1 THESSALONIKA 2
2
Thessalonika ha Paul khusi dangyaba
1Daphlungrao, nisi niha jing phaiba ni balam ha haglai jaya thi hi nisi jar ning tharmai la du. 2Nisi tharmai laba lai ning, Philippi ha lasisi dukhu rijao hi dong lakhabo, hamsi ning badaiyaba ni gejer ha Madai ni hamba graojma khe nisi niha sainthi raoma ni khlai hi jini Madai ningbo jinthane khitha raoma khe ri kha. 3Jing khainsuyaba grao de mosol ni phrang baigoyaba niya, grao gusu ni phrang baigoyababo niya, phuslaiyaba ni phrang baigoyababo niya, 4Hamba graojma deng rijaoyaba khe Madai ning bo jinthane nepha ba lai ning, subung khe khaja ri mane niya hi, jini khah khe naiyaba Madai khe khaja ri mane se jing grao sainthi ba. 5Nisi ning tharmai la du, jing libima ni grao khe niyakha la, harbaoma ni grao khe musi jing thiya, jini sakhi de Madai ning ja kha. 6Nisi ni phrang ja thing, malai ni phrangbo ja thing, subung ni phrang bakhan rijao mane jing smaiya. 7Krista ni haijaoyasa jaba ni, masi ja hi jing dongpha laiba ha, buma jar ni basathu khe maya nangba lai ning, nisi ni bising ha gasain dik dik jahi ang dong ba. 8Olei jasosi ning, jing nisi libi bani khlai hi Madai ni hamba graojma ni basao ha jing jar jar ni hang khe sosibo ri mane gajeb pha du. Bede thikhade nisi jini hamjaodao thaoyaba ja kha. 9Daphlungrao, jing khusi dangba lengyaba ode dukhu jayaba buthu khe nisi mithi du; nisi ni bising ha saosi nebo bubain risi riya mane, nisi niha Madai ni hamba graojma khe bai hi ning, sain jang hor jang jing khusi dang du.
10Nisi lonyarao ni basao ha jini yaowaithai gathar jang dormo, ar musi gajai thima giriyaba khe nisi jar ning sakhi ja kha, Madaibo sakhi se. 11Nisi tharmai du, buphayaba jar ni basathu ni basao ha nisi dangba lai ning, nisi khrip ni basao ha jing dang du. 12Bo jar ning raja ni raji khe ode boni muima khe mai mane nisi khe longyaba Madai ni subung nisi japhu mani khlai hi, nisi ni bising ni khrip subung ne khainsu hi nisi khe jing alang alang sibring ba.
13Odebani se khajama ni grao khe jing thi hi, Madai ni grao khe jini phrang nisi khna hi, mani khali, subung ni grao khe maniba lai nisi maniya, Madai ni grao khe maniba lai manibo mani hi, nisi lonyaba buthu ha dangbabo nisi dang du. 14Daphlungrao, nisi de Juda raji ha Madai ni longjom, Krista Jisu ha dongyarao ni daogari naijaoyaba nisi ja kha; bonsi Judarao ni yao ha dukhu maiba lai ning, nisi bo raji ni subung buthu ni yao ni phrang dukhu maiyaba ja kha. 15Judarao de Gabra Jisu Krista jang gorasalirao khe sthai ba, ode jing khebo bonsi rikkhlai ba, Madai khebo bonsi khaja riya, ode khrip subung khebo bonsi badai re. 16Jentailrao ni phrang golam maiphu mane bonsi niha jing grao sainthi khabo bonsi jing khe magna du. Olei ning bonsi jar ni phap buthu khe bonsi bara ri la re. Jamthaoba hade Madai ni thamsi bonsi ni basao ha sophai ma se.
Paul bonsi niha phaiphin mani grao
17Jini khlai hi, daphlungrao, khaisa bubli ni khlai hi nisi ni phrang degao lai hi jing dong ba ha, khah hade jing degao laiya, saomang se degaolei ba, odebani jing goron laima hamsi ning nangjao hi jing jon sophuya hi jajaodao du. 18Nisi niha jing hamsi ning phaiphin ma nangjao du. Ang Paul jarbo ang alang alang phaima bao kha, thikhabo soithan ang khe gaso-suso khlai du. 19Jini Gabra Jisu Krista phaiphin ba ha, boni sagang ha jing asa mai mane ja thing, jini khajama ja thing, raja ni khrothu ja thing, snadi dongdao ba? Nisi ning niya kho na? 20Nisi ning jini muima jaginyaba ode jini khajama se thihi nisi mithi laya.
Currently Selected:
1 THESSALONIKA 2: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
1 THESSALONIKA 2
2
Thessalonika ha Paul khusi dangyaba
1Daphlungrao, nisi niha jing phaiba ni balam ha haglai jaya thi hi nisi jar ning tharmai la du. 2Nisi tharmai laba lai ning, Philippi ha lasisi dukhu rijao hi dong lakhabo, hamsi ning badaiyaba ni gejer ha Madai ni hamba graojma khe nisi niha sainthi raoma ni khlai hi jini Madai ningbo jinthane khitha raoma khe ri kha. 3Jing khainsuyaba grao de mosol ni phrang baigoyaba niya, grao gusu ni phrang baigoyababo niya, phuslaiyaba ni phrang baigoyababo niya, 4Hamba graojma deng rijaoyaba khe Madai ning bo jinthane nepha ba lai ning, subung khe khaja ri mane niya hi, jini khah khe naiyaba Madai khe khaja ri mane se jing grao sainthi ba. 5Nisi ning tharmai la du, jing libima ni grao khe niyakha la, harbaoma ni grao khe musi jing thiya, jini sakhi de Madai ning ja kha. 6Nisi ni phrang ja thing, malai ni phrangbo ja thing, subung ni phrang bakhan rijao mane jing smaiya. 7Krista ni haijaoyasa jaba ni, masi ja hi jing dongpha laiba ha, buma jar ni basathu khe maya nangba lai ning, nisi ni bising ha gasain dik dik jahi ang dong ba. 8Olei jasosi ning, jing nisi libi bani khlai hi Madai ni hamba graojma ni basao ha jing jar jar ni hang khe sosibo ri mane gajeb pha du. Bede thikhade nisi jini hamjaodao thaoyaba ja kha. 9Daphlungrao, jing khusi dangba lengyaba ode dukhu jayaba buthu khe nisi mithi du; nisi ni bising ha saosi nebo bubain risi riya mane, nisi niha Madai ni hamba graojma khe bai hi ning, sain jang hor jang jing khusi dang du.
10Nisi lonyarao ni basao ha jini yaowaithai gathar jang dormo, ar musi gajai thima giriyaba khe nisi jar ning sakhi ja kha, Madaibo sakhi se. 11Nisi tharmai du, buphayaba jar ni basathu ni basao ha nisi dangba lai ning, nisi khrip ni basao ha jing dang du. 12Bo jar ning raja ni raji khe ode boni muima khe mai mane nisi khe longyaba Madai ni subung nisi japhu mani khlai hi, nisi ni bising ni khrip subung ne khainsu hi nisi khe jing alang alang sibring ba.
13Odebani se khajama ni grao khe jing thi hi, Madai ni grao khe jini phrang nisi khna hi, mani khali, subung ni grao khe maniba lai nisi maniya, Madai ni grao khe maniba lai manibo mani hi, nisi lonyaba buthu ha dangbabo nisi dang du. 14Daphlungrao, nisi de Juda raji ha Madai ni longjom, Krista Jisu ha dongyarao ni daogari naijaoyaba nisi ja kha; bonsi Judarao ni yao ha dukhu maiba lai ning, nisi bo raji ni subung buthu ni yao ni phrang dukhu maiyaba ja kha. 15Judarao de Gabra Jisu Krista jang gorasalirao khe sthai ba, ode jing khebo bonsi rikkhlai ba, Madai khebo bonsi khaja riya, ode khrip subung khebo bonsi badai re. 16Jentailrao ni phrang golam maiphu mane bonsi niha jing grao sainthi khabo bonsi jing khe magna du. Olei ning bonsi jar ni phap buthu khe bonsi bara ri la re. Jamthaoba hade Madai ni thamsi bonsi ni basao ha sophai ma se.
Paul bonsi niha phaiphin mani grao
17Jini khlai hi, daphlungrao, khaisa bubli ni khlai hi nisi ni phrang degao lai hi jing dong ba ha, khah hade jing degao laiya, saomang se degaolei ba, odebani jing goron laima hamsi ning nangjao hi jing jon sophuya hi jajaodao du. 18Nisi niha jing hamsi ning phaiphin ma nangjao du. Ang Paul jarbo ang alang alang phaima bao kha, thikhabo soithan ang khe gaso-suso khlai du. 19Jini Gabra Jisu Krista phaiphin ba ha, boni sagang ha jing asa mai mane ja thing, jini khajama ja thing, raja ni khrothu ja thing, snadi dongdao ba? Nisi ning niya kho na? 20Nisi ning jini muima jaginyaba ode jini khajama se thihi nisi mithi laya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.