Popular Bible Verses from 2 Timoti 1

Share

Sare' darevɨnyɨ. Gotɨyai gamɨre Kurya Tewaanyarɨ yanga nejaavakelyɨ. Kurya sai nemɨnyɨ lɨka ya'neinaavɨ nemwaaihadei mɨ'. Aawa. Sai dɨragɨnya mwaalya'neinaavɨ, nevu'nya'neinaavɨ, sɨmunya nayaa pada'galayawɨ'daa maremwaainya'neinaavɨ nemwaaihadelyɨ.

Gotɨyai sai mena nevadaihasamaarakei nemɨ tewaanyaina yɨma'nya'neinaavɨ jaka mena nejɨvwaramaarakelyɨ. Yɨ nemɨ tewaanya yagongɨna myawɨryada jaka sara nejɨvwaramaarakenna mɨ'. Aawa. Yune gamɨre yawɨsavɨdaa'nyɨ nemɨnyɨ yanga gaimwange'na neyada nemɨnyɨ jaka sara nejɨvwaramaarakelyɨ. Sɨnnawɨ kɨgaakuna, Gotɨyai Kwaakeva' mwakyaakegaa' Kɨraazɨtɨyai Jizaazarɨna yanga gaimwanga daza' nemɨnyɨna nejaaya'neinaavɨ nedahɨlakyaakelyɨ.

Sare'na nɨmɨ “Gɨmɨre sɨmunya' dɨhaa'bwarɨma!” dadɨ yɨvanɨge. Yɨ Gotɨyare yanga daza' sɨhumale' gwarɨke'na jawɨ'de'nanyɨ. Kɨgaa' nɨmɨ gɨmɨre mɨnyagɨnyavɨ asɨraai kilagwake Gotɨyarɨ yanga daza' maaragɨnyaigɨnyɨ. Dahaa' gɨmɨ a'mwei dɨke' pwa'nyɨ ya'daa'nyɨ naanga yɨdamakidevaaibɨ' Gotɨyare wawɨnya ya'neigɨ gɨnnya yanga daza' naanga gɨrya'ne' yawɨradɨkaa'na ja!

Sarevɨdaa'nyɨ nemɨre Naangerɨna jalɨkurakya'na gɨmɨ wagɨla magɨvwa'nannera! Nabaai nɨmɨnyɨnajɨ sahwarɨna kalavuzangevɨ nyɨrakesainyɨna wagɨla magɨvwa'nannera! Aawa. Gɨmɨ Gotɨyare dɨragɨnya' maara'gɨzɨya'na yagaala tewaanya' wɨgaimwagya'neigɨ nɨmɨjɨ taanga dɨnye'mwannamaaka!

Sare'na nabaai taanginya daza' a'mwera nyɨjaavadɨvɨsainyɨ. Kɨrɨ' nɨmɨ dazavɨna wagɨla nyɨvwa'nadeinyɨ mɨ'. Sare' darevɨnyɨ. Nɨmɨ dɨragɨnna lɨmwaga'dɨnya dazarɨna mena yawɨ'dɨnyainyɨ. Nabaai yagaala tewaanya nɨmɨre asɨrɨ nyakaka dazavɨ sai dame yɨnɨga wi'na daavannei midaaka! Yɨ nebwina sara yawɨ'dɨnyainyɨ. Yɨ nabaai daza' yuyagaa' nayaa warɨbainada yune Yɨrɨka naanga yɨma'naabathe sagaa'na. Warɨbainadesɨ.