NUJAOYABA 3
3
Sardis longjom ne laijma
1Sardis longjom ni degla nihabo edehe reb lah:
Madai ni bese masni maiyarao ode sathrai masni maiyaba de edehe thi du: 2Ning khusi dangyaba buthu khe ang tharmai du, ning gathang de thila du, thikhabo ning githi se. Thuyaba smao hi, nini khusi dangma thaoyaba thididihyarao khe rao ri lah, ning khusi dangyaba buthu khe ani Madai ni muh ha so kha thi hi ang nuya. 3Odebani, ning jinis maiblaiyaba ode ning khnayaba buthu khe wainso song hi, mani dada, khah phin lah. Ning smaoya khade makhao lai ang phai hi, nini ha ang phai mani bubli khe tharmaiya jao nang. 4Thikhabo, Sardis nogor ni subung gejesi de bonsi ni gainsari buthu khe rege riya hi bonsi dong; bo buthu de gainsari guphu khe thu hi ang jang baosi daobaima se, bonsi de oleiyaba hase dong ja ba. 5Bokhe deyaba si de olei jasosi ning sola glaoyaba guphu khe thu rijao nang, ode hayu ni laisima ni phrang boni bumu khe ang khma nang niya. Ani bupha ni sagang ha ar boni deglarao ni sagang ha boni bumu khe ang da khidao ma se.
6“Bese jang longjomrao niha grao thiyaba khe khmao dong khade khna la thing!”
Philadelphia ni longjom ne laijma
7Philadelphia longjom ni sorgo degla nihabo edehe reb lah:
Subung gathar, subung gibiyaba, David ni chabi dengyaba, bo khru khade saosibo phrao phuya, bo phrao khade saosibo khru phuya, bo edehe thi du. 8Ning khusi dangyaba buthu khe ang tharmai du, nai lah, saosibo khru phuyayaba derga khe nini sagang ha khru hi deng du. Khusi dang phuyaba bol nini ha khaisa dong ba, ning ani grao khebo mani du, ode ani bumu khebo ning dangkhlaiya. 9Nai lah! Soithan sunagog ni subung, subung thokhi baiyaba, Juda jadi niya hi ning jarkhe Juda thi layarao khe ang labu hi, nini igah rogong ha ang gonggalai ri nang; ning khe ning ang hamjaoba se thi hi buji la nang. 10Khitha rao hi phura dukhu ajao mani ninthane ang grao riyaba khe ning khah ha deng bani, phirthi ha dongyaba khrip nai nai mani habsao khonglang ni basao ha nai naiyaba sophai ba ha, angbo ning khe sogo nang. 11Sangga ning ang phaima se, nini Raja ni khrothu khe saosibo nini phrang lala phuya mane, ning jinis maiyaba khe hamsisi naiso lah. 12Bo deyaba khe, ani Madai ni bikhoh ha thongjerma ang slam nang, bo hathan khe dangkhlaima nang niya kha. Boni ha ning ani Madai ni bumu khe ang reb nang, ode ani Madai ni nogorma ni bumu Jerusalem gadain, sorgo ni ani Madai ni phrang galai phaiyaba bumu jang, bumu gadain khe ang rebbabo reb ma se.
13Bese jang longjomrao niha bo thiyaba khe khmao dongkha de khna la thing, thi du.
Laodikei longjom ne laijma
14Laodikei longjom ni sorgo degla nihabo edehe reb lah:
Amen, grao phlayaba lonma gnang jang sakhi gibiyaba, Madai jinis sangsai jenyaba ha edehe bo thi du: 15Ning khusi dangyaba buthu khe ang tharmai du, ning magainya, dungbo dungya. Ning magain khade magain so lah, dung khade dungso lah, bokhe ang nangjao du. 16Magainbo magain soya, dungbo dung soya, dungbru bru se bani, ning khe ang ani khuh ni phrang thukhla ma se. 17Ning thibai la du, ang de gnang se, somphothi bang bi, musibo soya jaya ning, thikhabo ning dukhi se, khasao sisi suliya, muthai gana, langtha, khongja se thihi jar khe tharmai laya. 18Odebani ning gnang japhu mani khlai hi wai ha gajao malang hi saginyaba khe ani phrang barai mani khlai hi ning khe ang sibring du. Ning langtha lasisiyaba khe phung mani khlai hi, gainsari guphu khe barai hi, ode ning nuphu mani khlai hi muthai ha hu mani muthai saya bani muli khebo barai lah. 19Ang hamjaoyarao khede ang johi sibring re. Odebani gibi jang dong dada khah phin lah. 20Nai lah! derga kholei ha song hi ang derga dho du; sere ani khurang khe khna hi derga khru khade boni ha ang hapsing hi, bo jang baosi ang hor ni makham ji nang, bobo ang jang baosi ji ma se. 21Bo deyaba si khe ani khamthan ha ang jang baosi ang kham ri ma se. Angbo de dada ani bupha ni khamthan ha ang khamba lai ning.
22Bese jang longjomrao niha grao thiyaba khe khmao dong khade khna la thing.
Currently Selected:
NUJAOYABA 3: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
NUJAOYABA 3
3
Sardis longjom ne laijma
1Sardis longjom ni degla nihabo edehe reb lah:
Madai ni bese masni maiyarao ode sathrai masni maiyaba de edehe thi du: 2Ning khusi dangyaba buthu khe ang tharmai du, ning gathang de thila du, thikhabo ning githi se. Thuyaba smao hi, nini khusi dangma thaoyaba thididihyarao khe rao ri lah, ning khusi dangyaba buthu khe ani Madai ni muh ha so kha thi hi ang nuya. 3Odebani, ning jinis maiblaiyaba ode ning khnayaba buthu khe wainso song hi, mani dada, khah phin lah. Ning smaoya khade makhao lai ang phai hi, nini ha ang phai mani bubli khe tharmaiya jao nang. 4Thikhabo, Sardis nogor ni subung gejesi de bonsi ni gainsari buthu khe rege riya hi bonsi dong; bo buthu de gainsari guphu khe thu hi ang jang baosi daobaima se, bonsi de oleiyaba hase dong ja ba. 5Bokhe deyaba si de olei jasosi ning sola glaoyaba guphu khe thu rijao nang, ode hayu ni laisima ni phrang boni bumu khe ang khma nang niya. Ani bupha ni sagang ha ar boni deglarao ni sagang ha boni bumu khe ang da khidao ma se.
6“Bese jang longjomrao niha grao thiyaba khe khmao dong khade khna la thing!”
Philadelphia ni longjom ne laijma
7Philadelphia longjom ni sorgo degla nihabo edehe reb lah:
Subung gathar, subung gibiyaba, David ni chabi dengyaba, bo khru khade saosibo phrao phuya, bo phrao khade saosibo khru phuya, bo edehe thi du. 8Ning khusi dangyaba buthu khe ang tharmai du, nai lah, saosibo khru phuyayaba derga khe nini sagang ha khru hi deng du. Khusi dang phuyaba bol nini ha khaisa dong ba, ning ani grao khebo mani du, ode ani bumu khebo ning dangkhlaiya. 9Nai lah! Soithan sunagog ni subung, subung thokhi baiyaba, Juda jadi niya hi ning jarkhe Juda thi layarao khe ang labu hi, nini igah rogong ha ang gonggalai ri nang; ning khe ning ang hamjaoba se thi hi buji la nang. 10Khitha rao hi phura dukhu ajao mani ninthane ang grao riyaba khe ning khah ha deng bani, phirthi ha dongyaba khrip nai nai mani habsao khonglang ni basao ha nai naiyaba sophai ba ha, angbo ning khe sogo nang. 11Sangga ning ang phaima se, nini Raja ni khrothu khe saosibo nini phrang lala phuya mane, ning jinis maiyaba khe hamsisi naiso lah. 12Bo deyaba khe, ani Madai ni bikhoh ha thongjerma ang slam nang, bo hathan khe dangkhlaima nang niya kha. Boni ha ning ani Madai ni bumu khe ang reb nang, ode ani Madai ni nogorma ni bumu Jerusalem gadain, sorgo ni ani Madai ni phrang galai phaiyaba bumu jang, bumu gadain khe ang rebbabo reb ma se.
13Bese jang longjomrao niha bo thiyaba khe khmao dongkha de khna la thing, thi du.
Laodikei longjom ne laijma
14Laodikei longjom ni sorgo degla nihabo edehe reb lah:
Amen, grao phlayaba lonma gnang jang sakhi gibiyaba, Madai jinis sangsai jenyaba ha edehe bo thi du: 15Ning khusi dangyaba buthu khe ang tharmai du, ning magainya, dungbo dungya. Ning magain khade magain so lah, dung khade dungso lah, bokhe ang nangjao du. 16Magainbo magain soya, dungbo dung soya, dungbru bru se bani, ning khe ang ani khuh ni phrang thukhla ma se. 17Ning thibai la du, ang de gnang se, somphothi bang bi, musibo soya jaya ning, thikhabo ning dukhi se, khasao sisi suliya, muthai gana, langtha, khongja se thihi jar khe tharmai laya. 18Odebani ning gnang japhu mani khlai hi wai ha gajao malang hi saginyaba khe ani phrang barai mani khlai hi ning khe ang sibring du. Ning langtha lasisiyaba khe phung mani khlai hi, gainsari guphu khe barai hi, ode ning nuphu mani khlai hi muthai ha hu mani muthai saya bani muli khebo barai lah. 19Ang hamjaoyarao khede ang johi sibring re. Odebani gibi jang dong dada khah phin lah. 20Nai lah! derga kholei ha song hi ang derga dho du; sere ani khurang khe khna hi derga khru khade boni ha ang hapsing hi, bo jang baosi ang hor ni makham ji nang, bobo ang jang baosi ji ma se. 21Bo deyaba si khe ani khamthan ha ang jang baosi ang kham ri ma se. Angbo de dada ani bupha ni khamthan ha ang khamba lai ning.
22Bese jang longjomrao niha grao thiyaba khe khmao dong khade khna la thing.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.