NUJAOYABA 19
19
1Ebo ni yaohon ha gabang sorgo ni subung buthu ni khurang lai ang khna ba: Hallelujah! Sogoma ja thing, muima ja thing, raothai ja thing, jini Madai ni gaja se. 2Boni bisar buthu gibi jang bo dormo se. Sao khe phainjiyaba gedeba, jar ni gaori jang phirthi khe rege rege khlaiyaba khe gajai ja ri jao kha. Boni basao ha se jar ni dangyasarao ni thijao ni baslai khe bo la kha, bonsi odehe thi ba. 3Bonsi phin thi ba, Hallelujah! Bo khamyaba waikhudi jug jug lung lung dim ma se! bonsi odehebo thi ba. 4Odehe, khrao khonbri hang gnang mih buthu blip pha hi, Amen, Hallelujah! thi hi Raja ni khamthan ha khamyaba Madai khe bonsi khlim ba.
Melmasa disingba ni mel
5Odehe, singhason ni phrang khurang baigo phai ba, Nisi boni khrip dangyasa, gede, khasi, bokhe khinyarao, jini Madai khe khlim lah. 6Odehe, subung buthu ni khurang, dih raoyaba ni khurang ho jaba lai, odehe nokhasao grimba ha grung grung jaba lai ang sar khna ba, Hallelujah, Gabra jini Madai, raothai gnang de bisar khlai du dou! 7Khajama lai jing khaja lai nang, muima khlai lai nang. Melmasa disingma ni bubli sophai kha, damanjikbo salai blai kha. 8Rih gili duduyaba, guphu jablai jablaiyaba odehe gathar khe bonsi thu ri mane hukhum ri kha. Rih gili duduyaba de subung gatharrao dormo khusi dangyaba buthu se.
9Odehe, sorgo ni degla ning ani ha thi ba, Ebo khe reb lah: Melmasa noh jayaba mel ha jama jayarao de bonsi ni khophal hambi. Bo ning ani ha, Ebo grao buthu Madai ni grao gibiyaba se, bo odehebo thi ba.
10Boha ning bokhe khlim mane khlai hi boni igah rogong gabasi ang blip pha ba, thikhabo bode ani ha, Olei da khlai lah. Ang ning jang nini daphlungrao lai ning Jisu ni grao nisi mithi pha riyaba khe maniyaba, nisi ni daphlung jang dangyasa angbo saosi se thi. Madai khe se khlim lah. Jisu ni grao khe mithi pha riyaba thidayaba bese se, bo odehe thi ba.
Gorai guphu ni basao ha gayaba
11Sorgo khruba khe ang nu ba, oraha ani sagang ha gorai guphu, boni basao ha gayaba, Lonma gnang ode Gibi bonsi thiyaba khebo ang nu ba; bode gibi jang bisar khlai hi, jbahbo bo nanglai re. 12Boni muthai buthu de wai lai se, boni bokhro hade raja ni khrothu gabang thu du; odehe bo bumu rebyaba de bokhe garhi saosi bo tharmaiya. 13Thijao jang gasai phrayaba sola galao khe thu hi, boni bumu de Madai ni grao se. 14Sorgo ni siphaiyarao rih gili dudu rih guphu ode gathar khe thuyarao gorai guphu ni basao ha kham hi bo jang baosi rikpha du. 15Boni bukhuh ni phrang seng budao thaoyaba baigo phai ba, ode bo ning jadi buthu khe dain thar ma se. Odehe ser ni goda jang sason khlai nang. Madai khrip dang phuyaba ni raothai jang grep ni ju sepyaba hakhor ha thamsi jang bo gasep jao ma se. 16Boni sola galao ha ar boni yaphung ha rajarao ni Raja, hojarao ni Hoja thi hi bumu reb du.
17Odehe, sorgo ni degla saosi sain ha song hi dongba khe ang nu ba, bo ning nokhasao gejer ha dao bir baiyaba khrip niha khurang bol jang, Madai ni gedeba mel ha ji mani khlai hi bojom ja la phai! thi ba. 18Rajarao ni mogong ja thing, siphaiya hojarao ni mogong, subung birrao ni mogong, gorai buthu ni mogong ode bonsi ni basao ha gayarao ni mogong, khrip subung leng jang leng niyayarao, subung gedebarao, khasibarao, bonsi jamthar si ni mogong buthu khe ji la phai! thi hi bo jirikkhao ba.
19Gorai ni basao ha gayaba jang boni siphaiya ni dol jang nanglai mani khlai hi, mih rege jang phirthi ni rajarao baithim laiba khe ang nu ba. 20Mih rege khe bonsi rem hi, boni baslai ha sin gmang thaosi buthu khe dangyaba, gorasali mosol khebo bonsi rempha ba. Bo gorasali se jinis gmang thaosisiyaba khusi dangyaba jang mih rege ni lombor layarao ode boni saokhuli khe biyarao khe bo thokhi re. Bonsi gini khebo gathang ning wai ni kharnai ha bonsi dangsing kha. 21Bo gibin buthu khrip khe gorai ni basao ha gayaba ni bukhuh ni phrang seng baigo phai khali ning bonsi sthaijao kha; odehe khrip dao buthu khripbo bonsi jima nangjaoba lai bonsi ni bahain buthu khe jithar kha.
Currently Selected:
NUJAOYABA 19: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
NUJAOYABA 19
19
1Ebo ni yaohon ha gabang sorgo ni subung buthu ni khurang lai ang khna ba: Hallelujah! Sogoma ja thing, muima ja thing, raothai ja thing, jini Madai ni gaja se. 2Boni bisar buthu gibi jang bo dormo se. Sao khe phainjiyaba gedeba, jar ni gaori jang phirthi khe rege rege khlaiyaba khe gajai ja ri jao kha. Boni basao ha se jar ni dangyasarao ni thijao ni baslai khe bo la kha, bonsi odehe thi ba. 3Bonsi phin thi ba, Hallelujah! Bo khamyaba waikhudi jug jug lung lung dim ma se! bonsi odehebo thi ba. 4Odehe, khrao khonbri hang gnang mih buthu blip pha hi, Amen, Hallelujah! thi hi Raja ni khamthan ha khamyaba Madai khe bonsi khlim ba.
Melmasa disingba ni mel
5Odehe, singhason ni phrang khurang baigo phai ba, Nisi boni khrip dangyasa, gede, khasi, bokhe khinyarao, jini Madai khe khlim lah. 6Odehe, subung buthu ni khurang, dih raoyaba ni khurang ho jaba lai, odehe nokhasao grimba ha grung grung jaba lai ang sar khna ba, Hallelujah, Gabra jini Madai, raothai gnang de bisar khlai du dou! 7Khajama lai jing khaja lai nang, muima khlai lai nang. Melmasa disingma ni bubli sophai kha, damanjikbo salai blai kha. 8Rih gili duduyaba, guphu jablai jablaiyaba odehe gathar khe bonsi thu ri mane hukhum ri kha. Rih gili duduyaba de subung gatharrao dormo khusi dangyaba buthu se.
9Odehe, sorgo ni degla ning ani ha thi ba, Ebo khe reb lah: Melmasa noh jayaba mel ha jama jayarao de bonsi ni khophal hambi. Bo ning ani ha, Ebo grao buthu Madai ni grao gibiyaba se, bo odehebo thi ba.
10Boha ning bokhe khlim mane khlai hi boni igah rogong gabasi ang blip pha ba, thikhabo bode ani ha, Olei da khlai lah. Ang ning jang nini daphlungrao lai ning Jisu ni grao nisi mithi pha riyaba khe maniyaba, nisi ni daphlung jang dangyasa angbo saosi se thi. Madai khe se khlim lah. Jisu ni grao khe mithi pha riyaba thidayaba bese se, bo odehe thi ba.
Gorai guphu ni basao ha gayaba
11Sorgo khruba khe ang nu ba, oraha ani sagang ha gorai guphu, boni basao ha gayaba, Lonma gnang ode Gibi bonsi thiyaba khebo ang nu ba; bode gibi jang bisar khlai hi, jbahbo bo nanglai re. 12Boni muthai buthu de wai lai se, boni bokhro hade raja ni khrothu gabang thu du; odehe bo bumu rebyaba de bokhe garhi saosi bo tharmaiya. 13Thijao jang gasai phrayaba sola galao khe thu hi, boni bumu de Madai ni grao se. 14Sorgo ni siphaiyarao rih gili dudu rih guphu ode gathar khe thuyarao gorai guphu ni basao ha kham hi bo jang baosi rikpha du. 15Boni bukhuh ni phrang seng budao thaoyaba baigo phai ba, ode bo ning jadi buthu khe dain thar ma se. Odehe ser ni goda jang sason khlai nang. Madai khrip dang phuyaba ni raothai jang grep ni ju sepyaba hakhor ha thamsi jang bo gasep jao ma se. 16Boni sola galao ha ar boni yaphung ha rajarao ni Raja, hojarao ni Hoja thi hi bumu reb du.
17Odehe, sorgo ni degla saosi sain ha song hi dongba khe ang nu ba, bo ning nokhasao gejer ha dao bir baiyaba khrip niha khurang bol jang, Madai ni gedeba mel ha ji mani khlai hi bojom ja la phai! thi ba. 18Rajarao ni mogong ja thing, siphaiya hojarao ni mogong, subung birrao ni mogong, gorai buthu ni mogong ode bonsi ni basao ha gayarao ni mogong, khrip subung leng jang leng niyayarao, subung gedebarao, khasibarao, bonsi jamthar si ni mogong buthu khe ji la phai! thi hi bo jirikkhao ba.
19Gorai ni basao ha gayaba jang boni siphaiya ni dol jang nanglai mani khlai hi, mih rege jang phirthi ni rajarao baithim laiba khe ang nu ba. 20Mih rege khe bonsi rem hi, boni baslai ha sin gmang thaosi buthu khe dangyaba, gorasali mosol khebo bonsi rempha ba. Bo gorasali se jinis gmang thaosisiyaba khusi dangyaba jang mih rege ni lombor layarao ode boni saokhuli khe biyarao khe bo thokhi re. Bonsi gini khebo gathang ning wai ni kharnai ha bonsi dangsing kha. 21Bo gibin buthu khrip khe gorai ni basao ha gayaba ni bukhuh ni phrang seng baigo phai khali ning bonsi sthaijao kha; odehe khrip dao buthu khripbo bonsi jima nangjaoba lai bonsi ni bahain buthu khe jithar kha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.