THUVÂRHAI 2
2
Vârna lômman
1Ki nâipa, ki’rchûtirna thuhai ni poma, ki thupêkhai nir tika, 2kha vârna tiang ni mikuar ni sunga, ni lungrîl inhriat thiamna tiang ni pêkin chu; 3a ni, inhriatna chu ni zonga inhriat thiam theina khom ni ngêna, 4tangkarua angin ni zonga, irchon irthup angin ni zongin chu, 5Rengpa chi hi imo a ini hong inhren fel ta ni ta, Pathian inhriatnaa khan tuanintung ni ti. 6Rengpa kêng vârna mi pêk ngai, ama bâia irthokin inhriatna le inhriat thiamna a isuak ngai a ni. 7Mi nunhoi hrangin vârna dik a buk khôma, mi dikhai hrangin ama chu phô a ni. 8Theibîk neiloi mihai kha a donsuia, a mi irthianghai chu a vong insa ngai.
9Ki thu tiang ni mikuar ni sungin chu, theibîk nei loinahai le lampui sa tinrênghai khom hong inhre thiam thei ni ti; 10vârna chu ni lungrîla lût a ta, inhriatna khan ni hringna inlômtir a ti. 11Ni lungrîl neina khan nang hruai a ta, ni inhriat thiamna khan nang enkol a ti. 12Sual lampuia irthokin nang sansuak a ta, chanlamboi hrila buaina nang siampui ngai mihaia irthokin nang khâi irkiangtir a ti. 13Sual zîng kâra lêng hranga felna lampui hnungsongsan mihai, 14thil saloi sina raiinfân ngaihai, siatna porinchea lôm ngaihai, 15an lampuihai chu a kôia, tung thei zât ni mah.
16Nupang om papai, a chongbâi thiamna sika nang porinchetir tum ata chu nang saninzôk a ti, 17a vânglaiin pasal chunga iamom loia, Pathian makunga a chonginkung irnghil ngai mi rengata kha. 18A in khan thina lampui a’rnghata, a lampuihai chu mi thi lampui a ni. 19Tukhom a kuanga fe kai chu kîr nôk viat ngai maka, hringna lampui tiang irnghat nôk viat ngai mah. 20Khasikin, mi dikhai lampui zuiin lân, nundân fel takin hring ta ro. 21Mi fel, mi nunhoihai khan hi ram hi lua an ta, mi dikhai chu khatak khan om mai an ti. 22Mi siathai rêk chu hi ram ata Pathianin irzûlpaihai a ta, mi sualhai khom thingkung angin thatpaihai a ti.
Currently Selected:
THUVÂRHAI 2: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
THUVÂRHAI 2
2
Vârna lômman
1Ki nâipa, ki’rchûtirna thuhai ni poma, ki thupêkhai nir tika, 2kha vârna tiang ni mikuar ni sunga, ni lungrîl inhriat thiamna tiang ni pêkin chu; 3a ni, inhriatna chu ni zonga inhriat thiam theina khom ni ngêna, 4tangkarua angin ni zonga, irchon irthup angin ni zongin chu, 5Rengpa chi hi imo a ini hong inhren fel ta ni ta, Pathian inhriatnaa khan tuanintung ni ti. 6Rengpa kêng vârna mi pêk ngai, ama bâia irthokin inhriatna le inhriat thiamna a isuak ngai a ni. 7Mi nunhoi hrangin vârna dik a buk khôma, mi dikhai hrangin ama chu phô a ni. 8Theibîk neiloi mihai kha a donsuia, a mi irthianghai chu a vong insa ngai.
9Ki thu tiang ni mikuar ni sungin chu, theibîk nei loinahai le lampui sa tinrênghai khom hong inhre thiam thei ni ti; 10vârna chu ni lungrîla lût a ta, inhriatna khan ni hringna inlômtir a ti. 11Ni lungrîl neina khan nang hruai a ta, ni inhriat thiamna khan nang enkol a ti. 12Sual lampuia irthokin nang sansuak a ta, chanlamboi hrila buaina nang siampui ngai mihaia irthokin nang khâi irkiangtir a ti. 13Sual zîng kâra lêng hranga felna lampui hnungsongsan mihai, 14thil saloi sina raiinfân ngaihai, siatna porinchea lôm ngaihai, 15an lampuihai chu a kôia, tung thei zât ni mah.
16Nupang om papai, a chongbâi thiamna sika nang porinchetir tum ata chu nang saninzôk a ti, 17a vânglaiin pasal chunga iamom loia, Pathian makunga a chonginkung irnghil ngai mi rengata kha. 18A in khan thina lampui a’rnghata, a lampuihai chu mi thi lampui a ni. 19Tukhom a kuanga fe kai chu kîr nôk viat ngai maka, hringna lampui tiang irnghat nôk viat ngai mah. 20Khasikin, mi dikhai lampui zuiin lân, nundân fel takin hring ta ro. 21Mi fel, mi nunhoihai khan hi ram hi lua an ta, mi dikhai chu khatak khan om mai an ti. 22Mi siathai rêk chu hi ram ata Pathianin irzûlpaihai a ta, mi sualhai khom thingkung angin thatpaihai a ti.
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.