Popular Bible Verses from 1 Ioanes 1

Share

Leba mavaikbuong kirinimup buam ai Morowa, tala kan buulai. Karuk kan. Muana, eba akosarang Morowa tavuk ila puvuvui ira buo ga eba avaiam kirinimup buam. Ga eba maduratang tavukup buam mila kiram ga eba bubabaim ba.

Pa leba abuluan tavuk ila puvuvui gare migana la unum na lalabie are Morowa la businguala, bumaning narit dalap ga mirie papap buam ga loup buam la memaning narit dalap. Ga iruo olabuan a poi ang, Iesu Karisito la oduratong kirinim buong gano ga bubabaim.

Leba bumama, “Tale bumaning kirinim.” Tie eba makarabutbuala dalap buo kan. Eva, ties migat la tale iot na dalap buo.

Tie, urio ties la papto aun Karisito ga ovaikpang me miun la are ro: Morowa irie lalabie ga karuk o arubu ba la iot ira a. Tie, leba bumama, “Mating narit dalap ga Morowa”, pa akosarbuong tavuk ila kire gare migana la unum na arubu, tie urio ties buong la kakarabu ga tale bunum maset na tavuk o ties migat.

Leba bumama, “Tale kan okosarbuong kirinim ba buong,” tie na urio ties buiva Morowa gare migana o kakarabunim. Muana la tiesong ara bubuo ganam la okosarbuong kirinim. Are ratmat ga tale iot ties ang na dalap buo.