ROM 9
9
Madai ar boni subung buthu
1Krista ha grao gibi khe ang thi du, ang mosol thiya; Bese Gathar ni balam jang ang hamba hamya tharmaiyaba jang bokhe ragao sisi tharmai du 2ani khasu ha de hamsi ning khah waimu jang khah dukhu jamthaoyaba ani ha dong. 3Ani daphlungrao, saomang gede ha ani greng buthu ni baslai ha ang ning sari jao ma khe horkhu hi, Krista ni phrang nekhao jao si ang dong la nang thi hi ang bao la re. 4Bonsi de Israel jadi se; basa jayaba ja thing, muima ja thing, grao khayaba ja thing, dara rijaoyaba ja thing, Madai jang sainlaiyaba gibi ja thing, grao hanggaiyaba buthu ni bubra se; 5greng ni khitha buthu de bonsi ni buju thu se, saomang gede nai khade bonsi ni phrang ning Kristabo bonsi ni greng se; bo de khrip ni basao ha dong, thaoglao sosi bakhan khlai jayaba Madai se, Amen.
Madai grao hanggaiyaba de haglai niya
6Thikhabo, Madai ni grao khe, bo maiya thima de niya. Israel jadibo jamthar si de Israel jadi ja blaiya. 7Abraham ni khrip greng buthubo bonsi boni basathu ja blaiya; Isak ni phrang nini greng thijao ma se, thi hi bo thi du. 8Boni ortho de, saomang gede ni basathu de bonsi Madai ni basathu ja blaiya, grao hanggaiyaba ni basathu se boni greng gibi thi hi bonsi bao du. 9Grao hanggaiyaba de ebo ning ja kha: Duha ni bubli ha lai ning ang phaiphin hi Sara nana miyah mai ma se, thi dada bo grao hanggai ba. 10Bo se ning niya kho; miyah saosi, jini greng Isak ni phrang Rebeka niha nana jonja saokhonggin ja khali, 11bonsi hajai mani sagang ha de, bo hamba hamya musibo bonsi dangphuya sani ha, saikho bani balam ha Madai dangma baoyaba khe gejeb dao riphu mani khlai hi, 12khusi dang bani niya hi, bokhe long bani khlai hi se. Sara niha Madai thiba, Boni bada de boni buphlung ni khusi khe dang ma se, thi hi bo thiphai ba se. 13Madai ni laisi ha reb ba lai:
Jakob khe ang khasao du, thikhabo Esau khe ang nangjaoya.
14Jing snadi thi nang kho? Madai niha gajai dong na? Ode niya! 15Bo ning Moses niha, Ang sere ni basao ha maya khlai ma nangjao du, boni basao ha maya khlai ma, odehe sere ni basao ha ang khasaoma nangjao du, boni basao ha ang khasao ma! odehe bo thi du. 16Odebani, subung ni nangjaothai jang subung ni dangthai habo asa dengya, Madai ni khasaoma ha se bonsi asa deng ba. 17Madai ni laisi mani grao jang Pharao niha, Ang ning khe elei bani se song rihi nini ha raothai dongyaba khe phnu mane, odehe khrip habsao ha ani bumu gublung thar mani khlai hi, bo thi du. 18Odebani, bo nangjaoyaba khe bo khasao re, bo nangjao khade suttha khlai re.
Madai ni thamsi ar boni khasaoma
19Bede thikhade ning ang khe thi ma, Bo phin snadi jabani gajai ri ba kho? Bo dangma nangjaoyaba khe sere mathao phu ma? 20Thikhabo, O subung, Madai khe niyayaba la ning sere kho? Jinis slamyaba de bo slamyaba niha, Snadi jabani elei ning ang khe slam ba? thihi thi ma kho? 21Mudik slamyaba hahdo thaisi jang mudik muilo jadaothao slam hi odehe muilo jayadao thao slam mani khlai hi mudik slamyaba de hah ni mudik ni basao ha grao ni khemotha giri na?
22Thamsi ni mudik, jamginyaba buthu ni basao ha Madai ning boni thamsi jang boni raothai khe phnu ri ma nangjao la khabo, bo blai ba lai lai ajao kha de, snadi thima dong ma kho? 23Khasaoma ni mudik, boni muima khe mai mani bo salai dayarao ne boni muima gibi khe bonsi ne phnu riphu mani khlai hi ning jakha. 24Boni khasaoma ni mudik buthu khe Judarao ni gejer ni phrang se ning niya hi, Jentailrao ni gejer ni phrang longjaoyarao bo jing ning ja kha. 25Hosea ni laisi bajab ha,
“Ani subung niyayarao khe Ani subungrao ang thi nang,
Ang khe hamjaoma dengyayarao khe,
‘ang khe hamjaoma dengyarao’ ang thi ma se.
26Odehe, Nisi ani subung niya thiyaba ni dongthan ha ning,
Madai gathang ni basathu thihi bonsi longjao ma se,”
thi hi bo sainthi ba lai jasosi ning.
27Isai bo Israel sarao ni balam ha, jirik khao hi thi du: Israel jadi buthu de sagor ni hajeng bang ba lai bang la khabo, bonsi gijisa se ning goma mai ma; 28Bede thikhade Gabra phirthi basao ha jar ni bisar khe gibi jang sangga ning haiger ma se, bo odehe thi ba. 29Isai ning, Siphaiyarao ni Gabra ning bumu dengya slam hi jing khe mathaoya kha de, Sodom lai jing ja ma se mu! thihi reb ba lai jasosi ning.
Israelrao ni hamba graojma
30Bedehe jing thi nang kho? Dormo khe riksaiyayaba Jentailrao se dormo khe bonsi mai ba; bo se lonma ni khlai hi dormo ja ba. 31Thikhabo, dara khe mani bani khlai hi gajai jaya baoyaba Israel sarao dara ha gajai jayayaba khe bonsi maiya hi thao kha. 32Snadi jaba ni? Bede thikhade lonma jang bonsi riksaya bani olei ja ba, bonsi khusi dangyaba ha asa deng ba. Bonsi khuda riyaba longthai ha ning bonsi khuda la kha.
33Nai lah, Zion ha khudayaba longthai
ode, khuda riyaba longthaima ang deng du;
Sere bo khe lon du, bo laji nu nang niya thihi reb ba lai.
Currently Selected:
ROM 9: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
ROM 9
9
Madai ar boni subung buthu
1Krista ha grao gibi khe ang thi du, ang mosol thiya; Bese Gathar ni balam jang ang hamba hamya tharmaiyaba jang bokhe ragao sisi tharmai du 2ani khasu ha de hamsi ning khah waimu jang khah dukhu jamthaoyaba ani ha dong. 3Ani daphlungrao, saomang gede ha ani greng buthu ni baslai ha ang ning sari jao ma khe horkhu hi, Krista ni phrang nekhao jao si ang dong la nang thi hi ang bao la re. 4Bonsi de Israel jadi se; basa jayaba ja thing, muima ja thing, grao khayaba ja thing, dara rijaoyaba ja thing, Madai jang sainlaiyaba gibi ja thing, grao hanggaiyaba buthu ni bubra se; 5greng ni khitha buthu de bonsi ni buju thu se, saomang gede nai khade bonsi ni phrang ning Kristabo bonsi ni greng se; bo de khrip ni basao ha dong, thaoglao sosi bakhan khlai jayaba Madai se, Amen.
Madai grao hanggaiyaba de haglai niya
6Thikhabo, Madai ni grao khe, bo maiya thima de niya. Israel jadibo jamthar si de Israel jadi ja blaiya. 7Abraham ni khrip greng buthubo bonsi boni basathu ja blaiya; Isak ni phrang nini greng thijao ma se, thi hi bo thi du. 8Boni ortho de, saomang gede ni basathu de bonsi Madai ni basathu ja blaiya, grao hanggaiyaba ni basathu se boni greng gibi thi hi bonsi bao du. 9Grao hanggaiyaba de ebo ning ja kha: Duha ni bubli ha lai ning ang phaiphin hi Sara nana miyah mai ma se, thi dada bo grao hanggai ba. 10Bo se ning niya kho; miyah saosi, jini greng Isak ni phrang Rebeka niha nana jonja saokhonggin ja khali, 11bonsi hajai mani sagang ha de, bo hamba hamya musibo bonsi dangphuya sani ha, saikho bani balam ha Madai dangma baoyaba khe gejeb dao riphu mani khlai hi, 12khusi dang bani niya hi, bokhe long bani khlai hi se. Sara niha Madai thiba, Boni bada de boni buphlung ni khusi khe dang ma se, thi hi bo thiphai ba se. 13Madai ni laisi ha reb ba lai:
Jakob khe ang khasao du, thikhabo Esau khe ang nangjaoya.
14Jing snadi thi nang kho? Madai niha gajai dong na? Ode niya! 15Bo ning Moses niha, Ang sere ni basao ha maya khlai ma nangjao du, boni basao ha maya khlai ma, odehe sere ni basao ha ang khasaoma nangjao du, boni basao ha ang khasao ma! odehe bo thi du. 16Odebani, subung ni nangjaothai jang subung ni dangthai habo asa dengya, Madai ni khasaoma ha se bonsi asa deng ba. 17Madai ni laisi mani grao jang Pharao niha, Ang ning khe elei bani se song rihi nini ha raothai dongyaba khe phnu mane, odehe khrip habsao ha ani bumu gublung thar mani khlai hi, bo thi du. 18Odebani, bo nangjaoyaba khe bo khasao re, bo nangjao khade suttha khlai re.
Madai ni thamsi ar boni khasaoma
19Bede thikhade ning ang khe thi ma, Bo phin snadi jabani gajai ri ba kho? Bo dangma nangjaoyaba khe sere mathao phu ma? 20Thikhabo, O subung, Madai khe niyayaba la ning sere kho? Jinis slamyaba de bo slamyaba niha, Snadi jabani elei ning ang khe slam ba? thihi thi ma kho? 21Mudik slamyaba hahdo thaisi jang mudik muilo jadaothao slam hi odehe muilo jayadao thao slam mani khlai hi mudik slamyaba de hah ni mudik ni basao ha grao ni khemotha giri na?
22Thamsi ni mudik, jamginyaba buthu ni basao ha Madai ning boni thamsi jang boni raothai khe phnu ri ma nangjao la khabo, bo blai ba lai lai ajao kha de, snadi thima dong ma kho? 23Khasaoma ni mudik, boni muima khe mai mani bo salai dayarao ne boni muima gibi khe bonsi ne phnu riphu mani khlai hi ning jakha. 24Boni khasaoma ni mudik buthu khe Judarao ni gejer ni phrang se ning niya hi, Jentailrao ni gejer ni phrang longjaoyarao bo jing ning ja kha. 25Hosea ni laisi bajab ha,
“Ani subung niyayarao khe Ani subungrao ang thi nang,
Ang khe hamjaoma dengyayarao khe,
‘ang khe hamjaoma dengyarao’ ang thi ma se.
26Odehe, Nisi ani subung niya thiyaba ni dongthan ha ning,
Madai gathang ni basathu thihi bonsi longjao ma se,”
thi hi bo sainthi ba lai jasosi ning.
27Isai bo Israel sarao ni balam ha, jirik khao hi thi du: Israel jadi buthu de sagor ni hajeng bang ba lai bang la khabo, bonsi gijisa se ning goma mai ma; 28Bede thikhade Gabra phirthi basao ha jar ni bisar khe gibi jang sangga ning haiger ma se, bo odehe thi ba. 29Isai ning, Siphaiyarao ni Gabra ning bumu dengya slam hi jing khe mathaoya kha de, Sodom lai jing ja ma se mu! thihi reb ba lai jasosi ning.
Israelrao ni hamba graojma
30Bedehe jing thi nang kho? Dormo khe riksaiyayaba Jentailrao se dormo khe bonsi mai ba; bo se lonma ni khlai hi dormo ja ba. 31Thikhabo, dara khe mani bani khlai hi gajai jaya baoyaba Israel sarao dara ha gajai jayayaba khe bonsi maiya hi thao kha. 32Snadi jaba ni? Bede thikhade lonma jang bonsi riksaya bani olei ja ba, bonsi khusi dangyaba ha asa deng ba. Bonsi khuda riyaba longthai ha ning bonsi khuda la kha.
33Nai lah, Zion ha khudayaba longthai
ode, khuda riyaba longthaima ang deng du;
Sere bo khe lon du, bo laji nu nang niya thihi reb ba lai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.