BAKHAN NI RAJABTHAI 18
18
David ni deba ni rajabthai
(2 Samuel 22.1-51) Rajab hoja ni khlai hi: Sotrurao ode Saul ni phrang Gabra bokhe sogoma rima ni basain ha, ebo bakhan ni rajabthai buthu Raja David slam kha, ode thi ba:
1O Gabra, ang khe bol riyaba, ang ning khe hamjao du.
2 Gabra ning ani longthaima, khorongma, sogoyah, ani Madai,
Golam, sogoyahsa, phi ode khaisingthani se.
3Man maijao ginyaba Gabra khe ang long du,
Ode ani sotrurao ni phrang ang khe dimkhao du.
4Thima ni khinthao thaoyaba ani sersi giding dong
Hamya mani baryung ani basao ha phai ma.
5Sheol ni wadu jang ang khe kha ba
Thiginyaba dukhon ha nang didih ja hi dong.
6Ani dukhu ha Gabra khe ang long du
Juruma ni khlai hi Madai khe long la du,
Boni temple ni phrang ani khurang khe khna kha,
Ani khurang bo boni khmao ha sohi kha.
7Odehe, boni thamsi jang phirthi bo mao kha,
Hading bo hamsi ning mao kha.
8Boni bugung gede bo waikhudi baigo kha,
Boni khuh ni phrang bo waislai bo baigo ba,
Waislai jang baosi waithai bo baigo ba.
9Nokhasao bo khuru lang ba,
Jimi gisimyaba ni basao ha song hi bo nakhai ba.
10Degla ni basao ha ga hi birding dada daobai ba,
Bagrang dap hi birding ba.
11Andar jang bokhe khlipphung ba,
Jimi gisimyaba boni sersi-giding dong ba.
12Boni rogong ha jdanma dongyaba jang jimi khe jdan phla ri ba
Sarapthai gao ba ode gidithai bo rao ba.
13Nokhasao habo Gabra jang sarapthai gao ri ba
Judao thaoyaba ni khurang bo baigo ri ba,
Sarapthai gao ba ode gidithai bo rao ba.
14Boni bla jang gao bani dra-dri jathar ba
Nokhasao gurjli ri hi sotrurao khaithar ba.
15 Gabra, nini bugung ni bar su hi
Sagorni dih gasaithar ri hi hahmang sosi phnu ri ba.
16Nokhasao ni phrang yao phlao hi ang khe rem ba
Wari guthuyaba ni phrang ang khe haikho ba.
17Ang deyayaba ode raodaoyaba sotrurao ni yao ni phrang sogo ri ba.
18Ang raoya bubli ha, sotrurao ang khe sthaima baoba ha, Gabra se ani remthao ma.
19Siring-biring ha ang khe lang ba,
Ani basao ha hamjaoma dong bani ang khe sogo ri ba.
20Gibi jang khusi dang bani Gabra anthane yaosandi ri ba
Ang dang gajai dangyaba ni khlai hi hamthai bo ri du.
21 Gabra-ni lama khe ang remsong hi deng du
Madai ni basao ha ang hamya khusi khebo dengya.
22Anthane dara dengyaba khe ang baigalaiya
Boni graothai riyaba khebo ang baiglaiya.
23Boni khlai hi ang nalai bo gibi ja hi dong mani bao du
Dang gajai ni phrang jar khe dimkhao la du.
24Gibi jang khusi dang bani Gabra anthane yaosandi rila du
Ang dang gajai dangya thi hi bo tharmai du.
25Lonma-gnang khe se ningbo lon ba
Hamya subung ni khlai hi de ningbo hamsi ning hambi.
26Gathar subung ni khlai hi ningbo gathar se
Phaphirao khe de regejao ba se.
27Gasaingyaba subung khe ning juru du
Sanggayarao khe de hokhlai ba se.
28 Gabra ani thaophari khe sao du
Jdanma jang andar khe rikhlai ri kha.
29Nini juruma jang ang sotrurao khe yaohon rikpha phu du
Ani Madai ni raoma jang bonsi ni khorong khe se la la phu du.
30Madai ni lama de beleng bi
Boni graothai khrip gede bo gibi se,
Boni ha khaisingyarao ni khlai hi bo de phi se.
31 Gabra khe garhi sere Madai dong kho?
Jini Madai khe garhi sere niha khaisingthani dong kho?
32Bol jang ani lama khe beleng riyaba de Madai se ning.
33Ani yathep khe bo mosoh ni yathep lai jasosi slam kha,
Hadingkhro ha ang khe song ri kha.
34Ani yao khe dainlaiba khe sling ri kha
Ang ser ni baithuli khe sik mane yaoda ha bol ri kha,
35Goma ni khlai hi anthane phi ri ba
Yaoda ni yao jang ning ang khe sikpha lang ba
Nini bol jang ang khe gede slam ba.
36Ani yaphri khe bo rao ri du, odebani gasleya.
37Sotrurao khe ang rikpha hi mai ba
Jamtharya si ang phaiphinya.
38Ang bonsi khe dainthai kha, bonsi baija phuya kha
Ani yapha ha khrip galai thar kha.
39Jbah ni basain ni khlai hi anthane bol riba ni khlai hi
Sotrurao khebo ang de kha.
40Ani sotrurao khebo yaohon dru ri du
Ani sotrurao khe sjam kha.
41Bonsi jirikkhao khabo, juruma maiya
Gabra khe long la kha, thikhabo thiphinya.
42Ang honkhli hi haduri lai ja rihi bar jang bonsi giphin rijao kha,
Lama ni didap khe ragao riba lai ang ragao ri kha.
43Jbah ni phrang ang khe sogo kha
Jadi ni hoja ang khe slam kha,
Ang tharmaiyayaba jadi ani dangyasa ja ba.
44Khna kha ning bonsi ani grao khe mani la du,
Ani sagang ha yasgu thu kha.
45Gibin jadi bo khinthar ba
Bonsi ni khorong ni phrang khinthri jang baigo phai ba.
46 Gabra de hayu gnang Madai se,
Ani longthaima khe bakhan ri lah
Ani sogoyahba Madai ni muima ja thing.
47Madai ani baslai la kha
Gibin jadi khebo ani bakhla ha deng kha.
48Sotru ni phrang ang khe sogo kha
Naijiya jayarao ni basao ha ang khe deng kha.
Khahrain riyaba ni phrang ang khe sogo kha.
49Khrip jadi ni bising ha Gabra, ning khe bakhan khlai ma,
Nini bumu khe bakhan khlai hi rajab ma.
50Raja saikhuyaba khe ning de riba se
Saikhu hi thao huriyaba khe ode
David ni sarik-surik khebo thaoglao jang khasao ma.
Currently Selected:
BAKHAN NI RAJABTHAI 18: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
BAKHAN NI RAJABTHAI 18
18
David ni deba ni rajabthai
(2 Samuel 22.1-51) Rajab hoja ni khlai hi: Sotrurao ode Saul ni phrang Gabra bokhe sogoma rima ni basain ha, ebo bakhan ni rajabthai buthu Raja David slam kha, ode thi ba:
1O Gabra, ang khe bol riyaba, ang ning khe hamjao du.
2 Gabra ning ani longthaima, khorongma, sogoyah, ani Madai,
Golam, sogoyahsa, phi ode khaisingthani se.
3Man maijao ginyaba Gabra khe ang long du,
Ode ani sotrurao ni phrang ang khe dimkhao du.
4Thima ni khinthao thaoyaba ani sersi giding dong
Hamya mani baryung ani basao ha phai ma.
5Sheol ni wadu jang ang khe kha ba
Thiginyaba dukhon ha nang didih ja hi dong.
6Ani dukhu ha Gabra khe ang long du
Juruma ni khlai hi Madai khe long la du,
Boni temple ni phrang ani khurang khe khna kha,
Ani khurang bo boni khmao ha sohi kha.
7Odehe, boni thamsi jang phirthi bo mao kha,
Hading bo hamsi ning mao kha.
8Boni bugung gede bo waikhudi baigo kha,
Boni khuh ni phrang bo waislai bo baigo ba,
Waislai jang baosi waithai bo baigo ba.
9Nokhasao bo khuru lang ba,
Jimi gisimyaba ni basao ha song hi bo nakhai ba.
10Degla ni basao ha ga hi birding dada daobai ba,
Bagrang dap hi birding ba.
11Andar jang bokhe khlipphung ba,
Jimi gisimyaba boni sersi-giding dong ba.
12Boni rogong ha jdanma dongyaba jang jimi khe jdan phla ri ba
Sarapthai gao ba ode gidithai bo rao ba.
13Nokhasao habo Gabra jang sarapthai gao ri ba
Judao thaoyaba ni khurang bo baigo ri ba,
Sarapthai gao ba ode gidithai bo rao ba.
14Boni bla jang gao bani dra-dri jathar ba
Nokhasao gurjli ri hi sotrurao khaithar ba.
15 Gabra, nini bugung ni bar su hi
Sagorni dih gasaithar ri hi hahmang sosi phnu ri ba.
16Nokhasao ni phrang yao phlao hi ang khe rem ba
Wari guthuyaba ni phrang ang khe haikho ba.
17Ang deyayaba ode raodaoyaba sotrurao ni yao ni phrang sogo ri ba.
18Ang raoya bubli ha, sotrurao ang khe sthaima baoba ha, Gabra se ani remthao ma.
19Siring-biring ha ang khe lang ba,
Ani basao ha hamjaoma dong bani ang khe sogo ri ba.
20Gibi jang khusi dang bani Gabra anthane yaosandi ri ba
Ang dang gajai dangyaba ni khlai hi hamthai bo ri du.
21 Gabra-ni lama khe ang remsong hi deng du
Madai ni basao ha ang hamya khusi khebo dengya.
22Anthane dara dengyaba khe ang baigalaiya
Boni graothai riyaba khebo ang baiglaiya.
23Boni khlai hi ang nalai bo gibi ja hi dong mani bao du
Dang gajai ni phrang jar khe dimkhao la du.
24Gibi jang khusi dang bani Gabra anthane yaosandi rila du
Ang dang gajai dangya thi hi bo tharmai du.
25Lonma-gnang khe se ningbo lon ba
Hamya subung ni khlai hi de ningbo hamsi ning hambi.
26Gathar subung ni khlai hi ningbo gathar se
Phaphirao khe de regejao ba se.
27Gasaingyaba subung khe ning juru du
Sanggayarao khe de hokhlai ba se.
28 Gabra ani thaophari khe sao du
Jdanma jang andar khe rikhlai ri kha.
29Nini juruma jang ang sotrurao khe yaohon rikpha phu du
Ani Madai ni raoma jang bonsi ni khorong khe se la la phu du.
30Madai ni lama de beleng bi
Boni graothai khrip gede bo gibi se,
Boni ha khaisingyarao ni khlai hi bo de phi se.
31 Gabra khe garhi sere Madai dong kho?
Jini Madai khe garhi sere niha khaisingthani dong kho?
32Bol jang ani lama khe beleng riyaba de Madai se ning.
33Ani yathep khe bo mosoh ni yathep lai jasosi slam kha,
Hadingkhro ha ang khe song ri kha.
34Ani yao khe dainlaiba khe sling ri kha
Ang ser ni baithuli khe sik mane yaoda ha bol ri kha,
35Goma ni khlai hi anthane phi ri ba
Yaoda ni yao jang ning ang khe sikpha lang ba
Nini bol jang ang khe gede slam ba.
36Ani yaphri khe bo rao ri du, odebani gasleya.
37Sotrurao khe ang rikpha hi mai ba
Jamtharya si ang phaiphinya.
38Ang bonsi khe dainthai kha, bonsi baija phuya kha
Ani yapha ha khrip galai thar kha.
39Jbah ni basain ni khlai hi anthane bol riba ni khlai hi
Sotrurao khebo ang de kha.
40Ani sotrurao khebo yaohon dru ri du
Ani sotrurao khe sjam kha.
41Bonsi jirikkhao khabo, juruma maiya
Gabra khe long la kha, thikhabo thiphinya.
42Ang honkhli hi haduri lai ja rihi bar jang bonsi giphin rijao kha,
Lama ni didap khe ragao riba lai ang ragao ri kha.
43Jbah ni phrang ang khe sogo kha
Jadi ni hoja ang khe slam kha,
Ang tharmaiyayaba jadi ani dangyasa ja ba.
44Khna kha ning bonsi ani grao khe mani la du,
Ani sagang ha yasgu thu kha.
45Gibin jadi bo khinthar ba
Bonsi ni khorong ni phrang khinthri jang baigo phai ba.
46 Gabra de hayu gnang Madai se,
Ani longthaima khe bakhan ri lah
Ani sogoyahba Madai ni muima ja thing.
47Madai ani baslai la kha
Gibin jadi khebo ani bakhla ha deng kha.
48Sotru ni phrang ang khe sogo kha
Naijiya jayarao ni basao ha ang khe deng kha.
Khahrain riyaba ni phrang ang khe sogo kha.
49Khrip jadi ni bising ha Gabra, ning khe bakhan khlai ma,
Nini bumu khe bakhan khlai hi rajab ma.
50Raja saikhuyaba khe ning de riba se
Saikhu hi thao huriyaba khe ode
David ni sarik-surik khebo thaoglao jang khasao ma.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.