotei reng hektoi leipo?”
6Teito mpoupiinago Jisunii tam kapyii takumpii mpoupiinanii ah- nyiigo tam takle, sateichii ahnyiinii mpoupiina gotei mpat pyii takle. 7Sateichii mpoupiinanii takoinah tei Jisuda baagongle sateichii ahnyii pei tei takoinah gamkii kam wotakle, sateichii Jisunii takoinah gam tei tong wotakle. 8Sateichii mei kang- kanii ahnyii pei tei pwidikii kamle, sateichii kaki mei teinii lu kito ting hiinhii keksii pwidikii kampyiile. 9Sateichii mpou doito rei kaleimei ninado mpou-tai switat kalei mei hangteinii saatu takle, “Hosanna! Bangpii zei kito kagongpii tei doibile! 10Nyii pfii Devit mah gong kalei Sagong sazyii tei doibile, Hosanna, kasagoi goisang kito.”
11Teito mpounii Jerosalemki liitle, sateichii Saraa kamaningki lungtei tatliitle; sateichii mpounii n-nuk nryiisii mahlyii hang go jule, nlenii tinglang tei rigong sek-kii, mpouboumei keariisiinakhiigo ka- swisii Betani ki tat-tu takle.
Jisunii kadiitbang go sheeng kapyii
(Met 21.18-19)
12Kanapiinei leimik ahnyiinii Betani kito kagong tinglang kaktei mpou moi majyii takle. 13Sateichii kadhii kito ju mpat anhii kalei kadiit- bang hangninii mpounii ngoutakle, teito Jisunii kadiit-ti mati leido malahlesii tatpat jule, mpounii kadiitbang kutei tatliit jukii samah kado ngoumakle, nlenii kadiitnhii roinii ngoule, dapochiinii kadiit-ti kamati tinglang makle. 14Teito Jisu- nii kadiitbang gotei tamle, “Tingnei sekpii mei kaniido godato ti chiika- nhiilo.” Sateichii mpouboumeinii teitei shiitakle.
Jisunii Saraa kamaningki tiikamatei
(Met 21.12-17; Luk 19.45-48; Jon 2.13-22)
15Teito ahnyiinii Jerosalemki liitle, sateichii mpounii Saraa kama- ning kilungtei liitsii tei kito ali-ala tiisii kaleimei gotei baatoitu takle sateichii sanah-swi heksii kalei mei mah tebel tei tuikalui toi aitakle sateichii mahou joi kaleimei bam teido tuikalui toi aitakle. 16Sateichii Jisunii Saraa kamaning kilungto mah kado poitat matu sutakle. 17Sateichii mpounii ralipyiisii ahnyiigo tamle, “Gu ki ai lui hang jangpii kariitaki lat tanglesii ryiibam makpo?”
18Sateichii tingdimei ninado ajaitingshang kati ojamei hangteinii ai ai shii wotakle, teipiinii ahnyiinii Jisugo gitang karam bak fiitu takle, ahnyiinii mpougo hingle, dapochiinii mpounii ralikapyii kito mei kalei kaga sung gatakle.
19Sateichii tingkhii lam liit sek- kii, Jisu ninado mpou boumei hang teinii teiki namdi kiteito tatpat takle.
Ragui kaga kadiitbang kito madhii kalu
(Met 21.20-22)
20Kanapiinei tingchoi nukii, ah- nyiinii pwidi tat kapat tinglang kak, kadiitbang tei bang amaa katang tai kaga tei ahnyiinii ngoutakle, 21teito Pitarnii pat kalei tei maning gongsii Jisuda tamle, “Madhiikapyiipii, julo, nangnii sheeng kalei kadiitbang tei tai takle.”
22Teito Jisunii ahnyiigo kheka- latle, “Saraa dakii kamalum tei leilo. 23Inii gonyii dakii kasangpii tam leile, ‘Mei kata kangkanii zang aigo, nang tusii dwijai lungkii toikai ailo,’ sii tam leponii sateichii ah lungto maning kariirhii tei galeponii, ahnii katam tei madou supii patling tangle katu malum leponii, teitei ah dakii tiipyii tangle. 24Teijangpii Inii gonyii dakii tam leile, nangnii riitasii mah kata kara kakhang tinglang kak, teitei nangnii doutakle katupii nang- nii malumlo. 25Sateichii gonyiinii riita tang karam jangpii tu kasat tinglang kak, mei kata hangninii gamkii gonyii lung samou kasu tei leile dinchiinii, gonyiinii magapyiilo, sating gamto kalei gonyii pfiiniido gonyii mah kakui kama hangtei ma- gapyii tang karam jangpii.” 26(Nlenii nangnii magapyii suleponii, sating gamto kalei go pfii teiniido gokem kama tei magapyii lakle.)
Jisu mah teimaham jangpii kachyiinhii katu
(Met 21.23-27; Luk 20.1-8)
27Ahnyiinii Jerosalemki nlaigong loile, Jisunii Saraa kamaning ki lungto tat kalei tinglang kak tingdimei, ajaitingshang kati ojamei sateichii katingmei hangteinii mpouda gongle. 28Teito ahnyiinii Jisu dato n-nhiile, “Nang kada tei leilesii tha hang ai tiileipo?”
29Teito Jisunii ahnyiida tamle, “Inii gonyiigo sam kaangkii n-nhiitangle, teito gonyiinii n-gu khelapyii leponii, Inii kada tei leisii tha hang ai tiileipo katu Inii gonyiigo tampyii tangle. 30Jon dwi mpum kapyiipii mah tei ai kada kito gongpo? Mei dato manii Saraa datopo?” N-gu tampyiilo.
31Teito ahnyii roinapiinii kara- shiitu takle, “Sating gamto lesii nyiinii tam leponii, sateinii ‘gonyiinii dajangpii mpougo malum makpo?’ tangle. 32Nlenii nyiinii ‘mei dato lesii tam depo’?” ahnyiinii meigo hingtakle, dapochiinii Jon aigo Lungkaka- lingmei hangninii kasangle katupii poi lahokle. 33Teipiinii ahnyiinii Jisugo khekalatle, “Nyiinii timakle,” teito Jisunii ahnyii dakii tamle, “Kadapei tei leisii Inii tha hang ai tiileipo katu Iniido gonyii dakii tampyii lakle.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.