BAKHAN NI RAJABTHAI 2
2
Gabra saikhuyaba Raja
1Snadi jabani jadi jang jadi ni subung buthu niyalai ba?
Snadi jabani mulug ni subung buthu haglai-biglai grao khe bao ba?
2 Gabra ode bo saikhu hi thao huyaba ni basao ha
Phirthi ni rajarao snadi jabani githim lai hi jajaoya ja ba?
3Bonsi khayaba wadu khe saso hi,
Jarni sao ni phrang jing dangkhlai nang thi hi bonsi thi ba.
4Sere sorgo ha kham hi dong ba, bo mini ma,
Gabra bonsi khe minithai ma se.
5Odehe, bo bonsi khe thamsi baigo hi grao thi ba
Boni thamsi jang bonsi khe khin ri ma.
6Ang jar ning ani hading gathar Zion ha
Ang raja saikhuyaba khe kham ri blai kha, ode bo thi ba.
7 Gabra-ni graothai khe ang bai ma
Ning ani basa, ang dini ha ning khe basa mani kha;
8Snadi khe sain ma sain lah
Jadi buthu bo nini don ja mani khlai hi, ode
Phirthi grong bri bo nini ning ja mane ang ningthane ri ma.
9Ning mulug ni rajarao khe ser ni goda jang dokhli ma
Hah ni mudi khe dokhli ba lai jasosi ning bonsi khe dokhli ma.
10Odebani, mulug ni rajarao, nisi girik lah
Bisardarrao, sibringyaba grao khe mani lah.
11Khin hi Gabra-ni khusi khe dang lah
Khinthri jang bo khe khlim lah.
12Basa khe khaja hi khasao lah
Niyakhade bo thamsi baigo khade
Ning lama ha ning sjam jao ma se.
Sere boni ha dimkhao jao re boni khophal hamba se.
Currently Selected:
BAKHAN NI RAJABTHAI 2: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
BAKHAN NI RAJABTHAI 2
2
Gabra saikhuyaba Raja
1Snadi jabani jadi jang jadi ni subung buthu niyalai ba?
Snadi jabani mulug ni subung buthu haglai-biglai grao khe bao ba?
2 Gabra ode bo saikhu hi thao huyaba ni basao ha
Phirthi ni rajarao snadi jabani githim lai hi jajaoya ja ba?
3Bonsi khayaba wadu khe saso hi,
Jarni sao ni phrang jing dangkhlai nang thi hi bonsi thi ba.
4Sere sorgo ha kham hi dong ba, bo mini ma,
Gabra bonsi khe minithai ma se.
5Odehe, bo bonsi khe thamsi baigo hi grao thi ba
Boni thamsi jang bonsi khe khin ri ma.
6Ang jar ning ani hading gathar Zion ha
Ang raja saikhuyaba khe kham ri blai kha, ode bo thi ba.
7 Gabra-ni graothai khe ang bai ma
Ning ani basa, ang dini ha ning khe basa mani kha;
8Snadi khe sain ma sain lah
Jadi buthu bo nini don ja mani khlai hi, ode
Phirthi grong bri bo nini ning ja mane ang ningthane ri ma.
9Ning mulug ni rajarao khe ser ni goda jang dokhli ma
Hah ni mudi khe dokhli ba lai jasosi ning bonsi khe dokhli ma.
10Odebani, mulug ni rajarao, nisi girik lah
Bisardarrao, sibringyaba grao khe mani lah.
11Khin hi Gabra-ni khusi khe dang lah
Khinthri jang bo khe khlim lah.
12Basa khe khaja hi khasao lah
Niyakhade bo thamsi baigo khade
Ning lama ha ning sjam jao ma se.
Sere boni ha dimkhao jao re boni khophal hamba se.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.