1 KORINTH 1
1
Khlimyaba
1Paul, Jisu Krista ni haijaoyasa ja mani Madai ni nangjaoma ha long jaoyaba, ar boni daphlung Sosthen de;
2Korinth nogor ni Madai ni longjom, Krista Jisu ha gathar khlai jaohi dongyarao niha, odehe khrip hathan ha jini Gabra Jisu Krista, bonsi jang jini Gabra ni bumu layarao khrip, subung gathar ja mani longjaoyarao niha ning;
3Jini bupha Madai jang Gabra Jisu Krista ni phrang khasaoma ar santi nisi niha dongpha thing.
Krista ha hamthai buthu
4Krista Jisu ha Madai ni khasaoma nisi ne riyaba gibiyaba khe, ani Madai niha nalaibo ang khajama ni grao khe sainthi du. 5Boni ha de, khrip gede ni balam ha khrip grao sainthiyaba odehe, khrip bujima ha gnang khlaijao hi nisi dong kha. 6Nisi ni bising ha Krista ni grao khna rihi dengyaba khe gejeb dao ri kha. 7Odebani, jini Gabra Jisu Krista nujao phai ba khe nisi jon bani bising ha, bese gede jinis riyaba ha musibo bangya jaya. 8Jini Gabra Jisu Krista ni basain ha gajai giri hi nisi dongphu mani bo ning nisi khe jamba sosi rao rima se. 9Boni basa, jini Gabra Jisu Krista dong pha laiyaba ha long singyaba Madai de lonma gnang se.
Longjom ha gibin jayaba
10Daphlungrao, nisi khrip jang khah ha baosi jalai hi, degao laiya hi dong mani khlai hi khah masi jahi, saomang mangsi ja dada, nisi ni baothai masi japhu mani khlai hi jini Gabra Jisu Krista ni bumu jang nisi khe ang khainsu du. 11Ani daphlungrao, nisi ni bising tha laiyayaba giri thi hi Kloi ni apnarao ning bonsi ang khe thi ba. 12Ang thiyaba ortho de ebo se: Nisi ni bising ha khrip bo, Ang de Paul ni dol se, ang de Apollo ni dol se, ang de Kipha ni dol se, niyakha la, ang de Krista ni dol se nisi thi du. 13Krista la ronphai lai ba? Nisi ni khlai hi Paul kross ha dikpha jao ba na somo? Niyakha la, Paul ni bumu jang nisi baptisma laba na somo? 14Nisi ni bising ha Kipha jang Gaia thu khe garhi saosi khebo ang baptisma khlaiyaba ni Madai niha khajama ni grao khe ang thi du. 15Ode niyakha de, nisi ni bising ha saosi bo ani bumu jang baptisma laba thihi nisi thijao nang. 16(Stephan ni nohkhor khebo ang baptisma ri ba; bo buthu khe garhi de saosi khebo ang baptisma riba thihi tharmaiya). 17Krista de baptisma ri mani khlai hi ang khe haihaya. Hamba graojma khe sainthi mani khlai hi se bo ang khe haiha ba, girikma jang grao gidi ring bani sainthi mani khlai hi bo ang khe haihaya, ode niyakha de, Krista ni kross khe raothai giri hi, slamyaba jajao nang.
Krista, Madai ni gyan ar raothai
18Kross ni grao de jamsaiyarao ne khlai hi de gibir jaba se, thikhabo jing goma mai hi dongyarao ni khlai hi de Madai ni raothai se. 19Subung gyanrao ni gyan khe ang sjam nang, odehe subung bujiyarao ni bujima khe ang dangkhla ma se, thihi bo reb du.
20Subung gyani braha dong? Dara mithiyaba subung la braha dong? Niyalaiba blaiyaba duha braha dong? Madai ning hapsao ni gyan khe gibir slamya na somo? 21Madai ni gyan khe hapsao ni gyan yaowai hi Madai khe mithi phuya bani yaohon ha jing grao thiyaba khe gibir jasi yaowai hi, bo lonyarao ni sogoma khe Madai ning hamsi ning khaja du. 22Judarao de sin sain re, Greekrao de gyan khe smai re. 23Thikhabo jing de Krista dikphajao bani grao khe thi du. Bo se Judarao ni khlai hi khuda hi galaiyaba se, Jentailrao ni khlai hi de gibir jaba se. 24Judaraobo ja thing, Jentailraobo ja thing, longjaoyarao ne khlai hi Krista de Madai ni raothai jang Madai ni gyan se. 25Madai ni gede gibir jayaba de subung gyan thanebo gyan jadaoyaba se. Madai ni gede raoyayababo subung bol raoyaba thane raodao.
26Daphlungrao, nisi ni longjaothai khe bao ha sang; habsao ni suthai hade nisi ni bising ha gabang de nisi gyani subung niya, gabang de nisi raothai gnangbo niya, nisi nokhor gedeba ni nohkhor ha hajaiyaba bo niya. 27Thikhabo, subung gyanirao khe laji phnu mani khlai hi Madai ning habsao ni gibirrao khe bo saikho hi, bo raoyayarao khe laji phnu mani khlai hi habsao ni raoyayarao khe se bo saikho ba. 28Habsao ni jinis hamya ode muji jaoyayaba buthu, ode jinis giriyaba buthu khe sosi bo saikho hi, jinis dongblaiyaba buthu khebo musi niya ja riphu mani khlai hi naislejao hi dongyarao, jinis giriyaba buthu sosi bo slam ba se. 29Odebani, Madai ni sagang ha subung saosibo sangga phu nang niya. 30Madai de Krista Jisu ha nisi ni hayu ni bugung se, Krista Jisu de jinthane khlai hi Madai ni phrang gyan ja thing, dormo ja thing, gathar khlaiyaba ja thing, odehe khoyaba japhai kha. 31Odebani, bonsi reb ba lai ning, Sere sanggama nangjao du, bo Gabra ha sangga la thing.
Currently Selected:
1 KORINTH 1: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
1 KORINTH 1
1
Khlimyaba
1Paul, Jisu Krista ni haijaoyasa ja mani Madai ni nangjaoma ha long jaoyaba, ar boni daphlung Sosthen de;
2Korinth nogor ni Madai ni longjom, Krista Jisu ha gathar khlai jaohi dongyarao niha, odehe khrip hathan ha jini Gabra Jisu Krista, bonsi jang jini Gabra ni bumu layarao khrip, subung gathar ja mani longjaoyarao niha ning;
3Jini bupha Madai jang Gabra Jisu Krista ni phrang khasaoma ar santi nisi niha dongpha thing.
Krista ha hamthai buthu
4Krista Jisu ha Madai ni khasaoma nisi ne riyaba gibiyaba khe, ani Madai niha nalaibo ang khajama ni grao khe sainthi du. 5Boni ha de, khrip gede ni balam ha khrip grao sainthiyaba odehe, khrip bujima ha gnang khlaijao hi nisi dong kha. 6Nisi ni bising ha Krista ni grao khna rihi dengyaba khe gejeb dao ri kha. 7Odebani, jini Gabra Jisu Krista nujao phai ba khe nisi jon bani bising ha, bese gede jinis riyaba ha musibo bangya jaya. 8Jini Gabra Jisu Krista ni basain ha gajai giri hi nisi dongphu mani bo ning nisi khe jamba sosi rao rima se. 9Boni basa, jini Gabra Jisu Krista dong pha laiyaba ha long singyaba Madai de lonma gnang se.
Longjom ha gibin jayaba
10Daphlungrao, nisi khrip jang khah ha baosi jalai hi, degao laiya hi dong mani khlai hi khah masi jahi, saomang mangsi ja dada, nisi ni baothai masi japhu mani khlai hi jini Gabra Jisu Krista ni bumu jang nisi khe ang khainsu du. 11Ani daphlungrao, nisi ni bising tha laiyayaba giri thi hi Kloi ni apnarao ning bonsi ang khe thi ba. 12Ang thiyaba ortho de ebo se: Nisi ni bising ha khrip bo, Ang de Paul ni dol se, ang de Apollo ni dol se, ang de Kipha ni dol se, niyakha la, ang de Krista ni dol se nisi thi du. 13Krista la ronphai lai ba? Nisi ni khlai hi Paul kross ha dikpha jao ba na somo? Niyakha la, Paul ni bumu jang nisi baptisma laba na somo? 14Nisi ni bising ha Kipha jang Gaia thu khe garhi saosi khebo ang baptisma khlaiyaba ni Madai niha khajama ni grao khe ang thi du. 15Ode niyakha de, nisi ni bising ha saosi bo ani bumu jang baptisma laba thihi nisi thijao nang. 16(Stephan ni nohkhor khebo ang baptisma ri ba; bo buthu khe garhi de saosi khebo ang baptisma riba thihi tharmaiya). 17Krista de baptisma ri mani khlai hi ang khe haihaya. Hamba graojma khe sainthi mani khlai hi se bo ang khe haiha ba, girikma jang grao gidi ring bani sainthi mani khlai hi bo ang khe haihaya, ode niyakha de, Krista ni kross khe raothai giri hi, slamyaba jajao nang.
Krista, Madai ni gyan ar raothai
18Kross ni grao de jamsaiyarao ne khlai hi de gibir jaba se, thikhabo jing goma mai hi dongyarao ni khlai hi de Madai ni raothai se. 19Subung gyanrao ni gyan khe ang sjam nang, odehe subung bujiyarao ni bujima khe ang dangkhla ma se, thihi bo reb du.
20Subung gyani braha dong? Dara mithiyaba subung la braha dong? Niyalaiba blaiyaba duha braha dong? Madai ning hapsao ni gyan khe gibir slamya na somo? 21Madai ni gyan khe hapsao ni gyan yaowai hi Madai khe mithi phuya bani yaohon ha jing grao thiyaba khe gibir jasi yaowai hi, bo lonyarao ni sogoma khe Madai ning hamsi ning khaja du. 22Judarao de sin sain re, Greekrao de gyan khe smai re. 23Thikhabo jing de Krista dikphajao bani grao khe thi du. Bo se Judarao ni khlai hi khuda hi galaiyaba se, Jentailrao ni khlai hi de gibir jaba se. 24Judaraobo ja thing, Jentailraobo ja thing, longjaoyarao ne khlai hi Krista de Madai ni raothai jang Madai ni gyan se. 25Madai ni gede gibir jayaba de subung gyan thanebo gyan jadaoyaba se. Madai ni gede raoyayababo subung bol raoyaba thane raodao.
26Daphlungrao, nisi ni longjaothai khe bao ha sang; habsao ni suthai hade nisi ni bising ha gabang de nisi gyani subung niya, gabang de nisi raothai gnangbo niya, nisi nokhor gedeba ni nohkhor ha hajaiyaba bo niya. 27Thikhabo, subung gyanirao khe laji phnu mani khlai hi Madai ning habsao ni gibirrao khe bo saikho hi, bo raoyayarao khe laji phnu mani khlai hi habsao ni raoyayarao khe se bo saikho ba. 28Habsao ni jinis hamya ode muji jaoyayaba buthu, ode jinis giriyaba buthu khe sosi bo saikho hi, jinis dongblaiyaba buthu khebo musi niya ja riphu mani khlai hi naislejao hi dongyarao, jinis giriyaba buthu sosi bo slam ba se. 29Odebani, Madai ni sagang ha subung saosibo sangga phu nang niya. 30Madai de Krista Jisu ha nisi ni hayu ni bugung se, Krista Jisu de jinthane khlai hi Madai ni phrang gyan ja thing, dormo ja thing, gathar khlaiyaba ja thing, odehe khoyaba japhai kha. 31Odebani, bonsi reb ba lai ning, Sere sanggama nangjao du, bo Gabra ha sangga la thing.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.