Popular Bible Verses from Prislovja 2

Bo o RAJ del e goďi a andral leskro muj avel o goďaveripen the o prindžaripen.

Čhavo miro, te prileha mire lava, a doľikeraha, so tuke prikazinav, te šuneha oda, so hin goďaver, a kameha oleske te achaľol, te tuke mangeha o goďaveripen a te zorales vičineha, hoj te achaľos, te oda rodeha avke sar o rup a kameha oda te arakhel avke sar o garudo barvaľipen, akor achaľoha, so hin e sveto dar le RAJESTAR, a arakheha o prindžaripen pal o Del.

Ov pomožinel olenge, ko hine čačipnaskre, a chraňinel olen, ko dživen žužes; ov stražinel olen, ko pes ľikeren mištes ke aver džene, a dodikhel pre ola, ko leske hine verna.

Bo o pačivale bešena andre phuv a o žuže anglo Del ačhena andre, ale o bijedevleskre ena avričhide a o napačivale ena avricirdle le koreňenca.

O goďaveripen tut zachraňinela la lubňatar; la avra džuvľatar, savi pes tuke guľarel le lavenca, savi omukľa le romes, saves peske iľa, sar sas terňi, a bisterďa pre zmluva, so kerďa anglo Del.