MATHI 16
16
Temaitsü Ka Meshiba
(Mar. 1.11-13; Luk. 12.54-56)
1Farisitem aser Sadukitem aru aser Yisu atitanga anüng nungi temaitsü ka sayuang ta parnoki pa dang asüngdang. 2Saka Yisui parnok dang langzü, “Nikongtsütsü arudang nenoki ashir, tsüngsang ajungtsü, kechiaser anüng merema lir. 3Aser anepdang, tanübo tsüngsang majungtsü, kechiaser anüng merema mepet süloka lir. Nenoki anüng tereprangtsü ratettsü akoker, saka temaitsü mapangtem nenoki meshiteter. 4Tamajung aser nüktapangta putui temaitsü bushir, saka Yona temaitsü dak alema parnok nem kecha temaitsü magütsütsü. Aser pai parnok toktsür oadok.”
Farisitem Aser Sadukitem Piyazü
(Mar. 8.14-21)
5Nütsüngtemi tzüyim külen jagi aru aser parnoki amtsük abentsü amadok. 6Yisui parnok dang ashi, “Farisitem aser Sadukitem piyazü asoshi mita liang.” 7Parnoki parnok rongnung jembitepa ashi, “Asenoki amtsük kecha maben.” 8Yisui aji meteta ashi, “Oh tera amangertem nenok amtsük maka nung kechiba nenok rongnung jembiteper? 9Tang tonga nenoki mangateter no? Mesüra amtsük pungu agi meyi pungu chir nenoki molok kwi shitenar nenoki mebilemteter no? 10Ano amtsük tenet agi meyi pezü chir, nenoki molok kwi shitenar mebilemteter no? 11Ni nenok dang amtsük indang mashi ta nenoki mangateter? Saka Farisitem aser Sadukitem piyazü indang kümdangang.” 12Idangji pai amtsük piyazü indang masü, saka Farisitem aser Sadukitem tesayuba indang kümdangang ta ashiba parnoki angatet.
Peteri Yisu Nangzükba
(Mar. 8.27-30; Luk. 9.12-21)
13Kodang Yisu Kaisaria Filipi limai aru pai pei nütsüngtem dang asüngdang, “Nisungtemi Nisung Chir shiba-a ta ashir” 14Aser parnoki langzü, kari ashir, “Yohan Baptitsüba ta,” tangar kari ashir, “Elija ta,” aser ano tangar kari, “Yerimia mesüra ainkartem rongnung ka” ta ashir. 15Yisui parnok dang ashi, “Saka nenoki ni shiba-a ta ashir?” 16#Yoh. 6.68,69 Simon Peteri langzü, “Na taküm Tsüngrem Chir Khristaji lir.” 17Idangji Yisui pa dang langzü, “Yona chir Simon, na tepelatsü, kechiaser shi aser azüi ya ne dang rakpoka mesayu, saka kotak nung aliba kü Bui sayu.” 18Aser ni ne dang shidi, “Na Peter aser iba lung#16.18: Lung: Grik nung petros. manung ni kü arogo yangertsü; aser tasüba; aintemi ibaji makoktsü. 19#Mat. 18.18; Yoh. 20.23 Ni ne nem kotak yimli süngkhümrütsü agütsütsü; aser nai alima nung kechisa alendir aji kotak nunga alentsü, aser nai alima nung kechisa saladir aji kotak nunga salatsü.” 20Idangji paji Khrista ta shinga danga teshi ta pai pei nütsüngtem dang ajang ajanga ashi.
Yisui Pa Asütsü Aser Shia Arutsü Indang Ashiba
(Mar. 8.31—9.1; Luk. 9.22-27)
21Yisu Yirusalemi aotsüla aser tamburtem, puti-ungertem aser tezülurtem nungi timtem toushi jenti angutsüla, aser tepsettsüla aser asemnübuba nung shia arutsüla ta pai iba mapang nungjagi nütsüngtem dang sayutsü tenzük. 22Idangji Peteri Yisu anien aser pa arütsümesoa ashi, “Tsüngremi aji nokdangangma, Kibuba, ya ne dak kodanga mataloktsü.” 23Yisui meyiper Peter dang ashi, “Kü sülen atsüngzükang, Satan, na ni asoshi temetsüdaktsü ka lir, kechiaser ibai Tsüngrem indang bilemba nungi masü, saka nisung mapa indang bilemba nungi arur.” 24Idangji Yisui pei nütsüngtem dang ashi, “Kari kü sülen arunüra pai pei sasa azüokang, aser pei kangki apur kü sülen anitakang! 25Kechiaser shibai pei taküm kümzüknür aji samatsü saka shibai ni atema pei taküm samadir aji angutsü. 26Kechiaser nisung kati alima ajak ajangzüker pei taküm samara, pai kechi ajangzüktsü, mesüra nisung kati pei taküm melen kechi agütsütsü. 27#Mat. 25.31; TKe. 62.12; Rom. 2.6 Kechiaser Nisung Chir pei Tebu sentsüwangshi nung pei tenyartem den arutsü aser idangji pai nisung shia mapa yari sempet agütsütsü. 28Ni nenok dang züngpong ashir, yangi noktaka alir rongnung kari, Nisung Chir pei yimli nung aruba mangu tashi tasü marok kodaka-ang mejemdangtsü.”
Currently Selected:
MATHI 16: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.
MATHI 16
16
Temaitsü Ka Meshiba
(Mar. 1.11-13; Luk. 12.54-56)
1Farisitem aser Sadukitem aru aser Yisu atitanga anüng nungi temaitsü ka sayuang ta parnoki pa dang asüngdang. 2Saka Yisui parnok dang langzü, “Nikongtsütsü arudang nenoki ashir, tsüngsang ajungtsü, kechiaser anüng merema lir. 3Aser anepdang, tanübo tsüngsang majungtsü, kechiaser anüng merema mepet süloka lir. Nenoki anüng tereprangtsü ratettsü akoker, saka temaitsü mapangtem nenoki meshiteter. 4Tamajung aser nüktapangta putui temaitsü bushir, saka Yona temaitsü dak alema parnok nem kecha temaitsü magütsütsü. Aser pai parnok toktsür oadok.”
Farisitem Aser Sadukitem Piyazü
(Mar. 8.14-21)
5Nütsüngtemi tzüyim külen jagi aru aser parnoki amtsük abentsü amadok. 6Yisui parnok dang ashi, “Farisitem aser Sadukitem piyazü asoshi mita liang.” 7Parnoki parnok rongnung jembitepa ashi, “Asenoki amtsük kecha maben.” 8Yisui aji meteta ashi, “Oh tera amangertem nenok amtsük maka nung kechiba nenok rongnung jembiteper? 9Tang tonga nenoki mangateter no? Mesüra amtsük pungu agi meyi pungu chir nenoki molok kwi shitenar nenoki mebilemteter no? 10Ano amtsük tenet agi meyi pezü chir, nenoki molok kwi shitenar mebilemteter no? 11Ni nenok dang amtsük indang mashi ta nenoki mangateter? Saka Farisitem aser Sadukitem piyazü indang kümdangang.” 12Idangji pai amtsük piyazü indang masü, saka Farisitem aser Sadukitem tesayuba indang kümdangang ta ashiba parnoki angatet.
Peteri Yisu Nangzükba
(Mar. 8.27-30; Luk. 9.12-21)
13Kodang Yisu Kaisaria Filipi limai aru pai pei nütsüngtem dang asüngdang, “Nisungtemi Nisung Chir shiba-a ta ashir” 14Aser parnoki langzü, kari ashir, “Yohan Baptitsüba ta,” tangar kari ashir, “Elija ta,” aser ano tangar kari, “Yerimia mesüra ainkartem rongnung ka” ta ashir. 15Yisui parnok dang ashi, “Saka nenoki ni shiba-a ta ashir?” 16#Yoh. 6.68,69 Simon Peteri langzü, “Na taküm Tsüngrem Chir Khristaji lir.” 17Idangji Yisui pa dang langzü, “Yona chir Simon, na tepelatsü, kechiaser shi aser azüi ya ne dang rakpoka mesayu, saka kotak nung aliba kü Bui sayu.” 18Aser ni ne dang shidi, “Na Peter aser iba lung#16.18: Lung: Grik nung petros. manung ni kü arogo yangertsü; aser tasüba; aintemi ibaji makoktsü. 19#Mat. 18.18; Yoh. 20.23 Ni ne nem kotak yimli süngkhümrütsü agütsütsü; aser nai alima nung kechisa alendir aji kotak nunga alentsü, aser nai alima nung kechisa saladir aji kotak nunga salatsü.” 20Idangji paji Khrista ta shinga danga teshi ta pai pei nütsüngtem dang ajang ajanga ashi.
Yisui Pa Asütsü Aser Shia Arutsü Indang Ashiba
(Mar. 8.31—9.1; Luk. 9.22-27)
21Yisu Yirusalemi aotsüla aser tamburtem, puti-ungertem aser tezülurtem nungi timtem toushi jenti angutsüla, aser tepsettsüla aser asemnübuba nung shia arutsüla ta pai iba mapang nungjagi nütsüngtem dang sayutsü tenzük. 22Idangji Peteri Yisu anien aser pa arütsümesoa ashi, “Tsüngremi aji nokdangangma, Kibuba, ya ne dak kodanga mataloktsü.” 23Yisui meyiper Peter dang ashi, “Kü sülen atsüngzükang, Satan, na ni asoshi temetsüdaktsü ka lir, kechiaser ibai Tsüngrem indang bilemba nungi masü, saka nisung mapa indang bilemba nungi arur.” 24Idangji Yisui pei nütsüngtem dang ashi, “Kari kü sülen arunüra pai pei sasa azüokang, aser pei kangki apur kü sülen anitakang! 25Kechiaser shibai pei taküm kümzüknür aji samatsü saka shibai ni atema pei taküm samadir aji angutsü. 26Kechiaser nisung kati alima ajak ajangzüker pei taküm samara, pai kechi ajangzüktsü, mesüra nisung kati pei taküm melen kechi agütsütsü. 27#Mat. 25.31; TKe. 62.12; Rom. 2.6 Kechiaser Nisung Chir pei Tebu sentsüwangshi nung pei tenyartem den arutsü aser idangji pai nisung shia mapa yari sempet agütsütsü. 28Ni nenok dang züngpong ashir, yangi noktaka alir rongnung kari, Nisung Chir pei yimli nung aruba mangu tashi tasü marok kodaka-ang mejemdangtsü.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.