Popular Bible Verses from Romɨ 6

Share

Sare' dare'nesɨ. Kayaa'nanya' gannya yaasɨwa'wawɨnyaraavɨ kumɨre wawɨnya'ne tɨvɨkɨta wɨjaavadesɨ. Tɨvɨkɨta sa' yune naanga balya sahɨrɨ'na. Nabaai Gotɨyare gaimwanga tewaanya' yange' wɨjaavɨna neyadelyɨ. Sa' gaala yuyagaa' yuyagaa' mwaalya'ne'na. Kɨraazɨtɨyai Jizaazai nemɨre Naangerɨ wɨlamwaalajavɨ gaala daza' nejaavade'nanyɨ.

Sare' dare'nesɨ. Kayaa'nanyabwi sarɨmɨre naangebwi mwaranna! Ayahi mamareyɨhɨmwaalannera! Sare' dare'nesɨ. Dahaa' sarɨmɨ Kɨwɨnyaburɨ kwaakewɨ mamwaalyɨga'. Aawa. Sarɨmɨ Gotɨyare yanga gaimwanga tewaanyaburɨ kwaakewɨ mwaaiha'.

Sarevɨdaa'nyɨ bavɨtaazɨyavɨ nemɨ gamɨjɨ ye'mwannabaidaa yɨ Kɨraazɨtɨyarɨjɨ ye'mwannayɨrakuralɨkirakya neya'. Nɨmware byaanna dɨragɨnyasɨ kavi'nɨnnyavɨ Kɨraazɨtɨyarɨ yɨdɨkaavakabaaibɨ' “Gaala mudɨkevɨ kaanya yamaryɨpɨka!” daka neye'mwannayɨrakuraneyɨdɨkaavakeinera.

Nabaai sarɨmɨre kɨlaaka yuyajɨkɨya sa kayaa'nanya saburɨna wana kayaa'na ya'ne sangɨ kuna mujaavɨpɨna! Aawa. Sarɨmɨre kɨlaaka yuyajɨkɨya sa yɨda'maraanga saburɨna wana nawɨ'nya ya'ne sangɨ duzaavɨnyɨla! Yɨ mena bainɨkeihi kuna mamwaalyeva ayɨna gaala mwaaihasarabɨsaihi Gotɨyarɨna sarɨmɨnyɨ nayaa duzaavɨnyɨla!

Sare' nemɨ dara yawɨ'manɨgo. Gotɨyai nemɨnyɨna “Kumɨre kɨlaakejɨkɨ kayaa'nanyabure dɨragɨnya' kayaaka yɨwawana!” kada' nemɨre sɨmunya aya yawaka sa' yɨsavɨri Jizaazarɨ tamesalyɨ ye'mwannabalakesɨ. Sarevɨ yɨ nemɨ kayaa'nanyabure wɨdayadaanyaina ayahi mamwalaanne'nanyɨ. Kayaa'nanyaburɨne dɨragɨnya' ayahi manemaremwaalanne'nanyɨ.

Sarebaaibɨ' sarɨmɨ kwaihi sarɨmɨnyɨne'na nayaa dara jawɨrila! “Kayaa'nanyabure dɨragɨnyavɨna nemɨ bainɨkeinera. Dɨragɨnya savɨ kwaakewɨ mula'naraanneine. Aawa. Kɨraazɨtɨyai Jizaazarɨ wɨlamwaidaa Gotɨyarɨne yaya' munyaba makɨlya'neina gaala mwalaadeine.”

Sarevɨdaa'nyɨ nemɨ be yagaala daathevaka? “ ‘Gotɨyare yanga gaimwanga tewaanya' naangaanga yɨma'nana!’ dawaajɨ nemɨ kayaa'nanyabwi kuna yaade'nanyɨ,” daathe' daaka! Arɨkewɨnyɨra! Nemɨ Kɨraazɨtɨyarɨ lɨmwagona kayaa'nanya saburɨne dɨragɨnyavɨna baloina navɨka myawɨryadaa pɨzɨ'gwa sareburɨ kuna gatha'dara mwalaadeinaavaka!

Sare' dara myawɨrijɨvanɨgava! Sarɨmɨnyɨ a'mwe pware yagaalya' mɨdɨnya'neihi yaasɨwa'wawɨnya'neihi wɨjaavɨnapɨjɨ yɨ sahwarɨ mɨdɨbɨzaihi sahware yaasɨwa'wawɨnyaihi dɨmwaalyideihɨlyɨ. Kayaa'nanya sabwi mɨdɨbɨzaihi sahɨrɨvɨ balyabwi yuna naanga dɨmaaryideihɨlyɨ. Gotɨyarɨ mɨdɨbɨzaihi sahɨrɨvɨ “Yɨda'maraangeigɨ nɨmɨreigɨnyɨ,” wɨja' dɨmaaryideihɨlyɨ.

“Su! Su!” Gotɨyarɨ dare'na wɨdaana! Sɨnnawɨ sarɨmɨ kayaa'nanyabure yaasɨwa'wawɨnyaihi mwaalesaihɨlyɨ. Kayaa'nanyaburɨne dɨragɨnya' yɨhɨmaremwaalakeihɨlyɨ. Kɨrɨ' yagaala nebulya' yɨhɨzɨwaakesa' sarɨnnya sɨmunyavɨ wakadɨvɨsavɨ nayaa pada'galamɨdɨdɨvɨkɨ. Gotɨyai kayaa'nanyaburɨne kalavuzɨwawɨnya sabwi yɨhyarasɨ'naka “Yɨda'maraanga sabure kalavuzɨwawɨnyavɨ wɨdaayadɨvɨsaihi dɨmwaalyɨla!” yɨhɨthakeihɨlyɨ.