1 PETER 1
1
Khlimyaba
1Jisu Krista ni haijaoyasa Peter de, Ponto, Galatia, Kappadokia, Asia, ar Bithunia raji buthu ha dong phlungyarao, 2Bupha Madai mithi daba lai saikho dajaoyaba, Jisu Krista ni grao khe mani mane ode boni thijao ha susa hi ragao mani Bese jang gathar khlai jaoyarao niha:
Nisi ni basao ha khasaoma ar shanti bara phalang thing.
Asa ni hayu
3Jini Gabra Jisu Krista ni Bupha ode Madai ni bakhan ja thing. Subung githi ni phrang Jisu Krista khe baijaphin ri ba, asa gathang khe mai mani khlai hi, boni maya gedeba jang, hayu gadain ha jing khe mathangphin ba. 4Ode don phantha hamya jathaoyayaba, gusu jayayaba, srup thaoyayaba khe nisi ne khlai hi sorgo ha hamsisi deng ri kha. 5Nisi de, bokhe lon bani sogoma ha salai hi nisi dong kha, bubli jamthaoba ha nujao hi dongba basain sosi, Madai ni raothai jang nisi gajeb jaoyaba ja kha, ode bubli jamthaoba ha nujao mani basain sosi, Madai ni raothai jang nisi naiso jao ma se.
6Gibin gibin naigrik goron hi gmang giji ja la khabo, nisi khaja hi dong lah. 7Olei nisi niha lonma gibi dongyaba khe nainai ma se. Gajao hamya japhuyaba khe ning wai ha malang hi nainai kha la, bo thanebo muilo jadaoyaba nisi ni hayu khede nainai ma ning thi hi nisi tharmai lah, Jisu Krista nujao phaiphin khali se, bakhan, muima, ode khasaoma maiphu mani khlai hi. 8Bokhe nuya khabo nisi hamjao du; duhabo bokhe nisi nuya hibo, nisi lon du, thisophuya khajama ni muima jang nisi gablai du; 9nisi lonyaba ni bathai, nisi ni bese ni sogoma khe mai ma sampha kha bani.
10Ebo sogoma ni balam khe gorasalirao thaoya si smai hi bonsi naithai dada nisi niha Madai jinis riyaba khasaoma sophai ginyaba khe bo sainthi da kha. 11Bonsi niha Krista ni Bese dongpha hi, Krista dukhu maiginyaba buthu ode boni yaohon ha, muima dongphai mani grao khe bo sainthiyaba grao dong bani, snadi bubli ha bo phai nang, bede jahi bo phai nang thihi bonsi tharmai ma nangjao ba. 12Bonsi ne niya hi, nisi ne khlai hi khusi ang riba se thihi nisi ne tharmai ri du. Sorgo ni phrang haihayaba Bese Gathar ni juruma jang nisi niha hamba graojma khe sainthiyarao ning bonsi nisi niha thi kha. Bo jinis buthu khe sorgo ni deglarao khah muh rihi hamsi ning naima mijing ba.
Gathar dongthai ha dong mane longyaba
13Odebani, dang mani khlai hi nisi baoyaba buthu khe salai lah. Jar khe sibring lah, Jisu Krista nujao phaiba ha khasaoma khe nisi nebo labu ri mani khlai hi asa khlai lah. 14Basa grao maniyarao lai dong hi, sagang ha jar ni phap libima ha dongba lai nisi da dong lah. 15Nisi khe longyaba gathar dongba lai, nisibo khrip yaowaithai ha gathar ja lah; 16Nisi gathar jama nang du, bede thikhade ang gathar se, thi hi reb du.
17Naidao naiyadao jaya hi, khrip subung jar khusi dangba lai ning bisar khlai riyaba khe, bupha thihi jirik khade, eraha nisi naorai lai jahi dongba ha ning bokhe man jang khin dada yaowai lah. 18Bede thikhade, nisi ni greng buthu ni phrang dongthai jithai phaipha buyaba, gibirrao ni dongthai ni phrang de jinis hamya japhuyaba rang bagrai gajao buthu jang nisi khojaoyaba niya, 19melmasa mainthi giriyaba, ode musi gajai giriyaba, Krista ni thijao muilo gnang jang se khojao ba thi hi nisi tharmai kha. 20Bode phirthi khe sangsai bani sagang ha ning bokhe saikho kha; thikhabo, nisi ne khlai hi ning bubli jamthaoba ha bo nujaoba se. 21Githi ni phrang bokhe mathang phinyaba Madai khe nisi lon kha; odese Madai de nisi ni lonma ode asama dengyaba ning ja kha.
22Gibi jang daphlungrao khe hamjao mani khlai hi, grao gibi khe mani hi, nisi ni hayu ni dongthai buthu khe nisi gathar khlai khade, khah guthu ni phrang nisi hamjao lai lah. 23Bumuh hamya japhuyaba ni phrang niya hi, Madai ni grao thang hi ning dongyaba, ode dong songyaba ha ning, bumuh hamya japhuyayaba ni phrang nisi hajai slamyaba ja kha. 24Sastro thiba lai,
Khrip subungbo sam ba lai se,
Bonsi ni khrip muimabo sam bubar lai se,
Sam de rain hi, boni bubar bo grai re,
25Thikhabo, Gabra ni grao de dongsong ma se,
Bo ning ja kha, hamba graojma nisi ne khna riyaba se.
Currently Selected:
1 PETER 1: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
1 PETER 1
1
Khlimyaba
1Jisu Krista ni haijaoyasa Peter de, Ponto, Galatia, Kappadokia, Asia, ar Bithunia raji buthu ha dong phlungyarao, 2Bupha Madai mithi daba lai saikho dajaoyaba, Jisu Krista ni grao khe mani mane ode boni thijao ha susa hi ragao mani Bese jang gathar khlai jaoyarao niha:
Nisi ni basao ha khasaoma ar shanti bara phalang thing.
Asa ni hayu
3Jini Gabra Jisu Krista ni Bupha ode Madai ni bakhan ja thing. Subung githi ni phrang Jisu Krista khe baijaphin ri ba, asa gathang khe mai mani khlai hi, boni maya gedeba jang, hayu gadain ha jing khe mathangphin ba. 4Ode don phantha hamya jathaoyayaba, gusu jayayaba, srup thaoyayaba khe nisi ne khlai hi sorgo ha hamsisi deng ri kha. 5Nisi de, bokhe lon bani sogoma ha salai hi nisi dong kha, bubli jamthaoba ha nujao hi dongba basain sosi, Madai ni raothai jang nisi gajeb jaoyaba ja kha, ode bubli jamthaoba ha nujao mani basain sosi, Madai ni raothai jang nisi naiso jao ma se.
6Gibin gibin naigrik goron hi gmang giji ja la khabo, nisi khaja hi dong lah. 7Olei nisi niha lonma gibi dongyaba khe nainai ma se. Gajao hamya japhuyaba khe ning wai ha malang hi nainai kha la, bo thanebo muilo jadaoyaba nisi ni hayu khede nainai ma ning thi hi nisi tharmai lah, Jisu Krista nujao phaiphin khali se, bakhan, muima, ode khasaoma maiphu mani khlai hi. 8Bokhe nuya khabo nisi hamjao du; duhabo bokhe nisi nuya hibo, nisi lon du, thisophuya khajama ni muima jang nisi gablai du; 9nisi lonyaba ni bathai, nisi ni bese ni sogoma khe mai ma sampha kha bani.
10Ebo sogoma ni balam khe gorasalirao thaoya si smai hi bonsi naithai dada nisi niha Madai jinis riyaba khasaoma sophai ginyaba khe bo sainthi da kha. 11Bonsi niha Krista ni Bese dongpha hi, Krista dukhu maiginyaba buthu ode boni yaohon ha, muima dongphai mani grao khe bo sainthiyaba grao dong bani, snadi bubli ha bo phai nang, bede jahi bo phai nang thihi bonsi tharmai ma nangjao ba. 12Bonsi ne niya hi, nisi ne khlai hi khusi ang riba se thihi nisi ne tharmai ri du. Sorgo ni phrang haihayaba Bese Gathar ni juruma jang nisi niha hamba graojma khe sainthiyarao ning bonsi nisi niha thi kha. Bo jinis buthu khe sorgo ni deglarao khah muh rihi hamsi ning naima mijing ba.
Gathar dongthai ha dong mane longyaba
13Odebani, dang mani khlai hi nisi baoyaba buthu khe salai lah. Jar khe sibring lah, Jisu Krista nujao phaiba ha khasaoma khe nisi nebo labu ri mani khlai hi asa khlai lah. 14Basa grao maniyarao lai dong hi, sagang ha jar ni phap libima ha dongba lai nisi da dong lah. 15Nisi khe longyaba gathar dongba lai, nisibo khrip yaowaithai ha gathar ja lah; 16Nisi gathar jama nang du, bede thikhade ang gathar se, thi hi reb du.
17Naidao naiyadao jaya hi, khrip subung jar khusi dangba lai ning bisar khlai riyaba khe, bupha thihi jirik khade, eraha nisi naorai lai jahi dongba ha ning bokhe man jang khin dada yaowai lah. 18Bede thikhade, nisi ni greng buthu ni phrang dongthai jithai phaipha buyaba, gibirrao ni dongthai ni phrang de jinis hamya japhuyaba rang bagrai gajao buthu jang nisi khojaoyaba niya, 19melmasa mainthi giriyaba, ode musi gajai giriyaba, Krista ni thijao muilo gnang jang se khojao ba thi hi nisi tharmai kha. 20Bode phirthi khe sangsai bani sagang ha ning bokhe saikho kha; thikhabo, nisi ne khlai hi ning bubli jamthaoba ha bo nujaoba se. 21Githi ni phrang bokhe mathang phinyaba Madai khe nisi lon kha; odese Madai de nisi ni lonma ode asama dengyaba ning ja kha.
22Gibi jang daphlungrao khe hamjao mani khlai hi, grao gibi khe mani hi, nisi ni hayu ni dongthai buthu khe nisi gathar khlai khade, khah guthu ni phrang nisi hamjao lai lah. 23Bumuh hamya japhuyaba ni phrang niya hi, Madai ni grao thang hi ning dongyaba, ode dong songyaba ha ning, bumuh hamya japhuyayaba ni phrang nisi hajai slamyaba ja kha. 24Sastro thiba lai,
Khrip subungbo sam ba lai se,
Bonsi ni khrip muimabo sam bubar lai se,
Sam de rain hi, boni bubar bo grai re,
25Thikhabo, Gabra ni grao de dongsong ma se,
Bo ning ja kha, hamba graojma nisi ne khna riyaba se.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.