Popular Bible Verses from 1 Koridɨ 6

Share

Sarɨmɨ da'na myawɨrijɨwaa'! “Sarɨmɨre kɨlaakejɨ' yɨ Kurya Tewaanyai wɨlayɨhɨmwaalɨkere anga nawɨ'nyasɨ.” Gotɨyarɨneba Kurya sai kɨnɨnnakeihɨlyɨ. Sarɨmɨ sahwaihi yune sarɨmɨnyɨneihi mɨ'. Aawa. Sare' darevɨnyɨ. Gotɨyai nɨgwia naangesɨ sarɨmɨnyɨ ayahi yɨhɨmubamaarakelyɨ. Sare'na sarɨnnya kɨlaakejɨkaavɨ Gotɨyarɨne yaya' munyaba nayaa dɨmakɨlyɨla!

Sarɨmɨ dathavɨna myawɨrijɨwaa'! “A'mwe kayaa'nanyabwi yadɨvɨsara Gotɨyare maremwaaide' sa' maapɨ'dera mɨ'.” Akai, sarɨmɨ yune sarɨnnya sɨmunyangɨna kwaasɨ nadakɨnɨpɨdɨka! Yɨ darebulyɨ. A'mwe yaasɨwa'na marɨdaakunadɨvɨsarajɨ yɨ a'mwe kwaasɨ gotɨya yɨta, sɨla saraavɨ mɨdɨdɨvɨsarajɨ yɨ a'mwe pwaraavɨre a'mwengɨ ata lɨmwadɨvɨsarajɨ yɨ a'mwera kayaa'nanya wagɨla wɨvwa'nya'ne a'mwe pwarajɨ ye'mwannayadɨvɨsarajɨ yɨ kukerajɨ yɨ tɨganaarya yadɨvɨsarajɨ yɨ biyaaya pɨnɨ nadɨvɨ' yɨmaka widɨvɨsarajɨ yɨ a'mwera a'mwe pwaraavɨ yagaaibɨraizɨka wɨdangadɨvɨsarajɨ yɨ kuka yɨpalamaa'dɨvɨsarajɨ a'mwe sasare yuya dazara Gotɨyai maremwaaide' maapɨ'dera mɨ'.

Kayaa'na gɨrɨkita'nanyabwi sarɨmɨ yagalya'ma'na yapɨjɨ lɨkaanya dɨwila! Wagɨla yuya pɨnɨ a'mwera yɨpɨja, sa kɨlaakejɨkɨ mwasɨmagɨnyangɨ. Kɨrɨ' a'mwe yaasɨwa'na marɨdaakunyɨna yadei yɨ sai gannya kɨlaakejɨkɨ kusawɨnyavɨ kayaa'nanyabwi wɨjaavɨnadelyɨ. Sare'na sabwi mipɨnera!

“Yuya yɨwɨja nɨmɨ ya'neinyɨ kɨmaakɨya madakɨnyɨkengɨ.” Kɨrɨ' nabaai nyɨmaremwaalojɨ yuya sa a'mweraavɨ wɨgaimwade mɨ'. “Yuya ya nɨmɨ ya'neinyɨ kɨmaakɨya madakɨnyɨkengɨreva.” Kɨrɨ' nabaai nɨmɨnyɨ aane pɨrɨ' kɨrɨ' yɨwɨja' dɨvi wɨla nanyɨradɨka!

Gotɨyai bainɨkeraayawɨdaa'nyɨ Naangerɨ yɨdɨkaavakelyɨ. Yɨ nabaai dɨragɨnya' yune gannyavɨna nemɨre kɨlaakejɨka baidezɨkaavɨjɨ avaala sasara neyɨdɨkaavadelyɨ.