Popular Bible Verses from Mavaik 1

Share

Morowa la tiesong gare ro, “Turuo la mating urier kukunim gano. Turuot la tunama atatan makin, tunama lake migat ga puoieng iro la lagorang migat. Titot la tunama ga tiralo kan la tunama ga tubiat eba ina murang.”

Turuo la tinim. Pa tinan ga tuvara ra. Pa miptang, inagat teruara ga tinim atatan makin! Ga tuariam kip o nuvarap ga pianam maiong inamaniap mila mevara. Are ratmat ga mating kukunim meba ina temum inamaniap mila mevara ra.

Are ratmat ga teip ga magaulap la ovasmeng uriro ties unuli, la eba malaminaismeng. Ga teip ga magaulap la mepto ga omeuluo uro ties la omirong Morowa, eba malaminaismeng. Memani, tara la tiesong Morowa maime miriro pagap meba betmeng la muor kagarat.

Na tara la agimarung, talet kagat ga tulum kagarat ai kiban a, ga karuna gare migana la uvara ra. Pa uabua kilan a ira ruo ga ugama, “Baraba nurau. Turuot la tunama atatan makin, tunama lake migat ga puoieng iro la lagorang migat.

Miptang! Iesu Karisito la namo muong kabirana o uvau, ga mirier inamaniap la eba agimameng ma irap ma kan. Pa mirie teip tinan la mavuremeng binbap a Iesu Karisito o kier ga menamua tinan, mirie gat la eba agimameng. Ga mirier inamaniap ganam onim na kimanam la eba agatmeng papot aime, ga meliba kirat Memani, merau ma pagap la eba makosarang ira ma me tavuk ila kire la mime ameuluo. Eva, iriro paga la eba betang gare tiro. Amen.