Kulusas Tongod to Soini no Sulat dio to mgo TagaKulusas
Tongod to Soini no Sulat dio to mgo TagaKulusas
Si Pablo, napirisu ka nigsulat to soini no impaalap din dio to mgo nigtuu to lunsud to Kulusas. No ka Kulusas, duon to probinsia to Malintok no Asia no dio to silaan to lunsud to Episu. Kono no si Pablo ka nig-alap kandan to sikan no Maroyow no Nangnangonon an-anayan, di indakoli rin sikandan to goinawa woy malasi rin ampui.
Ian to nigsulatan ni Pablo sikandan su duon mgo otow no nig-anad kandan to kono no litos no ogpakapasuwoy kandan ki Hisu Kristu no ian ka matul-id no dalan dio to Magboboot. Ian su waro dan nigtokod to si Hisu Kristu ka lagboy no Anak to Magboboot. Woy innangon dan og-awoson to mohon-ing ka ogtumanon ta no mgo udling woy mgo batasan woy ogkaawo on ka mgo salo ta. Woy nig-anad dan ka mgo otow to oyow ogsimboon dan poron ka mgo diwata.
Sikan ian to nigsulat ni Pablo ka soini oyow ogkataga to malogot ian to si Hisus ka Anak to Magboboot, woy nigsosokod lagboy to Amoy rin no dio to langit. Woy impamalogot ni Pablo to impohimu to Magboboot ki Hisus ka langit woy ka tano woy ka tibo no nakatagu.
Ka Ignangon to Soini no Sulat
Ka kabinusuran to ignangonnangon 1:1-2
Ka pog-ampu ni Pablo tongod to mgo nigtuu no dio to Kulusas 1:3-14
Ka poglabow ni Kristu woy ka nighimu rin 1:15-23
Ka katondanan ni Pablo to mgo nigtuu 1:24 – 2:5
Ka pogkasagboka to mgo otow no nigtuu ki Hisu Kristu 2:6-15
Ka pogtaloson ni Pablo oyow kono ki ogkatooran no ogkasuwayan to kono no tu-tuu no nangnangonon 2:16-23
Ka tahan no pogkootow ta woy ka iam no pogkootow 3:1 – 4:6
Ka igpanuguntugun ni Pablo 4:7-18
Currently Selected:
Kulusas Tongod to Soini no Sulat dio to mgo TagaKulusas: atd
Highlight
Copy
Compare
Share
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.