1 KORINTH 6
6
Lonyarao ni bising ha gaso suso
1Nisi ni bising ha subung asababo malai ni basao ha nam khormu lahi, subung gatharrao niha soriya hi, subung dormo niyayarao niha boni gajai khe bonsi sori rao nang na? 2Niyakha la subung gatharrao se habsao ni grao ni balam ha bonsi bisar khlai ma se thihi nisi mithiya na somo? Habsao ni bisar khe nisi ning bisar khlai ma se thikha de, basasayaba nam khormu buthu khe bisar khlai mani khemotha giriyaba nisi ja nang niya? 3Duha hamhi dong bani grao khe thiya hi, sorgo ni deglarao ni balam khe asababo jing bisar khlai ma nang ma se thihi nisi mithiya na somo? 4Olei nam khormu grao jayaba khe lahi, longjom ha bojom jayarao niha nisi bisar khlai ri ma na somo? 5Nisi laji mani khlai hi ang thi du. Lonyaba daphlungrao ni gejer ha hamsisi bisar khlai phuyaba subung girikyaba nisi ni bising ha saosi bo giri na somo? 6Jarni daphlung jang daphlung khe bisar ha bonsi so ri re? Bobo lonyayarao ni sagang ha se kho!
7Gibi gibi de, nisi ni gejer ha asaba nam khormu ha, nisi raoya kha thiyaba se. Nisi ni basao ha bonsi gajai dangyaba khe snadi jabani nisi dukhu khah laoya ba? Snadi jabani bo maiginyaba phantha khe nisi laya ba? 8Boni baslai ha jarni daphlungrao khe hamya khlaiyaba odehe raoya khlaiyaba se nisi ja ba. 9Thikha la, subung dormo niyayarao de Madai ni raji khe mai nang niya thiyaba khe nisi mithiya na somo? Da thokhijao, hamjao baiyaba buthu, saokhuli khe biyarao, gaori gaora jayarao, miyahsa sao khe phain jiyarao, khiphu ha mijingyarao, 10khao jibaiya buthu, harbaoyarao, bao la jabaiyarao, subung jothaiba raoyarao, dakhatrao, eleiyaba jinis khe dangyarao de Madai ni raji khe mai nang niya. 11Nisi ni bising ha gejesi de eleiyaba khe nisi dang re. Thikhabo, Gabra Jisu Krista ni bumu jang jini Madai ni Bese ha ning, nisi susajao kha, odehe nisi gathar khlaijao kha, ode nisi dormo khlaijao kha.
Saomang ha Madai khe bakhan khlaiyaba
12Anthane khlai hi de khrip gathar se, thikhabo khrip de lab jaya, anthane khlai hi de khrip gathar se, thikhabo asaba ni leng ha dong mane ang nangjaoya. 13Makham de bohoh ni khlai hi se, bohohbo makham ni khlai hi se, thikhabo, Madai jang sjam jao ma se. Saomang khe hamjao baiyaba phap khusi dang mani khlai hi niya, Gabra ni khlai hi se; Gabrabo saomang ni khlai hi jimu lingmu ri du. 14Odehe, Madai ning Gabra khe jarni raothai mathang ba, jing khebo boni raothai jang se jing khe mathang ma.
15Nisi ni saomang buthu khe Krista ni saomang ni bedep buthu se thihi nisi mithiya na somo? Olei thikha la, Krista ni saomang bedep buthu khe lahi sao khe phainyaba ha ang slam ma na somo? Slamya dou! 16Malai jang, baosi saomang phain ji kha de, bonsi jang saomang masi ja kha thihi nisi mithiya na somo? Bonsi ginibo saomang masi ja kha, thi hi reb du. 17Thikhabo, sere Gabra jang masi ja du, bo jang bese ha saomang masi jaba se.
18Hamjao baiyaba phap khe dangkhlai lah! Gibin asaba khebo subung dangyaba de baji ni saomang ha dang ba; thikhabo hamjao baiyaba khe baisi khlai hi dangyaba de jarni saomang ni basao ha ning bo phap khusi dang la ba se. 19Niyakha la nisi ni saomang khe Madai ni phrang nisi maiyaba, nisi jang baosi dongphayaba Bese Gathar ni bikhoh se thihi nisi mithiya na somo? Jarni khlai hi nisi niya, 20dam rihi nisi braijao kha; odebani nisi saomang jang Madai khe bakhan khlai lah.
Currently Selected:
1 KORINTH 6: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
1 KORINTH 6
6
Lonyarao ni bising ha gaso suso
1Nisi ni bising ha subung asababo malai ni basao ha nam khormu lahi, subung gatharrao niha soriya hi, subung dormo niyayarao niha boni gajai khe bonsi sori rao nang na? 2Niyakha la subung gatharrao se habsao ni grao ni balam ha bonsi bisar khlai ma se thihi nisi mithiya na somo? Habsao ni bisar khe nisi ning bisar khlai ma se thikha de, basasayaba nam khormu buthu khe bisar khlai mani khemotha giriyaba nisi ja nang niya? 3Duha hamhi dong bani grao khe thiya hi, sorgo ni deglarao ni balam khe asababo jing bisar khlai ma nang ma se thihi nisi mithiya na somo? 4Olei nam khormu grao jayaba khe lahi, longjom ha bojom jayarao niha nisi bisar khlai ri ma na somo? 5Nisi laji mani khlai hi ang thi du. Lonyaba daphlungrao ni gejer ha hamsisi bisar khlai phuyaba subung girikyaba nisi ni bising ha saosi bo giri na somo? 6Jarni daphlung jang daphlung khe bisar ha bonsi so ri re? Bobo lonyayarao ni sagang ha se kho!
7Gibi gibi de, nisi ni gejer ha asaba nam khormu ha, nisi raoya kha thiyaba se. Nisi ni basao ha bonsi gajai dangyaba khe snadi jabani nisi dukhu khah laoya ba? Snadi jabani bo maiginyaba phantha khe nisi laya ba? 8Boni baslai ha jarni daphlungrao khe hamya khlaiyaba odehe raoya khlaiyaba se nisi ja ba. 9Thikha la, subung dormo niyayarao de Madai ni raji khe mai nang niya thiyaba khe nisi mithiya na somo? Da thokhijao, hamjao baiyaba buthu, saokhuli khe biyarao, gaori gaora jayarao, miyahsa sao khe phain jiyarao, khiphu ha mijingyarao, 10khao jibaiya buthu, harbaoyarao, bao la jabaiyarao, subung jothaiba raoyarao, dakhatrao, eleiyaba jinis khe dangyarao de Madai ni raji khe mai nang niya. 11Nisi ni bising ha gejesi de eleiyaba khe nisi dang re. Thikhabo, Gabra Jisu Krista ni bumu jang jini Madai ni Bese ha ning, nisi susajao kha, odehe nisi gathar khlaijao kha, ode nisi dormo khlaijao kha.
Saomang ha Madai khe bakhan khlaiyaba
12Anthane khlai hi de khrip gathar se, thikhabo khrip de lab jaya, anthane khlai hi de khrip gathar se, thikhabo asaba ni leng ha dong mane ang nangjaoya. 13Makham de bohoh ni khlai hi se, bohohbo makham ni khlai hi se, thikhabo, Madai jang sjam jao ma se. Saomang khe hamjao baiyaba phap khusi dang mani khlai hi niya, Gabra ni khlai hi se; Gabrabo saomang ni khlai hi jimu lingmu ri du. 14Odehe, Madai ning Gabra khe jarni raothai mathang ba, jing khebo boni raothai jang se jing khe mathang ma.
15Nisi ni saomang buthu khe Krista ni saomang ni bedep buthu se thihi nisi mithiya na somo? Olei thikha la, Krista ni saomang bedep buthu khe lahi sao khe phainyaba ha ang slam ma na somo? Slamya dou! 16Malai jang, baosi saomang phain ji kha de, bonsi jang saomang masi ja kha thihi nisi mithiya na somo? Bonsi ginibo saomang masi ja kha, thi hi reb du. 17Thikhabo, sere Gabra jang masi ja du, bo jang bese ha saomang masi jaba se.
18Hamjao baiyaba phap khe dangkhlai lah! Gibin asaba khebo subung dangyaba de baji ni saomang ha dang ba; thikhabo hamjao baiyaba khe baisi khlai hi dangyaba de jarni saomang ni basao ha ning bo phap khusi dang la ba se. 19Niyakha la nisi ni saomang khe Madai ni phrang nisi maiyaba, nisi jang baosi dongphayaba Bese Gathar ni bikhoh se thihi nisi mithiya na somo? Jarni khlai hi nisi niya, 20dam rihi nisi braijao kha; odebani nisi saomang jang Madai khe bakhan khlai lah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.