JAKOB 3
3
Slai
1Ani daphlungrao, nisi ni bising ha subung gabang slingriyasa da ja, slingriyarao de gibin subung buthu thane gejebdao hi bisar khlai riyaba jama nang du thihi nisi tharmai lah. 2Jing khrip bo gabang dang gajaiyaba se. Asaba grao thiba ha gajai khlaiyayaba subung de subung phurayaba se, oleiyaba subung de jar ni saomang khebo naiso la phuyaba subung se. 3Jing grao manijao mani khlai hi gorai ni bukhuh ha ser pha kha ning, boni saomang khebo jing sikding phu du. 4Thikhala, rung gedeba buthu khebo nai lah: bo gabang ning de bani bokhe smao mane bar raoyaba sipma nang du; thikhabo, bokhe soleiyaba de bo soleiyaba baitha basasayaba khe yaowai hi bo nangjao ba lai lang phu du. 5Olei jasosi ning, slaibo ebo saomang ni bedeb basasa ja la khabo, gabang sangga phu du. Waiphri basa jang hagra gedeba khamba khe bao sang. 6Ode, slai bo wai lai se. Jini saomang ni bedep gibin gibin buthu ni bising ha hamyayaba habsao lai se, phura saomang khe rege rege khlai hi phura subung ni saomang khe bo saokhrip re, ode slaibo bo sajathan ni wai jang saokhrip re. 7Jing subung buthu khrip jadi mih, khrip jadi dao, hah ha sorbaiyaba khrip jadi, ode sagor ha dongyaba khrip jadi hang gnang buthu khe khrang phu du, 8thikhabo, slai khede saosi bo mathao phuya. Slai de hamya phirik phirik dongphuya, thihyaba ni bis jang gablai du. 9Ebo jang ning jini Gabra jang Bupha khe jing bakhan khlai re, bo jang ning Madai, jar ni saogari lai slamyaba subung buthu khe jing sari re. 10Bukhuh masi ni phrang bakhan jang sarithaibo baigo du. Ani daphlungrao, olei jama niya. 11Dihmu masi ni phrang dih thaodao thaoyadao baigoya. 12Ani daphlungrao, thaikhrao phang ha Oliv bathai thaiya, ar grep biding ha thaikhrao bathaibo thaiya. Olei jasosi ning sem ni dikhor ha sem brabya hi baigo phuya.
Basao gede ni phrang gyan
13Nisi ni bising ha gyan ar bujima gnang sere dong? Bo khusi dangyaba buthu de gyan ni phrang baigoyaba, bo maigru gruyaba ar dangyaba khe dongthai hamba jang phnu la thing. 14Thikhabo, nisi ni khah buthu ha hingsa khayaba ode, jar khe jajao layaba dengkha de, nisi gyan khe lahi da sangga lah, ode gibi khe mosol da thi lah. 15Oleiyaba gyan de basao ni gede ni phrang galai phaiyaba niya, habsao jang saomang ni mijingma ode sogo sgain ni phrang baigoyaba se, bo bese niya. 16Hingsa ode jar khe jajaoyaba ni dongthan hade nam khormu jang hamya khusi dangyaba khrip jadi dong re. 17Thikhabo, basao gede ni phrang gyan galai phaiyaba de jenba ni phrang bo gathar se, boni yaohon ha milima nangjao du, boni dongthai gasain bi, sain lai thao bi, khasaoma jang hamba bathai gablai hi, naidao naiyadao jaya, bo girikbo giriklaiya. 18Ode, milima slamyarao de milima ni bumuh gaiyaba de dormo ni bathai thai re.
Currently Selected:
JAKOB 3: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
JAKOB 3
3
Slai
1Ani daphlungrao, nisi ni bising ha subung gabang slingriyasa da ja, slingriyarao de gibin subung buthu thane gejebdao hi bisar khlai riyaba jama nang du thihi nisi tharmai lah. 2Jing khrip bo gabang dang gajaiyaba se. Asaba grao thiba ha gajai khlaiyayaba subung de subung phurayaba se, oleiyaba subung de jar ni saomang khebo naiso la phuyaba subung se. 3Jing grao manijao mani khlai hi gorai ni bukhuh ha ser pha kha ning, boni saomang khebo jing sikding phu du. 4Thikhala, rung gedeba buthu khebo nai lah: bo gabang ning de bani bokhe smao mane bar raoyaba sipma nang du; thikhabo, bokhe soleiyaba de bo soleiyaba baitha basasayaba khe yaowai hi bo nangjao ba lai lang phu du. 5Olei jasosi ning, slaibo ebo saomang ni bedeb basasa ja la khabo, gabang sangga phu du. Waiphri basa jang hagra gedeba khamba khe bao sang. 6Ode, slai bo wai lai se. Jini saomang ni bedep gibin gibin buthu ni bising ha hamyayaba habsao lai se, phura saomang khe rege rege khlai hi phura subung ni saomang khe bo saokhrip re, ode slaibo bo sajathan ni wai jang saokhrip re. 7Jing subung buthu khrip jadi mih, khrip jadi dao, hah ha sorbaiyaba khrip jadi, ode sagor ha dongyaba khrip jadi hang gnang buthu khe khrang phu du, 8thikhabo, slai khede saosi bo mathao phuya. Slai de hamya phirik phirik dongphuya, thihyaba ni bis jang gablai du. 9Ebo jang ning jini Gabra jang Bupha khe jing bakhan khlai re, bo jang ning Madai, jar ni saogari lai slamyaba subung buthu khe jing sari re. 10Bukhuh masi ni phrang bakhan jang sarithaibo baigo du. Ani daphlungrao, olei jama niya. 11Dihmu masi ni phrang dih thaodao thaoyadao baigoya. 12Ani daphlungrao, thaikhrao phang ha Oliv bathai thaiya, ar grep biding ha thaikhrao bathaibo thaiya. Olei jasosi ning sem ni dikhor ha sem brabya hi baigo phuya.
Basao gede ni phrang gyan
13Nisi ni bising ha gyan ar bujima gnang sere dong? Bo khusi dangyaba buthu de gyan ni phrang baigoyaba, bo maigru gruyaba ar dangyaba khe dongthai hamba jang phnu la thing. 14Thikhabo, nisi ni khah buthu ha hingsa khayaba ode, jar khe jajao layaba dengkha de, nisi gyan khe lahi da sangga lah, ode gibi khe mosol da thi lah. 15Oleiyaba gyan de basao ni gede ni phrang galai phaiyaba niya, habsao jang saomang ni mijingma ode sogo sgain ni phrang baigoyaba se, bo bese niya. 16Hingsa ode jar khe jajaoyaba ni dongthan hade nam khormu jang hamya khusi dangyaba khrip jadi dong re. 17Thikhabo, basao gede ni phrang gyan galai phaiyaba de jenba ni phrang bo gathar se, boni yaohon ha milima nangjao du, boni dongthai gasain bi, sain lai thao bi, khasaoma jang hamba bathai gablai hi, naidao naiyadao jaya, bo girikbo giriklaiya. 18Ode, milima slamyarao de milima ni bumuh gaiyaba de dormo ni bathai thai re.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.