HEBRAIRAO 11
11
Lonma
1Lonma de jinis asa khlaiyaba buthu, asaba dara jang dong thi hi tharmaiyaba, jinis nuyayaba khe ragao sisi tharmai soyaba se. 2Lon bani khlai hi jini greng buthubo bakhan khlaijao ba se.
3Lonma jang habsao khe Madai grao ha khrip sangsaiba se thi hi jing tharmai du, odebani jinis nuphuyaba buthu khe jinis nuphuyayaba ni phrang bo sangsai ba se.
4Lonma jang ning Abel de Kaina thanebo bandai hamdaoyaba Madai niha yaopha ba. Odebani bokhe dormo subung se thi hi sakhi bo ri du, bede thikhade Madai ning bo jinis riyaba buthu ni balam habo sakhi ri kha. Bo thi langla khabo, duha sosibo grao thi du.
5Lonma jang ning Enok de thihyaba khe nuya hi ning bo sugu langjao ba, Madai ning sugu lang bani bokhe nuya kha. Sugu lang bani sagang ha ning Madai khe bo khaja riba thi hibo sakhi ri lang kha. 6Lonma giri khade Madai khe khusi khlai phuya, asababo Madai niha phaiyaba de, bokhe lonma nang du thi hi ode, bokhe smaiyarao khe bo yaosandi ridu thi hi lonma nang du.
7Lonma jang Noah de jinis nujaoyayaba buthu ni balam ha Madai sainthi dayaba khe bo nangyaba se bao hi, Madai khe khinyaba gathar khe la hi, bo jar ni noh khor khe sogo mani khlai hi bo rung dain ba. Bokhe habsao gajai ja riba, thikhabo lon bani bo dormo somphothi ni phantha ja lang la kha.
8Abraham khebo long khali ha lonma jang ning somphothi ni phantha lama ni Madai longyaba grao khe mani ba. Odebani bo thangginyaba lama khebo tharmaiya hi bo baigo lang ba. 9Lonma jang raji andar, malai ni raji ha naorai jahi dongba lai bo dongsong hi, rih ni noh buthu ha bo dong ba, olei jasosi ning grao hanggaiyaba graoma mai phayaba, Isak jang Jakob thubo bonsi jang baosi dong ba. 10Bode longthai gaiyaba buthu gnang nogor, Madai ni bisar jang dangyaba ode slamyaba khe naibai hi jon hi bo dong ba.
11Lonma jang Sara-bo bo hanggaiyaba khe lonma ha bokhe saikho bani bo grajik jahibo bumu thao phuyaba raothai khe bo mai ba. 12Subung saosi, githi lai jabani yaohon ni phrang se nokhasao ni sathrai buthu lai bang hi ode sagor dergong ni hajeng khe sainso phuya si bangba lai bumu hajai phai kha.
13Ebo buthu khrip lonma ha dong song hi, grao hanggaiyaba buthu khe maiya hi ning bonsi thih lang la kha, thikhabo bonsi gajain ni phrang naiha hi bonsi khaja ba. Ode phirthi hade raji gibin ha mophosol thang hi subung naorai ja hi dongba lai se thi hi bonsi khe tharmai ri kha. 14Olei thiyarao de jar ni raji ne khlai hi smaiyarao se thi hi hamsisi phnu la du. 15Bonsi dangkhlai hi baigo buyaba raji khe wainso khade, bonsi phaiphin mani bubli khe hajora mai nang mu. 16Thikhabo, raji hamdaoyaba, sorgo ha dongyaba bokhe bonsi nangjao du. Odebani Madai ning bonsi ni Madai thijaoba khe bo lajiya, bedethikhala, bonsi ne khlai hi bo nogorbo salai ri kha.
17Lonma ha Abraham khe khah naiba ni bubli ha, Isak khe bo bandai yaopha ba. Grao hanggaiyaba buthu khe maiyaba de boni basa saosi mang mang dongyaba, 18Isak ni phrang nini bongso thijaoma se thi hi Madai ning boni ha sainthiba, bokhe ning bo bandai yaopha ba. 19Madai de subung githi ni bising ni phrang subung khe bo mathang phin phudu thi hi bo longsing du; odebani thihba ni yaohon ha mathang phinba lai jasosi ning, bo phin maiphin ba.
20Lonma jang Isak de jinis sophai ginyaba ni balam ha Jakob jang Esau khe bo hamthai ri ba.
21Lonma jang Jakob de, thihma ni sagang ha, Josef ni basathu gini khebo bo hamthai riba, ode boni yaothu khe asa jang gonggalai hi Madai khe bo khlim ba.
22Lonma jang Josef de thihma ni sagang ha Israel ni greng buthu thang mani grao khe bo thi ba, ode boni manggathi khe bonsi phip mani balam ha bonsi khe hukhum ri ba.
Moses ni lonma
23Lonma jang Moses hajaiphai khali ha, nana majang sebani khlai hi Raja hukhum riyaba khe khinya dada boni buma bupha nokha dain tham hui hi bokhe deng ba.
24Lonma ha Moses dephai bani yaohon ha Pharao ni bisik ni basa thijaoma khe bo nangjaoya ja ba. 25Khaisa bubli ni bising ha phap ni bandai ha suk khlaiba thane, Madai ni subung buthu jang baosi dukhu hadi khlai mani bo saikho ba. 26Krista ni khlai hi naisle jaoyaba dukhu de Egypt raji ni khrip gnang thanebo muilo jadao bao ba, bede thikhade boni yaosandi maiginyaba khe bo nai hi ning dong ba.
27Lonma jang raja ni thamsi khebo khinya hi Egypt raji khe bo haiger hi baigo lang ba; nuphuyayaba Madai khe nu bani bo dukhu ajaoba se. 28Lonma jang baiglai busu ni mel thijao jang phaidayaba khe bonsi mani hi, basa sagra khe sjamyaba de Israel bongso ni basa sagra buthu khe bo dophaya mani khlai hi.
Gibin subung buthu ni lonma
29Lonma jang sagor gajao khe hah grain ha thangba lai, bonsi bailang ba. Egypt raji ni subung buthubo lailang ma bao ba, thikhabo bonsi dih ha glik thar ba.
30Lonma jang Jeriko khe nokha sain sni daoding bani yaohon ha bo gubu ba.
31Lonma jang sao khe phain jiyaba Rahabbo naikhaoyarao khe hamsisi noh mathao ri bani lonyayarao ni bising ha bo jamphaya. 32Duha ar snadi thi nang kho? Gideon thu, Samson thu, Jeptha thu, David thu, Samuel jang gorasalirao ni balam ha thima ni ani bubli jang ja nang niya. 33Bo buthu se lonma jang Raja ni raji khe la hi, gibi jang bonsi bisar khlai hi, grao hanggaiyaba buthu khe bonsi mai hi, misiraigonma buthu khe bonsi mejep hi, 34waislai hur hur jing jaba khe bonsi sthai ba, seng buyaba khe bonsi lailang ba, raoyayaba ni phrang raodaothao slamjao hi bonsi dong ba, jbah ha subung bol raoyaba bonsi ja kha, raji gibin ni siphaiyarao khe bonsi rik khlai kha. 35Masainjikrao bo bonsi ni subung githirao thang phinyaba khe bonsi maiphin kha. Gibin subung buthu de dukhu rijao hi bonsi dong ba, baija phinyaba hamdaoyaba khe bonsi maiphu mani khlai hi sogoma bo bonsi nangjaoya. 36Gibin subung buthu bo dukhu rijao hi, bonsi sujao ba, ode gejesi jakha de sikhol jang khahjao hi phatho khoh ha dengjaoyarao bo bonsi dong ba. 37Gejesi de longthai jang lem ba, gejesi jakha de bondo rasoyaba jang rasojao ba, gejesi jakha de seng jang dainthai jao ba, ode melma bugur jang burun bugur khe phin hi bonsi ejang ojang daobai ba, rege rege dukhu rijao hi bonsi dong ba, mosol jang bonsi dukhu rijao ba. 38Bo buthu ne khlai hide, habsao ha dong ba jaya kha, hajengling buthu ha, hading buthu ha, longkhip buthu ha, ode hakhor buthu ha ejang ojang bonsi daobai hi dong ba.
39Bo buthu khrip de bonsi lon bani khlai hi bakhan mai la khabo, jinis hanggaiyaba khede bonsi mai nang niya. 40Bede thikhade, Madai ning jinthane khlai hi sagang ha ning hamdaoyaba jinis khe bo salai kha, bonsi ar jing gabaya hi bonsi khe phura ja riya mani khlai hi se bo dang ba.
Currently Selected:
HEBRAIRAO 11: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
HEBRAIRAO 11
11
Lonma
1Lonma de jinis asa khlaiyaba buthu, asaba dara jang dong thi hi tharmaiyaba, jinis nuyayaba khe ragao sisi tharmai soyaba se. 2Lon bani khlai hi jini greng buthubo bakhan khlaijao ba se.
3Lonma jang habsao khe Madai grao ha khrip sangsaiba se thi hi jing tharmai du, odebani jinis nuphuyaba buthu khe jinis nuphuyayaba ni phrang bo sangsai ba se.
4Lonma jang ning Abel de Kaina thanebo bandai hamdaoyaba Madai niha yaopha ba. Odebani bokhe dormo subung se thi hi sakhi bo ri du, bede thikhade Madai ning bo jinis riyaba buthu ni balam habo sakhi ri kha. Bo thi langla khabo, duha sosibo grao thi du.
5Lonma jang ning Enok de thihyaba khe nuya hi ning bo sugu langjao ba, Madai ning sugu lang bani bokhe nuya kha. Sugu lang bani sagang ha ning Madai khe bo khaja riba thi hibo sakhi ri lang kha. 6Lonma giri khade Madai khe khusi khlai phuya, asababo Madai niha phaiyaba de, bokhe lonma nang du thi hi ode, bokhe smaiyarao khe bo yaosandi ridu thi hi lonma nang du.
7Lonma jang Noah de jinis nujaoyayaba buthu ni balam ha Madai sainthi dayaba khe bo nangyaba se bao hi, Madai khe khinyaba gathar khe la hi, bo jar ni noh khor khe sogo mani khlai hi bo rung dain ba. Bokhe habsao gajai ja riba, thikhabo lon bani bo dormo somphothi ni phantha ja lang la kha.
8Abraham khebo long khali ha lonma jang ning somphothi ni phantha lama ni Madai longyaba grao khe mani ba. Odebani bo thangginyaba lama khebo tharmaiya hi bo baigo lang ba. 9Lonma jang raji andar, malai ni raji ha naorai jahi dongba lai bo dongsong hi, rih ni noh buthu ha bo dong ba, olei jasosi ning grao hanggaiyaba graoma mai phayaba, Isak jang Jakob thubo bonsi jang baosi dong ba. 10Bode longthai gaiyaba buthu gnang nogor, Madai ni bisar jang dangyaba ode slamyaba khe naibai hi jon hi bo dong ba.
11Lonma jang Sara-bo bo hanggaiyaba khe lonma ha bokhe saikho bani bo grajik jahibo bumu thao phuyaba raothai khe bo mai ba. 12Subung saosi, githi lai jabani yaohon ni phrang se nokhasao ni sathrai buthu lai bang hi ode sagor dergong ni hajeng khe sainso phuya si bangba lai bumu hajai phai kha.
13Ebo buthu khrip lonma ha dong song hi, grao hanggaiyaba buthu khe maiya hi ning bonsi thih lang la kha, thikhabo bonsi gajain ni phrang naiha hi bonsi khaja ba. Ode phirthi hade raji gibin ha mophosol thang hi subung naorai ja hi dongba lai se thi hi bonsi khe tharmai ri kha. 14Olei thiyarao de jar ni raji ne khlai hi smaiyarao se thi hi hamsisi phnu la du. 15Bonsi dangkhlai hi baigo buyaba raji khe wainso khade, bonsi phaiphin mani bubli khe hajora mai nang mu. 16Thikhabo, raji hamdaoyaba, sorgo ha dongyaba bokhe bonsi nangjao du. Odebani Madai ning bonsi ni Madai thijaoba khe bo lajiya, bedethikhala, bonsi ne khlai hi bo nogorbo salai ri kha.
17Lonma ha Abraham khe khah naiba ni bubli ha, Isak khe bo bandai yaopha ba. Grao hanggaiyaba buthu khe maiyaba de boni basa saosi mang mang dongyaba, 18Isak ni phrang nini bongso thijaoma se thi hi Madai ning boni ha sainthiba, bokhe ning bo bandai yaopha ba. 19Madai de subung githi ni bising ni phrang subung khe bo mathang phin phudu thi hi bo longsing du; odebani thihba ni yaohon ha mathang phinba lai jasosi ning, bo phin maiphin ba.
20Lonma jang Isak de jinis sophai ginyaba ni balam ha Jakob jang Esau khe bo hamthai ri ba.
21Lonma jang Jakob de, thihma ni sagang ha, Josef ni basathu gini khebo bo hamthai riba, ode boni yaothu khe asa jang gonggalai hi Madai khe bo khlim ba.
22Lonma jang Josef de thihma ni sagang ha Israel ni greng buthu thang mani grao khe bo thi ba, ode boni manggathi khe bonsi phip mani balam ha bonsi khe hukhum ri ba.
Moses ni lonma
23Lonma jang Moses hajaiphai khali ha, nana majang sebani khlai hi Raja hukhum riyaba khe khinya dada boni buma bupha nokha dain tham hui hi bokhe deng ba.
24Lonma ha Moses dephai bani yaohon ha Pharao ni bisik ni basa thijaoma khe bo nangjaoya ja ba. 25Khaisa bubli ni bising ha phap ni bandai ha suk khlaiba thane, Madai ni subung buthu jang baosi dukhu hadi khlai mani bo saikho ba. 26Krista ni khlai hi naisle jaoyaba dukhu de Egypt raji ni khrip gnang thanebo muilo jadao bao ba, bede thikhade boni yaosandi maiginyaba khe bo nai hi ning dong ba.
27Lonma jang raja ni thamsi khebo khinya hi Egypt raji khe bo haiger hi baigo lang ba; nuphuyayaba Madai khe nu bani bo dukhu ajaoba se. 28Lonma jang baiglai busu ni mel thijao jang phaidayaba khe bonsi mani hi, basa sagra khe sjamyaba de Israel bongso ni basa sagra buthu khe bo dophaya mani khlai hi.
Gibin subung buthu ni lonma
29Lonma jang sagor gajao khe hah grain ha thangba lai, bonsi bailang ba. Egypt raji ni subung buthubo lailang ma bao ba, thikhabo bonsi dih ha glik thar ba.
30Lonma jang Jeriko khe nokha sain sni daoding bani yaohon ha bo gubu ba.
31Lonma jang sao khe phain jiyaba Rahabbo naikhaoyarao khe hamsisi noh mathao ri bani lonyayarao ni bising ha bo jamphaya. 32Duha ar snadi thi nang kho? Gideon thu, Samson thu, Jeptha thu, David thu, Samuel jang gorasalirao ni balam ha thima ni ani bubli jang ja nang niya. 33Bo buthu se lonma jang Raja ni raji khe la hi, gibi jang bonsi bisar khlai hi, grao hanggaiyaba buthu khe bonsi mai hi, misiraigonma buthu khe bonsi mejep hi, 34waislai hur hur jing jaba khe bonsi sthai ba, seng buyaba khe bonsi lailang ba, raoyayaba ni phrang raodaothao slamjao hi bonsi dong ba, jbah ha subung bol raoyaba bonsi ja kha, raji gibin ni siphaiyarao khe bonsi rik khlai kha. 35Masainjikrao bo bonsi ni subung githirao thang phinyaba khe bonsi maiphin kha. Gibin subung buthu de dukhu rijao hi bonsi dong ba, baija phinyaba hamdaoyaba khe bonsi maiphu mani khlai hi sogoma bo bonsi nangjaoya. 36Gibin subung buthu bo dukhu rijao hi, bonsi sujao ba, ode gejesi jakha de sikhol jang khahjao hi phatho khoh ha dengjaoyarao bo bonsi dong ba. 37Gejesi de longthai jang lem ba, gejesi jakha de bondo rasoyaba jang rasojao ba, gejesi jakha de seng jang dainthai jao ba, ode melma bugur jang burun bugur khe phin hi bonsi ejang ojang daobai ba, rege rege dukhu rijao hi bonsi dong ba, mosol jang bonsi dukhu rijao ba. 38Bo buthu ne khlai hide, habsao ha dong ba jaya kha, hajengling buthu ha, hading buthu ha, longkhip buthu ha, ode hakhor buthu ha ejang ojang bonsi daobai hi dong ba.
39Bo buthu khrip de bonsi lon bani khlai hi bakhan mai la khabo, jinis hanggaiyaba khede bonsi mai nang niya. 40Bede thikhade, Madai ning jinthane khlai hi sagang ha ning hamdaoyaba jinis khe bo salai kha, bonsi ar jing gabaya hi bonsi khe phura ja riya mani khlai hi se bo dang ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.