Popular Bible Verses from MATHIU 24

Share

Akehingno kelit-bom apotsi ongmuchot atum akanghon ingsamji. Bonta kejut anta kechechak abang ke jokji.

Lapen labangso a-Rat a-Birta Keme alam pirthe adang, kadokave adet amonit aphan haki kepijisi alam pachethangpetji: labangso aphisi kejut vangji.

Lapen nangtum ron kechedan alamjir lapen ron kechedanji abirta arju longvekji. Bonta nangtum aning chepasiksak-ri; pima lahei hei plangvek nangji. Tebonta hala mamat ke kejut kalilang.

Pima isi adet akaprek adet pen ron chethurji, lapen isi arat akaprek arat aphan tengkhengji, lapen adim pen adim akhim thurji lapen ke chiklita vangji. La kadokave ke arlosomar osomar pirthe kepahache ahut kecheng akesung ason thakthak-lo.

Sining lapen pirthe avedetji, bonta nelam hei hei kaiketa doverji.

Pima ake-ongpi atum ne men pen vangsi neli helo Khristo pusi chekrongji, lapen halatum ake-ongpi atum aphan pamanghuji.

“Ansi halatum nangtum aphan nepsi aduk nangkanghoiji aphan nanghodaiji, nangtum aphan nang-pathiji lapen ne men pen apot kadokave amonit atum nangtum aphan hijimpetji. Halabangso ahut ake-ongpi atum pap klemthurongsi lahin lahin aphan hotur arideng cheho-daiji lapen lahin lahin chehijimji. Kechobei amontri ake-ongpi atum thurji lapen latum ake-ongpi atum aphan pamanghuji.

Jisu latum aphan thaksi pulo, “Baduta nangtum aphan kepamanghu longledetjile nangtum cherenon.

La apotsi nangtumta chesik-etle donon, pima vangvejibon pu nangtum kematha ahutsi Monit a-Sopo vangji.

“Tangte no kang-ar penle donon, pima kolobangso arnisi nangtum a-Hemphu kevangji, lake nangtum chinine.

“Bonta Po apar ke sining aphe-rangke atum tame, lapen Sopo tame, labangso arni lapen apor baduta chinine.

Pima kechobai a-Khristo atum lapen kechobei amontri atum thurji lapen halatum kangvaitang atum aphanta unte kepamanghujisi angthek kethepik hei hei, lapen kemanghumeme akam kethe hei heita klemji.

Pima Noah arni ahut asonthot, lason thak-thaksi Monit a-Sopo kevang ahut plangji. Pima lang thepi vangve ako pen ha Noah telongpi kelutdam a-arni anta halatum kecho-kejun, piso ke-en lapen penan kedo akamsi klem bomlang, lapen langthepi vangsi halatum do-an aphan kepondet ahut anta halatum kechinine asonthot; lason thak-thaksi Monit a-Sopo kevang ahut ta plangji.