HOSEA 4
4
Israelhai chunga Rengpa chiarna
1Israel irchihaio, Rengpa thu kha irngaitua u ta; hi rama hin thutak le lungkhamna le Pathian inhriatna a om no sikin, Rengpa khan ram luatuhai beina hrang a nei. 2Khomâksâm, irhuang, irthat, inrûk, uire uarhai a punga, thisen kha thisenin a zui mai. 3Khasikin ram khan sûn a ta, a sûnga lêng tinrêng sôl an ti, ramsahai chunglêng vahai le; a ni, tui khangliana ngahai dênin lâkpai ni an ti.
Ochaihai a sêlhai
4Aniachu, tûte irbei irhlôm no ri sehai. Tûte halirchu no ri sehai; ni mihai kha ochai beituhai ang an nia. 5Sûna tûk ni ta, nangma le deipuhai khom zâna tuk a ta, ni nu khom inboipai ki ti. 6Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti. 7An hong rikip le ki chunga an sual sit sit saa, an roiinpuina kha mualinphoinaa inchangtir ki ti. 8Ki mihai sualna zâra irchong an irtia, an pualoinaa khan an lungrîl an irnghata, 9a mipui a ochaiin hmunkhata hrem ni an ta, an lampuihai sika khan anni kha hremhai ki ta, an thil thohai thuan ki ti. 10Fâk an ta chu khop no nihai, notizuar uar an ta chu pung no nihai, Rengpa ngaisakna an nei no sikin.
Nam dang pathian biak a hrilsiat
11Notizuarhai, uainhai, uain tharhai khan, milung a lâkpai ngai. 12Ki mihai khan thing millim an irdona, an khianghrolin a hril ngai; notizuarna lungrîl khan a hruai irhmanga, an pathian ata an hur irhmang tâka. 13Tâng sîphaia khan an irbôla, mualhaia khan mirimhoi an hâla, thing sesua le bero le tarpin thing hnuaihai khan a raifân a hoi sikin. Khasikin nin nâinuhai khan notizuar an uara, nin moihaiin uire an iuar a ni. 14Nin nâinuhaiin noti an zuara, nin moihai an uire’n hrem no ning: anni ngei khom notizuarhai le an bingin an fe sikin. Notizuarhai leh hmunkhatin irbôl suama; inhre thiam loi mipuihai kha tûk siat an ti.
15Israel, nang chu notizuar uar khomin lân, Juda kha chu tûk sa no ri se. Gilgal-a khan hong no unglân, Bethaven-a#4.15: Bethaven ti hi “Sualna le millim biakna in” tihna a ni. Khannisian hi thua hin chu Bethel khopui tia “Pathian in” tihna anga a ihmang a ni. khom hong fe no ro; “Rengpa a hring mai angin,” tiin chong irkhâm no roh. 16Sehrât irla tukullian ang dênin Israelhai chu an tukul a liana; atûn chu Rengpa’n belrate angin sûla infa thei ning mo? 17Efraima khan millim a zompui tâka, a om omin om ri se. 18An zu in kha an chîna, nôtizuara an irsiama, an roiinpuina nêkin inzakpuiom kha an irngaiinhlu uala. 19Phâivua isêm angin sêm invuangin la om an ta, an sonong irbôlnaa khan lan zak ngêt an ti.
Currently Selected:
HOSEA 4: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
HOSEA 4
4
Israelhai chunga Rengpa chiarna
1Israel irchihaio, Rengpa thu kha irngaitua u ta; hi rama hin thutak le lungkhamna le Pathian inhriatna a om no sikin, Rengpa khan ram luatuhai beina hrang a nei. 2Khomâksâm, irhuang, irthat, inrûk, uire uarhai a punga, thisen kha thisenin a zui mai. 3Khasikin ram khan sûn a ta, a sûnga lêng tinrêng sôl an ti, ramsahai chunglêng vahai le; a ni, tui khangliana ngahai dênin lâkpai ni an ti.
Ochaihai a sêlhai
4Aniachu, tûte irbei irhlôm no ri sehai. Tûte halirchu no ri sehai; ni mihai kha ochai beituhai ang an nia. 5Sûna tûk ni ta, nangma le deipuhai khom zâna tuk a ta, ni nu khom inboipai ki ti. 6Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti. 7An hong rikip le ki chunga an sual sit sit saa, an roiinpuina kha mualinphoinaa inchangtir ki ti. 8Ki mihai sualna zâra irchong an irtia, an pualoinaa khan an lungrîl an irnghata, 9a mipui a ochaiin hmunkhata hrem ni an ta, an lampuihai sika khan anni kha hremhai ki ta, an thil thohai thuan ki ti. 10Fâk an ta chu khop no nihai, notizuar uar an ta chu pung no nihai, Rengpa ngaisakna an nei no sikin.
Nam dang pathian biak a hrilsiat
11Notizuarhai, uainhai, uain tharhai khan, milung a lâkpai ngai. 12Ki mihai khan thing millim an irdona, an khianghrolin a hril ngai; notizuarna lungrîl khan a hruai irhmanga, an pathian ata an hur irhmang tâka. 13Tâng sîphaia khan an irbôla, mualhaia khan mirimhoi an hâla, thing sesua le bero le tarpin thing hnuaihai khan a raifân a hoi sikin. Khasikin nin nâinuhai khan notizuar an uara, nin moihaiin uire an iuar a ni. 14Nin nâinuhaiin noti an zuara, nin moihai an uire’n hrem no ning: anni ngei khom notizuarhai le an bingin an fe sikin. Notizuarhai leh hmunkhatin irbôl suama; inhre thiam loi mipuihai kha tûk siat an ti.
15Israel, nang chu notizuar uar khomin lân, Juda kha chu tûk sa no ri se. Gilgal-a khan hong no unglân, Bethaven-a#4.15: Bethaven ti hi “Sualna le millim biakna in” tihna a ni. Khannisian hi thua hin chu Bethel khopui tia “Pathian in” tihna anga a ihmang a ni. khom hong fe no ro; “Rengpa a hring mai angin,” tiin chong irkhâm no roh. 16Sehrât irla tukullian ang dênin Israelhai chu an tukul a liana; atûn chu Rengpa’n belrate angin sûla infa thei ning mo? 17Efraima khan millim a zompui tâka, a om omin om ri se. 18An zu in kha an chîna, nôtizuara an irsiama, an roiinpuina nêkin inzakpuiom kha an irngaiinhlu uala. 19Phâivua isêm angin sêm invuangin la om an ta, an sonong irbôlnaa khan lan zak ngêt an ti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.