Popular Bible Verses from 2 Koridɨ 11

Share

Yɨ dazavɨne'na sarɨmɨ atɨka mamaru'napɨna! Sare' dare'nesɨ. Saataanɨ gamɨ sai gannya kwaasɨyabwi marovinada yune kɨlaakejɨkɨnanya' sai baakevɨya ejelɨyaibɨ' yɨma'nadelyɨ. Sasare savɨdaa'nyɨ gamɨre wɨdaayadɨvɨta a'mwera kwarajɨ kumɨrebwi kwaasɨ marovinya yadɨvɨ' a'mwe yɨda'maraangebwi yadɨvɨsarabɨsara kwaasɨ yɨma'nadɨvɨsa' naange' daaka! Yɨ a'mwe sahwara dɨvidaa'nyɨ kumɨre kwaasɨ yadɨvɨta sabwina tɨvɨkɨta kayaa'nanya maapɨ'dere. Kumɨre aayagaa'ne' kayaa'nanya sahɨrɨ' warɨ'.

Kɨrɨ' nabaai nɨmɨ lɨka dara yɨwa. Kamaala sai kwaasɨya sabwina sɨmunya naanga yawɨ'dei sɨnnawɨ kɨgaa' Yɨvavɨ kwaasɨ yagaala sa' wɨjaakabaaibɨ' sasare sabwi nayɨhima'nadɨka! Sarɨmɨre sɨmunyangɨ yune Kɨraazɨtɨyarɨne yawɨta dazabulyɨ yune gamɨnyɨna tewaanna yɨda'na yɨhɨvu'nya dazabulyɨ yɨhwarɨkebulyɨ. Akai, sarevɨna sarɨmɨre sɨmunya sa kayaaka nayɨhigalakadɨka! Nɨmɨ daza'na lɨka yɨvanɨge.

Nabaai nɨmɨ yevɨna “Kwalaalyanna dɨjɨ,” yawɨ'mujainyɨ yɨ nɨmɨ dara dɨdeinyɨ. Nɨmɨ dɨragɨnya maayainyɨra. Yɨ dazavɨna nɨmɨnne yaya' munyaba nayaa makɨlɨdeinyɨ.