ROM 3
3
1Dei thikha la, Juda subung la snadi khe lab maidao ba? Niyakhala, jogai bujuh rasoyaba la snadi lab? 2Khrip jadi gede lab se. Bo sagangthao ha, Judarao khe Madai ni grao baigoyaba buthu khe bonsi niha dengda ri ba. 3Bonsi ni bising ha gejesi lonya la khabo snadi jadao ma? Bonsi lonyayaba jang Madai ni lonma gnang khe musibo niya hi slam ma na? 4Khrip subung thokhiyaba ja la khabo, Madai de gibiyaba se:
Ning grao thiyaba buthu ha ning gibi japhu mani odehe,
Ning bisar khlaijaoba ha ning dephu mani khlai hi, thihi reb ba lai.
5Thikhabo, jini dormo niyayaba buthu khe Madai ning dormo ha phnu kha la, jing snadi thi ma? (Subung saomang jang thikhala). Jini basao ha thamsi hokhlai kha la Madai khe hamya thihi jing thiphu nang? 6Olei niya! Olei ja kha la, Madaibo habsao khe bede bisar khlai phu ma?
7Bede thikhade, ani mosol grao jang Madai ni grao gibi khe jarni muima ne phnu kha la, angkhe sumjabani subung phaphi jang baosi gajai khlaijao hi ang dongma nang ba? 8Niyakha la, subung gejesi, Hamba jinis baigo phu mani khlai hi phap khusi khe jing danglai nang, bo odehe thiba, thihi bonsi angkhe thisingba lai ning hamya phap khusi khe jing dangma na? Oleiyaba subung buthu de gajai jama ning nangma se.
Saosibo dormo subung giri
9Niyakhala, jing Judarao la bonsi thane jing hamdao na? Ode niya! Bonsi thane jing hamdaoya. Khrip subung, Judarao odehe, Greeksarao de phap ni hukhum bakhla ha gaja se jing dongba thihi nisi ne jing sainthi kha. 10Madai ni grao thiba lai:
Saosibo dormo subung giri
Saosi jahibo giri;
11Saosibo bonsi bujima giri
Saosibo bonsi Madai khe smaiyaba giri.
12Bonsi lama niyayaba gede thangthar hi,
Bonsi khripbo haglai jathar kha;
Saosibo bonsi hamba khusi dangyaba giri kha,
Bonsi saosi jahibo giri.
13Bonsi ni grangthroh de mangkhlong khuruba lai se,
Bonsi ni slai jang bonsi mosol grao jo du,
Bonsi ni bukhuh buthu hade jbu ni bis dong.
14Bonsi ni bukhuh buthu hade sarithai
odehe grao gakha jang gablai du.
15Bonsi ni igah buthu de thijao khaikho mani khlai hi yaphri surba rao bi;
16Bonsi ni lama buthu hade
Hamyayaba jang dukhu bang bi,
17Santi ni lama khe bonsi tharmaiya.
18Bonsi ni muthai buthu ha Madai khe gijisa bo khinma giri.
19Dara jang grao joyaba side Dara ni bakhla ha dongyarao niha se bo grao thiba thihi jing mithi du. Odebani khrip ni bukhuh phung hi dongphu mani odehe habsao ni khrip khe Madai ni bisar ha dong mani khlai hi. 20Odebani, Dara ni khusi buthu khe dang bani khlai hi subung saosibo boni muthai ha dormo ja nang niya; dara ni khlai hi se phap khe tharmai phai ba.
Lonma ni khlai hi dormo
21Thikhabo, duha de, dara khe laphaya hi, Madai ni dormo khe phnu kha. Dara jang gorasalirao ning nisi ne mithi ri kha. 22Bode Jisu Krista khe lon bani bokhe lonyaba si niha Madai ni dormo phnujao hi dongyaba bo ning ja kha. Gibin naiyaba musibo giri, 23khrip subung phap khusi dangkha bani bonsi Madai ni muima khe maiya kha. 24Thikhabo, Krista Jisu ha khoyaba ni dara jang Madai jarni khasaoma ha se ning jinis magna riba lai bonsi khe dormo ja ri ba. 25Krista Jisu de jarni thijao ni balam jang phap ni map ni khlai hi bokhe saikho hi bokhe lonma ha mai ma nang du. Madai de khah lao phu bani khlai hi, sagang ha ni phap buthu khe bo nuya jamasi ba. Ebo de Madai ning jarni dormo gibi khe phnu mani bo olei dang ba. 26Bo ning, subung gibiyaba odehe Jisu ha lonma dengyaba si khe dormo jariyaba japhu mani, duha ni bubli ha boni dormo gibi khe phnu du.
27Olei thikhala, jing sangga mani braha dong? Giri dou. Snadi dara ni kharon jang? Khusi dangyaba ni dara jang na? Niya dou. Lonma ni dara jang se ja ba. 28Dara jang dang mani bo saikhoyaba buthu khe niya hi, subung de lonma ni khlai hi se dormo ja ba thihi jing rempha ba. 29Niyakha la, Madai la Judarao ni Madai se ning na? Jentailrao nibo Madai niya na somo? Jadu dou, Jentailrao ni Madaibo bo ning. 30Madai de saosi se ning; odehe jogai bujuh raso jaoyarao de bonsi ni lonma ni khlai hi dormo ja rijao ma, jogai bujuh rasoyayarao bo bonsi ni lonma jang ning dormo ja rijao ma se. 31Thikhala, lonma nang du thi bani khlai hi se ning dara khe musibo niyahi jing slam ma na somo? Braha ja ma! Dara khe gejeb dao hi jing remsong ba se.
Currently Selected:
ROM 3: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
ROM 3
3
1Dei thikha la, Juda subung la snadi khe lab maidao ba? Niyakhala, jogai bujuh rasoyaba la snadi lab? 2Khrip jadi gede lab se. Bo sagangthao ha, Judarao khe Madai ni grao baigoyaba buthu khe bonsi niha dengda ri ba. 3Bonsi ni bising ha gejesi lonya la khabo snadi jadao ma? Bonsi lonyayaba jang Madai ni lonma gnang khe musibo niya hi slam ma na? 4Khrip subung thokhiyaba ja la khabo, Madai de gibiyaba se:
Ning grao thiyaba buthu ha ning gibi japhu mani odehe,
Ning bisar khlaijaoba ha ning dephu mani khlai hi, thihi reb ba lai.
5Thikhabo, jini dormo niyayaba buthu khe Madai ning dormo ha phnu kha la, jing snadi thi ma? (Subung saomang jang thikhala). Jini basao ha thamsi hokhlai kha la Madai khe hamya thihi jing thiphu nang? 6Olei niya! Olei ja kha la, Madaibo habsao khe bede bisar khlai phu ma?
7Bede thikhade, ani mosol grao jang Madai ni grao gibi khe jarni muima ne phnu kha la, angkhe sumjabani subung phaphi jang baosi gajai khlaijao hi ang dongma nang ba? 8Niyakha la, subung gejesi, Hamba jinis baigo phu mani khlai hi phap khusi khe jing danglai nang, bo odehe thiba, thihi bonsi angkhe thisingba lai ning hamya phap khusi khe jing dangma na? Oleiyaba subung buthu de gajai jama ning nangma se.
Saosibo dormo subung giri
9Niyakhala, jing Judarao la bonsi thane jing hamdao na? Ode niya! Bonsi thane jing hamdaoya. Khrip subung, Judarao odehe, Greeksarao de phap ni hukhum bakhla ha gaja se jing dongba thihi nisi ne jing sainthi kha. 10Madai ni grao thiba lai:
Saosibo dormo subung giri
Saosi jahibo giri;
11Saosibo bonsi bujima giri
Saosibo bonsi Madai khe smaiyaba giri.
12Bonsi lama niyayaba gede thangthar hi,
Bonsi khripbo haglai jathar kha;
Saosibo bonsi hamba khusi dangyaba giri kha,
Bonsi saosi jahibo giri.
13Bonsi ni grangthroh de mangkhlong khuruba lai se,
Bonsi ni slai jang bonsi mosol grao jo du,
Bonsi ni bukhuh buthu hade jbu ni bis dong.
14Bonsi ni bukhuh buthu hade sarithai
odehe grao gakha jang gablai du.
15Bonsi ni igah buthu de thijao khaikho mani khlai hi yaphri surba rao bi;
16Bonsi ni lama buthu hade
Hamyayaba jang dukhu bang bi,
17Santi ni lama khe bonsi tharmaiya.
18Bonsi ni muthai buthu ha Madai khe gijisa bo khinma giri.
19Dara jang grao joyaba side Dara ni bakhla ha dongyarao niha se bo grao thiba thihi jing mithi du. Odebani khrip ni bukhuh phung hi dongphu mani odehe habsao ni khrip khe Madai ni bisar ha dong mani khlai hi. 20Odebani, Dara ni khusi buthu khe dang bani khlai hi subung saosibo boni muthai ha dormo ja nang niya; dara ni khlai hi se phap khe tharmai phai ba.
Lonma ni khlai hi dormo
21Thikhabo, duha de, dara khe laphaya hi, Madai ni dormo khe phnu kha. Dara jang gorasalirao ning nisi ne mithi ri kha. 22Bode Jisu Krista khe lon bani bokhe lonyaba si niha Madai ni dormo phnujao hi dongyaba bo ning ja kha. Gibin naiyaba musibo giri, 23khrip subung phap khusi dangkha bani bonsi Madai ni muima khe maiya kha. 24Thikhabo, Krista Jisu ha khoyaba ni dara jang Madai jarni khasaoma ha se ning jinis magna riba lai bonsi khe dormo ja ri ba. 25Krista Jisu de jarni thijao ni balam jang phap ni map ni khlai hi bokhe saikho hi bokhe lonma ha mai ma nang du. Madai de khah lao phu bani khlai hi, sagang ha ni phap buthu khe bo nuya jamasi ba. Ebo de Madai ning jarni dormo gibi khe phnu mani bo olei dang ba. 26Bo ning, subung gibiyaba odehe Jisu ha lonma dengyaba si khe dormo jariyaba japhu mani, duha ni bubli ha boni dormo gibi khe phnu du.
27Olei thikhala, jing sangga mani braha dong? Giri dou. Snadi dara ni kharon jang? Khusi dangyaba ni dara jang na? Niya dou. Lonma ni dara jang se ja ba. 28Dara jang dang mani bo saikhoyaba buthu khe niya hi, subung de lonma ni khlai hi se dormo ja ba thihi jing rempha ba. 29Niyakha la, Madai la Judarao ni Madai se ning na? Jentailrao nibo Madai niya na somo? Jadu dou, Jentailrao ni Madaibo bo ning. 30Madai de saosi se ning; odehe jogai bujuh raso jaoyarao de bonsi ni lonma ni khlai hi dormo ja rijao ma, jogai bujuh rasoyayarao bo bonsi ni lonma jang ning dormo ja rijao ma se. 31Thikhala, lonma nang du thi bani khlai hi se ning dara khe musibo niyahi jing slam ma na somo? Braha ja ma! Dara khe gejeb dao hi jing remsong ba se.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.